Doˆ-iˇ 23:21 - Akha

²¹ Aˬ yawꞈ-ahˇ haw tsoˆ taˬ-awˇ, aˬ yawꞈ-euˬ ehˇ dawˬ naˇ haˬ-awˬ. Aˬ yawꞈ-aˬ, ngaˬ neh kʼehˇ gʼeh leꞈ-euˬ gʼaˬ pyeuꞈ-eu miˇ neh, naw maꞈ aˬ yawꞈ-ahˇ puiˬ naˇ, aˬ yawꞈ naw maꞈ-ahˇ iˬ baˇ maˬ pyehꞈ-a.

Doˆ-iˇ 23:21 Referans Kwoze

Jaceuq 78:56

Ehˇ kʼawꞈ, Baoˬ huiˬ-eu Miˬyehˇ-ahˇ aˬ yawꞈ maꞈ puiˬ-awˇ, aˬ yawꞈ-ahˇ lawˬ haw-euˬ meh. Aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a.

Jaceuq 78:40

Kʼaˇ shuiꞈ deh ga laꞈ kʼoeˇ aˬ yawꞈ maꞈ aˬ yawꞈ-ahˇ aˇ myaˆ poˆ puiˬ-euˬ nga. Aˬ yawꞈ-ahˇ aˇ myaˆ poˆ bi noeˬ shaˬ-euˬ nga.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

Yoˇhaˬ 10:38

Ehˇ kʼawꞈ, ngaˬ Da neh bi mˇ-euˬ gaˇ deuˬ-ahˇ ngaˇ mˇ luꞈ-eu yaw duˬ baw naˇ, naw maꞈ ngaˬ-euˬ mawˇ do-ahˇ maˬ jah kʼawꞈ, ngaˬ neh mˇ-euˬ gaˇ deuˬ-ahˇ jah-eu tsaˬ tehꞈ-a. Aˬda ngaˬ-euˬ laꞈ kʼoeˇ jawˇ-awˇ, ngaˇ Aˬda-euˬ laꞈ kʼoeˇ jawˇ-eu gaˇ kawˆ naw maꞈ siˬ duˬ nya ni kʼoeˇ loꞈ-ehˇ jah-eu tsaˬ tehꞈ-a.”

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Yawˇshuˆ 24:19

Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Ehˇ kʼawꞈ, Sahˬpaˬ Miˬyehˇ-ahˇ naw maꞈ uˬ duˬ maˬ tahˬ nya-eu paˬ. Aˬ yawꞈ-aˬ, muiˬ-eu shawˇ-eu Miˬyehˇ pyeuꞈ-awˇ, naw maꞈ-euˬ iˬ baˇ-ahˇ maˬ pyehˬ nehˬ-a. Miˬ yehˇ nui gʼaˬ-ahˇ uˬ duˬ tahˬ-eu jeˬ-ahˇ aˬ yawꞈ iˬ baˇ maˬ pyehˬ nehˬ nya-a.

Doˆ-iˇ 3:14

Miˬyehˇ ehˇ-eu, “Ngaˇ-aˬ, ngaˇ pyeuꞈ-eu ma. NGAˇPYEUꞈ-EU MA lehˇ myahˇ-euˬ kʼoeˇ gʼaˬ, ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ meh lehˇ, aˬ yawꞈ maꞈ-ahˇ ehˇ nehˬ-awˬ.

Gawˇlawˇsehˇ 2:9

Miˬyehˇ laꞈ kʼoeˇ kʼaˇ ahˇ-eu jeˬ dawˬ tawˆ luꞈ, Ka li laꞈ kʼoeˇ tiˬ byah ni ahˇ-eu meh.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

Dawˬmehˬ 18:19

Ngaˬ-euˬ tsawˇ myahˇ uˬ moˆ aˬ yawꞈ dawˬ ngehˬ-awˇ, aˬ yawꞈ-euˬ ehˇ dawˬ maˬ naˇ haˬ-eu tsawˇ haˬ-ahˇ ngaˇ kʼehˬ nehˬ ma.

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Yoˇhaˬ 5:23

Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.

Bawˇtsahˬ 14:35

Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu ma. Ngaˬ-ahˇ puiˬ-eu lehˇ tiˬ kawˆ loꞈ-ehˇ uiˬ leˇ taˬ-euˬ haiˬ-eu tsawˇ haˬ pyeuꞈ-eu naw maꞈ-ahˇ kʼoeˇ loꞈ-ehˇ jahˇ nehˬ ma lehˇ ngaˇ kamˬ tsehˆ-eu ma. Bawˇ tsahˬ bawˇ dahˇ heu tsahˇ laꞈ kʼoeˇ naw maꞈ yawˬ gʼaˬ na luꞈ ya shiˇ jiˇ tehꞈ-a’ lehˇ ehˇ nehˬ-awˬ.”

