Doˆ-iˇ 2:20 - Akha

²⁰ Kʼoeˇ ngeh, aˬ da gʼaˬ aˬ buˇ kʼoeˇ deuˬ-ahˇ ehˇ nehˬ-eu, “Tsawˇ haˬ kʼoeˇ gʼaˬ aˬ gaˇ iˇ taˬ. Aˬ jeˬ miˇ neh aˬ yawꞈ-ahˇ kʼoeˇ gaˇ byehˇ yaꞈ teˬ. Aˬ yawꞈ-ahˇ kuˇ laˬ-iˇ-awˬ. Aˬ dui pehˬ nehˬ-ehˇ bi dzaˬ bi dawˇ taꞈ laˇ-awˬ.”

Doˆ-iˇ 2:20 Referans Kwoze

Aˇ dahˬ 31:54

Aˬ yawꞈ jeˬ zaˬ tiˬ mawˇ sehꞈ-awˇ, gawˬ jawˬ kʼoeˇ taˆ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ tsawˇ haˬ deuˬ-ahˇ kuˇ-awˇ, aˬ yawꞈ maꞈ tiˬ kawˆ loꞈ-ehˇ dzaˬ taꞈ dawˇ taꞈ-euˬ meh. Aˬ yawꞈ maꞈ dzaˬ-awˇ dawˇ-awˇ, uˬ ciꞈ jawˇ bya-euˬ meh.

Aˇ dahˬ 43:25

Aˬ ha mehˇ nmˇ-aˬ, nah gʼahˇ paw Yoˇsehˆ gʼoꞈ laˇ ngeh biꞈ-eu gʼaˇ duˬ, aˬ yawꞈ maꞈ neh yuˇ leꞈ-euˬ laꞈ sawˬ deuˬ lehˬ hmˬ taˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ Yoˇsehˆ nehˬ-ehˇ hawˬ ya dzaˬ taꞈ tehꞈ-a lehˇ, aˬ cawˬ aˬ yawꞈ maꞈ-ahˇ ehˇ nehˬ taˬ-euˬ meh.

HeˬByehˇ 13:2

Daˬ yah-ahˇ yaw muiˬ-ehˇ ha-eu gʼaˇ duˬ taˬ ngehˇ. Tiˬ paˆ na deuˬ daˬ yah-ahˇ kʼoeˇ loꞈ-ehˇ ha-eu laꞈ kʼoeˇ, yawˬ ha maˬ siˬ nya ni mˬ taˆ gʼaˬ kʼehˇ-ahˇ ha zaˬ-euˬ tsawˇ haˬ kʼawꞈ jawˇ haw-euˬ meh.

1 Tiˆmoˇseˬ 5:10

Kʼoeˇ uˬ taꞈ, yaw muiˬ jeˬ heu loꞈ-ehˇ mˇ taˬ-euˬ jaˆ-eu tsawˇ haˬ ya bi pyeuꞈ meh. Yawˬ ha-euˬ zaˬ deuˬ-ahˇ yaw muiˬ paˬ-ehˇ bo saˆ huiˬ-eu, daˬ yah-ahˇ yaw muiˬ-ehˇ ha-eu, Ka li zaˬ deuˬ gʼaˇ duˬ nyiˇ-eu teˬ-eu gaˇ deuˬ mˇ nehˬ-eu, shaˬ laˇ zahˬ laˇ-euˬ deuˬ-ahˇ caw ba-eu, yaw muiˬ jeˬ-ahˇ gʼaˬ byehˆ maˬ byehˆ ni mˇ-eu, heu loꞈ-ehˇ gʼeh-eu gaˇ deuˬ-ahˇ mˇ-eu tsawˇ haˬ ya bi pyeuꞈ-eu meh.

