Doˆ-iˇ 25:22 - Akha

²² Nawˬ-ahˇ ngaˇ kʼoeˇ gaˇ tahˬ puˬ-awˇ, Iˇsaˬleˬlaˆ tsawˇ haˬ gʼaˇ duˬ zahˇ dawˬ kʼoꞈ dawˬ dawˬ tawˆ luꞈ, bahˬ keuˆ kʼawˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ hmˬ yaw kaˬ-ahˇ, nawˬ-ahˇ ngaˇ biꞈ ma.

Doˆ-iˇ 25:22 Referans Kwoze

Bawˇtsahˬ 7:89

Sahˬpaˬ Miˬyehˇ-ahˇ dawˬ ngehˬ cawˬ leˇ-eu gʼaˇ duˬ, Sehˬ gʼawˆ laꞈ kʼoeˇ Moˇseˬ uˇ leˇ ngeh, dawˬ ma saˇ jaˇ bahˬ keuˆ kʼmˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ kawˇ yaw kaˬ-ahˇ, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ gaˇ ya gaˬ-euˬ meh.

Iˇsaˬyaˇ 37:16

“Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-oˇ, Jeˬluˇbeˬ mawˇ kawˇ kʼoeˇ taˆ jaˆ-eu nuiˇ mahˬ kʼoeˇ taˆ nuiˇ luꞈ-eu nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-ahˇ uˆ lahˇ luꞈ-eu meh. Mˬ hawˇ-eu miˇ-ahˇ nawˬ neh beh-euˬ meh.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

2 Sahˬpaˬ 19:15

Kʼoeˇ naˇ, aˬ yawꞈ heu loꞈ-ehˇ guiˬ lahˬ shaˇ-euˬ meh. “Jeˬluˇbeˬ mawˇ kawˇ kʼoeˇ taˆ jaˆ-eu dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ kʼahˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Mˬ hawˇ-eu miˇ, nawˬ neh beh-euˬ meh.

1 Saˬmeuˬlaˆ 4:4

Kʼoeˇ naˇ, Shiˇloˬ meuˬ-ahˇ tsawˇ haˬ pyehˬ gʼeh-awˇ, Baoˬ huiˬ-eu Miˬyehˇ-euˬ muiˬ-eu shawˇ-eu nuiˇ duˬ bi geuꞈ dah taˬ-euˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ keuˆ bi baꞈ laˬ leˇ-euˬ meh. Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ, dawˬ ma saˇ jaˇ Bahˬ keuˆ mehˬ nah caw teh gʼeh leꞈ-euˬ meh.

Bawˇtsahˬ 17:4

Gawˬ yoeˬ kʼoeˇ deuˬ ngaˇ jawˇ-eu Sehˬ gʼawˆ-ahˇ yuˇ laꞈ-awˇ, naw maꞈ-ahˇ ngaˇ tahˬ puˬ le-eu jawˇ duˬ pyeuꞈ-eu Dawˬ ma saˇ jaˇ Bahˬ keuˆ-euˬ mehˬ shi kʼoeˇ tsahˇ-ahˇ bi jaˆ-awˬ.

Uˬ duˬ 16:2

Aˬ yawꞈ ehˇ-eu, “Saˬ paˇ paˇ ma lawˆ kaˬ taw paˆ taˬ-euˬ naˇ kʼah paw dzeˇ jaˆ-eu Muiˬ dui Shawˇ dui dui-eu Jawˇ duˬ-ahˇ, aˇ yamˬ tsaˬ ngeh tehꞈ-ehˇ ya uˇ leˇ meh lehˇ nawˬ-euˬ aˇ doˆ Aˬloˬ-ahˇ ehˇ nehˬ-awˬ. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ jaˆ-eu Dawˬ ma saˇ jaˇ Bahˬ keuˆ kʼmˬ pymˬ kʼoeˇ taˆ mˬ dmˇ laꞈ kʼoeˇ ngaˇ zaꞈ le-eu ma. Ngaˬ-euˬ ehˇ dawˬ maˬ naˇ haˬ ni, kʼaˇ uˇ leˇ mawꞈ ngeh uˇ leˇ naˇ, aˬ yawꞈ ya shiˇ tehꞈ-a.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