Doˆ-iˇ 32:34

Nymˬ-mˇ nawˇ gʼoꞈ ka-iˇ-awˇ, ngaˬ neh nawˬ-ahˇ mehˬ nehˬ-euˬ jawˇ duˬ-ahˇ, tsawˇ haˬ heu deuˬ-ahˇ sheuˬ gʼeh-awˬ. Ngaˬ-euˬ mˬ taˆ gʼaˬ kʼehˇ naw maꞈ-ahˇ sheuˬ gʼeh tehꞈ-a. Ehˇ kʼawꞈ, tsawˇ haˬ heu deuˬ iˬ baˇ mˇ gʼaˬ-euˬ miˇ neh, aˬ yawꞈ maꞈ-ahˇ ngaˇ ya kʼehˬ nehˬ-eu aˇ nah keuˆ le tehꞈ-a.”

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.

Panmaeq 2:8

“Saˬmuˇlaˬnaˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu, shiˇ-awˇ paˇ gʼoꞈ dehꞈ laˇ-euˬ gʼaˬ-euˬ dawˬ meh.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

1 Yoˇhaˬ 5:16

Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.

HeˬByehˇ 3:16

Miˬyehˇ-euˬ dawˬ ya gaˬ-awˇ Miˬyehˇ-ahˇ puiˬ-euˬ tsawˇ haˬ deuˬ aˬ suˇ gʼaˬ-a. Iˇjiˇtuˆ miˇ kʼahˬ laꞈ kʼoeˇ Moˇseˬ neh sheuˬ doˆ nehˬ-euˬ tsawˇ haˬ kʼoeˇ deuˬ dawˬ tawˆ luꞈ maˬ ngeuˇ-a loˇ.

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Yeˬlaˬmiˇ 5:7

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ-ahˇ aˬ jeˬ miˇ neh ngaˇ iˬ baˇ ya pyehˬ ta. Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ maˬ ngeuˇ-eu deuˬ-ahˇ uˬ duˬ tahˬ-euˬ meh. Ngaˬ-euˬ tsawˇ haˬ deuˬ-ahˇ ngaˇ bi dzaˬ dehˆ-euˬ kʼawꞈ, aˬ cawˬ-euˬ zaˬ miˬ zaˬ yo-ahˇ bahˬ-awˇ, meh maˬ laˇ deuˬ nehˬ-ehˇ aˇ yamˬ laˆ jiˇ-euˬ meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 45:6

Ngaˇ Sahˬpaˬ Miˬyehˇ pyeuꞈ-eu gaˇ kawˆ heu hawˇ-eu, miˬ yehˇ nui gʼaˬ maˬ jawˇ-eu gaˇ kawˆ-ahˇ, mˬ dzeˇ miˇ dzeˇ keuˆ ni bi siˬ doe ni, ngaˇ heu loꞈ-ehˇ jahˇ-eu ma.

Iˇsaˬyaˇ 42:8

“Sahˬpaˬ Miˬyehˇ pyeuꞈ-eu ngaˇ tiˬ gʼaˬ tehꞈ-ehˇ, nawˬ-euˬ Miˬyehˇ pyeuꞈ-eu ma. Ngaˬ-euˬ yaw shehꞈ kʼahˬ sehˇ miˬ yehˇ nui deuˬ-ahˇ ngaˇ maˬ biꞈ. Ngaˬ-ahˇ ja ceuˬ-eu jeˬ tahˬ pahˬ aˬ ma mawˇ kawˇ deuˬ-ahˇ maˬ oꞈ.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

Yaˇ kʼaˬ daˇ 13:18

Mˬ taˆ gʼaˬ kʼehˇ ehˇ-eu, “Aˬ jeˬ miˇ neh ngaˬ-euˬ tsawˇ myahˇ siˬ nya mawꞈ-eu nya. Kʼoeˇ-aˬ, zahˬ leˇ paˬ-ehˇ gʼeh-eu tsawˇ myahˇ meh.”

Iˇsaˬyaˇ 9:5

Guiˇ deuˆ-eu deuˬ nawˬ-eu sehˬ nawˆ hawˇ-eu shiˬ lehꞈ-eu aˬ yawꞈ maꞈ-euˬ mehˬ tsoeˬ miˬ dzaˬ-ahˇ bi dzah puiˆ jiˇ tehꞈ-a.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”