Doˆ-iˇ 29:14 - Akha

¹⁴ Ehˇ kʼawꞈ, mawˇ neˇ kʼoeˇ mawˇ-euˬ shaˬ jiˇ, baˆ kʼoˆ hawˇ-eu, baw uˇ baw ma deuˬ-ahˇ sehˬ gʼawˆ-euˬ laꞈ nyiˇ paw keuˬ puiˆ-awˬ. Heu-aˬ, piˇ ma deuˬ-euˬ iˬ baˇ shawˇ-eu lawˇ-euˬ jeˬ pyeuꞈ-eu meh.

Doˆ-iˇ 29:14 Referans Kwoze

Uˬ duˬ 4:21

Kʼoeˇ naˇ, aˬ yawꞈ-euˬ iˬ baˇ gʼaˇ duˬ lawˇ-euˬ mawˇ neˇ mawˇ gaw kʼoeˇ mawˇ-ahˇ dzah puiˆ-euˬ loꞈ-ehˇ, heu mawˇ-ahˇ kʼawꞈ, Sehˬ gʼawˆ laꞈ nyiˇ yuˇ doˆ-awˇ, ya dzah puiˆ meh. Heu-aˬ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ yuˇ dzeh-eu gʼaˇ duˬ lawˇ-eu jeˬ pyeuꞈ-eu meh.

Eˇzaˬlaˬ 8:35

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ dawˬ tawˆ luꞈ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ lawˇ nehˬ-eu gʼaˇ duˬ, miˬ dzaˬ-ahˇ dzah puiˆ-awˇ lawˇ-eu jeˬ yuˇ laꞈ-euˬ meh. Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ mawˇ neˇ tseˇ nyiꞈ mawˇ lawˇ-euˬ meh. Yawˇ aˬ buˬ gʼoeˬ tseˇ koꞈ mawˇ hawˇ-eu yawˇ zaˬ shiꞈ tseˇ shiꞈ mawˇ kʼawꞈ aˬ yawꞈ maꞈ lawˇ-euˬ meh. Kʼoeˇ uˬ taꞈ, aˬ yawꞈ maꞈ-euˬ iˬ baˇ shawˇ-eu gʼaˇ duˬ ciꞈ myehꞈ tseˇ nyiꞈ mawˇ lawˇ-euˬ meh. Jeˬ zaˬ heu deuˬ dawˬ tawˆ luꞈ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

2 Laˬsaˬbaˬ 29:24

Kʼoeˇ naˇ, miˇ kʼahˬ zaˬ dawˬ tawˆ luꞈ iˬ baˇ buˬ-iˇ ni, piˇ ma deuˬ ciꞈ myehꞈ kʼoeˇ deuˬ-ahˇ sehꞈ-awˇ, lawˇ duˬ kʼoeˇ taˆ ciꞈ myehꞈ shiˬ shehˆ daˆ-awˇ lawˇ-euˬ meh. Aˬ jeˬ miˇ neh ehˇ naˇ, “Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ miˬ dzaˬ dzah puiˆ-awˇ lawˇ-eu jeˬ hawˇ-eu iˬ baˇ shawˇ-eu lawˇ-eu jeˬ lawˇ-awˬ” lehˇ, sahˬ paˬ Heˬsaˬgiˇ neh dawˬ biꞈ taˬ-euˬ meh.

Doˆ-iˇ 30:10

Iˬ baˇ ya buˬ-iˇ ni, tiˬ kʼoꞈ tiˬ poˆ sehꞈ-awˇ lawˇ-euˬ jeˬ zaˬ-eu shiˬ yuˇ-awˇ, lawˇ duˬ kʼoeˇ hmˬ-euˬ uˬ coeˇ oeˬ kahˬ-ahˇ toeˬ lehꞈ-eu laꞈ kʼoeˇ, lawˇ duˬ shawˇ-eu zahˇ Aˬloˬ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, yawˬ kʼoꞈ na luꞈ kʼoeˇ loꞈ-ehˇ ya mˇ meh. Lawˇ duˬ heu hmˬ-aˬ, maˇ maˇ ni shawˇ jehˆ ni gʼeh-awˇ, Sahˬpaˬ Miˬyehˇ pyeuꞈ-eu ngaˬ-ahˇ damˬ nehˬ taˬ-euˬ lawˇ duˬ ya bi pyeuꞈ meh.”

