Doˆ-iˇ 29:10 - Akha

¹⁰ “Mawˇ neˇ mawˇ gaw kʼoeˇ mawˇ-ahˇ, ngaˇ jawˇ-eu sehˬ gʼawˆ mehˬ shi tsahˇ laꞈ-awˇ, mawˇ neˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ cawˬ daˆ-awˬ lehˇ Aˬloˬ hawˇ-eu aˬ yawꞈ-euˬ aˬ li deuˬ-ahˇ ehˇ nehˬ-awˬ.

Doˆ-iˇ 29:10 Referans Kwoze

Uˬ duˬ 8:14

Kʼoeˇ naˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, mawˇ neˇ mawˇ gaw zaˬ kʼoeˇ mawˇ Moˇseˬ tsahˇ laꞈ-awˇ, Aˬloˬ hawˇ-eu aˬ yawꞈ-euˬ aˬ li deuˬ mawˇ neˇ kʼoeˇ mawˇ kʼoeˇ taˆ aˬ laꞈ baꞈ daˆ-euˬ meh.

Uˬ duˬ 1:4

Kʼoeˇ naˇ, mawˇ neˇ kʼoeˇ mawˇ-euˬ uˬ duˬ kʼoeˇ taˆ aˬ yawꞈ-euˬ aˬ laꞈ ya baꞈ daˆ meh. Kʼoeˇ ngeh, aˬ yawꞈ-euˬ iˬ baˇ bi pi dzeh-eu gʼaˇ duˬ lawˇ-eu jeˬ pyeuꞈ-eu mawˇ neˇ kʼoeˇ mawˇ-ahˇ ha geuꞈ nehˬ tehꞈ-a.

Doˆ-iˇ 29:19

“Yawˇ aˬ buˬ yawˬ mawˇ yawˬ paˇ tsahˇ laꞈ-awˬ. Kʼoeˇ mawˇ-aˬ, a nehˬ-eu jeˬ gʼaˇ duˬ pyeuꞈ-eu meh. Yawˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ cawˬ daˆ-awˬ lehˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ ehˇ nehˬ-awˬ.

Doˆ-iˇ 29:15

“Yawˇ aˬ buˬ tiˬ mawˇ tsahˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ, yawˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ cawˬ daˆ-awˬ lehˇ ehˇ nehˬ-awˬ.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Uˬ duˬ 16:21

Aˬ yawꞈ-euˬ aˬ laꞈ nyiˬ laꞈ luꞈ ciꞈ myehꞈ kʼoeˇ mawˇ kʼoeˇ taˆ baꞈ daˆ-awˇ, kʼoeˇ-euˬ kʼoeˇ taˆ, Iˇsaˬleˬlaˆ tsawˇ haˬ deuˬ-euˬ maˬ muiˬ maˬ jaˬ-eu jeˬ maˬ ehˇ, iˬ baˇ deuˬ maˬ ehˇ, Sahˬpaˬ Miˬyehˇ-ahˇ puiˬ-eu jeˬ maˬ ehˇ, dawˬ tawˆ luꞈ ehˇ doˆ jiˇ-awˇ, ciꞈ myehꞈ kʼoeˇ mawˇ-euˬ uˬ duˬ-ahˇ dawˬ tawˆ luꞈ ya ciˬ pi nehˬ meh.

Uˬ duˬ 8:18

Kʼoeˇ naˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu gʼaˇ duˬ yawˇ aˬ buˬ yawˬ mawˇ yawˬ Moˇseˬ tsahˇ laꞈ-awˇ, Aˬloˬ hawˇ-eu aˬ yawꞈ-euˬ aˬ li deuˬ yawˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ baꞈ daˆ-euˬ meh.

Uˬ duˬ 3:2

Mawˇ neˇ kʼoeˇ mawˇ-euˬ uˬ duˬ-ahˇ tsawˇ haˬ kʼoeˇ gʼaˬ aˬ laꞈ baꞈ daˆ-awˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ, mawˇ neˇ kʼoeˇ mawˇ ya sehꞈ meh. Aˬloˬ-euˬ aˬ li piˇ ma deuˬ mawˇ neˇ kʼoeˇ mawˇ-euˬ shiˬ yuˇ-awˇ, lawˇ duˬ-euˬ oeˬ paw pyawˬ luꞈ-ahˇ ya byaˆ meh.

Doˆ-iˇ 29:11

Muiˬ-eu shawˇ-eu ngaˬ-euˬ jawˇ duˬ pyeuꞈ-eu sehˬ gʼawˆ gʼoˆ kʼehˬ kʼoeˇ tsahˇ-ahˇ, mawˇ neˇ mawˇ gaw kʼoeˇ mawˇ sehꞈ-awˬ.

Bawˇtsahˬ 8:12

Kʼoeˇ ngeh, mawˇ neˇ mawˇ gaw kʼoeˇ nyiˬ mawˇ-euˬ uˬ duˬ kʼoeˇ taˆ Leˬbiˇ tsawˇ haˬ deuˬ aˬ laꞈ ya baꞈ daˆ meh. Leˬbiˇ tsawˇ haˬ deuˬ bi muiˬ bi shawˇ laˇ-eu zahˇ jahˇ-eu gʼaˇ duˬ, mawˇ neˇ mawˇ gaw kʼoeˇ tiˬ mawˇ-ahˇ iˬ baˇ shawˇ-eu lawˇ-eu jeˬ lawˇ-awˇ, yawˬ mawˇ yawˬ-ahˇ miˬ dzaˬ dzah puiˆ-awˇ lawˇ-eu jeˬ ya lawˇ meh.

Yeˬsaˬgeˬlaˇ 43:23

Kʼoeˇ loꞈ-ehˇ nawˇ mˇ gʼaˬ ngeh, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu, yawˇ aˬ buˬ zaˬ tiˬ mawˇ ya lawˇ meh.

Uˬ duˬ 4:4

Mawˇ neˇ kʼoeˇ mawˇ sehˬ gʼawˆ gʼoˆ kʼehˬ-ahˇ aˬ yawꞈ tsahˇ laꞈ-awˇ, mawˇ neˇ-euˬ uˬ duˬ kʼoeˇ taˆ, aˬ yawꞈ-euˬ aˬ laꞈ ya baꞈ daˆ meh. Kʼoeˇ gaˇ, Sahˬpaˬ Miˬyehˇ mehˬ shi, mawˇ neˇ kʼoeˇ mawˇ aˬ yawꞈ ya sehꞈ meh.