Doˆ-iˇ 19:10 - Akha

¹⁰ Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, uˬ duˬ tahˬ-eu gʼaˇ duˬ, iˬ nah hawˇ-eu ni shawˬ nah laꞈ kʼoeˇ yawˬ ha-euˬ gʼawˇ mawˇ shawˇ-awˬ lehˇ ehˇ nehˬ-awˬ. Yawˬ ha-euˬ dm gʼaˬ dm lmˇ deuˬ aˬ yawꞈ maꞈ ya lehˬ tsiˬ shawˇ meh.

Doˆ-iˇ 19:10 Referans Kwoze

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

Uˬ duˬ 11:25

Shiˇ taˬ-euˬ jeˬ zaˬ heu deuˬ laˆ lehꞈ-euˬ tsawˇ haˬ-aˬ, yawˬ ha-euˬ mehˬ tsoeˬ ya lehˬ tsiˬ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Aˇ dahˬ 35:2

Kʼoeˇ ngeh, aˬ yawꞈ-euˬ miˬ sawˇ zaˬ deuˬ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ-ahˇ, Yaˬkoˆ heu loꞈ-ehˇ ehˇ nehˬ-euˬ meh. “Naw maꞈ nehˬ-ehˇ jaˆ-eu aˬ cawˬ tsawˇ jeuˬ-euˬ Miˬyehˇ pyeuꞈ-eu tahˬ pahˬ aˬ ma mawˇ kawˇ dawˬ tawˆ luꞈ, biˬ dzeh jiˇ yaꞈ-awˬ. Yawˬ ha-euˬ gʼawˇ mawˇ shawˇ-awˇ, mehˬ tsoeˬ yaw shawˇ dm-awˬ.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

Bawˇtsahˬ 8:21

Leˬbiˇ tsawˇ haˬ deuˬ yawˬ ha-euˬ gʼawˇ mawˇ laˆ muiˬ laˆ shawˇ-awˇ, yawˬ ha-euˬ mehˬ tsoeˬ lehˬ tsiˬ shawˇ-euˬ meh. Kʼoeˇ naˇ, Aˬloˬ gʼaˬ, Leˬbiˇ tsawˇ haˬ deuˬ-ahˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ a nehˬ-euˬ meh. Aˬ yawꞈ maꞈ bi muiˬ bi shawˇ laˇ-eu gʼaˇ duˬ kʼawꞈ, Aˬloˬ jahˇ-euˬ meh.

Uˬ duˬ 15:5

Aˬ yawꞈ-euˬ yuꞈ zaˇ-ahˇ kʼaˇ toeˬ ciˆ leˇ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Yawˇshuˆ 3:5

Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Yawˬ haˇ yawˬ ha laˆ muiˬ laˆ shawˇ-eu zahˇ jahˇ-awˬ. Aˬ jeˬ miˇ neh ehˇ naˇ, ni shawˬ nah Sahˬpaˬ Miˬyehˇ naw maꞈ-ahˇ kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ tehꞈ-a.”

Bawˇtsahˬ 8:7

Aˬ yawꞈ maꞈ muiˬ laˇ shawˇ laˇ ni heu loꞈ-ehˇ jahˇ-awˬ. Bi muiˬ bi shawˇ laˇ-eu iˇ cuꞈ aˬ yawꞈ maꞈ-ahˇ byaˆ shehˬ nehˬ-awˇ, aˬ yawꞈ maꞈ-euˬ gʼawˇ mawˇ mawˇ lah-ehˇ caꞈ hm jehˆ dzeh-awˇ, mehˬ tsoeˬ lehˬ tsiˬ shawˇ-awˬ lehˇ ehˇ nehˬ-awˬ.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.

