Doˆ-iˇ 18:7 - Akha

⁷ Kʼoeˇ ngeh, Moˇseˬ aˬ yawꞈ-ahˇ tahˬ puˬ leˇ-awˇ, aˬ yawꞈ-euˬ mehˬ shi uˬ duˬ tahˬ moꞈ-awˇ, aˬ yawꞈ-ahˇ mehˬ cuˇ cuˇ-euˬ meh. Aˬ yawꞈ nyaꞈ tiˬ gʼaˬ tiˇ gʼaˬ dawˬ cawˬ puˬ-awˇ, Moˇseˬ-euˬ sehˬ gʼawˆ laꞈ kʼoeˇ uˇ-iˇ-euˬ meh.

Doˆ-iˇ 18:7 Referans Kwoze

Aˇ dahˬ 29:13

Laˬbaˬ-aˬ, aˬ yawꞈ-euˬ zaˬ oeˇ oe keuˆ-euˬ gaˇ kawˆ ya gaˬ ngeh, cehˆ gʼeh-awˇ ha laˬ-iˇ-euˬ meh. Yaˬkoˆ-ahˇ aˬ yawꞈ byaˇ cuꞈ-awˇ, mehˬ cuˇ cuˇ nehˬ gʼaˬ-awˇ , iˇ kahˇ-ahˇ sheuˬ kʼoꞈ laꞈ-euˬ meh. Kʼoeˇ naˇ, kʼaˇ pyeuꞈ laˇ-euˬ gaˇ kawˆ dawˬ tawˆ luꞈ, Laˬbaˬ-ahˇ Yaˬkoˆ dzawˇ nehˬ-euˬ meh,

1 Sahˬpaˬ 2:19

Kʼoeˇ naˇ, Aˬdawˇniˇyaˆ-euˬ dah zaˇ sahˬ paˬ-ahˇ dawˬ ngehˬ cawˬ leˇ-eu lehˇ, Baˬsheˬba le-euˬ meh. Sahˬpaˬ tsawˬ tuˇ laˇ-awˇ, aˬ yawꞈ-euˬ aˬ ma-ahˇ ha-awˇ, aˬ yawꞈ aˬ ma-euˬ mehˬ shi awˆ byaˆ-eu laꞈ kʼoeˇ yaw zeu baw nehˬ-euˬ meh. Kʼoeˇ naˇ, dzoeˬ dzaˬ nuiˇ mahˬ-ahˇ aˬ yawꞈ paˇ nuiˇ-awˇ, nuiˇ mahˬ yawˬ hmˬ yawˬ paˇ bi baꞈ laꞈ-awˇ, aˬ yawꞈ aˬ ma-ahˇ aˬ yawꞈ-euˬ aˇ maˇ paw bi nuiˇ-euˬ meh.

2 Saˬmeuˬlaˆ 11:7

Uˇliˇyaˆ gʼoꞈ keuˆ laˇ ngeh, Yoˇbaˬ hawˇ-eu aˬ yawꞈ-euˬ guiˇ maꞈ deuˬ aˬ joˆ-ehˇ jawˇ luꞈ-eu gaˇ kawˆ hawˇ-eu, guiˇ aˬ joˆ-ehˇ deuˆ luꞈ-eu gaˇ kawˆ deuˬ, aˬ yawꞈ-ahˇ Daˬbiˇ naˇ haˬ-euˬ meh.

Aˇ dahˬ 19:1

Mˬ taˆ gʼaˬ kʼehˇ kʼoeˇ nyiˬ gʼaˬ uˬ ciꞈ uˬ taw paw Sawˇdoˬ meuˬ-ahˇ oe ngeh, meuˬ-euˬ lahˇ kʼehˬ-ahˇ Lawˇtaˬ nuiˇ luꞈ-eu meh. Aˬ yawꞈ nyaꞈ-ahˇ aˬ yawꞈ ya mawˇ ngeh, tsawˬ tuˇ-awˇ ha laˬ-iˇ-euˬ meh. Aˬ yawꞈ nyaꞈ-euˬ mehˬ shi Lawˇtaˬ pawˬ tsuiꞈ pawˬ dmˬ dmˬ-awˇ, awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Aˇ dahˬ 18:2

Aˬ yawꞈ haw gʼeh leꞈ ngeh, tsawˇ haˬ smˇ gʼaˬ yawꞈ luꞈ gaˇ ya mawˇ-euˬ meh. Tsawˇ haˬ kʼoeˇ smˇ gʼaˬ-ahˇ aˬ yawꞈ ya mawˇ ngeh, tiˬ poˆ tehꞈ-ehˇ coeˬ doˆ gʼeh-awˇ ha laˬ leˇ-euˬ meh. Aˬbyaˬhaˬ pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Aˇ dahˬ 14:17

