Doˆ-iˇ 23:20 - Akha

²⁰ “Ngaˬ neh laˆ saˆ taˬ-euˬ jawˇ duˬ-ahˇ naw maꞈ-ahˇ sheuˬ keuˆ nehˬ-eu gʼaˇ duˬ maˬ ehˇ, gaˇ pehˇ-ahˇ iˇ luꞈ ngeh, naw maꞈ-ahˇ bi haw piˇ-eu gʼaˇ duˬ maˬ ehˇ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma.

Doˆ-iˇ 23:20 Referans Kwoze

Doˆ-iˇ 33:14

Sahˬpaˬ Miˬyehˇ ehˇ-eu, “Naw maꞈ nehˬ-ehˇ ngaˇ le-awˇ, naw maꞈ aˬ cawˬ-ahˇ gʼaˬ leˇ-eu tsawˇ jeuˬ bi pyeuꞈ laˇ ma.”

Jaceuq 91:11

Nawˇ kʼaˇ iˇ kʼaˇ laˇ gaˇ bi haw piˇ-eu gʼaˇ duˬ, mˬ taˆ gʼaˬ kʼehˇ deuˬ-ahˇ Miˬ yehˇ dawˬ biꞈ tehꞈ-a.

Doˆ-iˇ 32:34

Nymˬ-mˇ nawˇ gʼoꞈ ka-iˇ-awˇ, ngaˬ neh nawˬ-ahˇ mehˬ nehˬ-euˬ jawˇ duˬ-ahˇ, tsawˇ haˬ heu deuˬ-ahˇ sheuˬ gʼeh-awˬ. Ngaˬ-euˬ mˬ taˆ gʼaˬ kʼehˇ naw maꞈ-ahˇ sheuˬ gʼeh tehꞈ-a. Ehˇ kʼawꞈ, tsawˇ haˬ heu deuˬ iˬ baˇ mˇ gʼaˬ-euˬ miˇ neh, aˬ yawꞈ maꞈ-ahˇ ngaˇ ya kʼehˬ nehˬ-eu aˇ nah keuˆ le tehꞈ-a.”

Doˆ-iˇ 14:19

Iˇsaˬleˬlaˆ guiˇ maꞈ-euˬ mehˬ hu paw jawˇ-eu Miˬ yehˇ-euˬ gʼaˬ kʼehˇ kʼoeˇ gʼaˬ, naˇ kʼah paw jiˆ gʼoꞈ le-euˬ meh. Mˬ dmˇ kʼawˇ zeuˇ kʼoeˇ zeuˇ kʼawꞈ, naˇ kʼah paw jiˆ kʼoꞈ le-awˇ,

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Doˆ-iˇ 33:2

Naw maꞈ-ahˇ bi sheuˬ gʼeh-eu gʼaˇ duˬ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma. Kaˬnaˬ tsawˇ jeuˬ maˬ ehˇ, Heˬtaˆ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, ngaˇ teh doˆ ma.

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Yoˇhaˬ 14:3

Ngaˇ jawˇ zaˇ laˆ saˆ leˇ gʼaˬ ngeh, naw maꞈ-ahˇ paˇ sheuˬ laˬ le-awˇ, ngaˬ nehˬ-ehˇ bi jawˇ laˇ ma.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Yawˇshuˆ 6:2

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Yeˬliˇkoˇ meuˬ-euˬ sahˬ paˬ hawˇ-eu aˬ yawꞈ-euˬ kʼaˆ dui dui-eu guiˇ deuˆ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, Yeˬliˇkoˇ meuˬ kʼoeˇ nawˬ-euˬ aˬ laꞈ laꞈ kʼoeˇ ngaˇ a nehˬ-eu ma.

Bawˇtsahˬ 20:16

caw ba le-awˬ lehˇ Sahˬpaˬ Miˬyehˇ-ahˇ nga maꞈ guˇ guˇ-ehˇ shaˇ-euˬ gaˇ kawˆ maˬ ehˇ, nga maꞈ-euˬ shaˇ dawˬ-ahˇ aˬ yawꞈ naˇ haˬ-awˇ, mˬ taˆ gʼaˬ kʼehˇ tiˬ gʼaˬ pyehˬ gʼeh leꞈ-euˬ laꞈ kʼoeˇ nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh bi sheuˬ doˆ nehˬ laꞈ-euˬ gaˇ kawˆ maˬ ehˇ, nawˇ siˬ nya jiˇ meh. Nawˬ-euˬ miˇ kʼahˬ laꞈ kʼoeˇ jaˆ-eu Kaˬdeˬshaˇ meuˬ-ahˇ nymˬ-mˇ nga maꞈ jawˇ luꞈ-eu ma.

