Doˆ-iˇ 18:12 - Akha

¹² Kʼoeˇ ngeh, Moˇseˬ-euˬ tsawˇ mawˬ Yeˬdaˬyoˇ-aˬ, Miˬyehˇ-ahˇ lawˇ nehˬ-eu gʼaˇ duˬ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ hawˇ-eu, aˬ nah aˬ dzeˇ lawˇ nehˬ-eu jeˬ yuˇ laꞈ-euˬ meh. Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ nehˬ-ehˇ le-awˇ, zahˇ jahˇ-eu dzaˬ byawˇ tiˬ kawˆ loꞈ-ehˇ dzaˬ taꞈ dawˇ taꞈ-eu laꞈ kʼoeˇ, Miˬyehˇ-ahˇ uˬ duˬ tahˬ-euˬ meh.

Doˆ-iˇ 18:12 Referans Kwoze

Dawˬmehˬ 12:7

Kʼoeˇ gaˇ, naw maꞈ-ahˇ guiˬ lahˬ biꞈ-eu gʼaˬ pyeuꞈ-eu naw maꞈ-euˬ Sahˬpaˬ Miˬyehˇ mehˬ shi, naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-awˇ dawˇ-awˇ, naw maꞈ neh mˇ-euˬ yaw muiˬ jeˬ gʼaˇ duˬ laˬ kʼaˬ ya cehˇ meh.

Aˇ dahˬ 31:54

Aˬ yawꞈ jeˬ zaˬ tiˬ mawˇ sehꞈ-awˇ, gawˬ jawˬ kʼoeˇ taˆ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ tsawˇ haˬ deuˬ-ahˇ kuˇ-awˇ, aˬ yawꞈ maꞈ tiˬ kawˆ loꞈ-ehˇ dzaˬ taꞈ dawˇ taꞈ-euˬ meh. Aˬ yawꞈ maꞈ dzaˬ-awˇ dawˇ-awˇ, uˬ ciꞈ jawˇ bya-euˬ meh.

Doˆ-iˇ 24:11

Aˬ yawꞈ maꞈ Miˬyehˇ-ahˇ mawˇ-euˬ kʼawꞈ, Miˬyehˇ aˬ yawꞈ maꞈ-ahˇ maˬ laˆ cawˆ nehˬ ni, Miˬyehˇ-euˬ mehˬ shi aˬ yawꞈ maꞈ dzaˬ taꞈ dawˇ taꞈ-awˇ jawˇ-euˬ meh.

Doˆ-iˇ 24:5

Kʼoeˇ naˇ, zaˬ guˬ deuˬ-ahˇ aˬ yawꞈ kʼehˇ gʼeh-awˇ, jeˬ zaˬ sehꞈ-awˇ, miˬ dzaˬ-ahˇ dzah puiˆ-eu laꞈ kʼoeˇ, cawˬ cawˬ taꞈ-eu lawˇ-eu jeˬ aˬ yawꞈ maꞈ Sahˬpaˬ Miˬyehˇ-ahˇ lawˇ nehˬ-euˬ meh.

1 Gawˇliˬtu 10:31

Kʼoeˇ miˇ neh, dzaˬ-eu maˬ ehˇ, dawˇ-eu maˬ ehˇ, kʼaˇ mˇ kʼaˇ shaˇ-eu yawˬ jeˬ na luꞈ Miˬyehˇ-euˬ yaw shehꞈ kʼahˬ sehˇ doˆ laˇ ni mˇ-awˬ.

1 Gawˇliˬtu 10:21

Sahˬpaˬ Yeˬsuˇ-euˬ kʼmˬ maˬ hawˇ-eu nehꞈ-euˬ kʼmˬ maˬ heu nyiˬ jeˬ luꞈ-ahˇ naw maꞈ maˬ dawˇ nya-a. Sahˬpaˬ Yeˬsuˇ-euˬ hawˬ jeh hawˇ-eu nehꞈ-euˬ hawˬ jeh heu nyiˬ jeˬ luꞈ-ahˇ naw maꞈ maˬ dzaˬ nya-a.

1 Gawˇliˬtu 10:18

Iˇsaˬleˬlaˆ tsawˇ haˬ gaˇ kawˆ shaˇ sawˇ haw sheˇ. Lawˇ dzaˇ kʼaˇ dzaˬ-euˬ tsawˇ haˬ deuˬ-aˬ, lawˇ duˬ kʼoeˇ taˆ Miˬyehˇ-ahˇ lawˇ-eu jeˬ mˇ-eu laꞈ kʼoeˇ tiˬ gaˇ taꞈ-eu maˬ ngeuˇ-a loˇ.