Yawˇbaˆ 42:11

Yawˇbaˆ-euˬ mehˇ nmˇ deuˬ, dmˇ ma deuˬ hawˇ-eu cawˬ deuˬ aˬ yawꞈ jawˇ gaˇ dawˬ deh gʼa laˇ-awˇ, aˬ yawꞈ-euˬ nymˇ laꞈ kʼoeˇ aˬ yawꞈ nehˬ-ehˇ dzaˬ taꞈ dawˇ taꞈ-euˬ meh. Sahˬpaˬ Miˬyehˇ neh aˬ yawꞈ kʼoeˇ taˆ bi keuˆ le-euˬ shaˬ zahˬ dawˬ tawˆ luꞈ gʼaˇ duˬ, aˬ yawꞈ maꞈ aˬ yawꞈ-ahˇ gʼawˬ shaˬ gaˬ-euˬ gaˇ kawˆ ja doˆ-awˇ, aˬ yawꞈ-ahˇ gʼaˬ biꞈ-euˬ meh. Yawˬ gʼaˬ yawˬ na luꞈ, pyuˇ ui cuiˆ hawˇ-eu shuiˇ laꞈ behˬ tiˬ behˬ aˬ yawꞈ-ahˇ biꞈ-euˬ meh.

Yawˇbaˆ 31:32

Miˇ kʼahˬ-ahˇ cah-eu tsawˇ haˬ deuˬ gaˇ ma gaˇ dzeˇ maˬ bi yaꞈ ni, ngaˬ-euˬ nymˇ-ahˇ ha ahˇ-awˇ bi yaꞈ-euˬ ma.

Aˇ dahˬ 18:5

Mehˬ hu paw paˇ cah gʼeh ngeh, naw maꞈ gʼaˬ ahˇ laˇ ni, dzaˬ dzaˬ dawˇ dawˇ kʼawꞈ ui cuiˆ na dzaˬ-eu tsaˬ tehꞈ-a. Naw maꞈ ngaˬ-euˬ nymˇ-ahˇ oe doˆ-awˇ, ngaˇ naw maꞈ-ahˇ ya ha geuꞈ-eu-aˬ, guiˬ lahˬ huiˬ-eu ngaˇ.” Tsawˇ haˬ kʼoeˇ smˇ gʼaˬ kʼawꞈ, “Guiˬ lahˬ huiˬ miˇ-a. Nga maꞈ heu gaˇ tiˬ kʼehˬ naˬ ma” lehˇ ehˇ-awˇ, gʼaˬ naˬ naˬ-euˬ meh.

Aˇ dahˬ 29:13

Laˬbaˬ-aˬ, aˬ yawꞈ-euˬ zaˬ oeˇ oe keuˆ-euˬ gaˇ kawˆ ya gaˬ ngeh, cehˆ gʼeh-awˇ ha laˬ-iˇ-euˬ meh. Yaˬkoˆ-ahˇ aˬ yawꞈ byaˇ cuꞈ-awˇ, mehˬ cuˇ cuˇ nehˬ gʼaˬ-awˇ , iˇ kahˇ-ahˇ sheuˬ kʼoꞈ laꞈ-euˬ meh. Kʼoeˇ naˇ, kʼaˇ pyeuꞈ laˇ-euˬ gaˇ kawˆ dawˬ tawˆ luꞈ, Laˬbaˬ-ahˇ Yaˬkoˆ dzawˇ nehˬ-euˬ meh,

Doˆ-iˇ 2:19

Aˬ buˇ kʼoeˇ deuˬ ehˇ-eu, “Yawˇ bo-eu deuˬ nga maꞈ-ahˇ teh dzeh ngeh, Iˇjiˇtuˆ tsawˇ haˬ tiˬ gʼaˬ nga maꞈ jawˇ paw pyawˬ-awˇ, nga maꞈ-euˬ dah zaˇ, jeˬ zaˬ-ahˇ iˇ cuꞈ kʼawꞈ nehˬ-awˇ bi dawˇ-euˬ meh.”

Doˆ-iˇ 2:21

Kʼoeˇ naˇ, aˬ yawꞈ pehˬ nehˬ-ehˇ jawˇ-eu gʼaˇ duˬ, Moˇseˬ nui ma tsaˬ-awˇ, Yeˬdaˬyoˇ neh Moˇseˬ-ahˇ, aˬ yawꞈ-euˬ aˬ buˇ Ziˬpoˇlaˬ-ahˇ bi sheuˬ-euˬ meh.