Doˆ-iˇ 21:20 - Akha

²⁰ “Tsawˇ haˬ tiˬ gʼaˬ na, yawˬ ha-euˬ zaˬ miˬ zaˬ zaˬ kʼaˆ-ahˇ maˬ ehˇ, kʼaˬ dzeˇ zaˬ zaˬ kʼaˆ-ahˇ maˬ ehˇ, daˇ kawˬ neh diˬ-awˇ, maˬ bi luˆ-iˇ ni, aˬ yawꞈ tsahˇ-ahˇ neh diˬ sehꞈ naˇ, kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a.

Doˆ-iˇ 21:20 Referans Kwoze

Lormav 13:4

Aˬ jeˬ miˇ neh ehˇ naˇ, sahˬ paˬ sahˬ ma-aˬ, nawˬ-euˬ gʼaˇ duˬ muiˬ ni Miˬyehˇ neh kʼehˇ taˬ-euˬ tsawˇ haˬ pyeuꞈ-eu meh. Ehˇ kʼawꞈ, nawˇ maˬ muiˬ-eu jeˬ mˇ naˇ, sahˬ paˬ sahˬ ma-ahˇ guˆ-awˬ. Aˬ yawꞈ nawˬ-ahˇ kʼehˬ-eu yaw duˬ baw meh. Aˬ jeˬ miˇ neh ehˇ naˇ, maˬ muiˬ-eu jeˬ mˇ-eu tsawˇ haˬ deuˬ kʼoeˇ taˆ Miˬyehˇ-euˬ kʼehˬ-eu kʼaˆ-eu jeˬ bi keuˆ le-eu gʼaˇ duˬ, Miˬyehˇ neh aˬ yawꞈ-ahˇ kʼehˇ taˬ-euˬ meh.

Dawqdaq 29:19

Zaˬ kʼaˆ-ahˇ kʼaˬ meh mehˬ boeˬ neh maˬ mehˬ paˇ nya-a. Aˬ yawꞈ gʼoˆ shaw nya kʼawꞈ, naˬ bawˇ-ahˇ maˬ ahˇ leˇ-a.

Dawˬmehˬ 19:21

Kʼoeˇ loꞈ-ehˇ gʼeh-eu gaˇ kawˆ deuˬ pyeuꞈ doˆ laˇ ngeh, gʼawˬ shaˬ taˬ haw gaˬ nehˬ. Saꞈ laˇ aˇ poeˬ saꞈ laˇ, myaˆ nuiˆ aˇ poeˬ myaˆ nuiˆ, seuˬ aˇ poeˬ seuˬ, aˬ laꞈ aˇ poeˬ aˬ laꞈ, aˬ kuiˇ aˇ poeˬ aˬ kuiˇ bi biꞈ tsoeˬ-eu laꞈ kʼoeˇ, kʼehˬ nehˬ kʼaˆ nehˬ-awˬ.

Bawˇtsahˬ 35:19

Shiˇ-eu gʼaˬ-ahˇ aˬ yuiꞈ aˬ nyiˇ peh dzehˬ-eu gʼaˬ, tsawˇ haˬ kʼoeˇ gʼaˬ-ahˇ ya sehꞈ meh. Tsawˇ haˬ kʼoeˇ gʼaˬ-ahˇ kʼaˇ mawˇ le gaˇ aˬ yawꞈ sehꞈ nya meh.

Aˇ dahˬ 9:6

Tsawˇ haˬ zaˬ-ahˇ, Miˬyehˇ-ahˇ duˇ ni beh taˬ-euˬ meh. Kʼoeˇ miˇ neh, tsawˇ haˬ-ahˇ sehꞈ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ sehꞈ gaˇ paˇ ya daˬ tehꞈ-a.

Aˇ dahˬ 4:24

Gaˬiˇnaˆ-ahˇ sehꞈ-eu tsawˇ haˬ-ahˇ shiꞈ poˆ keuˆ ni ya jahˇ kʼoꞈ nehˬ gaˇ keuˆ naˇ, ngaˬ-ahˇ sehꞈ laˇ-eu tsawˇ haˬ-ahˇ-aˬ, shiꞈ tseˇ shiꞈ poˆ keuˆ ni paˇ ya jahˇ kʼoꞈ nehˬ tehꞈ-a.”

Aˇ dahˬ 4:15

Gaˬiˇnaˆ-ahˇ Sahˬpaˬ Miˬyehˇ ehˇ nehˬ-eu,“Aˬ cawˬ nawˬ-ahˇ maˬ sehꞈ laˇ-aˇ. Tsawˇ haˬ tiˬ gʼaˬ nawˬ-ahˇ sehꞈ naˇ, shiꞈ poˆ keuˆ ni paˇ jahˇ kʼoꞈ nehˬ gaˇ ya daˬ tehꞈ-a.” Kʼoeˇ ngeh, Gaˬiˇnaˆ-ahˇ kʼaˇ tahˬ puˬ-eu tsawˇ haˬ deuˬ aˬ yawꞈ-ahˇ maˬ ya sehꞈ ni, Gaˬiˇnaˆ-ahˇ Sahˬpaˬ Miˬyehˇ tsaˬ tsoˆ nehˬ-euˬ meh.

Doˆ-iˇ 21:19

gʼawˬ myahˇ maˬ gʼeh-ehˇ, gawˬ yoeˬ toˆ-awˇ gaˇ ma cah nya laˇ naˇ, aˬ yawꞈ-ahˇ laˆ tahˬ laˆ naˇ nehˬ-eu gʼaˬ, aˬ yawꞈ gaˇ maˬ mˇ nya-ehˇ yuꞈ luꞈ ngeh sm-iˇ-euˬ gʼaˬ gaˇ aˇ poeˬ ya lawˬ nehˬ-awˇ, aˬ yawꞈ jawˇ saˇ doˆ laˇ ngeh keuˆ ni jaˆ gʼaˬ ya laˆ saˆ nehˬ meh.

Doˆ-iˇ 21:21

Ehˇ kʼawꞈ, zaˬ kʼaˆ kʼoeˇ gʼaˬ, nyiˬ nah smˬ nah keuˆ ni maˬ shiˇ tsehˆ-ehˇ dehꞈ naˇ, yaw sahˇ gʼaˬ kʼehˬ nehˬ kʼaˆ nehˬ-eu jeˬ-ahˇ maˬ ya daˬ-a. Aˬ jeˬ miˇ neh ehˇ naˇ, aˬ yawꞈ-euˬ zaˬ kʼaˆ tiˬ gʼaˬ shiˇ teˬ-euˬ tehꞈ-ehˇ kʼawꞈ, aˬ yawꞈ-ahˇ kʼehˬ nehˬ kʼaˆ nehˬ-euˬ gaˇ duˇ-eu meh.