Doˆ-iˇ 19:15 - Akha

¹⁵ “Saˇ pehˬ nah keuˆ laˇ ngeh, yawˬ gʼaˬ na luꞈ lehˬ hmˬ dah jiˇ-awˇ, heu yaw kaˬ-ahˇ, zaˬ miˬ zaˬ hawˇ-eu kʼaˬ dzeˇ zaˬ yaw kaˬ taˬ yuꞈ taꞈ” lehˇ aˬ yawꞈ maꞈ-ahˇ Moˇseˬ ehˇ nehˬ-euˬ meh.

Doˆ-iˇ 19:15 Referans Kwoze

1 Gawˇliˬtu 7:5

Tiˬ kʼehˬ tiˬ yamˬ laꞈ kʼoeˇ maˬ yuꞈ taꞈ ni guiˬ lahˬ shaˇ-eu gʼaˇ duˬ nyiˬ gʼaˬ luꞈ nui ma tsaˬ-awˇ ehˇ tsehˆ taˬ-euˬ aˇ yamˬ laꞈ kʼoeˇ maˬ ngeuˇ naˇ, tiˬ gʼaˬ tiˇ gʼaˬ maˬ yuꞈ taꞈ lehˇ ehˇ-eu maˬ tsaˬ-a. Aˇ yamˬ kʼoeˇ dzeuˇ naˇ, tiˬ kawˆ loꞈ-ehˇ paˇ yuꞈ paˇ jawˇ taꞈ-awˬ. Kʼoeˇ loꞈ-ehˇ maˬ jahˇ naˇ, naw maꞈ yawˬ ha-euˬ nui ma-ahˇ maˬ gʼaˬ leˇ-eu miˇ neh, nehꞈ Saˬdaˬ muˇ juˇ juˇ gaˇ maˬ dzeuˇ-iˇ nya-a.

Doˆ-iˇ 19:11

Saˇ pehˬ nah maˬ keuˆ laˇ miˇ naˆ-ehˇ, aˬ yawꞈ maꞈ ya lehˬ hmˬ dah meh. Aˬ jeˬ miˇ neh ehˇ naˇ, saˇ pehˬ nah tsawˇ haˬ dawˬ tawˆ luꞈ mawˇ nya gaˇ, Siˇnaˆ gawˬ jawˬ kʼoeˇ taˆ ngaˇ zaꞈ le ma.

Yawˇlaˆ 2:16

Tsawˇ haˬ dawˬ tawˆ luꞈ kuˇ uiˬ-awˇ, muiˬ-eu shawˇ-eu baꞈ dzah dzah-awˬ. Tsawˇ mawˬ, zaˬ guˬ dawˬ tawˆ hawˇ-eu, aˬ coeˇ dawˇ zaˬ deuˬ kʼawꞈ kuˇ-awˬ. Sheuˬdahˬdzaˬ-euˬ tiˬ dehˬ pyeuꞈ-eu, miˬ zaˬ yo zaˬ yaw shuiꞈ deuˬ kʼawꞈ, tiˬ gʼaˬ-iˬ taˬ bi jawˇ tehˬ yaꞈ.

Maꞈtehˬ 24:44

Kʼoeˇ miˇ neh, naw maꞈ aˬ myah luꞈ lehˬ hmˬ dah taˬ-awˬ. Aˬ jeˬ miˇ neh ehˇ naˇ, naw maꞈ maˬ noeˬ maˬ duˬ-ehˇ jawˇ luꞈ ngeh, Tsawˇhaˬ-euˬ Zaˬmaˇ oe tehꞈ-a.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Zaˬkaˬliˇ 7:3

piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ heu loꞈ-ehˇ bi naˇ haˬ laˇ-euˬ meh. “Dzeuˇ laˇ ngeh nga maꞈ neh gʼawˬ mya kʼoꞈ gʼawˬ mya la mˇ dzeuˇ yaꞈ-euˬ loꞈ-ehˇ, Uˬ duˬ tahˬ nymˇ nymˇ ma cawˆ-iˇ-euˬ gaˇ noeˬ keuˆ -awˇ, ba la ngaˬ siˬ tiˬ siˬ-ahˇ maˬ dzaˬ-eu zahˇ jahˇ-awˇ tsawˇ ngoeˇ ngoeˇ-eu jeˬ paˇ mˇ daˆ leꞈ-awˬ loˇ.”