Luˇkaꞈ 14:15

Yeˬsuˇ kʼoeˇ loꞈ-ehˇ ehˇ gaˇ ya gaˬ ngeh, aˬ yawꞈ nehˬ-ehˇ hawˬ jawˬ jawˬ luꞈ-eu tsawˇ haˬ tiˬ gʼaˬ aˬ yawꞈ-ahˇ ehˇ-eu, “Miˬyehˇ Miˇkʼahˬ laꞈ kʼoeˇ hawˬ jawˬ ya jawˬ-eu tsawˇ haˬ deuˬ guiˬ lahˬ aˇ naˆ ni huiˬ-eu nga.”

Luˇkaꞈ 14:1

Jawˇ nah ngeh nah, Paˬliˬsehˇ deuˬ kʼoeˇ taˆ aˬ yuiꞈ aˬ tsu geuꞈ luꞈ-eu tiˬ gʼaˬ-euˬ nymˇ-ahˇ Yeˬsuˇ hawˬ dzaˬ leˇ-euˬ meh. Kʼoeˇ ngeh, aˬ cawˬ aˬ yawꞈ-ahˇ kʼoeˬ sho haw luꞈ-eu meh.

Daˬyeˬlaˇ 10:3

Aˇ yamˬ kʼoeˇ smˬ jaw maˬ dzeuˇ-iˇ kʼoeˇ keuˆ ni, ngaˇ dzaˇ yaw kuiˇ maˬ dzaˬ-ehˇ, aˬ gaꞈ dzaˇ uiˇ maˬ dawˇ-eu uˬ taꞈ, uˬ duˬ kʼawꞈ maˬ kaˆ ni jawˇ-euˬ ma.

Yawˇbaˆ 42:11

Yawˇbaˆ-euˬ mehˇ nmˇ deuˬ, dmˇ ma deuˬ hawˇ-eu cawˬ deuˬ aˬ yawꞈ jawˇ gaˇ dawˬ deh gʼa laˇ-awˇ, aˬ yawꞈ-euˬ nymˇ laꞈ kʼoeˇ aˬ yawꞈ nehˬ-ehˇ dzaˬ taꞈ dawˇ taꞈ-euˬ meh. Sahˬpaˬ Miˬyehˇ neh aˬ yawꞈ kʼoeˇ taˆ bi keuˆ le-euˬ shaˬ zahˬ dawˬ tawˆ luꞈ gʼaˇ duˬ, aˬ yawꞈ maꞈ aˬ yawꞈ-ahˇ gʼawˬ shaˬ gaˬ-euˬ gaˇ kawˆ ja doˆ-awˇ, aˬ yawꞈ-ahˇ gʼaˬ biꞈ-euˬ meh. Yawˬ gʼaˬ yawˬ na luꞈ, pyuˇ ui cuiˆ hawˇ-eu shuiˇ laꞈ behˬ tiˬ behˬ aˬ yawꞈ-ahˇ biꞈ-euˬ meh.

Yawˇbaˆ 42:8

Nymˬ-mˇ, mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ Yawˇbaˆ jawˇ gaˇ tsahˇ gʼeh-awˇ, naw maꞈ-euˬ gʼaˇ duˬ lawˇ-awˬ, shehˇ-awˬ. Naw maꞈ gʼaˇ duˬ Yawˇbaˆ guiˬ lahˬ shaˇ gaˇ ngaˇ naˇ haˬ-awˇ, naw maꞈ-ahˇ geuˇ-eu loꞈ-ehˇ shaꞈ dawˇ-eu jeˬ ngaˇ maˬ bi keuˆ le. Naw maꞈ-aˬ, Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ maˬ ehˇ-a.”

Yawˇbaˆ 1:5

Dzaˬ byawˇ kʼaˇ lawˇ ngeh, yawˬ shawˬ yawˬ uˬ shawˬ yaw naꞈ-ehˇ Yawˇbaˆ tuˇ-awˇ, aˬ yawꞈ-euˬ zaˬ aˬ yawꞈ gʼaˬ yawꞈ gʼaˇ duˬ lawˇ-eu shehˇ-eu jeˬ mˇ-awˇ, shawˇ nehˬ-eu meh. Aˬ yawꞈ-euˬ zaˬ tiˬ gʼaˬ na maˬ noeˬ maˬ duˇ-ehˇ Miˬyehˇ-ahˇ mˇ bahˬ-euˬ baw le lehˇ aˬ yawꞈ kʼahˬ lahˇ-eu baˬ da neh, kʼoeˇ loꞈ-ehˇ mˇ-euˬ meh.