2 Saˬmeuˬlaˆ 6:2

Daˬbiˇ tsawˇ haˬ kʼoeˇ deuˬ sheuˬ-awˇ, Dawˬ ma saˇ jaˇ Bahˬ keuˆ baꞈ laˬ-iˇ-eu lehˇ, Yuˇdaˆ miˇ kʼahˬ Baˬlahˬ meuˬ-ahˇ iˇ-euˬ meh. Dawˬ ma saˇ jaˇ Bahˬ keuˆ kʼoeˇ, Baoˬ huiˬ-eu Sahˬpaˬ Miˬyehˇ-euˬ tsawˇ myahˇ pi luꞈ-awˇ, bahˬ keuˆ kʼoeˇ taˆ jaˆ-eu jeˬluˇbeˬ mawˇ kawˇ kʼoeˇ taˆ, aˬ yawꞈ-euˬ nuiˇ mahˬ jaˆ-eu meh.

Doˆ-iˇ 30:36

Kʼoeˇ loꞈ-ehˇ jahˇ gʼaˬ ngeh, ui cuiˆ yuˇ doˆ-awˇ, kʼaˬ lehˇ loꞈ-ehˇ tahˬ loeˇ-awˬ. Tahˬ loeˇ gʼaˬ-euˬ kʼoeˇ ngaˇ jawˇ-eu sehˬ gʼawˆ laꞈ kʼoeˇ yuˇ laꞈ-awˇ, dawˬ ma saˇ jaˇ bahˬ keuˆ dawˬ peh byaˆ shehˬ-awˬ. Doꞈ damˬ-eu yaw saw jeˬ heu-ahˇ, maˇ maˇ ni muiˬ-eu shawˇ-eu jeˬ loꞈ-ehˇ taˬ huiˬ taˬ mahˇ-awˬ.

Doˆ-iˇ 30:6

Dawˬ ma saˇ jaˇ bahˬ keuˆ-ahˇ lawˆ kaˬ taw paˆ taˬ-euˬ saˬ paˇ-euˬ laꞈ nyiˇ paw, lawˇ duˬ kʼoeˇ hmˬ bi jaˆ-awˬ. Kʼoeˇ tsahˇ-ahˇ ngaˇ naw maꞈ-ahˇ tahˬ puˬ le ma.

Yaˇ kʼaˬ daˇ 20:27

Aˇ nah aˇ yamˬ kʼoeˇ yamˬ laꞈ kʼoeˇ, Miˬyehˇ-euˬ Dawˬ ma saˇ jaˇ Bahˬ keuˆ Beˬdeˬlaˇ meuˬ-ahˇ jaˆ-awˇ, Aˬloˬ-euˬ oeˬ paˬ pyeuꞈ-awˇ Eˇlaˬzaˬ-euˬ aˬ li pyeuꞈ-eu Piˇnaˬhaˇ gʼaˬ haw luꞈ pyaˆ luꞈ-eu meh. Kʼoeˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ naˇ haˬ-eu, “Nga maꞈ-euˬ aˬ yuiꞈ aˬ nyiˇ pyeuꞈ-eu Beˬyaˬmiˬ tsawˇ jeuˬ-ahˇ nga maꞈ guiˇ deuˆ-iˇ-awˬ loˇ. Taˬ deuˆ-iˇ loˇ.” Sahˬpaˬ Miˬyehˇ ehˇ-eu, “Deuˆ-iˇ-awˬ. Ni shawˬ nah ngaˇ naw maꞈ-ahˇ bi gʼaˬ leˇ ma.”

Jaceuq 90:1

Sahˬpaˬ Miˬyehˇ-oˇ, tiˬ ziˇ saˇ-iˬ tiˬ ziˇ nawˇ nga maꞈ-euˬ nymˇ loꞈ-ehˇ pyeuꞈ-eu ma.

Uˬ duˬ 1:1

Sahˬpaˬ Miˬyehˇ jawˇ-eu Sehˬ gʼawˆ-ahˇ neh, Moˇseˬ-ahˇ Sahˬpaˬ Miˬyehˇ kuˇ-awˇ, zahˇ sahˇ kʼoꞈ heu deuˬ biꞈ nehˬ-euˬ meh.

