Doˆ-iˇ 28:43 - Akha

⁴³ Ngaˇ jawˇ-eu sehˬ gʼawˆ-ahˇ uˇ laˇ ngeh maˬ ehˇ, piˇ ma geuꞈ-awˇ, muiˬ-eu shawˇ-eu jawˇ duˬ laꞈ kʼoeˇ lawˇ duˬ dawˬ peh le ngeh maˬ ehˇ, aˬ yawꞈ maꞈ laꞈ kʼoeˇ, shaꞈ dawˇ paˬ-ehˇ gʼeh-eu jeˬ pyeuꞈ doˆ laˇ-eu baˬ da neh maˬ ya shiˇ ni, Aˬloˬ hawˇ-eu aˬ yawꞈ-eu aˬ li deuˬ, aˬ myah luꞈ laꞈ di laꞈ deu kʼoeˇ ya dm meh. Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ gʼaˇ duˬ, aˬ myah luꞈ maˬ paˇ laˇ ni ya bi jaˆ-eu zahˇ sahˇ kʼoꞈ tiˬ jeˬ meh.

Doˆ-iˇ 28:43 Referans Kwoze

Doˆ-iˇ 27:21

Ngaˇ jawˇ-eu sehˬ gʼawˆ laꞈ kʼoeˇ, dawˬ ma saˇ jaˇ bahˬ keuˆ mehˬ shi gʼeu taw taˬ-euˬ saˬ paˇ paˇ ma-euˬ laꞈ nyiˇ paw, Aˬloˬ hawˇ-eu aˬ yawꞈ-euˬ aˬ li deuˬ tsiˇ kʼmˬ kʼoeˇ ya doꞈ taˬ meh. Ngaˬ-euˬ mehˬ shi, jawˇ duˬ kʼoeˇ tsahˇ-ahˇ, tsiˇ kʼmˬ kʼoeˇ uˬ ciꞈ uˬ bya bya ni ya bi doꞈ meh. Dawˬ heu dawˬ-aˬ, Iˇsaˬleˬlaˆ tsawˇ haˬ deuˬ hawˇ-eu, aˬ kaˇ aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ ya naˇ haˬ geuꞈ-eu dawˬ pyeuꞈ-eu meh.

Doˆ-iˇ 20:26

Dawˬ dzm tsoꞈ-eu lawˇ duˬ, ngaˬ-eu gʼaˇ duˬ naw maꞈ maˬ ya tsoˆ-a. Aˬ jeˬ miˇ neh ehˇ naˇ, dawˬ dzm-ahˇ naw maꞈ daˆ leˇ ngeh, shaꞈ dawˇ-eu jeˬ doˆ laˇ tehꞈ-a.

Uˬ duˬ 5:17

Tsawˇ haˬ tiˬ gʼaˬ na, maˬ noeˬ maˬ duˇ-ehˇ, Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ tiˬ dawˬ na-ahˇ puiˬ-eu laꞈ kʼoeˇ iˬ baˇ mˇ naˇ, iˬ baˇ aˇ poeˬ aˬ yawꞈ ya biꞈ tsoeˬ meh.

Bawˇtsahˬ 18:22

Iˇsaˬleˬlaˆ tsawˇ haˬ deuˬ Sehˬ gʼawˆ dawˬ peh maˬ paˇ ya laˇ meh. Kʼoeˇ miˇ neh, aˬ yawꞈ maꞈ kʼoeˇ taˆ shiˇ-eu jeˬ maˬ paˇ keuˆ le nya meh.

Uˬ duˬ 22:9

“Piˇ ma dawˬ tawˆ luꞈ, ngaˬ neh biꞈ taˬ-eu zahˇ sahˇ kʼoꞈ deuˬ-ahˇ ya caw teh meh. Kʼoeˇ loꞈ-ehˇ maˬ jahˇ naˇ, iˬ baˇ naꞈ-awˇ ya shiˇ tehꞈ-a. Aˬ jeˬ miˇ neh ehˇ naˇ, muiˬ-eu shawˇ-eu zahˇ sahˇ kʼoꞈ-ahˇ aˬ yawꞈ maꞈ maˬ caw teh-a. Ngaˇ-aˬ, aˬ yawꞈ maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ pyeuꞈ-eu ma.

Uˬ duˬ 17:7

Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.

Uˬ duˬ 5:1

Laꞈ oˆ paw ehˇ taˬ-euˬ gaˇ kawˆ heu deuˬ pyeuꞈ doˆ laˇ ngeh, iˬ baˇ shawˇ-eu lawˇ-eu jeˬ ya lawˇ meh. Tsawˇ haˬ tiˬ gʼaˬ na, yawˬ ha neh kʼaˇ ya gaˬ kʼaˇ ya mawˇ-euˬ jeˬ, yaˇ kʼaˬ daˇ-eu nymˇ-ahˇ saˇ kiˇ geuꞈ-awˇ ya ngehˬ ya tmˇ doˆ jiˇ meh lehˇ ehˇ taˬ-euˬ kʼawꞈ, yawˬ ha neh ya mawˇ-euˬ loꞈ-ehˇ maˬ ngehˬ maˬ tmˇ ni jawˇ naˇ, iˬ baˇ ya pi meh.

