Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.
Doˆ-iˇ 28:38 - Akha38 Sahˬpaˬ Miˬyehˇ pyeuꞈ-eu ngaˬ-ahˇ, Iˇsaˬleˬlaˆ tsawˇ haˬ deuˬ lawˇ-eu shehˇ-eu jeˬ mˇ ngeh, tiˬ jeˬ paˬ laˆ lehˬ-eu baw kʼawꞈ, aˬ yawꞈ maꞈ-euˬ lawˇ-eu shehˇ-eu jeˬ-ahˇ ngaˇ ha geuꞈ nya ni, Aˬloˬ-euˬ naˇ kʼawˇ kʼoeˇ taˆ, daˇ gʼawˆ kʼoeˇ hmˬ ya geuꞈ taˬ meh. Gade chapit la |
Doˆ-iˇ 28:38
21 Referans Kwoze
Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ jawˇ-eu Sehˬ gʼawˆ-ahˇ gaˇ mˇ-eu laꞈ kʼoeˇ iˬ baˇ doˆ laˇ naˇ, iˬ baˇ kʼoeˇ baˬ da neh kʼaˇ keuˆ le-eu jeˬ-ahˇ, nawˇ hawˇ-eu nawˬ-euˬ aˬ li deuˬ hawˇ-eu Leˬbiˇ tsawˇ haˬ deuˬ tehꞈ-ehˇ ya daˬ meh. Ehˇ kʼawꞈ, piˇ ma deuˬ mˇ-eu gaˇ laꞈ kʼoeˇ iˬ baˇ doˆ laˇ naˇ, nawˇ hawˇ-eu nawˬ li deuˬ tehꞈ-ehˇ ya daˬ meh.
ngaˬ-euˬ muiˬ-eu shawˇ-eu gawˬ jawˬ-ahˇ sheuˬ daˆ-awˇ, ngaˬ-euˬ guiˬ lahˬ shaˇ nymˇ laꞈ kʼoeˇ, aˬ yawꞈ maꞈ-ahˇ ngaˇ laˬ kʼaˬ bi cehˇ ma. Aˬ yawꞈ maꞈ neh lawˇ-euˬ shehˇ-euˬ jeˬ-ahˇ, ngaˬ-euˬ lawˇ duˬ kʼoeˇ taˆ ngaˇ ha geuꞈ ma. Ngaˬ-euˬ Uˬ duˬ tahˬ nymˇ nymˇ ma heu-ahˇ, tsawˇ jeuˬ dawˬ tawˆ luꞈ-euˬ uˬ duˬ tahˬ nymˇ lehˇ myahˇ tehꞈ-a.”
“Piˇ ma dawˬ tawˆ luꞈ, ngaˬ neh biꞈ taˬ-eu zahˇ sahˇ kʼoꞈ deuˬ-ahˇ ya caw teh meh. Kʼoeˇ loꞈ-ehˇ maˬ jahˇ naˇ, iˬ baˇ naꞈ-awˇ ya shiˇ tehꞈ-a. Aˬ jeˬ miˇ neh ehˇ naˇ, muiˬ-eu shawˇ-eu zahˇ sahˇ kʼoꞈ-ahˇ aˬ yawꞈ maꞈ maˬ caw teh-a. Ngaˇ-aˬ, aˬ yawꞈ maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ pyeuꞈ-eu ma.
Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.
Geˬdaˬ meuˬ hawˇ-eu Neˬbaˬyoˇ meuˬ-ahˇ kʼaˇ jawˇ-eu yawˇ deuˬ, lawˇ-eu shehˇ-eu gʼaˇ duˬ nawˇ jawˇ gaˇ teh keuˆ laꞈ jiˇ-awˇ, lawˇ duˬ kʼoeˇ taˆ Sahˬpaˬ Miˬyehˇ-ahˇ ya lawˇ nehˬ tehꞈ-a. Sahˬpaˬ Miˬyehˇ aˬ yawꞈ-euˬ Uˬ duˬ tahˬ nymˇ nymˇ ma-ahˇ, dzeuˇ laˇ ngeh naˆ maˬ tseˇ yaw shehꞈ kʼahˬ sehˇ bi huiˬ tehꞈ-a.
Ngaˇ jawˇ-eu sehˬ gʼawˆ-ahˇ uˇ laˇ ngeh maˬ ehˇ, piˇ ma geuꞈ-awˇ, muiˬ-eu shawˇ-eu jawˇ duˬ laꞈ kʼoeˇ lawˇ duˬ dawˬ peh le ngeh maˬ ehˇ, aˬ yawꞈ maꞈ laꞈ kʼoeˇ, shaꞈ dawˇ paˬ-ehˇ gʼeh-eu jeˬ pyeuꞈ doˆ laˇ-eu baˬ da neh maˬ ya shiˇ ni, Aˬloˬ hawˇ-eu aˬ yawꞈ-eu aˬ li deuˬ, aˬ myah luꞈ laꞈ di laꞈ deu kʼoeˇ ya dm meh. Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ gʼaˇ duˬ, aˬ myah luꞈ maˬ paˇ laˇ ni ya bi jaˆ-eu zahˇ sahˇ kʼoꞈ tiˬ jeˬ meh.
Piblisite