Doˆ-iˇ 22:19 - Akha

¹⁹ “Jeˬ zaˬ nehˬ-ehˇ joe-eu tsawˇ haˬ-ahˇ ya sehꞈ meh.

Doˆ-iˇ 22:19 Referans Kwoze

Dawˬmehˬ 27:21

“ ‘Jeˬ zaˬ nehˬ-ehˇ kʼaˬ miˬ sheu taꞈ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Uˬ duˬ 18:23

Kʼaˬ dzeˇ zaˬ maˬ kaˬ, zaˬ miˬ zaˬ maˬ kaˬ, jeˬ zaˬ nehˬ-ehˇ maˬ ya yuꞈ taꞈ-a. Kʼoeˇ loꞈ-ehˇ yaw jawꞈ jeˬ mˇ-eu tsawˇ haˬ-aˬ, maˬ shawˇ-eu tsawˇ haˬ pyeuꞈ-eu meh.

Uˬ duˬ 18:25

Aˬ yawꞈ maꞈ kʼoeˇ loꞈ-ehˇ mˇ-eu baˬ da neh, miˇ kʼahˬ kʼoeˇ kʼahˬ jawꞈ dui dui-eu miˇ kʼahˬ pyeuꞈ laˇ taˬ-euˬ meh. Kʼoeˇ miˇ neh, miˇ kʼahˬ kʼoeˇ kʼahˬ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ-awˇ, miˇ kʼahˬ kʼoeˇ kʼahˬ tsawˇ haˬ kʼoeˇ deuˬ-ahˇ uˬ pehꞈ pehꞈ doˆ dzeh tehꞈ-a.

Doˆ-iˇ 20:3

“Ngaˬ-euˬ mehˬ shi miˬ yehˇ nui gʼaˬ nawˇ maˬ ya bi jawˇ-a.

Doˆ-iˇ 34:15

Aˬ jeˬ miˇ neh ehˇ naˇ, lawˇ ciꞈ zaˬ kʼoeˇ deuˬ-aˬ, aˬ yawꞈ maꞈ-euˬ miˬyehˇ-ahˇ lawˇ-eu shehˇ-eu jeˬ mˇ ngeh, naw maꞈ-ahˇ kuˇ-awˇ, lawˇ gʼaˬ shehˇ gʼaˬ-euˬ dzaˇ deuˬ dzaˬ-awˬ lehˇ muˇ tehꞈ-a.

Uˬ duˬ 17:7

Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.

Bawˇtsahˬ 25:1

Aˬkaˬshaˇ deh kʼawꞈ-ahˇ Iˇsaˬleˬlaˆ tsawˇ haˬ deuˬ jawˇ naˬ luꞈ ngeh, Iˇsaˬleˬlaˆ tsawˇ haˬ kʼaˬ dzeˇ zaˬ deuˬ, kʼoeˇ gaˇ jawˇ-eu Mawˇbaˆ tsawˇ haˬ zaˬ miˬ zaˬ deuˬ nehˬ-ehˇ yuꞈ taꞈ-euˬ meh.

Dawˬmehˬ 13:2

naw maꞈ tiˬ jawˇ-iˬ uˬ duˬ maˬ tahˬ haw-euˬ miˬ yehˇ deuˬ-euˬ zaˬ kʼaˆ geuꞈ-awˇ, kʼoeˇ deuˬ-ahˇ uˬ duˬ tahˬ-eu gʼaˇ duˬ naw maꞈ-ahˇ sheuˬ gʼeh ngeh, aˬ yawꞈ ehˇ-eu loꞈ-ehˇ kʼaˆ jeˬ-ehˇ gʼeh-eu jeˬ aˬ diˇ aˬ maˇ pyeuꞈ doˆ laˇ kʼawꞈ,

Dawˬmehˬ 13:16

Tsawˇ haˬ kʼoeˇ deuˬ-euˬ myawˬ gahˬ dawˬ tawˆ luꞈ, meuˬ gʼahˇ lahˇ ceh jaˆ-eu deh ga-ahˇ baꞈ bymˇ-awˇ, meuˬ kʼoeˇ meuˬ hawˇ-eu kʼoeˇ gaˇ kʼaˇ jaˆ-eu jeˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ-eu jeˬ loꞈ-ehˇ dzah puiˆ dzeh-awˬ. Laˆ luˬ laˆ seˇ nehˬ-euˬ meuˬ kʼoeˇ meuˬ-ahˇ, tiˬ jawˇ-iˬ maˬ paˇ tsoˆ muiˬ ni, mˬ maˬ maˬ byaˆ zaˇ ziˇ kʼoeˇ loꞈ-ehˇ ya bi jaˆ meh.

Dawˬmehˬ 17:2

“Naw maꞈ jawˇ-eu meuˬ tiˬ meuˬ na laꞈ kʼoeˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tiˬ gʼaˬ na, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ leuˇ-awˇ, miˬ yehˇ nui deuˬ-ahˇ maˬ ehˇ, nahˇ ma-ahˇ maˬ ehˇ, ba la-ahˇ maˬ ehˇ, aˬ guiˇ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ-euˬ dawˬ ma saˇ jaˇ-ahˇ puiˬ-euˬ gaˇ kawˆ ya gaˬ-euˬ ehˇ-awˬ.

Dawˬmehˬ 17:5

tsawˇ haˬ kʼoeˇ gʼaˬ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biˬ sehꞈ-awˬ.

2 Sahˬpaˬ 23:20

Lawˇ duˬ kʼoeˇ deuˬ-ahˇ gaˇ kʼaˇ mˇ luꞈ-eu lawˇ ciꞈ zaˬ-euˬ piˇ ma deuˬ-ahˇ, lawˇ duˬ kʼoeˇ deuˬ kʼoeˇ taˆ aˬ yawꞈ sehꞈ-awˇ, lawˇ duˬ aˬ yawꞈ hmˬ yawꞈ kʼoeˇ taˆ, tsawˇ haˬ shaˬ yoeˬ dzah puiˆ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ gʼoꞈ leˇ-euˬ meh.

2 Laˬsaˬbaˬ 15:13

Huiˬ zaˬ nyiˇ zaˬ hawˇ-eu zaˬ miˬ zaˬ yo maˬ tseˇ ni, aˬ yawꞈ-ahˇ uˬ duˬ maˬ tahˬ-eu tsawˇ haˬ aˬ geu gʼaˬ maˬ kaˬ, bi sehꞈ ma lehˇ aˬ yawꞈ maꞈ saˇ jaˇ dzaˬ-euˬ meh.