2 Laˬsaˬbaˬ 30:22

Sahˬpaˬ Miˬyehˇ-ahˇ uˬ duˬ tahˬ ngeh sheuˬ gʼeh-eu nya dui dui-eu miˇ neh, Leˬbiˇ tsawˇ haˬ deuˬ-ahˇ Heˬsaˬgiˇ ja ceuˬ nehˬ-euˬ meh. Shiꞈ nah keuˆ ni, aˬ yawꞈ maꞈ-ahˇ oꞈ-eu shaˬ bymˇ deuˬ dzaˬ-eu laꞈ kʼoeˇ cawˬ cawˬ taꞈ-eu lawˇ-eu jeˬ lawˇ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ ja ceuˬ-euˬ meh.

2 Saˬmeuˬlaˆ 9:7

Daˬbiˇ ehˇ-eu, “Taˬ guˆ. Nawˬ da Yawˇnaˆshaˬ baˬ da neh ngaˇ nawˬ-ahˇ gʼawˬ shaˬ gaˬ nehˬ ma. Nawˬ bawˇ Sawˇluˆ-euˬ miˇ tsaˬ dawˬ tawˆ luꞈ nawˬ-ahˇ ngaˇ biꞈ kʼoꞈ-awˇ, nawˇ ngaˬ nehˬ-ehˇ aˬ myah luꞈ ya dzaˬ ya dawˇ taꞈ tehꞈ-a.”

Dawˬmehˬ 27:7

Cawˬ cawˬ taꞈ-eu lawˇ-eu jeˬ kʼawꞈ, kʼoeˇ gaˇ lawˇ-awˇ dzaˬ-eu laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi guiˬ lahˬ-ahˇ ya ja ceuˬ meh.

Doˆ-iˇ 2:20

Kʼoeˇ ngeh, aˬ da gʼaˬ aˬ buˇ kʼoeˇ deuˬ-ahˇ ehˇ nehˬ-eu, “Tsawˇ haˬ kʼoeˇ gʼaˬ aˬ gaˇ iˇ taˬ. Aˬ jeˬ miˇ neh aˬ yawꞈ-ahˇ kʼoeˇ gaˇ byehˇ yaꞈ teˬ. Aˬ yawꞈ-ahˇ kuˇ laˬ-iˇ-awˬ. Aˬ dui pehˬ nehˬ-ehˇ bi dzaˬ bi dawˇ taꞈ laˇ-awˬ.”

Aˇ dahˬ 43:25

Aˬ ha mehˇ nmˇ-aˬ, nah gʼahˇ paw Yoˇsehˆ gʼoꞈ laˇ ngeh biꞈ-eu gʼaˇ duˬ, aˬ yawꞈ maꞈ neh yuˇ leꞈ-euˬ laꞈ sawˬ deuˬ lehˬ hmˬ taˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ Yoˇsehˆ nehˬ-ehˇ hawˬ ya dzaˬ taꞈ tehꞈ-a lehˇ, aˬ cawˬ aˬ yawꞈ maꞈ-ahˇ ehˇ nehˬ taˬ-euˬ meh.

Aˇ dahˬ 26:25

Kʼoeˇ gaˇ, Iˇtsaˆ lawˇ duˬ tiˬ tsahˇ tsoˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh. Aˬ yawꞈ kʼoeˇ gaˇ jawˇ duˬ dah-awˇ, aˬ yawꞈ-euˬ zaˬ kʼaˆ deuˬ lah duˬ tiˬ duˬ paˇ duˬ-euˬ meh.

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Aˇ dahˬ 8:20

Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ Noˇaˬ tsoˆ-euˬ meh. Zahˇ jahˇ gaˇ geuꞈ nya-eu jeˬ zaˬ aˇ jiˇ yaw shawˇ jeˬ dawˬ tawˆ luꞈ laꞈ kʼoeˇ, tiˬ jeˬ-euˬ tiˬ gu yuˇ-awˇ, gʼawˇ mawˇ mawˇ lah-ehˇ lawˇ duˬ kʼoeˇ taˆ dzah puiˆ-awˇ lawˇ-euˬ meh.

Aˇ dahˬ 4:4

Aˬbeˬlaˆ gʼaˬ kʼawꞈ, aˬ yawꞈ-euˬ yawˇ tiˬ ma neh gʼaw beh beh-euˬ yawˇ zaˬ tiˬ mawˇ sehꞈ-awˇ, muiˬ dui dui-eu shaˬ jiˇ kaˇ doˆ-awˇ, Sahˬpaˬ Miˬyehˇ-ahˇ lawˇ nehˬ-euˬ meh. Aˬbeˬlaˆ neh lawˇ nehˬ-euˬ jeˬ-ahˇ maˬ ehˇ, Aˬbeˬlaˆ-ahˇ maˬ ehˇ, Sahˬpaˬ Miˬyehˇ nui kʼahˇ shiˇ-euˬ meh.

