Biblia Todo Logo
Bib sou entènèt

- Piblisite -




Doˆ-iˇ 29:13 - Akha

13 Kʼoeˇ naˇ, tsahˬ nahˬ uˇ jiˇ-ahˇ kʼaˇ dawꞈ-eu tsiˇ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ nyiˬ siˬ hawˇ-eu gʼawˬ siˬ-ahˇ dawꞈ-eu tsiˇ maˬ ehˇ, yuˇ-awˇ, lawˇ duˬ kʼoeˇ taˆ puiˇ-awˇ, ngaˬ-ahˇ lawˇ-awˬ.

Gade chapit la Kopi




Doˆ-iˇ 29:13
29 Referans Kwoze  

Lawˇ-eu tsawˇ haˬ kʼoeˇ gʼaˬ ehˇ-eu, “Aˬ dui yaw tsaˬ yaw dawˇ dawˇ-ehˇ jahˇ kaˇ-euˇ. Shaˬ tsuˇ jeˬ huˬ dzah puiˆ-awˇ lawˇ gʼaˬ miˇ tsa, nawˇ kʼaˇ geuꞈ mawꞈ-eu loꞈ-ehˇ yuˇ-awˬ.” Ehˇ kʼawꞈ, piˇ ma-euˬ gʼaˬ zaˬ kʼoeˇ gʼaˬ ehˇ-eu, “Toˆ-ehˇ maˬ geuꞈ. Nymˬ-mˇ mi naˆ-ehˇ biꞈ laꞈ-awˬ. Maˬ biꞈ laꞈ naˇ ceh doˆ geuꞈ ma.”


Naw maꞈ ngaˬ-euˬ gʼaˇ duˬ tsiˇ yaw saw maˬ zeuˇ-a. Jeˬ zaˬ-euˬ tsiˇ naw maꞈ yuˇ-awˇ, ngaˇ nui kʼahˇ shiˇ ni damˬ nehˬ laꞈ-euˬ maˬ jaˆ-a. Ehˇ kʼawꞈ, naw maꞈ neh mˇ-euˬ iˬ baˇ baˬ da neh, ngaˇ noeˬ shaˬ ni naw maꞈ jahˇ-awˇ, naw maꞈ neh mˇ-euˬ yaw lehˬ yaw ca jeˬ, ngaˬ-ahˇ shaˬ zahˬ laˆ naꞈ-euˬ meh.


Lawˇ-eu shehˇ-eu gʼaˇ duˬ ciꞈ myehꞈ hawˇ-eu yawˇ-ahˇ sehꞈ ngeh, shiˬ hawˇ-eu tsiˇ mi cehˇ-ahˇ lehꞈ leˇ-eu loꞈ-ehˇ, Sahˬpaˬ Miˬyehˇ-euˬ mi cehˇ-ahˇ, aˬ yawꞈ maꞈ-euˬ shiˬ hawˇ-eu tsiˇ lehꞈ leˇ tehꞈ-a. Bawˇzaˬlahˬ meuˬ-ahˇ aˬ yawꞈ kʼoeˇ loꞈ-ehˇ lawˇ nehˬ ngeh, Eˬdoˬ miˇ kʼahˬ-ahˇ jawˇ-eu tsawˇ haˬ deuˬ, sehꞈ gahˬ sehꞈ cu nehˬ gaˇ ya daˬ tehꞈ-a.


Sahˬpaˬ Miˬyehˇ ehˇ-eu, “Naw maꞈ neh lawˇ gahˬ shehˇ gahˬ taˬ-euˬ teu, ngaˬ-euˬ gʼaˇ duˬ aˬ jeˬ gaˇ dahˇ tsoeˬ ta. Yawˇ zaˬ dzah puiˆ-awˇ lawˇ nehˬ laꞈ gaˇ byuˇ laˇ taˬ-awˇ, jeˬ zaˬ-euˬ shaˬ tsuˇ-ahˇ maˬ haw nahˇ-ehˇ pyeuꞈ laˇ taˬ-euˬ miˇ-a. Mawˇ neˇ mawˇ gaw, yawˇ aˬ buˬ hawˇ-eu ciꞈ myehꞈ ciꞈ buˬ heu deuˬ-euˬ shiˬ-ahˇ, haw dehˆ mawˇ dehˆ laꞈ-euˬ miˇ-a.


Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.


