Doˆ-iˇ 24:7 - Akha

⁷ Kʼoeˇ naˇ, Sahˬpaˬ Miˬyehˇ-euˬ dawˬ boꞈ ahˇ taˬ-euˬ dawˬ ma saˇ jaˇ sahˬ boꞈ yuˇ-awˇ, Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ guˇ-awˇ gui mehˬ nehˬ-euˬ meh. Kʼoeˇ ngeh, “Sahˬpaˬ Miˬyehˇ-euˬ ehˇ dawˬ nga maꞈ naˇ haˬ geuꞈ-awˇ, aˬ yawꞈ neh kʼaˇ ehˇ taˬ-euˬ yawˬ jeˬ na luꞈ mˇ ma” lehˇ, aˬ yawꞈ maꞈ ehˇ-eu meh.

Doˆ-iˇ 24:7 Referans Kwoze

1 Teˇsaˬloˇni 5:27

Aˬ yuiꞈ aˬ nyiˇ Ka li zaˬ dawˬ tawˆ luꞈ-ahˇ sahˬ boꞈ heu taꞈ gui mehˬ-eu gʼaˇ duˬ, Sahˬpaˬ Yeˬsuˇ-euˬ baoˬ-ahˇ gʼoe-awˇ naw maꞈ-ahˇ ngaˇ yaw kʼaˆ kʼaˆ-ehˇ gʼaˬ biꞈ-eu ma.

Gawˇlawˇsehˇ 4:16

Sahˬ boꞈ heu taꞈ-ahˇ naw maꞈ gui haw gʼaˬ ngeh, Lawˬdiˬciˆ meuˬ-ahˇ jawˇ-eu Ka li zaˬ aˇ muˇ-ahˇ kʼawꞈ, maˬ byehˇ ni tiˬ poˆ bi gui haw-awˬ. Kʼoeˇ loꞈ-ehˇ duˇ ni, Lawˬdiˬciˆ meuˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ neh sha ha le-euˬ sahˬ boꞈ-ahˇ kʼawꞈ, maˬ byehˇ ni gui haw-awˬ.

Gʼaˬkʼehˇ 13:15

Moˇseˬ-euˬ Zahˇ dawˬ kʼoꞈ dawˬ sahˬ boꞈ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ-ahˇ gui gʼaˬ ngeh, uˬ duˬ tahˬ nymˇ-ahˇ aˬ yuiꞈ geuꞈ-eu deuˬ aˬ yawꞈ nyaꞈ-ahˇ heu loꞈ-ehˇ bi tsaꞈ gaˬ-iˇ-euˬ meh. “Tsawˇ haˬ heu deuˬ-ahˇ gʼaˬ biꞈ mawꞈ-eu jeˬ jaˆ naˇ, naw nyaꞈ-ahˇ dawˬ ngehˬ-eu aˇ yamˬ biꞈ mawꞈ miˇ-a.”

Doˆ-iˇ 19:8

Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ-euˬ loꞈ-ehˇ nga maꞈ mˇ ma” lehˇ ehˇ-awˇ, gaˇ kawˆ kʼoeˇ Sahˬpaˬ Miˬyehˇ-ahˇ Moˇseˬ paˇ tsaꞈ nehˬ leˇ-euˬ meh.

Yawˇshuˆ 24:24

Iˇsaˬleˬlaˆ tsawˇ haˬ deuˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nga maꞈ uˬ duˬ tahˬ ma. Aˬ yawꞈ-euˬ dawˬ-ahˇ nga maꞈ naˇ haˬ geuꞈ ma.”