Doˆ-iˇ 2:16

Kʼoeˇ ngeh, Miˇdiˬyaˬ miˇ kʼahˬ-euˬ piˇ ma pyeuꞈ-eu Yeˬdaˬyoˇ-euˬ aˬ buˇ shiꞈ gʼaˬ, aˬ yawꞈ maꞈ-euˬ aˬ da-euˬ yawˇ hawˇ-eu ciꞈ myehꞈ deuˬ-ahˇ iˇ cuꞈ bi dawˇ-eu gʼaˇ duˬ, jeˬ zaˬ-euˬ iˇ cuꞈ kʼawˇ lawˬ-ahˇ iˇ cuꞈ kʼawꞈ ahˇ-eu lehˇ, lah duˬ-ahˇ oe-euˬ meh.

Doˆ-iˇ 3:1

Nymˬ-mˇ poˆ jawˇ, Moˇseˬ-aˬ, Miˇdiˬyaˬ miˇ kʼahˬ-euˬ piˇ ma pyeuꞈ-eu, aˬ yawꞈ-euˬ tsawˇ mawˬ Yeˬdaˬyoˇ-euˬ jeˬ zaˬ deuˬ-ahˇ bo saˆ luꞈ-eu meh. Tiˬ nah keuˆ laˇ ngeh, Moˇseˬ jeˬ zaˬ kʼoeˇ deuˬ teh-awˇ, bawˇ tsahˬ bawˇ dahˇ le dzeuˇ leꞈ-awˇ, muiˬ-eu shawˇ-eu Siˇnaˆ gawˬ jawˬ-ahˇ le keuˆ-euˬ meh.

Doˆ-iˇ 18:13

Yawˬ nah yawˬ uˬ shawˬ paw neh aˇ dahˬ beh-awˇ, uˬ ciꞈ paw keuˆ ni, nah ga-ehˇ, Iˇsaˬleˬlaˆ tsawˇ haˬ deuˬ ja dzaˬ gaˇ Moˇseˬ yaˇ kʼaˬ daˇ nehˬ-euˬ meh.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Doˆ-iˇ 33:7

Iˇsaˬleˬlaˆ tsawˇ haˬ deuˬ kʼaˇ jawˇ naˬ-euˬ tsahˇ-ahˇ, aˬ yawꞈ maꞈ-euˬ sehˬ gʼawˆ deuˬ nehˬ-ehˇ ui cuiˆ gaˇ mahˇ kaˬ gaˇ, muiˬ-eu shawˇ-eu Sehˬ gʼawˆ kʼoeˇ gʼawˆ Moˇseˬ bi jaˆ-euˬ meh. Sehˬ gʼawˆ kʼoeˇ gʼawˆ-ahˇ, Sahˬpaˬ Miˬyehˇ jawˇ-eu Sehˬ gʼawˆ lehˇ myahˇ-awˇ, Sahˬpaˬ Miˬyehˇ-ahˇ kʼaˇ tahˬ puˬ mawꞈ-eu tsawˇ haˬ deuˬ kʼoeˇ gaˇ ya le-eu meh.

Bawˇtsahˬ 10:29

Miˇdiˬyaˬ tsawˇ jeuˬ Yeˬdaˬyoˇ-euˬ aˬ li pyeuꞈ-eu Moˇseˬ-euˬ oeˇ kʼaˬ Hawˇbaˆ-ahˇ Moˇseˬ ehˇ nehˬ-eu, “Sahˬpaˬ Miˬyehˇ nga maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ nga maꞈ le-eu gʼaˇ duˬ, doˆ-iˇ-eu lehˇ lehˬ hmˬ taˬ-euˬ ma. Iˇsaˬleˬlaˆ tsawˇ haˬ deuˬ bi baw bi za le ma lehˇ aˬ yawꞈ saˇ jaˇ dzaˬ taˬ-euˬ meh. Kʼoeˇ miˇ neh ngaˬ nehˬ-ehˇ nawˇ laˇ-awˬ. Nga maꞈ-euˬ baw le za le-eu guiˬ lahˬ nawˬ-ahˇ biˇ nehˬ ma.”

Aˇ dahˬ 26:30

Kʼoeˇ naˇ, aˬ yawꞈ maꞈ-ahˇ Iˇtsaˆ hawˬ byawˇ tiˬ byawˇ lawˇ nehˬ-awˇ, tiˬ kawˆ loꞈ-ehˇ dzaˬ taꞈ dawˇ taꞈ-euˬ meh.