Doˆ-iˇ 21:33 - Akha

³³ “Tsawˇ haˬ tiˬ gʼaˬ na, duˬ kʼahˬ-euˬ kʼawˬ pymˬ pah taˬ-awˇ bi jaˆ-euˬ miˇ neh maˬ ehˇ, duˬ kʼahˬ kʼahˬ-awˇ maˬ dehˬ kaˬ taˬ ni bi jaˆ-euˬ miˇ neh maˬ ehˇ, mawˇ neˇ maˬ ngeuˇ naˇ mahˬ tahˬ laˆ tiˬ mawˇ na duˬ kʼahˬ-ahˇ ga ahˇ naˇ,

Doˆ-iˇ 21:33 Referans Kwoze

Yeˬlaˬmiˇ 18:22

Ngaˇ bi ga ahˇ-eu gʼaˇ duˬ aˬ yawꞈ maꞈ duˬ kʼahˬ kʼahˬ taˬ-awˇ, ngaˬ-euˬ aˬ kuiˇ bi paꞈ leˇ-eu lahˇ ju kʼmˇ-euˬ miˇ neh, aˬ yawꞈ maꞈ-ahˇ deuˆ-eu guiˇ maꞈ nawˇ pyehˬ ahˇ-awˇ, aˬ yawꞈ maꞈ-euˬ nymˇ laꞈ kʼoeˇ ngoeˇ-eu jeˬ keuˆ le luꞈ-uˇ.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

Dawˬ tsoˆ 10:8

Duˬ kʼahˬ kʼahˬ-eu tsawˇ haˬ duˬ kʼahˬ-ahˇ ya ga ahˇ-awˇ, kaˇ pyawˇ tahˬ paˆ doˆ-eu tsawˇ haˬ aˇ lawˇ bi toˆ tehꞈ-a.

Dawqdaq 28:10

Yaw sui yaw dawˇ tsawˇ haˬ iˬ baˇ mˇ ni nawˇ tsawˇ gahˇ gahˇ naˇ, yawˬ ha neh kʼmˇ taˬ-euˬ lahˇ ju-ahˇ yawˬ ha ya paꞈ leˇ tehꞈ-a. Yaw sui yaw dawˇ gʼaˬ guiˬ lahˬ huiˬ tehꞈ-a.

Jaceuq 119:85

Nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu, nui ma huiˬ-eu mahˇ-eu tsawˇ haˬ deuˬ, ngaˬ-ahˇ lahˇ ju kʼmˇ-eu lehˇ shaˬ duˬ duˬ luꞈ meh.

Jaceuq 9:15

Aˬcawˬmiˇkʼahˬtsawˇjeuˬdeuˬ-aˬ, yawˬha neh kʼahˬ-euˬduˬkʼahˬ-ahˇ, yawˬhaˇyawˬha ga ahˇbyoˆ-awˇ, yawˬha neh kʼmˇ-euˬbaw gʼaꞈ-ahˇ, yawˬhaˇyawˬha nawˬpaꞈ-euˬmeh. 1

Doˆ-iˇ 21:32

Zaˬ miˬ zaˬ zaˬ kʼaˆ tiˬ gʼaˬ na-ahˇ maˬ ehˇ, kʼaˬ dzeˇ zaˬ zaˬ kʼaˆ tiˬ gʼaˬ na-ahˇ maˬ ehˇ, mawˇ neˇ kʼoeˇ mawˇ neh tahˬ sehꞈ naˇ, mawˇ neˇ yaw sahˇ gʼaˬ zaˬ kʼaˆ-euˬ yaw sahˇ gʼaˬ-ahˇ, pyuˇ maˇ byaˆ smˬ tseˇ byaˆ ya biꞈ-awˇ, mawˇ neˇ kʼoeˇ mawˇ-ahˇ kʼaˬ lo neh ya biˬ sehꞈ tehꞈ-a.

Doˆ-iˇ 21:34

ya tsoeˬ meh. Shiˇ-euˬ jeˬ zaˬ kʼoeˇ mawˇ aˬ yawꞈ ya geuꞈ-awˇ, jeˬ zaˬ yaw sahˇ gʼaˬ-ahˇ pyuˇ ya biꞈ meh.

Uˬ duˬ 24:18

Aˬ cawˬ-euˬ jeˬ zaˬ sehꞈ-eu tsawˇ haˬ-aˬ, aˬ cawˬ-ahˇ paˇ ya tsoeˬ kʼoꞈ nehˬ tehꞈ-a. Saꞈ laˇ-ahˇ laˆ deuˬ naˇ, saꞈ laˇ paˇ ya biꞈ tsoeˬ tehꞈ-a.