Doˆ-iˇ 19:22 - Akha

²² Piˇ ma deuˬ kʼawꞈ, ngaˬ-euˬ dawˬ peh laˇ ngeh, aˬ yawꞈ maꞈ-euˬ gʼawˇ mawˇ shawˇ jehˆ ni ya bi jaˆ tehꞈ-a. Kʼoeˇ loꞈ-ehˇ maˬ ngeuˇ naˇ, aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma.”

Doˆ-iˇ 19:22 Referans Kwoze

Doˆ-iˇ 24:5

Kʼoeˇ naˇ, zaˬ guˬ deuˬ-ahˇ aˬ yawꞈ kʼehˇ gʼeh-awˇ, jeˬ zaˬ sehꞈ-awˇ, miˬ dzaˬ-ahˇ dzah puiˆ-eu laꞈ kʼoeˇ, cawˬ cawˬ taꞈ-eu lawˇ-eu jeˬ aˬ yawꞈ maꞈ Sahˬpaˬ Miˬyehˇ-ahˇ lawˇ nehˬ-euˬ meh.

Gʼaˬkʼehˇ 5:10

Kʼoeˇ ngeh, aˬ yawꞈ ja pyuˬ ni coˬ lah-awˇ shiˇ-euˬ meh. Zaˬ guˬ kʼoeˇdeuˬ gʼoꞈ uˇ laˇ ngeh, aˬ yawꞈ shiˇ taˬ-awˇ ga gaˇ ya mawˇ-euˬ meh. Aˬ yawꞈ maꞈ aˬ yawꞈ-ahˇ baꞈ doˆ gʼeh-awˇ, aˬ yawꞈ-euˬ kʼaˬ dzeˇ zaˬ gaˇ dzeˇ baꞈ pahˬ nehˬ-euˬ meh.

Gʼaˬkʼehˇ 5:5

Dawˬ kʼoeˇ dawˬ-ahˇ Haˬnaˬniˇ ya gaˬ-euˬ nehˬ-ehˇ, coˬ dzeh-awˇ shiˇ-euˬ meh. Gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ guˆ dui dui-iˇ-euˬ meh.

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

2 Laˬsaˬbaˬ 30:15

Ba la kʼoeˇ siˬ tseˇ oeˬ nah tiˬ nah-ahˇ, Baˬsaˬkaˬ bawˬ-iˬ gʼaˇ duˬ yawˇ zaˬ deuˬ sehꞈ-euˬ meh. Zahˇ sahˇ kʼoꞈ-ahˇ tsaˬ ni maˬ shawˇ-eu piˇ ma deuˬ hawˇ-eu Leˬbiˇ tsawˇ haˬ deuˬ-aˬ, shaꞈ dawˇ dui dui-eu laꞈ kʼoeˇ, yawˬ ha-euˬ gʼawˇ mawˇ shawˇ-euˬ meh. Kʼoeˇ ngeh jawˇ, Uˬ duˬ tahˬ nymˇ nymˇ ma laꞈ kʼoeˇ miˬ dzaˬ dzah puiˆ-awˇ lawˇ-eu jeˬ, aˬ yawꞈ maꞈ lawˇ nya-euˬ meh.

2 Laˬsaˬbaˬ 30:3

Ba la yaw beh siˬ-ahˇ, aˇ yamˬ tsaˬ ni aˬ yawꞈ maꞈ bawˬ-iˬ maˬ gʼeh nya-a. Aˬ jeˬ miˇ neh ehˇ naˇ, gʼawˇ mawˇ shawˇ-eu zahˇ jahˇ gʼaˬ-euˬ piˇ ma deuˬ tiˬ loꞈ maˬ jawˇ-eu uˬ taꞈ, Yeˬluˇsaˬlehˬ meuˬ-ahˇ tsawˇ haˬ maˬ laˇ uiˬ dah-euˬ miˇ neh meh.

1 Laˬsaˬbaˬ 15:13

Aˬ jeˬ miˇ neh ehˇ naˇ, yaw beh poˆ nga maꞈ baꞈ-iˇ-awˇ, aˬ yawꞈ-ahˇ uˬ duˬ tahˬ paˬ-ehˇ gʼeh-eu kʼawꞈ, uˬ duˬ maˬ tahˬ-euˬ miˇ neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ kʼehˬ nehˬ laꞈ ngeh poˆ, naw maꞈ maˬ ahˇ-a.”

Doˆ-iˇ 19:5

Nymˬ-mˇ naw maꞈ ngaˬ-euˬ ehˇ dawˬ naˇ haˬ-awˇ, ngaˬ-euˬ dawˬ ma saˇ jaˇ laꞈ kʼoeˇ ziꞈ naˇ, naw maꞈ ngaˬ-euˬ tsawˇ haˬ pyeuꞈ tehꞈ-a. Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, ngaˬ-euˬ tsawˇ haˬ deuˬ pyeuꞈ-eu ma.

Doˆ-iˇ 19:24

Sahˬpaˬ Miˬyehˇ ehˇ-eu, “Nawˇ zaꞈ ka-iˇ-awˇ, Aˬloˬ-ahˇ sheuˬ daˆ laꞈ-awˬ. Ehˇ kʼawꞈ, piˇ ma deuˬ hawˇ-eu tsawˇ haˬ kʼoeˇ deuˬ-aˬ, ngaˇ jawˇ gaˇ laˇ-eu gʼaˇ duˬ, kmˇ tuiˆ maˬ ya laˇ dzeuˇ-a. Laˇ dzeuˇ naˇ, aˬ yawꞈ maꞈ-ahˇ ngaˇ kʼehˬ ma.”

Uˬ duˬ 21:6

Aˬ yawꞈ-aˬ, yaw muiˬ yaw shawˇ shawˇ-ehˇ ya dehꞈ-awˇ, ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ maˬ ya gʼeh-a. Aˬ yawꞈ-aˬ, ngaˬ-ahˇ dzaˬ dzaˬ dawˇ dawˇ lawˇ nehˬ-eu tsawˇ haˬ pyeuꞈ-eu baˬ da neh, ya bi muiˬ ya bi shawˇ meh.

Bawˇtsahˬ 11:18

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ni shawˬ nah gʼaˇ duˬ yawˬ haˇ yawˬ ha muiˬ laˇ shawˇ laˇ ni mˇ-awˬ. Naw maꞈ shaˬ jiˇ ya dzaˬ tehꞈ-a. Naw maꞈ ngoeˇ ngoeˇ-ehˇ, shaˬ jiˇ ya dzaˬ law nmˇ-aˬ lehˇ ehˇ-eu hawˇ-eu, Iˇjiˇtuˆ miˇ kʼahˬ laꞈ kʼoeˇ jawˇ ngeh kʼaˇ boe law miˇ-a lehˇ ehˇ gaˇ Sahˬpaˬ Miˬyehˇ ya gaˬ gʼaˬ-euˬ meh. Nymˬ-mˇ poˆ jawˇ-aˬ, Sahˬpaˬ Miˬyehˇ naw maꞈ-ahˇ shaˬ jiˇ biꞈ laꞈ-awˇ, naw maꞈ ya dzaˬ tehꞈ-a.