Doˆ-iˇ 16:8 - Akha

⁸ Moˇseˬ paˇ ehˇ-eu, “Naw maꞈ dzaˬ-eu gʼaˇ duˬ shaˬ jiˇ deuˬ-ahˇ, uˬ ciꞈ uˬ taw paw maˬ ehˇ, naw maꞈ dzaˬ loꞈ dawˇ loꞈ-eu kaˬ muˇ deuˬ-ahˇ uˬ shawˬ paw maˬ ehˇ, Sahˬpaˬ Miˬyehˇ biꞈ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nui ma cawˆ-eu laꞈ kʼoeˇ, aˬ yawꞈ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Aˬ diˇ aˬ maˇ ehˇ naˇ, naw maꞈ nui ma cawˆ-awˇ nga nyaꞈ-ahˇ iˬ baˇ taˬ-eu jeˬ-aˬ, Sahˬpaˬ Miˬyehˇ-ahˇ naw maꞈ nui ma cawˆ-awˇ iˬ baˇ taˬ gaˇ duˇ-eu meh.”

Doˆ-iˇ 16:8 Referans Kwoze

Lormav 13:2

Uˆ lahˇ luꞈ-eu sahˬ paˬ sahˬ ma deuˬ-ahˇ kʼaˇ puiˬ-eu tsawˇ haˬ-aˬ, Miˬyehˇ neh mˇ taˬ-euˬ jeˬ-ahˇ puiˬ gaˇ duˇ-eu meh. Kʼoeˇ loꞈ-ehˇ kʼaˇ puiˬ-eu tsawˇ haˬ aˬ geu gʼaˬ maˬ kaˬ, yawˬ haˇ yawˬ ha yaˇ kʼaˬ daˇ gaˇ duˇ-eu meh.

1 Saˬmeuˬlaˆ 8:7

Kʼoeˇ ngeh, Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ ehˇ gaˇ naˇ haˬ nehˬ-awˬ. Nawˬ-ahˇ aˬ yawꞈ maꞈ byehˇ dzeh-eu maˬ ngeuˇ-a. Ngaˬ-euˬ mawˇ do aˬ yawꞈ maꞈ kʼoeˇ taˆ maˬ bi uˆ lahˇ-eu gʼaˇ duˬ, aˬ yawꞈ maꞈ ngaˬ-ahˇ byehˇ dzeh-euˬ meh.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Bawˇtsahˬ 14:27

“Tsawˇ haˬ yaw haiˬ heu deuˬ aˇ myah keuˆ ni ngaˬ-ahˇ iˬ baˇ taˬ-eu gʼeh ta. Aˬ yawꞈ maꞈ iˬ baˇ taˬ-eu laꞈ kʼoeˇ toˇ luꞈ-eu dawˬ deuˬ-ahˇ ngaˇ gaˬ dehˆ-euˬ ma.

Bawˇtsahˬ 21:7

Iˇsaˬleˬlaˆ tsawˇ haˬ deuˬ Moˇseˬ jawˇ gaˇ laˇ-awˇ ehˇ-eu, “Sahˬpaˬ Miˬyehˇ hawˇ-eu nawˬ-ahˇ iˬ baˇ taˬ-eu laꞈ kʼoeˇ nga maꞈ iˬ baˇ mˇ-euˬ ma. Aˇ lawˇ heu deuˬ byoˆ-iˇ ni Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.” Kʼoeˇ ngeh, Iˇsaˬleˬlaˆ tsawˇ haˬ deuˬ gʼaˇ duˬ Moˇseˬ guiˬ lahˬ shaˇ-euˬ meh.

1 Gawˇliˬtu 10:10

Aˬ yawꞈ maꞈ tiˬ paˆ na deuˬ Miˬyehˇ-ahˇ toˇ-euˬ loꞈ-ehˇ aˬ dui maˬ ya toˇ-a.‘ Aˬ yawꞈ maꞈ kʼoeˇ loꞈ-ehˇ toˇ-euˬ miˇ neh, shiˇ-eu jeˬ-euˬ mˬ taˆ gʼaˬ kʼehˇ neh bi laˆ cawˆ-euˬ meh.

Yoˇhaˬ 13:20

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh kʼehˇ gʼeh-euˬ tsawˇ haˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.”

Maꞈtehˬ 10:40

“Naw maꞈ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.

Maꞈtehˬ 9:4

Ehˇ kʼawꞈ, aˬ yawꞈ maꞈ-euˬ nui ma laꞈ kʼoeˇ noeˬ luꞈ-eu jeˬ-ahˇ Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh naw maꞈ-euˬ nui ma laꞈ kʼoeˇ maˬ muiˬ-eu jeˬ shaˇ noeˬ luꞈ te.