Yawˇshuˆ 5:13

Yeˬliˇkoˇ meuˬ dawˬ peh Yawˇshuˆ le keuˆ ngeh, aˬ yawꞈ mehˬ shi mi cehˇ tuˆ tehˬ-awˇ yawꞈ luꞈ-eu tsawˇ haˬ tiˬ gʼaˬ-ahˇ ja pyuˬ ni aˬ yawꞈ ya mawˇ-euˬ meh. Tsawˇ haˬ kʼoeˇ gʼaˬ dawˬ peh Yawˇ shuˆ le-awˇ, “Nawˇ nga maꞈ-euˬ guiˇ zaˬ te loˇ. Maˬ ngeuˇ naˇ, nga maꞈ-ahˇ muiˇ-eu tsawˇ haˬ te loˇ” lehˇ naˇ haˬ-euˬ meh.

Doˆ-iˇ 15:17

Nawˬ neh yawˬ haˇ yawˬ ha tsoˆ taˬ-euˬ Uˬ duˬ tahˬ nymˇ nymˇ ma, Sahˬpaˬ Miˬyehˇ nawˇ jawˇ-eu lehˇ tseˇ doˆ taˬ-euˬ jawˇ duˬ pyeuꞈ-eu nawˬ-eu gawˬ jawˬ kʼoeˇ taˆ, aˬ yawꞈ maꞈ-ahˇ nawˇ sheuˬ uˇ laꞈ-awˇ, ka ziꞈ taˬ-euˬ meh.

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

Aˇ dahˬ 15:18

Kʼoeˇ ngeh, jawˇ duˬ kʼoeˇ tsahˇ-ahˇ Aˬbyaˬ nehˬ-ehˇ Sahˬpaˬ Miˬyehˇ dawˬ ma saˇ jaˇ dzaˬ taꞈ-euˬ meh. Sahˬpaˬ Miˬyehˇ ehˇ-eu, “Iˇjiˇtuˆ miˇ kʼahˬ-euˬ miˇ kaˬ-ahˇ neh Uˇpaˬlaˇ lawˇ baˬ-ahˇ keuˆ ni jaˆ-eu miˇ kʼahˬ kʼahˬ ma kʼoeˇ kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ ma lehˇ ngaˇ saˇ jaˇ dzaˬ-eu ma.

Aˇ dahˬ 24:7

Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ da-euˬ nymˇ hawˇ-eu ngaˬ-euˬ aˬ yuiꞈ aˬ nyiˇ deuˬ jawˇ-eu miˇ kʼahˬ-ahˇ neh ngaˬ-ahˇ bi doˆ le-awˇ, miˇ kʼahˬ heu kʼahˬ ngaˬ-euˬ zaˬ ngaˬ-euˬ uˆ deuˬ-ahˇ biꞈ ma lehˇ, dawˬ ma saˇ jaˇ dzaˬ taˬ-euˬ jaˆ-eu meh. Ngaˬ li gʼaˇ duˬ miˬ zaˬ tiˬ gʼaˬ nawˇ poˆ mawˇ nya ni, Sahˬpaˬ Miˬyehˇ aˬ yawꞈ-euˬ gʼaˬ kʼehˇ-ahˇ, nawˬ-euˬ mehˬ hu pyehˬ gʼeh tehꞈ-a.

Aˇ dahˬ 24:40

Kʼoeˇ ngeh, aˬ yawꞈ ngaˬ-ahˇ heu loꞈ-ehˇ ehˇ-eu meh. ‘Aˬ myah luꞈ ngaˇ yaw zeu baw luꞈ-eu ngaˬ-euˬ Sahˬpaˬ Miˬyehˇ-aˬ, aˬ yawꞈ-euˬ gʼaˬ kʼehˇ-ahˇ nawˬ nehˬ-ehˇ bi oe-awˇ, nawˇ mˇ-eu jeˬ pyeuꞈ leˇ nya ni bi caw ba le tehꞈ-a. Ngaˬ da o neh dehꞈ ka leꞈ-euˬ ngaˬ-euˬ tsawˇ jeuˬ tsawˇ ca deuˬ laꞈ kʼoeˇ, ngaˬ li gʼaˇ duˬ miˬ zaˬ tiˬ gʼaˬ nawˇ ya shaˇ poˆ nehˬ meh.

