Doˆ-iˇ 19:20 - Akha

²⁰ Sahˬpaˬ Miˬyehˇ-aˬ, Siˇnaˆ gawˬ jawˬ uˬ du zaꞈ le-awˇ, Moˇseˬ-ahˇ gawˬ jawˬ uˬ du kuˇ daˆ-euˬ meh. Kʼoeˇ ngeh, Moˇseˬ gawˬ jawˬ uˬ du daˆ leˇ-euˬ meh.

Doˆ-iˇ 19:20 Referans Kwoze

Neˬhaˬmiˇ 9:13

Siˇnaˆ gawˬ jawˬ kʼoeˇ taˆ mˬ-ahˇ neh nawˇ oe-awˇ, nawˬ-euˬ tsawˇ jeuˬ-ahˇ dawˬ ngehˬ cawˬ le-awˇ, muiˬ-eu tsaˬ-eu zahˇ sahˇ kʼoꞈ dawˬ kawˬ deuˬ, aˬ yawꞈ maꞈ-ahˇ nawˇ biꞈ le-euˬ meh.

Jaceuq 81:7

Nawˇ guˆ-eu gaˆ-eu jeˬ tahˬ puˬ-awˇ ngaˬ-ahˇ kuˇ ngeh, nawˬ-ahˇ ngaˇ ka kʼoꞈ nehˬ-euˬ ma. Ngaˬ-euˬ dzuˇ yaꞈ duˬ pyeuꞈ-eu mˬ jeˬ jaˬ lehˇ laꞈ kʼoeˇ jawˇ-awˇ, nawˬ-euˬ shaˇ dawˬ-ahˇ ngaˇ naˇ haˬ-euˬ ma. Meˬliˇbaˬ lawˇ gawˆ dawˬ peh, nawˬ-ahˇ ngaˇ lawˬ haw-euˬ ma.

Doˆ-iˇ 34:4

Sahˬpaˬ Miˬyehˇ neh dawˬ biꞈ-euˬ loꞈ-ehˇ, kʼaˬ lo teˇ byaꞈ nyiˬ byaꞈ Moˇseˬ taꞈ-awˇ, yawˬ nah yawˬ uˬ shawˬ yaw naꞈ-ehˇ, kʼaˬ lo teˇ byaꞈ kʼoeˇ nyiˬ byaꞈ baꞈ-awˇ, Siˇnaˆ gawˬ jawˬ-ahˇ daˆ leˇ-euˬ meh.

Doˆ-iˇ 34:2

Ni shawˬ uˬ shawˬ lehˬ hmˬ-awˇ, Siˇnaˆ gawˬ jawˬ uˬ du ngaˬ-ahˇ tahˬ puˬ laˇ-awˬ.

Doˆ-iˇ 24:18

Gawˬ jawˬ-ahˇ Moˇseˬ daˆ leˇ-awˇ, mˬ dmˇ laꞈ kʼoeˇ le uˇ leꞈ-euˬ meh. Oeˬ tseˇ nah oeˬ tseˇ miˇ keuˆ ni, aˬ yawꞈ kʼoeˇ gaˇ jawˇ-euˬ meh.

Doˆ-iˇ 19:11

Saˇ pehˬ nah maˬ keuˆ laˇ miˇ naˆ-ehˇ, aˬ yawꞈ maꞈ ya lehˬ hmˬ dah meh. Aˬ jeˬ miˇ neh ehˇ naˇ, saˇ pehˬ nah tsawˇ haˬ dawˬ tawˆ luꞈ mawˇ nya gaˇ, Siˇnaˆ gawˬ jawˬ kʼoeˇ taˆ ngaˇ zaꞈ le ma.

Doˆ-iˇ 19:3

Kʼoeˇ ngeh, Miˬyehˇ-ahˇ tahˬ puˬ leˇ-eu gʼaˇ duˬ, gawˬ jawˬ-ahˇ Moˇseˬ le daˆ-euˬ meh. Sahˬpaˬ Miˬyehˇ gawˬ jawˬ-ahˇ jawˇ-awˇ Moˇseˬ-ahˇ kuˇ-eu laꞈ kʼoeˇ, Yaꞈkoˆ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ bi ehˇ nehˬ-iˇ-euˬ meh.

Dawˬmehˬ 9:9

Sahˬpaˬ Miˬyehˇ neh naw maꞈ nehˬ-ehˇ dzaˬ-euˬ dawˬ ma saˇ jaˇ boꞈ taˬ-euˬ kʼaˬ lo teˇ byaꞈ laˬ leˇ-eu gʼaˇ duˬ, Siˇnaˆ gawˬ jawˬ-ahˇ ngaˇ daˆ leˇ-euˬ ma. Oeˬ tseˇ nah oeˬ tseˇ miˇ keuˆ ni, tiˬ jeˬ-iˬ maˬ dzaˬ maˬ dawˇ-ehˇ, kʼoeˇ gaˇ ngaˇ jawˇ-euˬ ma.

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

1 Sahˬpaˬ 19:11

Sahˬpaˬ Miˬyehˇ ehˇ-eu,“Gawˬ jawˬ uˬ du daˆ doˆ leˇ-awˇ, ngaˬ-euˬ mehˬ shi yawꞈ-awˬ.” Kʼoeˇ naˇ, Sahˬpaˬ Miˬyehˇ iˇ tsehˆ gʼeh ngeh jawˇ, guˆ laˇ paˬ-ehˇ gʼeh-eu jaˬ lehˇ tiˬ bahˬ baw laˇ-awˇ, gawˬ jawˬ lo guˇ deuˬ baw paˆ baw shaˆ dzeh-euˬ meh. Ehˇ kʼawꞈ, jaˬ lehˇ laꞈ kʼoeˇ Sahˬpaˬ Miˬyehˇ maˬ ahˇ-a. Jaˬ lehˇ baw-eu naˬ leˇ-awˇ, miˇ luˆ paˇ luˆ laˇ-euˬ meh. Ehˇ kʼawꞈ, miˇ luˆ luˆ-eu laꞈ kʼoeˇ Sahˬpaˬ Miˬyehˇ maˬ ahˇ-a.

Doˆ-iˇ 24:15

Siˇnaˆ gawˬ jawˬ-ahˇ Moˇseˬ daˆ leˇ ngeh, gawˬ jawˬ kʼoeˇ jawˬ-ahˇ mˬ dmˇ kʼawˬ pymˬ pymˬ-euˬ meh.