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 31:6

Aˬ yawꞈ nehˬ-ehˇ gaˇ mˇ-eu gʼaˇ duˬ, Daˬ tsawˇ haˬ Aˬhiˇsaˬmaˇ-euˬ aˬli Awˬhawˇleˬbaˇ-ahˇ ngaˇ tseˇ doˆ taˬ-euˬ ma. Laꞈ myawˬ laꞈ muˆ kʼaˇ nya-eu tsawˇ haˬ dawˬ tawˆ luꞈ-ahˇ kʼawꞈ, ngaˇ kʼaˇ bi mˇ-euˬ jeˬ mˇ nya ni, muiˬ-eu tsawˇ gahˇ biꞈ taˬ-euˬ ma.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Aˇ dahˬ 18:33

Aˬbyaˬhaˬ aˬ yawꞈ nyaꞈ kʼoeˇ loꞈ-ehˇ dawˬ ngehˬ cawˬ gʼaˬ ngeh, Sahˬpaˬ Miˬyehˇ doˆ-iˇ-euˬ meh. Aˬbyaˬhaˬ gʼaˬ kʼawꞈ, iˇ kahˇ gʼoꞈ-iˇ-euˬ meh.

Doˆ-iˇ 27:21

Ngaˇ jawˇ-eu sehˬ gʼawˆ laꞈ kʼoeˇ, dawˬ ma saˇ jaˇ bahˬ keuˆ mehˬ shi gʼeu taw taˬ-euˬ saˬ paˇ paˇ ma-euˬ laꞈ nyiˇ paw, Aˬloˬ hawˇ-eu aˬ yawꞈ-euˬ aˬ li deuˬ tsiˇ kʼmˬ kʼoeˇ ya doꞈ taˬ meh. Ngaˬ-euˬ mehˬ shi, jawˇ duˬ kʼoeˇ tsahˇ-ahˇ, tsiˇ kʼmˬ kʼoeˇ uˬ ciꞈ uˬ bya bya ni ya bi doꞈ meh. Dawˬ heu dawˬ-aˬ, Iˇsaˬleˬlaˆ tsawˇ haˬ deuˬ hawˇ-eu, aˬ kaˇ aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ ya naˇ haˬ geuꞈ-eu dawˬ pyeuꞈ-eu meh.

1 Laˬsaˬbaˬ 13:6

Kʼoeˇ naˇ, Jeˬluˇbeˬ mawˇ kawˇ kʼoeˇ taˆ Sahˬpaˬ Miˬyehˇ-euˬ tsawˇ myahˇ jaˆ-eu Dawˬ ma saˇ jaˇ Bahˬ keuˆ baꞈ kʼoꞈ laˬ-iˇ-eu gʼaˇ duˬ,Giˇliˇyaˆyeˬlmˬ lehˇ kuˇ-eu Yuˇdaˆ miˇ kʼahˬ Baˬlahˬ meuˬ-ahˇ, Daˬbiˇ hawˇ-eu Iˇsaˬleˬlaˆ tsawˇ haˬ deuˬ iˇ-euˬ meh.

Jaceuq 80:2

Eˇpaˬleˬ tsawˇ jeuˬ, Beˬyaˬmiˬ tsawˇ jeuˬ hawˇ-eu Maˬnaˇseˬ tsawˇ jeuˬ-ahˇ, nawˬ-euˬ gʼawˇ mawˇ pah mehˬ nehˬ laꞈ. Nawˬ-euˬ gʼaˬ nga maꞈ-ahˇ bi mawˇ laꞈ-awˇ, nga maꞈ-ahˇ ka kʼoꞈ le-awˬ.

Yeˬsaˬgeˬlaˇ 43:6

Tsawˇ haˬ kʼoeˇ gʼaˬ ngaˬ-euˬ dawˬ peh yawꞈ luꞈ-awˇ, Uˬ duˬ tahˬ nymˇ nymˇ ma laꞈ kʼoeˇ paw neh, Sahˬpaˬ Miˬyehˇ ngaˬ-ahˇ dawˬ ngehˬ-eu ngaˇ gaˬ-euˬ ma.