1 Sahˬpaˬ 8:9

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Sahˬpaˬ Miˬyehˇ neh aˬ yawꞈ maꞈ-ahˇ saˇ jaˇ dzaˬ-euˬ jawˇ duˬ pyeuꞈ-eu Siˇnaˆ gawˬ jawˬ-ahˇ, Moˇseˬ neh dawˆ ahˇ-euˬ kʼaˬ lo teˇ byaꞈ kʼoeˇ nyiˬ byaꞈ maˬ ngeuˇ naˇ, nui jeˬ tiˬ jeˬ-iˬ Dawˬ ma saˇ jaˇ Bahˬ keuˆ laꞈ kʼoeˇ maˬ ahˇ-a.

Jaceuq 50:5

Lawˇ-eu shehˇ-eu laꞈ kʼoeˇ ngaˬ nehˬ-ehˇ dawˬ ma saˇ jaˇ dzaˬ taꞈ-euˬ, ngaˬ-ahˇ saˇ jaˇ ziꞈ-eu ngaˬ-euˬ tsawˇ haˬ deuˬ ngaˇ jawˇ gaˇ uiˬ laˇ-awˬ lehˇ aˬ yawꞈ ehˇ-eu meh.

Jaceuq 78:36

Ehˇ kʼawꞈ, aˬ yawꞈ maꞈ ngehˬ-eu dawˬ jaˬ myawꞈ myawꞈ-awˇ, aˬ yawꞈ maꞈ neh kʼaˇ ehˇ taˬ-euˬ loꞈ-ehˇ maˬ jaˆ-a.

Yeˬlaˬmiˇ 34:13

Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ lehˇ, Iˇsaˬleˬlaˆ-euˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ laꞈ kʼoeˇ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ doˆ nehˬ-awˇ bi buˬ-iˇ ngeh, aˬ yawꞈ maꞈ nehˬ-ehˇ ngaˇ saˇ jaˇ dzaˬ-awˇ heu loꞈ-ehˇ ehˇ nehˬ taˬ-euˬ jaˆ-eu ma.

Yeˬlaˬmiˇ 42:6

Muiˬ-eu maˬ ehˇ, doeˇ-eu maˬ ehˇ, nga maꞈ neh nawˬ-ahˇ guiˬ lahˬ shaˇ nehˬ laꞈ lehˇ ehˇ-euˬ gʼaˬ pyeuꞈ-eu, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ -euˬ dawˬ-ahˇ nga maꞈ naˇ haˬ geuꞈ ma. Aˬ yawꞈ-euˬ ehˇ dawˬ-ahˇ naˇ haˬ geuꞈ naˇ, nga maꞈ gʼaˇ duˬ yawˬ jeˬ na luꞈ muiˬ tehꞈ-a.”

Yeˬsaˬgeˬlaˇ 16:8

“Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Maˬlaˬkiˇ 2:10

Aˬ dui dawˬ tawˆ luꞈ-euˬ aˬ da yaw dzahˇ tiˬ gʼaˬ tehꞈ maˬ ngeuˇ loˇ. Aˬ dui dawˬ tawˆ luꞈ-ahˇ Miˬyehˇ tiˬ gʼaˬ neh tehꞈ-ehˇ beh taˬ-euˬ maˬ ngeuˇ-a loˇ. Toˆ-ehˇ ngeuˇ naˇ, aˬ dui tiˬ gʼaˬ tiˇ gʼaˬ saˇ jaˇ dzaˬ taˬ-euˬ gaˇ aˬ jeˬ miˇ neh puiˬ te. Aˬ dui-euˬ aˬ poeˬ aˬ bawˇ deuˬ nehˬ-ehˇ Miˬyehˇ neh dzaˬ taˬ-eu dawˬ ma saˇ jaˇ-ahˇ aˬ jeˬ miˇ neh puiˬ te.

2 Laˬsaˬbaˬ 15:14

Dawˬ ma saˇ jaˇ kʼoeˇ hmˬ-ahˇ ziꞈ ma lehˇ, Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ maꞈ yaw kʼaˆ-ehˇ guˇ-euˬ meh. Kʼoeˇ naˇ, aˬ yawꞈ maꞈ guˇ guˇ-ehˇ daˇ heh baw-euˬ meh.