Doˆ-iˇ 19:7 - Akha

⁷ Kʼoeˇ naˇ, Moˇseˬ-aˬ, gawˬ jawˬ kʼoeˇ taˆ neh zaꞈ ka le-awˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kuˇ uiˬ-awˇ, Sahˬpaˬ Miˬyehˇ neh aˬ yawꞈ maꞈ-ahˇ kʼaˇ ehˇ nehˬ-euˬ jeˬ dawˬ tawˆ luꞈ, aˬ yawꞈ maꞈ-ahˇ dzawˇ nehˬ-euˬ meh.

Doˆ-iˇ 19:7 Referans Kwoze

1 Gawˇliˬtu 15:1

Aˬ yuiꞈ aˬ nyiˇ Ka li zaˬ deuˬ-oˇ, nymˬ-mˇ poˆ jawˇ-aˬ, ngaˬ neh naw maꞈ-ahˇ mehˬ nehˬ yaꞈ-euˬ Laˬ kʼaˬ cehˇ-eu Guiˬ lahˬ dawˬ paˇ ja noeˬ nehˬ-eu ma. Ngaˬ neh mehˬ-euˬ kʼoeˇ naw maꞈ ha geuꞈ gʼaˬ-awˇ, kʼoeˇ-euˬ kʼoeˇ taˆ naw maꞈ-euˬ jah-eu jeˬ ziꞈ luꞈ meh.

Doˆ-iˇ 3:16

Iˇ-awˬ. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kuˇ uiˬ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-awˇ, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu ngaˇ gʼaˬ, nawˬ-euˬ mehˬ shi doˆ le-euˬ meh lehˇ ehˇ nehˬ-awˬ. Aˬ yawꞈ maꞈ jawˇ gaˇ ngaˇ oe-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ aˬ joˆ-ehˇ kʼehˬ nehˬ-euˬ gaˇ kawˆ, ngaˇ ya mawˇ gʼaˬ-euˬ meh lehˇ ehˇ nehˬ-awˬ.

Doˆ-iˇ 4:28

Kʼoeˇ naˇ, aˬ joˆ-ehˇ ya ngehˬ ya tmˇ-eu gaˇ kawˆ, Sahˬpaˬ Miˬyehˇ neh Moˇseˬ-ahˇ kʼaˇ ehˇ nehˬ-euˬ jeˬ dawˬ tawˆ luꞈ maˬ ehˇ, Sahˬpaˬ Miˬyehˇ neh bi mˇ-euˬ zahˬ leˇ paˬ-ehˇ gʼeh-eu jeˬ gaˇ kawˆ dawˬ tawˆ luꞈ maˬ ehˇ, Aˬloˬ-ahˇ Moˇseˬ dzawˇ nehˬ-euˬ meh.