Doˆ-iˇ 15:16

Noeˬ shaˬ noeˬ zahˬ-awˇ guˆ-eu jeˬ, tsawˇ haˬ kʼoeˇ deuˬ kʼoeˇ taˆ keuˆ le-euˬ meh. Sahˬpaˬ Miˬyehˇ-oˇ, nawˬ-euˬ baoˬ-ahˇ aˬ yawꞈ maꞈ ya mawˇ-awˇ, aˬ cawˬ zaˬ kʼaˆ geuˬ-eu laꞈ kʼoeˇ nawˬ neh bi buˬ-iˇ-euˬ nawˬ-euˬ tsawˇ haˬ deuˬ maˬ iˇ dzeuˇ kʼoeˇ keuˆ ni, guˆ-eu laꞈ kʼoeˇ, tiˬ gaˇ-iˬ uˬ duˬ tahˬ shaˇ kʼaˇ maˬ za ni aˬ yawꞈ maꞈ jawˇ luꞈ-eu meh.

Doˆ-iˇ 23:23

Ngaˬ-eu gʼaˬ kʼehˇ kʼoeˇ gʼaˬ naw maꞈ-euˬ mehˬ hu iˇ-awˇ, Aˬmawˇliˆ, Heˬtaˆ, Paˬyehˆ, Kaˬnaˬ, Hiˇbiˇ hawˇ-eu Yeˬbuˇ tsawˇ jeuˬ heu deuˬ-euˬ miˇ kʼahˬ deuˬ laꞈ kʼoeˇ, naw maꞈ-ahˇ sheuˬ uˇ gʼeh ngeh, tsawˇ jeuˬ heu deuˬ-ahˇ ngaˇ laˆ cawˆ ma. Aˬ yawꞈ maꞈ-euˬ miˬ yehˇ deuˬ-ahˇ naw maꞈ uˬ duˬ taˬ tahˬ.

Bawˇtsahˬ 22:22

Baˬlamˬ kʼoeˇ loꞈ-ehˇ le-euˬ miˇ neh Sahˬpaˬ Miˬyehˇ nui ma pehˇ-awˇ, Baˬlamˬ hawˇ-eu aˬ yawꞈ-euˬ zaˬ kʼaˆ nyiˬ gʼaˬ mahˬ tahˬ laˆ dziˬ-awˇ gaˇ pehˇ le luꞈ ngeh, Sahˬpaˬ Miˬyehˇ-euˬ mˬ taˆ gʼaˬ kʼehˇ gaˇ ma-ahˇ yawꞈ tsoeˬ-euˬ meh.

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

Yawˇshuˆ 23:5

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh, tsawˇ jeuˬ kʼoeˇ deuˬ-ahˇ naw maꞈ-euˬ mehˬ shi bi jiˆ pawˇ-awˇ, naw maꞈ le gʼeh leꞈ-eu mehˬ hu, aˬ yawꞈ maꞈ-ahˇ teh doˆ nehˬ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ maꞈ-euˬ miˇ kʼahˬ naw maꞈ za tehꞈ-a.

Yawˇshuˆ 5:14

Tsawˇ haˬ kʼoeˇ gʼaˬ ehˇ-eu, “Maˬ ngeuˇ. Sahˬpaˬ Miˬyehˇ-euˬ guiˇ maꞈ-ahˇ aˬ yuiꞈ geuꞈ-awˇ uˆ lahˇ-eu gʼaˬ loꞈ-ehˇ ngaˇ oe-euˬ ma.” Yawˇshuˆ uˬ duˬ tahˬ-eu laꞈ kʼoeˇ miˇ tsa ga lah-awˇ ehˇ-eu, “Ngaˇ-aˬ, nawˬ-euˬ zaˬ kʼaˆ pyeuꞈ-eu ma. Nawˇ ngaˬ-ahˇ aˬ jeˬ bi mˇ mawꞈ-eu nya.”

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.