Doˆ-iˇ 23:13 - Akha

¹³ “Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼaˇ ehˇ nehˬ-eu jeˬ-ahˇ, naw maꞈ naˇ haˬ geuꞈ-awˬ. Miˬyehˇ nui gʼaˬ-ahˇ naw maꞈ uˬ duˬ maˬ ya tahˬ shaˇ-a. Aˬ yawꞈ-euˬ tsawˇ myahˇ-ahˇ tehꞈ-ehˇ kʼawꞈ maˬ ya kuˇ-a.

Doˆ-iˇ 23:13 Referans Kwoze

Yawˇshuˆ 23:7

Kʼoeˇ tehꞈ-ehˇ maˬ ngeuˇ ni, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ heu deuˬ nehˬ-ehˇ cawˬ maˬ cawˬ taꞈ ni jawˇ-awˇ, aˬ yawꞈ maꞈ-euˬ miˬ yehˇ deuˬ-euˬ tsawˇ myahˇ-ahˇ maˬ kuˇ-ehˇ, miˬ yehˇ kʼoeˇ deuˬ-euˬ tsawˇ myahˇ uˬ moˆ saˇ jaˇ maˬ dzaˬ taꞈ-eu uˬ taꞈ, aˬ yawꞈ maꞈ-ahˇ uˬ duˬ maˬ tahˬ ni dehꞈ-awˬ.

1 Tiˆmoˇseˬ 4:16

Yawˬ ha-euˬ gʼawˇ mawˇ gaˇ kawˆ maˬ ehˇ, yawˬ ha mehˬ-eu tsoˆ-eu jeˬ gaˇ kawˆ maˬ ehˇ, yaw muiˬ-ehˇ yahˇ-awˬ. Gaˇ heu deuˬ-ahˇ maˬ byehˇ ni mˇ daˆ leꞈ-awˬ. Aˬ jeˬ miˇ neh ehˇ naˇ, nawˇ kʼoeˇ loꞈ-ehˇ mˇ-eu kʼoeˇ-aˬ, nawˬ-euˬ gʼawˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka kʼoꞈ-eu jeˬ pyeuꞈ-eu meh.

Zaˬkaˬliˇ 13:2

Aˇ yamˬ kʼoeˇ yamˬ keuˆ laˇ ngeh, miˇ kʼahˬ kʼoeˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-euˬ tsawˇ myahˇ ngaˇ shiˆ byoˆ-awˇ, tsawˇ haˬ yawˬ gʼaˬ na luꞈ bi ngehˇ byoˆ jiˇ ma. Miˬyehˇ gʼaˇ duˬ ngehˬ dah-eu tsawˇ haˬ ma lehˇ kʼaˇ ehˇ-eu deuˬ-ahˇ ngaˇ yuˇ dzeh jiˇ-awˇ, tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ-eu nui ma bi byoˆ-iˇ ma.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Hawˇseˬ 2:17

Baˬlaˇ miˬ yehˇ-euˬ tsawˇ myahˇ kʼoeˇ, aˬ yawꞈ maˬ paˇ bi kuˇ poˆ ma.

Dawˬmehˬ 12:3

Aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ meuˇ laˆ loeˇ nehˬ jiˇ-awˬ. Aˬ yawꞈ maꞈ-euˬ Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ deuˆ coˬ dzeh-awˬ. Jawˇ duˬ kʼoeˇ deuˬ-ahˇ tiˬ jawˇ-iˬ uˬ duˬ maˬ paˇ ya tahˬ ni laˆ piˬ laˆ byoˆ nehˬ-awˬ.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

Eˇpeˇsu 5:15

Kʼoeˇ miˇ neh, naw maꞈ aˬ joˆ-ehˇ dehꞈ luꞈ-eu gaˇ kawˆ yahˇ-awˬ. Zaˬ siˬ tsawˇ gahˇ maˬ ahˇ-eu tsawˇ haˬ loꞈ-ehˇ taˬ dehꞈ. Zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ.

Yeˬlaˬmiˇ 10:11

(Mˬ hawˇ-eu miˇ-ahˇ beh-euˬ gʼaˬ maˬ ngeuˇ-eu miˬ yehˇ deuˬ ya luˬ ya seˇ-iˇ-awˇ, miˇ tsaˬ kʼoeˇ taˆ tiˬ gʼaˬ-iˬ maˬ jaˆ maˬ jawˇ nya ni pyeuꞈ-iˇ tehꞈ-a lehˇ, tsawˇ haˬ kʼoeˇ deuˬ-ahˇ naw maꞈ ya ehˇ nehˬ meh.)