Bawˇtsahˬ 7:16

iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

Uˬ duˬ 16:27

Iˬ baˇ shawˇ-eu lawˇ-eu jeˬ gʼaˇ duˬ maˬ ehˇ, Muiˬ dui Shawˇ dui dui-eu Jawˇ duˬ-ahˇ shiˬ yuˇ ahˇ gʼeh-eu gʼaˇ duˬ maˬ ehˇ, sehꞈ-euˬ mawˇ neˇ mawˇ gaw hawˇ-eu ciꞈ myehꞈ-ahˇ pu pu dzeˇ baꞈ doˆ-awˇ, ya dzah puiˆ dzeh meh. Baˆ kʼoˆ maˬ ehˇ, shaˬ jiˇ maˬ ehˇ, baw uˇ baw ma dawˬ tawˆ luꞈ maˬ ehˇ, ya dzah puiˆ dzeh meh.

Uˬ duˬ 16:11

Aˬ yawꞈ-euˬ iˬ baˇ hawˇ-eu aˬ yawꞈ-euˬ miˬ sawˇ zaˬ deuˬ-euˬ iˬ baˇ gʼaˇ duˬ, mawˇ neˇ mawˇ gaw kʼoeˇ mawˇ sehꞈ-awˇ, iˬ baˇ shawˇ-eu lawˇ-eu jeˬ Aˬloˬ lawˇ ngeh,

Uˬ duˬ 16:3

Iˬ baˇ shawˇ-eu lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ hawˇ-eu, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ yawˇ aˬ buˬ tiˬ mawˇ yuˇ laꞈ gʼaˬ ngeh hawˇ-eu, Muiˬ dui Shawˇ dui dui-eu Jawˇ duˬ kʼoeˇ tsahˇ laꞈ kʼoeˇ aˬ yawꞈ ya uˇ leˇ meh.”

Uˬ duˬ 9:2

Aˬloˬ-ahˇ Moˇseˬ ehˇ nehˬ-eu, “Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu maˇ byawꞈ maˬ baw-eu yawˇ aˬ buˬ tiˬ mawˇ tsahˇ-awˇ, Sahˬpaˬ Miˬyehˇ-ahˇ lawˇ nehˬ-awˬ. Mawˇ neˇ mawˇ-ahˇ iˬ baˇ shawˇ-eu lawˇ-eu jeˬ gʼaˇ duˬ lawˇ-awˇ, yawˇ mawˇ-ahˇ miˬ dzaˬ dzah puiˆ-awˇ lawˇ-eu jeˬ gʼaˇ duˬ lawˇ-awˬ.

Uˬ duˬ 8:17

Baˆ kʼoˆ, shaˬ jiˇ hawˇ-eu baw uˇ baw ma ahˇ leˇ-ehˇ, mawˇ neˇ kʼoeˇ mawˇ laꞈ kʼoeˇ kʼaˇ dzehˬ laˇ-euˬ jeˬ dawˬ tawˆ luꞈ aˬ yawꞈ yuˇ-awˇ, Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, pu pu dzeˇ keuˬ puiˆ dzeh-euˬ meh.

Uˬ duˬ 6:25

Iˬ baˇ shawˇ-eu lawˇ-eu jeˬ-ahˇ taꞈ leˇ-eu zahˇ sahˇ kʼoꞈ heu deuˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ nehˬ-awˬ. Miˬ dzaˬ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ pyeuꞈ-eu, lawˇ duˬ-euˬ laꞈ taˆ paw pyawˬ kʼoeˇ tsahˇ-ahˇ, iˬ baˇ shawˇ-eu lawˇ-eu jeˬ zaˬ ya sehꞈ meh. Heu-aˬ, muiˬ dui shawˇ dui dui-eu lawˇ-eu jeˬ pyeuꞈ-eu meh.

