Doˆ-iˇ 19:1 - Akha

^1-2 Iˇsaˬleˬlaˆ tsawˇ haˬ deuˬ-aˬ, Leˬpiˇdeˬ lehˇ kuˇ-eu jawˇ duˬ-ahˇ neh doˆ-iˇ-awˇ, Iˇjiˇtuˆ miˇ kʼahˬ-ahˇ neh aˬ yawꞈ maꞈ doˆ le-euˬ ba la smˇ siˬ tiˬ siˬ laꞈ kʼoeˇ uˇ leˇ-euˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ laꞈ kʼoeˇ oe keuˆ-euˬ meh. Aˬ yawꞈ maꞈ-aˬ, Siˇnaˆ gawˬ jawˬ dawˬ dahˬ-ahˇ sehˬ gʼawˆ gʼawˆ-awˇ naˬ-euˬ meh.

Doˆ-iˇ 19:1 Referans Kwoze

Doˆ-iˇ 16:1

Iˇsaˬleˬlaˆ tsawˇ haˬ dawˬ tawˆ luꞈ Eˇleˬ-ahˇ neh doˆ-iˇ-euˬ meh. Aˬ yawꞈ maꞈ Iˇjiˇtuˆ miˇ kʼahˬ laꞈ kʼoeˇ neh doˆ le-euˬ ba la nyiˬ siˬ tiˬ siˬ tseˇ ngaˬ nah tiˬ nah byah laˇ ngeh, Eˇleˬ hawˇ-eu Siˇnaˆ gawˬ jawˬ yaw kaˬ-ahˇ jaˆ-eu Siˬ lehˇ kuˇ-eu jawˇ duˬ-ahˇ aˬ yawꞈ maꞈ oe keuˆ-euˬ meh.

Doˆ-iˇ 12:6

Ba la heu siˬ tseˇ oeˬ nah uˬ ciꞈ uˬ taw paw, Iˇsaˬleˬlaˆ tsawˇ haˬ dawˬ tawˆ luꞈ jeˬ zaˬ ya sehꞈ meh.

Bawˇtsahˬ 33:15

Leˬpiˇdeˬ-ahˇ neh Hawˇlaˆ gawˬ jawˬ yaw kaˬ-ahˇ, jawˇ duˬ heu deuˬ-ahˇ aˬ yawꞈ maꞈ jawˇ naˬ-euˬ meh. Siˇnaˆ bawˇ tsahˬ bawˇ dahˇ, Giˇbyoˆhaˬtaˬbaˬ (mehˇ juiˇ juiˇ-eu lmˬ bymˇ), Haˬzeˬloˆ, Liˇdaˬmaˬ, Leˬmoˬpaˬyehˆ, Liˇbaˬnaˬ, Li sah, Jeˬhaˇlaˬdaˇ, Sheˬpeuˬ gawˬ jawˬ, Haˬlaˬdaˬ, Maˬkaˬheˬloˆ, Taˬhaˇ, Teˬlah, Miˇdaˬkaˬ, Haˬshaˬmoˇnaˬ, Moˇseˬlawˆ, Beˬneˬjaˬkaˬ, Hawˇlaˆhaˬgiˇgaˆ, Yoˇbaˬdaˬ, Aˬbyoˬnaˬ, Eˬzoˇgeˇbaˬ, Ziˇnaˆ lehˇ kuˇ-eu bawˇ tsahˬ bawˇ dahˇ (Kaˬdeˬshaˇ-ahˇ ehˇ-eu meh) hawˇ-eu Eˬdoˬ miˇ kʼahˬ gaˇ dzeˇ jaˆ-eu Hawˇlaˆ gawˬ jawˬ heu deuˬ meh.

Doˆ-iˇ 12:2

“Ba la heu siˬ-aˬ, tiˬ kʼoꞈ laꞈ kʼoeˇ naw maꞈ gʼaˇ duˬ ba la yaw beh siˬ pyeuꞈ-eu meh.

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Doˆ-iˇ 12:51

Kʼoeˇ ngeh nah laꞈ kʼoeˇ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Doˆ-iˇ 40:2

“Ba la yaw beh siˬ yaw beh nah-ahˇ, Sahˬpaˬ Miˬyehˇ jawˇ-eu Sehˬ gʼawˆ tsoˆ-awˬ.

