Doˆ-iˇ 28:15 - Akha

¹⁵ “Miˬyehˇ nui ma tsaˬ-eu loꞈ-ehˇ ngehˬ ngeh tmˇ ngeh maˬ ehˇ, yaˇ kʼaˬ daˇ ngeh maˬ ehˇ, zmˬ-eu gʼaˇ duˬ, piˇ ma yaw huiˬ gʼaˬ-ahˇ, kʼahˬ-ahˇ dehˬ daˬ duˬ tiˬ hmˬ ya guꞈ nehˬ meh. Pehˇ kʼahˬ pehˇ nymˇ guꞈ gaˇ zmˬ-eu saˬ paˇ hawˇ-eu saˬ kahˇ kʼoeˇ jeˬ neh, guꞈ-awˇ, aˇ boꞈ kʼawꞈ kʼoeˇ loꞈ-ehˇ ya boꞈ meh.

Doˆ-iˇ 28:15 Referans Kwoze

Uˬ duˬ 8:8

Kʼoeˇ naˇ, kʼahˬ-ahˇ dehˬ daˬ duˬ bi dm-awˇ, Uˇleˬ hawˇ-eu Duˇmeˬ dawˆ ahˇ nehˬ-euˬ meh.

Doˆ-iˇ 28:30

Ngaˇ jawˇ gaˇ Aˬloˬ laˇ ngeh bi hehˇ laꞈ-eu gʼaˇ duˬ, kʼahˬ-ahˇ dehˬ daˬ duˬ laꞈ kʼoeˇ Uˇleˬ hawˇ-eu Duˇmeˬ dawˆ ahˇ taˬ-awˬ. Iˇsaˬleˬlaˆ tsawˇ haˬ deuˬ kʼoeˇ taˆ ngaˇ nui ma aˬ joˆ-ehˇ taˬ-euˬ aˬ yawꞈ siˬ nya-awˇ mˇ nya ni, ngaˇ jawˇ gaˇ kʼaˇ laˇ ngeh, kʼahˬ-ahˇ dehˬ daˬ duˬ heu hmˬ aˬ yawꞈ ya dm tehꞈ-a.

Doˆ-iˇ 28:6

“Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ, shuiˇ saˬ kahˇ hawˇ-eu, shawˇ jehˆ ni gʼeh-eu saˬ paˇ heu deuˬ neh, pehˇ kʼahˬ pehˇ nymˇ aˬ yawꞈ maꞈ guꞈ-awˇ, aˇ boꞈ ya boꞈ meh.

Doˆ-iˇ 28:4

Kʼahˬ-ahˇ dehˬ daˬ duˬ, pehˇ kʼahˬ pehˇ nymˇ, pehˇ kʼahˬ pehˇ mahˇ, aˇ boꞈ boꞈ taˬ-euˬ pehˇ kʼahˬ, uˬ dzahˬ, dzoꞈ tsiˬ, heu deuˬ guꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li deuˬ, ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, piˇ ma-euˬ dm gʼaˬ dm lmˇ deuˬ ya guꞈ nehˬ meh lehˇ aˬ yawꞈ maꞈ-ahˇ nawˇ ehˇ nehˬ-awˬ.

Doˆ-iˇ 26:1

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ tseˇ dzeh yuˇ-awˇ, Ngaˇ jawˇ-eu gʼaˇ duˬ, muiˬ-eu shawˇ-eu sehˬ gʼawˆ tsoˆ-awˬ.

Doˆ-iˇ 25:7

Piˇ ma Yaw huiˬ gʼaˬ-euˬ pehˇ kʼahˬ hawˇ-eu kʼahˬ-ahˇ dehˬ daˬ duˬ-ahˇ guꞈ tsoꞈ-eu gʼaˇ duˬ neˇ tseuˆ ni gʼeh-eu kʼaˬ lo sehˇ deuˬ hawˇ-eu, nui jeˬ kʼaˬ lo sehˇ heu deuˬ meh.

Doˆ-iˇ 28:14

Kʼoeˇ naˇ, maˇ jawˆ ni gʼeh-eu shuiˇ neh, shuiˇ shuiˇ caˆ nyiˬ caˆ yeuꞈ-awˇ, iˇ puˬ-ahˇ tsoꞈ-awˬ.

Doˆ-iˇ 28:16

Kʼoeˇ-aˬ, byaˆ dmˇ taˬ-awˇ, tiˬ toˇ oeˬ bawˬ ya bi byah meh.

Doˆ-iˇ 29:5

Piˇ ma-euˬ dm gʼaˬ dm lmˇ deuˬ pyeuꞈ-eu, laꞈ kʼoeˇ dm-eu pehˇ kʼahˬ, pehˇ kʼahˬ pehˇ nymˇ, kʼoeˇ taˆ dm daˆ-eu pehˇ kʼahˬ pehˇ mahˇ, kʼahˬ-ahˇ dehˬ daˬ duˬ hawˇ-eu, joꞈ paꞈ, heu deuˬ Aˬloˬ-ahˇ bi dm-awˬ.

Doˆ-iˇ 26:36

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ-awˇ, aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ paˇ ma yuˇ-awˇ, sehˬ gʼawˆ gʼoˆ kʼehˬ-ahˇ sheu taw taˬ-awˬ.