Yawˇshuˆ 7:13

Tuˇ-awˬ. Iˇsaˬleˬlaˆ tsawˇ haˬ deuˬ-ahˇ gʼawˇ mawˇ shawˇ-eu zahˇ jahˇ nehˬ-awˇ, ngaˇ jawˇ gaˇ laˇ-eu gʼaˇ duˬ bi lehˬ hmˬ dah-awˬ. Ni shawˬ nah lehˬ hmˬ dah taˬ-awˬ lehˇ aˬ yawꞈ maꞈ-ahˇ ehˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ paˬ-ehˇ gʼeh-eu jeˬ jaˆ-eu ma. ‘Iˇsaˬleˬlaˆ tsawˇ jeuˬ-oˇ. Ngaˬ neh ya laˆ luˬ ya laˆ seˇ meh lehˇ ehˇ taˬ-euˬ myawˬ tiˬ deuˬ na, naw maꞈ-euˬ myawˬ gahˬ nehˬ-ehˇ jaˆ luꞈ meh. Myawˬ kʼoeˇ deuˬ naw maꞈ nehˬ-ehˇ kʼaˇ jaˆ kʼoeˇ keuˆ ni, muiˇ-eu deuˬ-ahˇ naw maꞈ guiˇ maˬ deuˆ gʼaˬ nya-a’ lehˇ ehˇ nehˬ paˬ-ehˇ jaˆ-eu ma.

2 Laˬsaˬbaˬ 29:5

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ Leˬbiˇ tsawˇ haˬ deuˬ yawˬ ha-euˬ gʼawˇ mawˇ mˇ shawˇ-awˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ laˆ muiˬ laˆ shawˇ-awˬ. Uˬ duˬ tahˬ nymˇ nymˇ ma laꞈ kʼoeˇ jaˆ-eu yaw jawꞈ yaw laꞈ dawˬ tawˆ luꞈ yuˆ dzeh jiˇ-awˬ.

Bawˇtsahˬ 31:24

Shiꞈ nah tiˬ nah-ahˇ, naw maꞈ yawˬ ha-euˬ mehˬ tsoeˬ ya lehˬ tsiˬ shawˇ meh. Kʼoeˇ naˇ, naw maꞈ shawˇ laˇ-awˇ, pu-ahˇ gʼoꞈ uˇ laˇ nya meh.”

Yawˇbaˆ 1:5

Dzaˬ byawˇ kʼaˇ lawˇ ngeh, yawˬ shawˬ yawˬ uˬ shawˬ yaw naꞈ-ehˇ Yawˇbaˆ tuˇ-awˇ, aˬ yawꞈ-euˬ zaˬ aˬ yawꞈ gʼaˬ yawꞈ gʼaˇ duˬ lawˇ-eu shehˇ-eu jeˬ mˇ-awˇ, shawˇ nehˬ-eu meh. Aˬ yawꞈ-euˬ zaˬ tiˬ gʼaˬ na maˬ noeˬ maˬ duˇ-ehˇ Miˬyehˇ-ahˇ mˇ bahˬ-euˬ baw le lehˇ aˬ yawꞈ kʼahˬ lahˇ-eu baˬ da neh, kʼoeˇ loꞈ-ehˇ mˇ-euˬ meh.

2 Laˬsaˬbaˬ 29:34

Jeˬ zaˬ kʼoeˇ deuˬ dawˬ tawˆ luꞈ-ahˇ sehꞈ jiˇ coeˇ ni piˇ ma maˬ jawˇ myaˬ-eu miˇ neh, caw mˇ caw shaˇ-eu gʼaˇ duˬ piˇ ma nui deuˬ yawˬ ha-euˬ gʼawˇ mawˇ mˇ shawˇ gʼaˬ ngeh keuˆ ni, gaˇ kʼoeˇ mˇ luiˆ nya ni Leˬbiˇ tsawˇ haˬ deuˬ caw ba nehˬ-euˬ meh. Leˬbiˇ tsawˇ haˬ deuˬ-aˬ, yawˬ ha-euˬ gʼawˇ mawˇ yaw shawˇ shawˇ-ehˇ dehꞈ-eu paw, piˇ ma deuˬ naˆ maˬ tseˇ saˇ jaˇ taˬ nya-eu meh.

