Doˆ-iˇ 28:37 - Akha

³⁷ Daˇ gʼawˆ kʼoeˇ hmˬ-ahˇ, nyoeˇ leuˬ leuˬ-eu saˬ kahˇ neh, uˬ dzahˬ-euˬ mehˬ shi paꞈ tawꞈ taˬ-awˬ.

Doˆ-iˇ 28:37 Referans Kwoze

Zaˬkaˬliˇ 3:5

Yawˇshuˆ-ahˇ uˬ dzahˬ yaw shawˇ bi dzahˬ-eu gʼaˇ duˬ, aˬ yawꞈ mehˬ shi yawꞈ luꞈ-eu kʼoeˇ deuˬ-ahˇ aˬ yawꞈ dawˬ biꞈ ngeh, aˬ yawꞈ maꞈ Yawˇshuˆ-ahˇ uˬ dzahˬ bi dzahˬ-awˇ, mehˬ tsoeˬ yaw shuiꞈ bi dm-euˬ meh. kʼoeˇ ngeh, Sahˬpaˬ Miˬyehˇ-euˬ mˬ taˆ gʼaˬ kʼehˇ kʼoeˇ gʼaˬ kʼoeˇ gaˇ yawꞈ luꞈ-eu meh.

Bawˇtsahˬ 15:38

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. “Naw maꞈ-euˬ pehˇ kʼahˬ laꞈ coeˇ-ahˇ dawˬ sheuˇ guꞈ tsoꞈ-awˇ, dawˬ sheuˇ aˬ yawꞈ hmˬ yawꞈ-ahˇ nyoeˇ leuˬ leuˬ-eu saˬ kahˇ paꞈ-awˬ. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ aˬ myah luꞈ kʼoeˇ loꞈ-ehˇ jahˇ-awˬ.

Uˬ duˬ 8:9

Aˬ yawꞈ-euˬ uˬ duˬ-ahˇ uˬ dzahˬ bi dzahˬ-awˇ, Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, a nehˬ-eu gaˇ taꞈ leˇ-eu muiˬ-eu shawˇ-eu saˇ kiˇ pyeuꞈ-eu muiˬ-eu shawˇ-eu shuiˇ pehˇ gʼawˆ yuˇ-awˇ, uˬ dzahˬ-euˬ mehˬ shi paꞈ tawꞈ nehˬ-euˬ meh.

Doˆ-iˇ 29:6

Aˬ yawꞈ-ahˇ uˬ dzahˬ bi dzahˬ-awˇ, ‘Sahˬpaˬ Miˬyehˇ-ahˇ a nehˬ taˬ-euˬ’ lehˇ boꞈ taˬ-euˬ muiˬ-eu shawˇ-eu pehˇ gʼawˆ kʼoeˇ hmˬ uˬ dzahˬ-ahˇ paꞈ tawꞈ nehˬ-awˬ.

Doˆ-iˇ 28:31

“Pehˇ kʼahˬ pehˇ nymˇ kʼoeˇ taˆ dm daˆ-eu pehˇ kʼahˬ pehˇ mahˇ-ahˇ, nyoeˇ leuˬ leuˬ-eu saˬ kahˇ neh ya zaꞈ meh.

Doˆ-iˇ 28:28

Kʼahˬ-ahˇ dehˬ daˬ duˬ kʼoeˇ maˬ ga ka le-ehˇ, joꞈ paꞈ-euˬ kʼoeˇ taˆ paw jaˆ ziꞈ nya ni, kʼahˬ-ahˇ dehˬ daˬ duˬ-ahˇ tsoꞈ-eu shuiˇ laꞈ behˬ deuˬ hawˇ-eu, pehˇ kʼahˬ pehˇ nymˇ-ahˇ tsoꞈ-eu shuiˇ laꞈ behˬ deuˬ-ahˇ, nyoeˇ leuˬ leuˬ-eu aˇ caˆ neh paꞈ tawꞈ-awˬ.

Doˆ-iˇ 28:4

Kʼahˬ-ahˇ dehˬ daˬ duˬ, pehˇ kʼahˬ pehˇ nymˇ, pehˇ kʼahˬ pehˇ mahˇ, aˇ boꞈ boꞈ taˬ-euˬ pehˇ kʼahˬ, uˬ dzahˬ, dzoꞈ tsiˬ, heu deuˬ guꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li deuˬ, ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, piˇ ma-euˬ dm gʼaˬ dm lmˇ deuˬ ya guꞈ nehˬ meh lehˇ aˬ yawꞈ maꞈ-ahˇ nawˇ ehˇ nehˬ-awˬ.

Doˆ-iˇ 28:36

“Maˇ jawˆ ni gʼeh-eu shuiˇ neh, daˇ gʼawˆ tiˬ gʼawˆ jahˇ-awˇ, Sahˬpaˬ Miˬyehˇ-ahˇ a nehˬ taˬ-euˬ lehˇ toeˬ boꞈ taˬ-awˬ.

Doˆ-iˇ 28:38

Sahˬpaˬ Miˬyehˇ pyeuꞈ-eu ngaˬ-ahˇ, Iˇsaˬleˬlaˆ tsawˇ haˬ deuˬ lawˇ-eu shehˇ-eu jeˬ mˇ ngeh, tiˬ jeˬ paˬ laˆ lehˬ-eu baw kʼawꞈ, aˬ yawꞈ maꞈ-euˬ lawˇ-eu shehˇ-eu jeˬ-ahˇ ngaˇ ha geuꞈ nya ni, Aˬloˬ-euˬ naˇ kʼawˇ kʼoeˇ taˆ, daˇ gʼawˆ kʼoeˇ hmˬ ya geuꞈ taˬ meh.