Doˆ-iˇ 28:2 - Akha

² Bi haw muiˬ-eu gʼaˇ duˬ maˬ ehˇ, aˬ cawˬ yaw zeu bi baw-eu gʼaˇ duˬ maˬ ehˇ, piˇ ma-euˬ dm gʼaˬ dm lmˇ deuˬ, Aˬloˬ-ahˇ guꞈ nehˬ-awˬ.

Doˆ-iˇ 28:2 Referans Kwoze

Uˬ duˬ 8:30

Moˇseˬ-aˬ, tseˇ doˆ-euˬ deuˬ-ahˇ lehꞈ-eu tsiˇ hawˇ-eu lawˇ duˬ kʼoeˇ taˆ jaˆ-eu shiˬ ui cuiˆ yuˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ maꞈ-euˬ mehˬ tsoeˬ-ahˇ maˬ ehˇ, byaˆ shehˬ nehˬ-euˬ meh. Kʼoeˇ loꞈ-ehˇ jahˇ-awˇ, aˬ yawꞈ maꞈ hawˇ-eu aˬ yawꞈ maꞈ-euˬ dm gʼaˬ dm lmˇ deuˬ, Sahˬpaˬ Miˬyehˇ-ahˇ Moˇseˬ a nehˬ-euˬ meh.

Doˆ-iˇ 31:10

Aˬloˬ hawˇ-eu aˬ yawꞈ-euˬ aˬ li deuˬ piˇ ma geuꞈ-awˇ gaˇ mˇ ngeh dm-eu gʼaˇ duˬ, haw muiˬ dui dui-eu dm gʼaˬ dm lmˇ deuˬ maˬ ehˇ,

Panmaeq 19:8

Dahˬ dzaˬ-iˇ-eu zaˬ miˬ gʼaˬ-ahˇ, yaw shehꞈ bya-eu paˇ pyuˇ paˇ shawˇ, bi dm-eu lehˇ jahˇ taˬ-euˬ meh.” (Paˇ pyuˇ paˇ shawˇ kʼoeˇ-aˬ, Miˬyehˇ-euˬ tsawˇ haˬ deuˬ neh mˇ-euˬ yaw tsaˬ yaw dawˇ jeˬ-euˬ dawˬ tsuiꞈ pyeuꞈ-eu meh.)

HeˬByehˇ 7:26

Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.

Yawˇbaˆ 40:10

Toˆ-ehˇ ngeuˇ naˇ, huiˬ dui mahˇ dui dui-eu jeˬ laꞈ kʼoeˇ tuˇ-awˇ, baoˬ yaw shehꞈ kʼahˬ sehˇ-ahˇ dm-awˬ.

Doˆ-iˇ 28:40

“Bi haw muiˬ-eu gʼaˇ duˬ maˬ ehˇ, aˬ cawˬ yaw zeu bi baw-eu gʼaˇ duˬ maˬ ehˇ, Aˬloˬ-euˬ aˬ li deuˬ gʼaˇ duˬ, pehˇ kʼahˬ, joꞈ tsiˬ hawˇ-eu, uˬ dzahˬ guꞈ-awˬ.

Panmaeq 5:10

Yawꞈ maꞈ Miˬyehˇ-euˬ gaˇ mˇ-eu, piˇ ma miˇkʼahˬ pyeuꞈ laˇ nya ni, nawˬ neh jahˇ nehˬ gʼaˬ-euˬ loꞈ-ehˇ, yawꞈ maꞈ miˇ tsaˬ heu-euˬ kʼoeˇ taˆ, uˆ lahˇ-eu deuˬ ya geuꞈ tehꞈ-a.”

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

2 Beˬtuˆluˆ 1:17

Dawˬ tawˆ kʼoeˇ taˆ yaw shehꞈ kʼahˬ sehˇ huiˬ-eu gʼaˬ jawˇ gaˇ neh, “Heu-aˬ, ngaˇ nui kʼahˇ shiˇ-eu, ngaˇ gaˬ dui dui-eu ngaˬ Li ma” lehˇ ehˇ doˆ leꞈ-awˇ, Aˬda Miˬyehˇ neh aˬ yawꞈ-ahˇ taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ biꞈ nehˬ ngeh, nga maꞈ kʼoeˇ gaˇ jawˇ luꞈ-eu ma.