Sahˬ paˬ Sheˬdawˇlawˇmaˬ hawˇ-eu aˬ yawꞈ-euˬ cawˬ sahˬ paˬ deuˬ-ahˇ Aˬbyaˬ guiˇ deuˆ gʼaˬ-awˇ gʼoꞈ laˇ ngeh, Sawˇdoˬ sahˬ paˬ gʼaˬ Shaˬbehˇ deh ga ga ma-ahˇ keuˆ ni oe keuˆ-awˇ ha laˬ le-euˬ meh. Deh ga kʼoeˇ ga-ahˇ sahˬ paˬ-euˬ deh ga lehˇ kʼawꞈ kuˇ-eu meh.

Gʼaˬkʼehˇ 28:15

Loˇmaˆ meuˬ-ahˇ jawˇ-eu jah-eu tsawˇ haˬ deuˬ nga maꞈ gaˇ kawˆ ya gaˬ-awˇ, Aˬbiˇ-euˬ Lehˆ lehˇ kuˇ-eu meuˬ hawˇ-eu Saˆlaˬ Smˇlaˬ lehˇ kuˇ-eu meuˬ-ahˇ keuˆ ni oe-awˇ, nga maꞈ-ahˇ tahˬ puˬ le-euˬ meh. Aˬ yawꞈ maꞈ-ahˇ Pawˇluˆ ya mawˇ ngeh, nui ma gʼaˬ tiˬ tiˆ paˇ ahˇ laˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh.

Gʼaˬkʼehˇ 20:37

Aˬ yawꞈ maꞈ ngoeˇ ngoeˇ-ehˇ, Pawˇluˆ-ahˇ byaˇ tehˬ-awˇ mehˬ cuˇ cuˇ nehˬ-euˬ meh.

Luˇkaꞈ 7:45

Nawˇ ngaˬ-ahˇ mehˬ cuˇ cuˇ-awˇ maˬ ha nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ-aˬ, ngaˇ uˇ laˇ ngeh neh nymˬ-mˇ keuˆ ni, ngaˬ-euˬ aˬ kuiˇ-ahˇ mehˬ cuˇ cuˇ-eu maˬ naˬ leˇ-aˬ siˬ.

Yaˇ kʼaˬ daˇ 11:34

Miˇzaˬpaˬ meuˬ-ahˇ jaˆ-eu aˬ yawꞈ-euˬ nymˇ-ahˇ Yeˬpaˬtaˆ gʼoꞈ le ngeh, aˬ yawꞈ-euˬ aˬ buˇ cehˇ lehˇ ciˆ-awˇ, gaˇ nyeh nyeh nyeh-ehˇ aˬ yawꞈ-ahˇ ha laˬ le-euˬ meh. Aˬ yawꞈ-aˬ, aˬ buˇ kʼoeˇ tiˬ buˇ tehꞈ-ehˇ jawˇ-eu meh.

Bawˇtsahˬ 22:36

Baˬlamˬ laˇ luꞈ-eu gaˇ kawˆ Baˬlehˇ ya gaˬ ngeh Mawˇbaˆ miˇ kʼahˬ-ahˇ yoeˇ-eu Aˬnoˬ lawˇ baˬ lawˇ deh jaˆ-eu Aˇlaˆ meuˬ-ahˇ iˇ-awˇ ha laˬ-iˇ-euˬ meh.

Aˇ dahˬ 46:29

Kʼoeˇ naˇ, Yoˇsehˆ mahˬ laˆ lawˬ dziˬ-awˇ, aˬ yawꞈ-euˬ aˬ da-ahˇ tahˬ puˬ leˇ-euˬ meh. Aˬ nyaꞈ da zaˬ tiˬ gʼaˬ tiˇ gʼaˬ tahˬ puˬ ngeh, aˬ yawꞈ aˬ da-euˬ kawˬ lahˇ-ahˇ Yoˇsehˆ byaˇ cuꞈ-awˇ, gʼawˬ myahˇ ni ngoeˇ-euˬ meh.

Aˇ dahˬ 45:15

Yoˇsehˆ ngoeˇ ngoeˇ-ehˇ, aˬ ha mehˇ nmˇ tiˬ gʼaˬ saˇ-iˬ tiˬ gʼaˬ-ahˇ byaˇ cuꞈ-awˇ, mehˬ cuˇ cuˇ nehˬ-euˬ meh. Kʼoeˇ naˇ, aˬ ha mehˇ nmˇ aˬ yawꞈ nehˬ-ehˇ dawˬ ja ja cawˬ-euˬ meh.