Uˬ duˬ 5:8

Piˇ ma jawˇ gaˇ, aˇ jiˇ kʼoeˇ nyiˬ mawˇ aˬ yawꞈ yuˇ laꞈ-awˇ, iˬ baˇ shawˇ-eu lawˇ-eu jeˬ aˬ hu ya bi lawˇ-eu meh. Piˇ ma gʼaˬ, aˇ jiˇ kʼoeˇ mawˇ-euˬ uˬ duˬ maˬ yeuꞈ tsehˆ ni, kawˬ lahˇ ngawˬ kʼehꞈ-awˇ,

Uˬ duˬ 5:6

Kʼoeˇ naˇ, aˬ yawꞈ-euˬ iˬ baˇ aˇ poeˬ, yawˇ a ma tiˬ mawˇ maˬ ngeuˇ naˇ, ciꞈ myehꞈ ciꞈ ma tiˬ mawˇ, Sahˬpaˬ Miˬyehˇ jawˇ gaˇ tsahˇ laꞈ-awˇ ya lawˇ meh. Piˇ ma gʼaˬ, tsawˇ haˬ kʼoeˇ gʼaˬ gʼaˇ duˬ lawˇ-eu shehˇ-eu jeˬ ya mˇ nehˬ meh.

Uˬ duˬ 4:32

Tsawˇ haˬ tiˬ gʼaˬ, iˬ baˇ tsiˬ shawˇ-eu lawˇ-eu jeˬ lawˇ-eu gʼaˇ duˬ yawˇ tsahˇ laꞈ ngeh, maˇ byawꞈ maˬ baw-eu yawˇ aˬ ma tiˬ mawˇ ya tsahˇ laꞈ meh.

Uˬ duˬ 4:29

Ciꞈ myehꞈ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, lawˇ duˬ-eu laꞈ taˆ paw jaˆ-eu miˬ dzaˬ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ kʼoeˇ tsahˇ-ahˇ, ciꞈ myehꞈ kʼoeˇ mawˇ-ahˇ aˬ yawꞈ ya sehꞈ meh.

Uˬ duˬ 4:25

Piˇ ma gʼaˬ, yawˬ ha-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ-euˬ dawˬ pehˬ-ahˇ aˬ yawꞈ ya shehˆ meh.

Uˬ duˬ 4:3

Piˇ ma yaw huiˬ gʼaˬ iˬ baˇ mˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ iˬ baˇ keuˆ le naˇ, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ aˬ yawꞈ tsahˇ laꞈ-awˇ, aˬ yawꞈ-euˬ iˬ baˇ gʼaˇ duˬ, Sahˬpaˬ Miˬyehˇ-ahˇ ya lawˇ meh.

Bawˇtsahˬ 19:5

Baˆ kʼoˆ, shaˬ jiˇ, shiˬ hawˇ-eu baw uˇ baw ma dawˬ tawˆ luꞈ ahˇ leˇ-ehˇ, mawˇ neˇ kʼoeˇ mawˇ mawˇ lah-ehˇ piˇ ma-euˬ mehˬ shi ya dzah puiˆ meh.

Yeˬsaˬgeˬlaˇ 43:21

Iˬ baˇ shawˇ-eu gʼaˇ duˬ lawˇ-euˬ mawˇ neˇ kʼoeˇ mawˇ nawˇ yuˇ-awˇ, Uˬ duˬ tahˬ nymˇ nymˇ ma-euˬ lahˇ laꞈ nyiˇ paw, tsaˬ tsoˆ taˬ-euˬ tsahˇ-ahˇ nawˇ ya dzah puiˆ meh.

Maˬlaˬkiˇ 2:3

Naw maꞈ-euˬ zaˬ deuˬ-ahˇ ngaˇ yaˬ kʼehˇ yaˬ-awˇ, naw maꞈ neh lawˇ-euˬ shehˇ-euˬ jeˬ zaˬ deuˬ-euˬ keˬ neh, naw maꞈ-euˬ baˬ ba-ahˇ ngaˇ sawˆ lehꞈ nehˬ-awˇ, keˬ-euˬ gawˬ jawˬ-ahˇ bi sheuˬ gʼeh ma.