Zaˬkaˬliˇ 6:3

Smˬ laˇ tiˬ laˇ-ahˇ mahˬ mahˬ pyuˇ gʼeu-awˇ, oeˬ laˇ tiˬ laˇ-ahˇ mahˬ mahˬ byaꞈ gʼeu luꞈ-eu meh.

Aˬmoˆ 4:12

“Kʼoeˇ miˇ neh, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ-ahˇ ngaˇ kʼehˬ nehˬ kʼaˆ nehˬ-eu lehˇ gʼeh-eu ma. Ngaˇ kʼoeˇ loꞈ-ehˇ kʼehˬ-eu kʼaˆ-eu lehˇ lehˬ hmˬ taˬ-euˬ miˇ neh, ngaˬ neh yaˇ kʼaˬ daˇ-euˬ gaˇ daˬ-eu gʼaˇ duˬ naw maꞈ yaw muiˬ paˬ-ehˇ lehˬ hmˬ taˬ-awˬ.”

Doˆ-iˇ 19:16

Smˬ nah tiˬ nah uˬ shawˬ paw keuˆ le ngeh, mˬ jeˬ jeˬ-awˇ, mˬ myawꞈ myawꞈ-euˬ meh. Zahˇ tsui ni gʼeh-eu mˬ dmˇ gawˬ jawˬ kʼoeˇ jawˬ kʼoeˇ taˆ jaˆ le-awˇ, kʼaˆ dui dui-eu daˇ heh baw-eu teˇ saˇ mahˇ doˆ laˇ-euˬ meh. Kʼoeˇ ngeh, sehˬ gʼawˆ laꞈ kʼoeˇ jawˇ luꞈ-eu Iˇsaˬleˬlaˆ tsawˇ haˬ dawˬ tawˆ luꞈ guˆ dui dui-awˇ, yaw dzuˬ dzuˬ-euˬ meh.

Doˆ-iˇ 19:14

Kʼoeˇ naˇ, Moˇseˬ gawˬ jawˬ kʼoeˇ taˆ neh yaꞈ ka le-awˇ, uˬ duˬ tahˬ-eu gʼaˇ duˬ lehˬ hmˬ dah-awˬ lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-euˬ meh. Kʼoeˇ ngeh, tsawˇ haˬ kʼoeˇ deuˬ yawˬ ha-euˬ dm gʼaˬ dm lmˇ deuˬ lehˬ tsiˬ-euˬ meh.

1 Laˬsaˬbaˬ 15:12

Leˬbiˇ tsawˇ haˬ kʼoeˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ-aˬ, Leˬbiˇ aˇ jeuˬ deuˬ-euˬ aˬ yuiꞈ aˬ tsu deuˬ pyeuꞈ-eu meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ, ngaˬ neh lehˬ hmˬ taˬ-euˬ jawˇ duˬ-ahˇ naw maꞈ baꞈ keuˆ taˬ-eu gʼaˇ duˬ, naw maꞈ hawˇ-eu naw maꞈ-euˬ tsawˇ haˬ deuˬ gʼawˇ mawˇ shawˇ-eu zahˇ jahˇ-awˬ.

Uˬ duˬ 15:18

Kʼaˬ dzeˇ zaˬ hawˇ-eu zaˬ miˬ zaˬ yuꞈ taꞈ jawˇ taꞈ gʼaˬ naˇ, nyiˬ gʼaˬ luꞈ yawˬ ha-euˬ gʼawˇ mawˇ ya dzuiꞈ shawˇ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.