Aˇ dahˬ 31:28

Ngaˬ buˇ deuˬ hawˇ-eu ngaˬ-euˬ oeˬ paˬ oeˬ ma deuˬ-ahˇ maˬ ya gʼawˬ-iˇ mi naˆ-ehˇ, mehˬ cuˇ cuˇ nehˬ-eu aˇ yamˬ kʼawꞈ nawˇ ngaˬ-ahˇ maˬ biꞈ laꞈ-a. Nawˇ teu naˆ naˆ-ehˇ aˬ joˆ-ehˇ gʼeh kʼmˬ-eu nya.

Aˇ dahˬ 43:26

Yoˇsehˆ iˇ kahˇ gʼoꞈ keuˆ laˇ ngeh, aˬ ha mehˇ nmˇ nymˇ laꞈ kʼoeˇ paw Yoˇsehˆ jawˇ gaˇ laꞈ sawˬ yuˇ gʼeh nehˬ-awˇ, pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, Yoˇsehˆ-ahˇ yaw zeu baw nehˬ-euˬ meh.

Doˆ-iˇ 4:27

Aˇ yamˬ kʼoeˇ yamˬ laꞈ kʼoeˇ, “Moˇseˬ-ahˇ tahˬ puˬ-iˇ-eu gʼaˇ duˬ, bawˇ tsahˬ bawˇ dahˇ-ahˇ iˇ-awˬ” lehˇ, Aˬloˬ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Aˬloˬ iˇ-awˇ, Moˇseˬ-ahˇ muiˬ-eu shawˇ-eu gawˬ jawˬ-ahˇ tahˬ puˬ-awˇ, mehˬ cuˇ cuˇ nehˬ-euˬ meh.

Doˆ-iˇ 18:6

Yeˬdaˬyoˇ-aˬ, aˬ yawꞈ maꞈ oe luꞈ-eu gaˇ kawˆ, Moˇseˬ-ahˇ bi tsaꞈ gaˬ-iˇ-euˬ meh.

Doˆ-iˇ 33:7

Iˇsaˬleˬlaˆ tsawˇ haˬ deuˬ kʼaˇ jawˇ naˬ-euˬ tsahˇ-ahˇ, aˬ yawꞈ maꞈ-euˬ sehˬ gʼawˆ deuˬ nehˬ-ehˇ ui cuiˆ gaˇ mahˇ kaˬ gaˇ, muiˬ-eu shawˇ-eu Sehˬ gʼawˆ kʼoeˇ gʼawˆ Moˇseˬ bi jaˆ-euˬ meh. Sehˬ gʼawˆ kʼoeˇ gʼawˆ-ahˇ, Sahˬpaˬ Miˬyehˇ jawˇ-eu Sehˬ gʼawˆ lehˇ myahˇ-awˇ, Sahˬpaˬ Miˬyehˇ-ahˇ kʼaˇ tahˬ puˬ mawꞈ-eu tsawˇ haˬ deuˬ kʼoeˇ gaˇ ya le-eu meh.

1 Saˬmeuˬlaˆ 17:18

Guiˇ maꞈ-ahˇ uˆ lahˇ-eu gʼaˬ jawˇ gaˇ kʼawꞈ, mawˇ neˇ aˬ coeˇ neh jahˇ taˬ-euˬ kaˬ muˇ tseˇ siˬ yuˇ gʼeh nehˬ-awˬ. Nawˬ-euˬ aˇ doˆ deuˬ aˬ joˆ-ehˇ jawˇ luꞈ nga lehˇ haw-awˇ, aˬ yawꞈ maꞈ-ahˇ nawˇ haw mawˇ yaꞈ-euˬ yaw duˬ baw ni, tiˬ jeˬ paˬ yuˇ kʼoꞈ leꞈ-awˬ.

1 Saˬmeuˬlaˆ 17:22

Daˬbiˇ-aˬ, aˬ yawꞈ neh yuˇ laꞈ-euˬ dzaˬ dzaˬ dawˇ dawˇ kʼoeˇ deuˬ-ahˇ, dzaˬ-eu dawˇ-eu paw haw-eu aˬ yuiꞈ geuꞈ-eu gʼaˬ jawˇ gaˇ bi jaˆ yaꞈ-awˇ, guiˇ deuˆ duˬ-ahˇ cehˆ gʼeh-awˇ, aˬ yawꞈ-euˬ aˇ doˆ deuˬ aˬ joˆ-ehˇ jawˇ luꞈ-eu gaˇ kawˆ naˇ haˬ leˇ-euˬ meh.