1 Saˬmeuˬlaˆ 16:5

Aˬ yawꞈ ehˇ-eu, “Yaw lehˬ doˆ laˇ-euˬ miˇ neh oe-euˬ maˬ ngeuˇ. Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ tehꞈ ma. Naw maꞈ-euˬ gʼawˇ mawˇ shawˇ-awˇ ngaˬ nehˬ-ehˇ laˇ-awˬ.” Yeˬshehˇ hawˇ-eu aˬ yawꞈ-euˬ aˬ li deuˬ kʼawꞈ, gʼawˇ mawˇ shawˇ-awˇ lawˇ gaˇ shehˇ gaˇ laˇ-eu gʼaˇ duˬ aˬ yawꞈ kuˇ-euˬ meh.

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.

Bawˇtsahˬ 11:18

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ni shawˬ nah gʼaˇ duˬ yawˬ haˇ yawˬ ha muiˬ laˇ shawˇ laˇ ni mˇ-awˬ. Naw maꞈ shaˬ jiˇ ya dzaˬ tehꞈ-a. Naw maꞈ ngoeˇ ngoeˇ-ehˇ, shaˬ jiˇ ya dzaˬ law nmˇ-aˬ lehˇ ehˇ-eu hawˇ-eu, Iˇjiˇtuˆ miˇ kʼahˬ laꞈ kʼoeˇ jawˇ ngeh kʼaˇ boe law miˇ-a lehˇ ehˇ gaˇ Sahˬpaˬ Miˬyehˇ ya gaˬ gʼaˬ-euˬ meh. Nymˬ-mˇ poˆ jawˇ-aˬ, Sahˬpaˬ Miˬyehˇ naw maꞈ-ahˇ shaˬ jiˇ biꞈ laꞈ-awˇ, naw maꞈ ya dzaˬ tehꞈ-a.

Bawˇtsahˬ 19:19

Smˬ nah aˬ yawꞈ nah hawˇ-eu shiꞈ nah aˬ yawꞈ nah-ahˇ, shawˇ-eu tsawˇ haˬ tiˬ gʼaˬ maˬ shawˇ-eu tsawˇ haˬ kʼoeˇ gʼaˬ-ahˇ iˇ cuꞈ kʼoeˇ neh ya byaˆ shehˬ nehˬ meh. Shiꞈ nah aˬ yawꞈ nah-ahˇ maˬ shawˇ-eu tsawˇ haˬ kʼoeˇ gʼaˬ-ahˇ aˬ yawꞈ maꞈ mˇ shawˇ nehˬ-awˇ, tsawˇ haˬ kʼoeˇ gʼaˬ yawˬ ha-euˬ mehˬ tsoeˬ lehˬ tsiˬ-awˇ, yawˬ haˇ yawˬ ha iˇ cuꞈ ya kuˬ shehˬ meh. Kʼoeˇ naˇ, kʼoeˇ ngeh nah nahˇ ma ga ahˇ ngeh aˬ yawꞈ shawˇ laˇ-eu meh.

2 Saˬmeuˬlaˆ 19:24

Kʼoeˇ naˇ, Sawˇluˆ-euˬ oeˬ paˬ Meˬpiˇbawˇshehˆ gʼaˬ, Daˬbiˇ-ahˇ tahˬ puˬ le-eu lehˇ oe-euˬ meh. sahˬ paˬ doˆ-iˇ ngeh tiˬ nah neh, laˬ kʼaˬ tiˬ cehˇ paˇ gʼoꞈ keuˆ laˇ ngeh tiˬ nah keuˆ ni, aˬ yawꞈ aˬ kuiˇ maˬ dzuiꞈ, mehˬ mahˬ maˬ jehˆ-ehˇ, mehˬ tsoeˬ kʼawꞈ maˬ lehˬ tsiˬ dm ni jawˇ-euˬ meh.

Bawˇtsahˬ 31:23

heu loꞈ-ehˇ gʼeh-eu miˬ dzaˬ maˬ puiˆ dzaˬ nya-eu mˇ myawˬ deuˬ-ahˇ miˬ dzaˬ-ahˇ myawꞈ-eu laꞈ kʼoeˇ ya bi muiˬ ya bi shawˇ laˇ meh. Nui jeˬ-ahˇ iˇ cuꞈ neh tsiˬ shawˇ-eu laꞈ kʼoeˇ ya bi muiˬ ya bi shawˇ laˇ meh.