Iˇsaˬyaˇ 37:29

Nawˇ ngaˬ-ahˇ guiˇ deuˆ le-euˬ gaˇ kawˆ hawˇ-eu, nawˇ nui ma huiˬ luꞈ mahˇ luꞈ-eu gaˇ kawˆ deuˬ ngaˇ ya gaˬ gʼaˬ jiˇ-euˬ ma. Nawˬ-euˬ naˇ mehˇ-ahˇ ngaˇ shmˇ kuˆ seuˬ diˬ ceuˬ-awˇ, nawˬ-euˬ kʼaˬ meh-ahˇ shmˇ daˇ ceh taꞈ tsoˆ-awˇ, nawˬ neh oe-euˬ gaˇ ma kahˇ li nawˬ-ahˇ ngaˇ tsahˇ kʼoꞈ gʼeh ma.”

Iˇsaˬyaˇ 32:6

Aˬ dzawˬ dawˬ doeˇ ngehˬ-awˇ, aˇ gah nui noeˬ yaw cawˆ tehꞈ meh. Aˬ dzawˬ aˇ gah mˇ-eu ngehˬ-eu, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-awˇ, mehꞈ-eu shuꞈ-eu deuˬ-ahˇ bi dzaˬ bi dawˇ-eu maˬ baw-a.

Doˆ-iˇ 16:12

“Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ toˇ luꞈ-eu teˇ saˇ-ahˇ ngaˇ ya gaˬ-euˬ ma. Aˬ yawꞈ maꞈ dzaˬ-eu gʼaˇ duˬ shaˬ jiˇ-ahˇ, uˬ ciꞈ uˬ taw paw zahˇ moˬ zahˇ shehˬ shehˬ ngeh yamˬ-ahˇ maˬ ehˇ, aˬ yawꞈ maꞈ loˬ-eu kaˬ muˇ deuˬ-ahˇ uˬ shawˬ paw maˬ ehˇ, aˬ yawꞈ maꞈ za tehꞈ-a lehˇ ehˇ nehˬ-awˬ. Ngaˇ-aˬ, aˬ yawꞈ maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ tehꞈ-a.”

Doˆ-iˇ 16:9

Aˬloˬ-ahˇ Moˇseˬ ehˇ nehˬ-eu, “Iˇsaˬleˬlaˆ tsawˇ haˬ aˇ maꞈ maꞈ lah ni, Sahˬpaˬ Miˬyehˇ mehˬ shi yawꞈ laˇ-awˬ lehˇ ehˇ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ nui ma cawˆ-eu laꞈ kʼoeˇ toˇ luꞈ-eu teˇ saˇ-ahˇ Sahˬpaˬ miˬyehˇ ya gaˬ-euˬ meh.”

Doˆ-iˇ 17:2

Aˬ yawꞈ maꞈ nui ma cawˆ-eu laꞈ kʼoeˇ, Moˇseˬ-ahˇ iˬ baˇ taˬ-awˇ, “Nga maꞈ dawˇ-eu gʼaˇ duˬ iˇ cuꞈ biꞈ nehˬ laꞈ-awˬ” lehˇ ehˇ nehˬ-euˬ meh. Moˇseˬ gʼeh, “Aˬ jeˬ miˇ neh naw maꞈ ngaˬ-ahˇ iˬ baˇ taˬ te. Aˬ jeˬ miˇ neh naw maꞈ Sahˬpaˬ Miˬyehˇ-ahˇ lawˬ haw te” lehˇ aˬ yawꞈ maꞈ-ahˇ ehˇ nehˬ-euˬ meh.

Bawˇtsahˬ 11:18

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ni shawˬ nah gʼaˇ duˬ yawˬ haˇ yawˬ ha muiˬ laˇ shawˇ laˇ ni mˇ-awˬ. Naw maꞈ shaˬ jiˇ ya dzaˬ tehꞈ-a. Naw maꞈ ngoeˇ ngoeˇ-ehˇ, shaˬ jiˇ ya dzaˬ law nmˇ-aˬ lehˇ ehˇ-eu hawˇ-eu, Iˇjiˇtuˆ miˇ kʼahˬ laꞈ kʼoeˇ jawˇ ngeh kʼaˇ boe law miˇ-a lehˇ ehˇ gaˇ Sahˬpaˬ Miˬyehˇ ya gaˬ gʼaˬ-euˬ meh. Nymˬ-mˇ poˆ jawˇ-aˬ, Sahˬpaˬ Miˬyehˇ naw maꞈ-ahˇ shaˬ jiˇ biꞈ laꞈ-awˇ, naw maꞈ ya dzaˬ tehꞈ-a.