Ehˇ kʼawꞈ, gʼaw beh beh-euˬ mawˇ neˇ mawˇ zaˬ, yawˇ zaˬ hawˇ-eu ciꞈ myehꞈ ciꞈ zaˬ heu deuˬ-ahˇ maˬ ya zeuˇ kʼoꞈ geuꞈ-a. Kʼoeˇ deuˬ-aˬ, maˇ maˇ ni ngaˬ-euˬ pyeuꞈ-awˇ, ngaˬ-ahˇ ya lawˇ meh. Jeˬ zaˬ kʼoeˇ deuˬ-euˬ shiˬ neh lawˇ duˬ-ahˇ byaˆ shehˬ-awˇ, tsiˇ deuˬ yuˇ-awˇ, ngaˇ nui ma tsaˬ-eu yaw saꞈ bi doˆ laˇ-eu dzaˬ dzaˬ dawˇ dawˇ lawˇ-eu jeˬ ya lawˇ meh.


Piˇ ma gʼaˬ jeˬ zaˬ-euˬ shiˬ yuˇ-awˇ, Sehˬ gʼawˆ-euˬ gʼoˆ kʼehˬ-ahˇ jaˆ-eu lawˇ duˬ-ahˇ ya byaˆ shehˬ meh. Kʼoeˇ naˇ, Sahˬpaˬ Miˬyehˇ nui ma tsaˬ-eu yaw saꞈ bi doˆ laˇ-eu gʼaˇ duˬ, jeˬ zaˬ-euˬ tsiˇ yuˇ-awˇ, miˬ dzaˬ-ahˇ ya dzah puiˆ meh.


Iˬ baˇ shawˇ-eu lawˇ-eu jeˬ lawˇ gaˇ geuꞈ-eu jeˬ zaˬ-euˬ tsiˇ yuˇ-awˇ, lawˇ duˬ kʼoeˇ taˆ ya dzah puiˆ meh.


Mawˇ neˇ kʼoeˇ mawˇ hawˇ-eu yawˇ kʼoeˇ mawˇ-ahˇ kʼaˇ dawꞈ-eu tsiˇ deuˬ Aˬloˬ yuˇ doˆ-awˇ,


Kʼoeˇ naˇ, Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, mawˇ neˇ kʼoeˇ mawˇ-euˬ tsiˇ, gʼawˬ siˬ hawˇ-eu, muiˬ dui dui-eu shaˬ tsahˬ ui cuiˆ yuˇ-awˇ, lawˇ duˬ kʼoeˇ taˆ dzah puiˆ-euˬ meh.


Yawˇ kʼoeˇ mawˇ-euˬ tsiˇ maˬ ehˇ, tsiˇ dawꞈ dui dui-eu dawˬ miˬ maˬ ehˇ, tsahˬ nahˬ uˇ jiˇ-ahˇ dawꞈ-eu tsiˇ dawˬ tawˆ luꞈ maˬ ehˇ, aˬ kuiˇ aˇ maˇ kuiˇ maˬ ehˇ, Moˇseˬ yuˇ-euˬ meh.


Tsahˬ nahˬ uˇ jiˇ-ahˇ dawꞈ-eu tsiˇ dawˬ tawˆ luꞈ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ hawˇ-eu kʼoeˇ gaˇ dawꞈ-eu tsiˇ maˬ ehˇ, Moˇseˬ yuˇ-awˇ, kʼoeˇ deuˬ dawˬ tawˆ luꞈ-ahˇ lawˇ duˬ kʼoeˇ taˆ dzah puiˆ-euˬ meh.


Tsiˇ kʼoeˇ-ahˇ piˇ ma gʼaˬ yuˇ-awˇ, lawˇ duˬ kʼoeˇ taˆ ya lawˇ meh. Ehˇ kʼawꞈ, kʼahˬ kʼoeˇ hmˬ-aˬ, piˇ ma deuˬ-euˬ gʼaˇ duˬ pyeuꞈ-eu meh.


Jeˬ zaˬ kʼoeˇ mawˇ-euˬ tsiˇ dawˬ tawˆ luꞈ yuˇ doˆ-awˇ, lawˇ duˬ kʼoeˇ taˆ ya lawˇ meh. Ciˇ dawꞈ dui dui-eu dawˬ miˬ maˬ ehˇ, tsahˬ nahˬ uˇ jiˇ deuˬ-ahˇ dawꞈ-eu tsiˇ deuˬ maˬ ehˇ,


Lawˇ duˬ kʼoeˇ taˆ doꞈ luꞈ-eu miˬ dzaˬ maˬ ya bi miˆ tsehˆ-a. yawˬ shawˬ na luꞈ, piˇ ma gʼaˬ miˬ dzaˬ ya gʼoˆ doꞈ lahˬ-awˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ ya lehˬ hmˬ meh. Kʼoeˇ naˇ, tsiˇ dzah puiˆ-awˇ, cawˬ cawˬ taꞈ-eu lawˇ-eu jeˬ ya lawˇ meh.


Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ yawˇ-euˬ tsiˇ deuˬ yuˇ doˆ-eu loꞈ-ehˇ, yawˇ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, Sahˬpaˬ Miˬyehˇ-ahˇ lawˇ nehˬ-eu dzaˬ dzaˬ dawˇ dawˇ lawˇ-eu jeˬ nehˬ-ehˇ tiˬ kawˆ loꞈ-ehˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.


Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ jeˬ zaˬ-euˬ tsiˇ deuˬ yuˇ doˆ-euˬ loꞈ-ehˇ, ciꞈ myehꞈ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ ni, ciꞈ myehꞈ kʼoeˇ mawˇ-ahˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.


Cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ jeˬ zaˬ-euˬ tsiˇ dzah puiˆ-euˬ loꞈ-ehˇ, ciꞈ myehꞈ kʼoeˇ mawˇ-euˬ tsiˇ yuˇ-awˇ, lawˇ duˬ kʼoeˇ taˆ aˬ yawꞈ ya dzah puiˆ meh. Kʼoeˇ loꞈ-ehˇ, piˇ ma iˬ baˇ aˇ poeˬ lawˇ-eu jeˬ lawˇ gʼaˬ ngeh, aˬ yuiꞈ geuꞈ-awˇ uˆ lahˇ-eu tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.


Piˇ ma gʼaˬ, aˇ jiˇ kʼoeˇ mawˇ-ahˇ lawˇ duˬ jaˆ gaˇ yuˇ gʼeh-awˇ, kawˬ lahˇ ya yeuꞈ tsehˆ meh. Kʼoeˇ naˇ, uˬ duˬ yuˇ-awˇ, lawˇ duˬ kʼoeˇ taˆ ya puiˆ meh. Aˇ jiˇ kʼoeˇ mawˇ-euˬ shiˬ nyehꞈ dzeˇ-awˇ, lawˇ duˬ-euˬ gaˇ dzeˇ paw ya bi yoeˇ lehꞈ meh.


Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.


Kʼoeˇ naˇ, aˬ yawꞈ maꞈ yuˇ luꞈ-eu kʼoeˇ deuˬ yuˇ doˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ taˬ-euˬ kʼoeˇ taˆ lawˇ daˆ gʼeh-awˬ. Lawˇ-eu heu jeˬ-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ ngaˇ nui ma tsaˬ-eu meh.


“Yawˇ aˬ buˬ kʼoeˇ mawˇ-euˬ tsiˇ maˬ ehˇ, tsiˇ dawꞈ myaˬ-eu dawˬ miˬ maˬ ehˇ, tsahˬ nahˬ uˇ jiˇ deuˬ-ahˇ dawꞈ-eu tsiˇ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ nyiˬ siˬ hawˇ-eu gʼawˬ siˬ-ahˇ dawꞈ-eu tsiˇ maˬ ehˇ, saˬ pyaˬ aˇ maˇ paw pyaˬ maˬ ehˇ, yehˬ doˆ-awˬ.


Yawˇ kʼoeˇ mawˇ mawˇ lah-ehˇ, lawˇ duˬ kʼoeˇ taˆ puiˆ-awˬ. Heu-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, lawˇ-euˬ yaw saꞈ kʼoeˇ-ahˇ ngaˇ nui ma tsaˬ-eu ma.


Shaˬ jiˇ kʼoeˇ-ahˇ yaw jmˬ-ehˇ maˬ ehˇ, caꞈ jaꞈ-awˇ neh maˬ ehˇ, maˬ ya dzaˬ-a. Ehˇ kʼawꞈ, uˬ duˬ, aˬ kuiˇ aˬ laꞈ hawˇ-eu tsahˬ nahˬ uˇ jiˇ dawˬ tawˆ luꞈ ahˇ leˇ-ehˇ, mawˇ lah ehˇ tehˬ ba-awˇ ya dzaˬ meh.


gʼawˬ siˬ hawˇ-eu, kʼoeˇ gaˇ dawꞈ-eu tsiˇ deuˬ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, yuˇ doˆ-awˇ ya lawˇ meh.


Swiv nou:

Piblisite


Piblisite