Doˆ-iˇ 24:18 - Akha

¹⁸ Gawˬ jawˬ-ahˇ Moˇseˬ daˆ leˇ-awˇ, mˬ dmˇ laꞈ kʼoeˇ le uˇ leꞈ-euˬ meh. Oeˬ tseˇ nah oeˬ tseˇ miˇ keuˆ ni, aˬ yawꞈ kʼoeˇ gaˇ jawˇ-euˬ meh.

Doˆ-iˇ 24:18 Referans Kwoze

Dawˬmehˬ 9:9

Sahˬpaˬ Miˬyehˇ neh naw maꞈ nehˬ-ehˇ dzaˬ-euˬ dawˬ ma saˇ jaˇ boꞈ taˬ-euˬ kʼaˬ lo teˇ byaꞈ laˬ leˇ-eu gʼaˇ duˬ, Siˇnaˆ gawˬ jawˬ-ahˇ ngaˇ daˆ leˇ-euˬ ma. Oeˬ tseˇ nah oeˬ tseˇ miˇ keuˆ ni, tiˬ jeˬ-iˬ maˬ dzaˬ maˬ dawˇ-ehˇ, kʼoeˇ gaˇ ngaˇ jawˇ-euˬ ma.

Dawˬmehˬ 10:10

“Yaw beh poˆ loꞈ-ehˇ, gawˬ jawˬ kʼoeˇ taˆ oeˬ tseˇ nah oeˬ tseˇ miˇ ngaˇ jawˇ-euˬ ma. Ngaˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-awˇ, naw maꞈ-ahˇ maˬ laˆ luˬ maˬ laˆ seˇ-eu gʼaˇ duˬ nui ma tsaˬ-euˬ meh.

Doˆ-iˇ 34:28

Oeˬ tseˇ nah oeˬ tseˇ miˇ keuˆ ni, Moˇseˬ tiˬ jeˬ-iˬ maˬ dzaˬ maˬ dawˇ ni, Sahˬpaˬ Miˬyehˇ nehˬ-ehˇ kʼoeˇ gaˇ jawˇ-euˬ meh. Dawˬ ma saˇ jaˇ dawˬ deuˬ pyeuꞈ-eu zahˇ dawˬ kʼoꞈ dawˬ tseˇ dawˬ-ahˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Dawˬmehˬ 9:25

“Kʼoeˇ miˇ neh, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ mehˬ shi moꞈ tsahˬ-ehˇ awˆ byaˆ-awˇ ngaˇ jawˇ-euˬ ma. Aˬ jeˬ miˇ neh ehˇ naˇ, naw maꞈ-ahˇ laˆ luˬ laˆ seˇ nehˬ-eu gʼaˇ duˬ aˬ yawꞈ noeˬ tsehˆ taˬ-euˬ ngaˇ siˬ duˬ-eu ma.

Dawˬmehˬ 9:18

Kʼoeˇ naˇ, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ-euˬ mehˬ shi ngaˇ awˆ byaˆ-awˇ, maˬ dzaˬ maˬ dawˇ ni jawˇ-euˬ ma. Naw maꞈ Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ nui ma pehˇ ni jahˇ-euˬ baˬ da neh, ngaˇ kʼoeˇ loꞈ-ehˇ jawˇ-euˬ ma.

Luˇkaꞈ 4:2

Kʼoeˇ gaˇ, Nehꞈsahˬpaˬ aˬ yawꞈ-ahˇ muˇ juˇ juˇ gaˇ oeˬ tseˇ nah byah ni ya daˬ-euˬ meh. Aˇ yamˬ kʼoeˇ myah ni gʼeh-eu laꞈ kʼoeˇ, aˬ yawꞈ tiˬ jeˬ-iˬ maˬ dzaˬ-euˬ miˇ neh, aˇ yamˬ kʼoeˇ dzeuˇ ngeh jawˇ, hawˬ mehꞈ mehꞈ dui dui laˇ-euˬ meh.

Maˬkuˆ 1:13

Bawˇ tsahˬ bawˇ dahˇ laꞈ kʼoeˇ aˬ yawꞈ oeˬ tseˇ nah jawˇ-awˇ, Saˬdaˬ neh muˇ juˇ bi juˇ-euˬ meh. Bawˇ tsahˬ jeˬ zaˬ yaw haiˬ deuˬ kʼawꞈ, kʼoeˇ gaˇ jawˇ-eu meh. Ehˇ kʼawꞈ, mˬ taˆ gʼaˬ kʼehˇ deuˬ aˬ yawꞈ-ahˇ ngehˬ gʼeh nehˬ-euˬ meh.

Maꞈtehˬ 4:2

Maˬ dzaˬ maˬ dawˇ ni oeˬ tseˇ nah oeˬ tseˇ miˇ jawˇ keuˆ laꞈ ngeh, Yeˬsuˇ hawˬ mehꞈ mehꞈ dui dui laˇ-euˬ meh.

1 Sahˬpaˬ 19:8

Kʼoeˇ ngeh, Eˇliˇyaˆ tuˇ-awˇ dzaˬ-euˬ dawˇ-euˬ meh. Muiˬ-eu shawˇ-eu Siˇnaˆ gawˬ jawˬ-ahˇ, oeˬ tseˇ nah keuˆ ni aˬ yawꞈ cah keuˆ gʼeh nya ni, dzaˇ kʼoeˇ aˬ yawꞈ-ahˇ gʼaˬ bi ahˇ laˇ-euˬ meh.