Bawˇtsahˬ 9:13

Ehˇ kʼawꞈ, tsawˇ haˬ aˬ geu gʼaˬ maˬ kaˬ, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ shawˇ-eu tsawˇ haˬ pyeuꞈ-eu uˬ taꞈ, gaˇ ma maˬ doˆ-iˇ-euˬ kʼawꞈ, Baˬsaˬkaˬ Bawˬ-iˬ maˬ gʼeh ni jawˇ naˇ, ngaˬ-euˬ tsawˇ haˬ lehˇ maˬ paˇ sawˇ nya meh. Aˬ jeˬ miˇ neh ehˇ naˇ, nah tsaˬ tsoˆ taˬ-euˬ aˇ yamˬ-ahˇ, ngaˬ-ahˇ lawˇ-eu shehˇ-eu jeˬ aˬ yawꞈ maˬ mˇ-a. Aˬ yawꞈ-euˬ iˬ baˇ baˬ da neh kʼaˇ pyeuꞈ laˇ-euˬ jeˬ-ahˇ aˬ yawꞈ ya daˬ meh.

Doˆ-iˇ 30:21

Aˬ yawꞈ maꞈ maˬ ya shiˇ-eu gʼaˇ duˬ, aˬ kuiˇ aˬ laꞈ ya dzuiꞈ shawˇ-eu jeˬ pyeuꞈ-eu meh. Heu-aˬ, aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ mˬ maˬ maˬ byaˆ zaˇ ziˇ ya mˇ-eu zahˇ sahˇ kʼoꞈ tiˬ jeˬ meh.”

Uˬ duˬ 16:13

Kʼoeˇ gaˇ, Sahˬpaˬ Miˬyehˇ-euˬ mehˬ shi, yaw saw jeˬ kʼoeˇ miˬ dzaˬ-ahˇ aˬ yawꞈ dawˆ puiˆ-awˇ, Dawˬ ma saˇ jaˇ Bahˬ keuˆ kʼmˬ pymˬ-ahˇ aˬ yawꞈ maˬ ya haw mawˇ-eu gʼaˇ duˬ, miˬ dzaˬ uˬ kʼoeˬ neh ya bi dehˬ kaˬ-eu meh. Aˬ jeˬ miˇ neh ehˇ naˇ, bahˬ keuˆ kʼmˬ pymˬ-ahˇ aˬ yawꞈ ya haw mawˇ naˇ, aˬ yawꞈ ya shiˇ meh.

Yeˬsaˬgeˬlaˇ 44:17

Uˬ duˬ tahˬ nymˇ nymˇ ma-euˬ laꞈ kʼoeˇ pu kaˬ-ahˇ le-eu gʼoˆ kʼehˬ-ahˇ aˬ yawꞈ maꞈ kʼaˇ uˇ leˇ ngeh, shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ aˬ yawꞈ maꞈ ya dm meh.

Uˬ duˬ 3:17

Iˇsaˬleˬlaˆ tsawˇ haˬ tiˬ gʼaˬ-iˬ, shaˬ tsuˇ hawˇ-eu shiˬ maˬ ya dzaˬ-a. Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ, mˬ maˬ maˬ byaˆ zaˇ ziˇ ya caw teh meh.

Uˬ duˬ 22:15

Dzaˬ-eu maˬ geuˇ-eu tsawˇ haˬ-ahˇ bi dzaˬ-eu laꞈ kʼoeˇ, lawˇ gʼaˬ-euˬ muiˬ-eu shawˇ-eu dzaˇ-ahˇpiˇ ma deuˬ yehˬ bawˬ sehˇ lu-ehˇ maˬ ya gʼeh-a. Kʼoeˇ loꞈ-ehˇ jahˇ naˇ, iˬ baˇ hawˇ-eu kʼehˬ-eu kʼaˆ-eu jeˬ, tsawˇ haˬ kʼoeˇ gʼaˬ kʼoeˇ taˆ keuˆ le tehꞈ-a. Ngaˇ-aˬ, lawˇ-eu shehˇ-eu jeˬ-ahˇ bi muiˬ bi shawˇ laˇ-eu Sahˬpaˬ Miˬyehˇ ma.”

Bawˇtsahˬ 15:15

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ maˬ ehˇ, naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, zahˇ sahˇ kʼoꞈ aˬ yawꞈ tiˬ hmˬ-ahˇ tehꞈ-ehˇ ya caw teh meh. Sahˬpaˬ Miˬyehˇ-euˬ mehˬ shi, naw maꞈ hawˇ-eu aˬ yawꞈ maꞈ tiˬ kawˆ meh.

Bawˇtsahˬ 18:8

Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-ahˇ kʼaˇ damˬ-euˬ muiˬ-eu damˬ-eu jeˬ laꞈ kʼoeˇ, miˬ dzaˬ dzah puiˆ-awˇ maˬ kʼaˇ lawˇ-euˬ jeˬ nawˬ-ahˇ ngaˇ biꞈ-euˬ meh lehˇ maˬ ngehˇ ni noeˬ taˬ-awˬ. Kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ taˬ-euˬ shaˬ bymˇ meh.

Bawˇtsahˬ 18:32

Muiˬ dzehˬ-eu deuˬ yuˇ doˆ-awˇ Sahˬpaˬ Miˬyehˇ-ahˇ naw maꞈ biꞈ gʼaˬ naˇ, dzeˇ-eu deuˬ-ahˇ naw maꞈ dzaˬ ngeh, naw maꞈ iˬ baˇ maˬ ahˇ-a. Ehˇ kʼawꞈ, muiˬ dzehˬ-eu deuˬ yuˇ doˆ-awˇ maˬ lawˇ mi naˆ-ehˇ dzaˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ neh damˬ-euˬ muiˬ-eu shawˇ-eu jeˬ-ahˇ maˬ ya laˆ jawꞈ-eu gʼaˇ duˬ yahˇ-awˬ. Kʼoeˇ loꞈ-ehˇ jahˇ naˇ, naw maꞈ sehꞈ gaˇ ya daˬ tehꞈ-a.”