Jaceuq 16:4

Miˬyehˇnui deuˬ-ahˇ iˇ-eu deuˬ, shaˬzahˬdmˬgahˬpoˆgaˇduˇmeh. Yawꞈmaꞈ shiˬlawˇgaˇ ngaˇmaˬahˇ. Yawꞈmaꞈmiˬyehˇ-ahˇ ngaˇmaˬtahˬ.

Yawˇshuˆ 23:11

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ maˬ ngehˇ ni gaˬ-awˬ.

Yawˇshuˆ 22:5

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ nui kʼahˇ mˇ-awˬ. Aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Aˬ yawꞈ-ahˇ saˇ jaˇ ziꞈ-awˬ. Nawˬ-euˬ nui ma saꞈ laˇ dawˬ tawˆ luꞈ aˬ yawꞈ-euˬ gaˇ mˇ-awˬ lehˇ ehˇ-eu Moˇseˬ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ naw maꞈ maˬ ngehˇ ni caw teh-awˬ.”

Eˇpeˇsu 5:12

(Aˬ yawꞈ maꞈ baˇ zaꞈ-ahˇ mˇ kʼoeˬ kʼoeˬ luꞈ-eu gaˇ kʼoeˇ deuˬ-ahˇ ja doˆ-eu tehꞈ-ehˇ kʼawꞈ shaꞈ dawˇ dui dui paˬ-ehˇ gʼeh-eu meh.)

Jaceuq 39:1

Ngaˇ heu loꞈ-ehˇ ehˇ-euˬ ma. “Mehˬlaˇ iˬbaˇmaˬya mˇni, yahˇ-eu laꞈkʼoeˇyaw dehꞈdehꞈma. Muiˇ-eu deuˬjawˇluꞈ-eu mehˬshi, dawˬmaˬngehˬdoˆni dzahˬtehˬma.

Dawˬmehˬ 4:15

“Siˇnaˆ gawˬ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ dawˬ ngehˬ cawˬ ngeh, aˬ yawꞈ-euˬ gʼawˇ mawˇ seuˆ dzeuꞈ-ahˇ naw maꞈ maˬ ya mawˇ-aˬ. Kʼoeˇ miˇ neh, kʼaˬ dzeˇ zaˬ hawˇ-eu zaˬ miˬ zaˬ-ahˇ maˬ ehˇ, jeˬ zaˬ hawˇ-eu aˇ jiˇ-ahˇ maˬ ehˇ, miˇ tsaˬ-ahˇ joe joe-ehˇ cah-eu jeˬ hawˇ-eu ngaˬ shaˬ-ahˇ maˬ ehˇ, kʼoeˇ deuˬ-ahˇ duˇ leˇ-eu tahˬ pahˬ aˬ ma mawˇ kawˇ yawˬ ha gʼaˇ duˬ tehˆ-eu laꞈ kʼoeˇ, naw maꞈ iˬ baˇ maˬ ya mˇ ni yawˬ haˇ yawˬ ha yahˇ-awˬ.

Bawˇtsahˬ 32:38

Neˬboˬ meuˬ, Baˬlaˇmyoˬ meuˬ (meuˬ heu meuˬ-euˬ tsawˇ myahˇ heu myahˇ myahˇ paˇ taˬ-euˬ meh) hawˇ-eu, Siˇbaˬmaˬ meuˬ, heu deuˬ meh. Aˬ yawꞈ maꞈ neh tsoˆ muiˬ-euˬ meuˬ deuˬ-ahˇ, aˬ yawꞈ maꞈ tsawˇ myahˇ myahˇ paˇ nehˬ-euˬ meh.

Doˆ-iˇ 23:24

Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

Doˆ-iˇ 23:32

Aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ miˬ yehˇ-ahˇ maˬ ehˇ, saˇ jaˇ taˬ dzaˬ.

Dawˬmehˬ 4:23

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ dzaˬ taˬ-euˬ dawˬ ma saˇ jaˇ-ahˇ naw maꞈ maˬ ya ngehˇ ni yaw kʼaˆ kʼaˆ-ehˇ yahˇ-awˬ. Tahˬ pahˬ aˬ ma mawˇ kawˇ maˬ ya tehˆ-a lehˇ ehˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ naˇ haˬ geuꞈ-awˬ.

Dawˬmehˬ 6:1

“Heu-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh ngaˬ-ahˇ dawˬ biꞈ laꞈ-awˇ, naw maꞈ-ahˇ bi mehˬ bi tsoˆ nehˬ laꞈ-euˬ zahˇ dawˬ kʼoꞈdawˬ deuˬ meh. Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ laꞈ kʼoeˇ, zahˇ dawˬ kʼoꞈ dawˬ heu deuˬ-ahˇ naw maꞈ caw teh-awˬ.