Doˆ-iˇ 24:17

Sahˬpaˬ Miˬyehˇ-euˬ yaw shehꞈ kʼahˬ sehˇ-aˬ, gawˬ jawˬ uˬ du doꞈ luꞈ-eu miˬ dzaˬ-ahˇ duˇ gaˇ, Iˇsaˬleˬlaˆ tsawˇ haˬ deuˬ ya mawˇ-euˬ meh.

Doˆ-iˇ 19:20

Sahˬpaˬ Miˬyehˇ-aˬ, Siˇnaˆ gawˬ jawˬ uˬ du zaꞈ le-awˇ, Moˇseˬ-ahˇ gawˬ jawˬ uˬ du kuˇ daˆ-euˬ meh. Kʼoeˇ ngeh, Moˇseˬ gawˬ jawˬ uˬ du daˆ leˇ-euˬ meh.

Doˆ-iˇ 9:33

Sahˬ paˬ kʼoeˇ gʼaˬ jawˇ-eu meuˬ kʼoeˇ meuˬ-euˬ laꞈ nyiˇ paw Moˇseˬ doˆ-iˇ-awˇ, aˬ laꞈ baꞈ diˇ-awˇ Sahˬpaˬ Miˬyehˇ-ahˇ guiˬ lahˬ shaˇ ngeh, mˬ jeˬ jeˬ-awˇ uˬ yehˇ aˇ siˬ ga le-eu naˬ leˇ-awˇ, uˬ yehˇ tsiˇ leˇ-euˬ meh.

Doˆ-iˇ 9:29

Moˇseˬ ehˇ-eu, “Meuˬ heu meuˬ laꞈ kʼoeˇ neh ngaˇ doˆ-iˇ-eu nehˬ-ehˇ, ngaˬ-euˬ aˬ laꞈ baꞈ diˇ-awˇ, Sahˬpaˬ Miˬyehˇ-ahˇ guiˬ lahˬ shaˇ ma. Miˇ tsaˬ heu-aˬ, Sahˬpaˬ Miˬyehˇ-euˬ miˇ tsaˬ pyeuꞈ-eu gaˇ nawˇ ya siˬ ni, mˬ jeˬ tsawˬ tehˆ tehˆ-eu naˬ leˇ-awˇ, uˬ yehˇ aˇ siˬ ga le-eu tsiˇ leˇ tehꞈ-a.

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Doˆ-iˇ 25:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 32:1

Gawˬ jawˬ-ahˇ neh Moˇseˬ maˬ zaꞈ ka le ni gʼawˬ myahˇ ni jawˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, Aˬloˬ-euˬ dawˬ peh aˬ yawꞈ maꞈ uiˬ leˇ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, aˬ dui maꞈ-ahˇ bi sheuˬ gʼeh-eu gʼaˇ duˬ, miˬ yehˇ tiˬ gʼaˬ aˬ dui tehˆ kaˇ-euˇ.”

1 Sahˬpaˬ 19:11

Sahˬpaˬ Miˬyehˇ ehˇ-eu,“Gawˬ jawˬ uˬ du daˆ doˆ leˇ-awˇ, ngaˬ-euˬ mehˬ shi yawꞈ-awˬ.” Kʼoeˇ naˇ, Sahˬpaˬ Miˬyehˇ iˇ tsehˆ gʼeh ngeh jawˇ, guˆ laˇ paˬ-ehˇ gʼeh-eu jaˬ lehˇ tiˬ bahˬ baw laˇ-awˇ, gawˬ jawˬ lo guˇ deuˬ baw paˆ baw shaˆ dzeh-euˬ meh. Ehˇ kʼawꞈ, jaˬ lehˇ laꞈ kʼoeˇ Sahˬpaˬ Miˬyehˇ maˬ ahˇ-a. Jaˬ lehˇ baw-eu naˬ leˇ-awˇ, miˇ luˆ paˇ luˆ laˇ-euˬ meh. Ehˇ kʼawꞈ, miˇ luˆ luˆ-eu laꞈ kʼoeˇ Sahˬpaˬ Miˬyehˇ maˬ ahˇ-a.

Dawˬmehˬ 5:31

Ehˇ kʼawꞈ, Moˇseˬ nawˇ-aˬ, ngaˬ nehˬ-ehˇ heu gaˇ jawˇ yaꞈ-awˬ. Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ nawˬ-ahˇ ngaˇ biꞈ ma. Aˬ yawꞈ maꞈ-ahˇ ngaˬ neh biꞈ-euˬ miˇ kʼahˬ laꞈ kʼoeˇ, zahˇ dawˬ kʼoꞈ dawˬ kʼoeˇ deuˬ-ahˇ aˬ yawꞈ maꞈ bi caw teh-eu gʼaˇ duˬ, zahˇ dawˬ kʼoꞈ dawˬ kʼoeˇ deuˬ aˬ yawꞈ maꞈ-ahˇ mehˬ nehˬ-awˬ’ lehˇ ehˇ-eu meh.