Doˆ-iˇ 18:22 - Akha

²² Aˬ yawꞈ maꞈ-ahˇ, Iˇsaˬleˬlaˆ tsawˇ haˬ deuˬ kʼoeˇ taˆ aˬ myah luꞈ yaˇ kʼaˬ daˇ nehˬ-eu yaˇ kʼaˬ daˇ-eu tsawˇ haˬ deuˬ bi geuꞈ-awˬ. Huiˬ dui dui-eu gaˇ deuˬ-aˬ, nawˇ jawˇ gaˇ aˬ yawꞈ maꞈ ya yuˇ laꞈ meh. Ehˇ kʼawꞈ, gaˇ yaw nyiˇ deuˬ-ahˇ, aˬ yawꞈ maꞈ yawˬ haˇ yawˬ ha jahˇ jiˇ nya tehꞈ-a. Kʼoeˇ loꞈ-ehˇ jahˇ-awˇ, nawˬ-euˬ kʼaˆ behˆ aˬ yawꞈ maꞈ caw pi naˇ, nawˇ gaˇ mˇ-eu awˬ dzehˬ laˇ tehꞈ-a.

Doˆ-iˇ 18:22 Referans Kwoze

Bawˇtsahˬ 11:17

Ngaˇ zaꞈ le-awˇ, nawˬ-ahˇ kʼoeˇ gaˇ dawˬ ngehˬ cawˬ le-awˇ, ngaˬ neh nawˬ-ahˇ biꞈ taˬ-euˬ yaw sahˇ tiˬ paˆ deuˬ yuˇ-awˇ, aˬ yawꞈ maꞈ-ahˇ biꞈ nehˬ ma. Kʼoeˇ naˇ, tsawˇ haˬ heu deuˬ-ahˇ sheuˬ gʼeh-eu nawˬ-euˬ gaˇ-ahˇ aˬ yawꞈ maꞈ caw ba-awˇ, gaˇ kʼoeˇ nawˬ-ahˇ tehꞈ-ehˇ maˬ paˇ daˇ ni pyeuꞈ-iˇ tehꞈ-a.

Bawˇtsahˬ 36:1

Yoˇsehˆ-euˬ aˬ li Maˬnaˇseˬ, Maˬnaˇseˬ-euˬ aˬ li Maˬkiˬlaˇ, Maˬkiˬlaˇ-euˬ aˬ li Giˇlaˆ meh. Giˇlaˆ-euˬ aˇ jeuˬ laꞈ kʼoeˇ aˬ yuiꞈ aˬ tsu geuꞈ-eu deuˬ Moˇseˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ jawˇ gaˇ le-euˬ meh.

Bawˇtsahˬ 27:2

Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ, Moˇseˬ, piˇ ma Eˇlaˬzaˬ, Iˇsaˬleˬlaˆ tsawˇ haˬ-euˬ aˬ yuiꞈ aˬ tsu deuˬ hawˇ-eu, tsawˇ haˬ aˇ maꞈ aˇ muˇ dawˬ tawˆ luꞈ-euˬ mehˬ shi, Zeˬlawˇpaˬ-euˬ aˬ buˇ kʼoeˇ deuˬ yawꞈ leˇ-awˇ ehˇ-eu,

Bawˇtsahˬ 15:33

Kʼoeˇ naˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ jawˇ gaˇ, tsawˇ haˬ kʼoeˇ gʼaˬ-ahˇ sheuˬ laꞈ-euˬ meh.

Uˬ duˬ 24:11

Iˇsaˬleˬlaˆ zaˬ miˬ zaˬ-euˬ aˬ li pyeuꞈ-eu tsawˇ haˬ kʼoeˇ gʼaˬ, Sahˬpaˬ Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Kʼoeˇ miˇ neh, tsawˇ haˬ kʼoeˇ gʼaˬ-ahˇ, Moˇseˬ jawˇ gaˇ aˬ yawꞈ maꞈ sheuˬ gʼeh-euˬ meh. (Aˬ yawꞈ-euˬ aˬ ma-aˬ, Daˬ aˇ jeuˬ Diˇbaˬliˇ-euˬ aˬ buˇ Sheˬloˇmiˇ pyeuꞈ-eu meh.)

Doˆ-iˇ 18:26

Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ kʼoeˇ taˆ, aˬ myah luꞈ yaˇ kʼaˬ daˇ nehˬ-eu yaˇ kʼaˬ daˇ-eu tsawˇ haˬ deuˬ geuꞈ-awˇ, huiˬ-eu gaˇ deuˬ tehꞈ-ehˇ Moˇseˬ jawˇ gaˇ bi keuˆ leˇ-awˇ, nyiˇ-eu gaˇ deuˬ-ahˇ yawˬ haˇ yawˬ ha jahˇ jiˇ-euˬ meh.

Lormav 13:6

Kʼoeˇ baˬ da neh, naw maꞈ kawˬ ya doˆ nehˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ yawˬ ha-euˬ gaˇ mˇ-eu kʼoeˇ-aˬ, Miˬyehˇ-euˬ gʼaˇ duˬ mˇ luꞈ-eu jeˬ pyeuꞈ-eu meh.

Doˆ-iˇ 18:18

“Nawˇ mˇ-eu maˬ tsaˬ nga siˬ. Heu loꞈ-ehˇ mˇ naˇ, nawˬ-euˬ gʼaˇ duˬ maˬ ehˇ, nawˬ-euˬ tsawˇ haˬ deuˬ gʼaˇ duˬ maˬ ehˇ, yaw shaˬ tehꞈ-a. Gaˇ heu hmˬ-aˬ, nawˇ tiˬ gʼaˬ tehꞈ-ehˇ mˇ gʼaˬ coeˇ-eu gaˇ maˬ ngeuˇ nga.

Doˆ-iˇ 18:23

Miˬyehˇ nawˬ-ahˇ dawˬ biꞈ-euˬ loꞈ-ehˇ, nawˇ kʼoeˇ loꞈ-ehˇ mˇ naˇ, gʼaˬ doeˇ maˬ doeˇ-eu uˬ taꞈ, tsawˇ haˬ heu deuˬ dawˬ tawˆ luꞈ kʼawꞈ, tiˬ gʼaˬ tiˇ gʼaˬ kʼaˇ ja dzaˬ-eu jeˬ dawˬ tawˆ luꞈ, laˆ tsaˬ geuꞈ jiˇ-awˇ ya gʼoꞈ-iˇ tehꞈ-a.”

Eˇzaˬlaˬ 7:25

“Eˇzaˬlaˬ nawˇ gʼaˬ-aˬ, nawˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ gʼoe-awˇ dehꞈ luꞈ-eu Uˇpaˬlaˇ lawˇ baˬ nahˇ ma doˆ kʼehˬ paw kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ bi uˆ lahˇ-eu gʼaˇ duˬ, nawˬ-euˬ Miˬyehˇ neh nawˬ-ahˇ biꞈ taˬ-euˬ zaˬ siˬ tsawˇ gahˇ-ahˇ gʼoe-awˇ, uˆ lahˇ-eu deuˬ hawˇ-eu yaˇ kʼaˬ daˇ-eu deuˬ tseˇ doˆ-awˬ. Zahˇ dawˬ kʼoꞈ dawˬ-ahˇ maˬ siˬ-eu tsawˇ haˬ deuˬ-ahˇ nawˇ zahˇ dawˬ kʼoꞈ dawˬ mehˬ nehˬ-awˬ.