Bawˇtsahˬ 3:14

Siˇnaˆ bawˇ tsahˬ bawˇ dahˇ laꞈ kʼoeˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Dawˬmehˬ 1:6

“Siˇnaˆ gawˬ jawˬ-ahˇ aˬ dui jawˇ luꞈ ngeh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ heu loꞈ-ehˇ ehˇ-eu meh. ‘Gawˬ jawˬ heu jawˬ-ahˇ naw maꞈ jawˇ luꞈ-eu myahˇ laˇ-euˬ meh.

Dawˬmehˬ 4:10

Siˇnaˆ gawˬ jawˬ-ahˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi naw maꞈ yawꞈ ngeh nah, aˬ yawꞈ ngaˬ-ahˇ ehˇ-eu, ‘Iˇsaˬleˬlaˆ tsawˇ haˬ deuˬ kuˇ uiˬ-awˬ. Aˬ yawꞈ maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ ngaˬ-euˬ ehˇ dawˬ naˇ haˬ geuꞈ-awˇ, aˬ yawꞈ maꞈ-euˬ zaˬ deuˬ ngaˬ-ahˇ guˆ ni, aˬ yawꞈ maꞈ mehˬ nehˬ tsoˆ nehˬ nya-eu gʼaˇ duˬ, aˬ yawꞈ maꞈ-ahˇ ngaˬ-euˬ dawˬ bi gaˬ mawꞈ nya’ lehˇ ehˇ-eu meh. Aˬ yawꞈ neh ehˇ-euˬ dawˬ kʼoeˇ dawˬ-ahˇ naw maꞈ taˬ ngehˇ.

Dawˬmehˬ 4:15

“Siˇnaˆ gawˬ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ dawˬ ngehˬ cawˬ ngeh, aˬ yawꞈ-euˬ gʼawˇ mawˇ seuˆ dzeuꞈ-ahˇ naw maꞈ maˬ ya mawˇ-aˬ. Kʼoeˇ miˇ neh, kʼaˬ dzeˇ zaˬ hawˇ-eu zaˬ miˬ zaˬ-ahˇ maˬ ehˇ, jeˬ zaˬ hawˇ-eu aˇ jiˇ-ahˇ maˬ ehˇ, miˇ tsaˬ-ahˇ joe joe-ehˇ cah-eu jeˬ hawˇ-eu ngaˬ shaˬ-ahˇ maˬ ehˇ, kʼoeˇ deuˬ-ahˇ duˇ leˇ-eu tahˬ pahˬ aˬ ma mawˇ kawˇ yawˬ ha gʼaˇ duˬ tehˆ-eu laꞈ kʼoeˇ, naw maꞈ iˬ baˇ maˬ ya mˇ ni yawˬ haˇ yawˬ ha yahˇ-awˬ.

Dawˬmehˬ 5:2

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ, Siˇnaˆ gawˬ jawˬ kʼoeˇ taˆ dawˬ ma saˇ jaˇ dzaˬ-euˬ meh.

Yeˬsaˬgeˬlaˇ 20:10

“Kʼoeˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, bawˇ tsahˬ bawˇ dahˇ-ahˇ sheuˬ gʼeh-euˬ ma.

Bawˇtsahˬ 1:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le gʼaˬ-awˇ, nyiˬ kʼoꞈ tiˬ kʼoꞈ ba la nyiˬ siˬ tiˬ siˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ-ahˇ jaˆ-eu Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ, Moˇseˬ-ahˇ Sahˬpaˬ Miˬyehˇ dawˬ ngehˬ cawˬ-euˬ meh. Aˬ yawꞈ ehˇ-eu,

Bawˇtsahˬ 10:12

Kʼoeˇ ngeh, Iˇsaˬleˬlaˆ tsawˇ haˬ deuˬ luˆ-iˇ-awˇ, Siˇnaˆ bawˇ tsahˬ bawˇ dahˇ laꞈ kʼoeˇ neh doˆ-iˇ-euˬ meh. Kʼoeˇ naˇ, Paˬlaˬ lehˇ kuˇ-eu bawˇ tsahˬ bawˇ dahˇ-ahˇ naˬ-iˇ-euˬ meh.