HeˬByehˇ 2:9

Ehˇ kʼawꞈ, Miˬyehˇ-euˬ guiˬ lahˬ yaw dzahˇ baˬ da neh, tsawˇ haˬ yawˬ gʼaˬ na luꞈ gʼaˇ duˬ bi shiˇ dah-eu lehˇ, tiˬ kʼehˬ tiˬ yamˬ laꞈ kʼoeˇ mˬ taˆ gʼaˬ kʼehˇ deuˬ-euˬ laꞈ oˆ bi jawˇ-euˬ gʼaˬ pyeuꞈ-eu Yeˬsuˇ-ahˇ aˬ dui mawˇ-euˬ ma. Shiˇ gaˇ keuˆ ni aˬ yawꞈ ya daˬ gʼaˬ-euˬ miˇ neh, nymˬ-mˇ aˬ yawꞈ-ahˇ yaw shehꞈ kʼahˬ sehˇ huiˬ-eu ciˬ huiˬ ciˬ mahˇ-eu shuiˇ uˬ kʼoˆ bi kʼoˆ-euˬ gaˇ aˬ dui ya mawˇ luꞈ ma.

Gaˬlaˬtiˆ 3:27

Naw maꞈ Ka li laꞈ kʼoeˇ iˇ cuꞈ kʼaˇ shawˇ-euˬ deuˬ-aˬ, mehˬ tsoeˬ dm-eu loꞈ-ehˇ Ka li-ahˇ dm taˬ-euˬ gaˇ duˇ meh.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 4:2

Miˇ kʼahˬ heu kʼahˬ laꞈ kʼoeˇ, Sahˬpaˬ Miˬyehˇ sahˬ lahˬ aˇ bawˇ deuˬ paˇ bi jeˬ laˇ-awˇ, haw muiˬ dui dui-eu aˇ nah keuˆ le tehꞈ-a. Kʼaˇ dzeuˇ-iˇ-euˬ Iˇsaˬleˬlaˆ tsawˇ haˬ dawˬ tawˆ luꞈ, dzaˬ la gʼo cehˇ za dui dui le gaˇ kʼahˬ sehˇ ya jehˆ tehꞈ-a.

Jaceuq 149:4

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui kʼahˇ shiˇ-eu meh. Nui nahˬ nui yu ahˇ-eu deuˬ-ahˇ aˬ cawˬ kʼoeˇ taˆ bi gʼaˬ leˇ-eu laꞈ kʼoeˇ taˬ huiˬ taˬ mahˇ nehˬ-eu meh.

Jaceuq 132:16

Ziˇoˬ-euˬ piˇ ma deuˬ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˇ guiˬ lahˬ biꞈ nehˬ-awˇ, meuˬ zaˬ deuˬ laˬ kʼaˬ cehˇ-awˇ guˇ tehꞈ-a.

Jaceuq 132:9

Nawˬ-euˬ piˇ ma deuˬ aˬ myah luꞈ, yaw tsaˬ yaw dawˇ dawˇ-ehˇ mˇ-awˇ, nawˬ-euˬ tsawˇ haˬ deuˬ laˬ kʼaˬ cehˇ-awˇ guˇ luꞈ-uˇ.

Jaceuq 96:6

Baoˬ yaw shehꞈ kʼahˬ sehˇ aˬ yawꞈ-euˬ tiˬ jawˬ jaˆ-awˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ, baoˬ hawˇ-eu haw muiˬ-eu jeˬ byah luꞈ-eu meh.

Doˆ-iˇ 40:13

Aˬloˬ-ahˇ piˇ ma-euˬ dm gʼaˬ dm lmˇ bi dm-awˇ, tsiˇ lehꞈ nehˬ-awˬ. Ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, kʼoeˇ loꞈ-ehˇ jahˇ-awˇ, aˬ yawꞈ-euˬ gʼawˇ mawˇ ngaˬ-ahˇ a nehˬ laꞈ-awˬ.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Doˆ-iˇ 29:28

Ngaˬ-euˬ tsawˇ haˬ deuˬ, cawˬ cawˬ taꞈ-eu lawˇ-eu jeˬ lawˇ ngeh lawˇ nehˬ-eu jeˬ zaˬ-euˬ kʼahˬ hawˇ-eu shaˬ pyaˬ-aˬ, piˇ ma deuˬ-euˬ shaˬ bymˇ pyeuꞈ-eu meh. Heu-aˬ, tiˬ jawˇ-iˬ maˬ paˇ laˇ nya-eu ngaˬ neh noeˬ tsehˆ-euˬ jeˬ pyeuꞈ-eu ma. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ, ngaˬ-euˬ tsawˇ haˬ deuˬ neh biꞈ nehˬ laˬ-euˬ laꞈ sawˬ pyeuꞈ-eu meh.