Doˆ-iˇ 15:13 - Akha13 Nawˬ-euˬ saˇ jaˇ nawˇ ziꞈ-awˇ, nawˬ neh ka kʼoꞈ-euˬ tsawˇ haˬ-ahˇ nawˇ sheuˬ gʼeh-euˬ meh. Nawˬ-euˬ baoˬ-ahˇ gʼoe-awˇ, muiˬ-eu shawˇ-eu nawˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ sheuˬ gʼeh-euˬ meh. Gade chapit la |
Iˇjiˇtuˆ miˇ kʼahˬ-ahˇ aˬ yawꞈ maꞈ-ahˇ ngaˬ neh ka kʼoꞈ doˆ-awˇ, kʼaˇ shuiꞈ tehꞈ-ehˇ jaˆ-eu miˇ kʼahˬ, gui coˇ ni gʼeh-eu guˆ-eu gaˆ-eu miˇ kʼahˬ, tsawˇ haˬ zaˬ maˬ jawˇ-eu miˇ kʼahˬ, maˬ iˇ maˬ laˇ tsehˆ-eu miˇ kʼahˬ pyeuꞈ-eu, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ sheuˬ doˆ-euˬ kʼawꞈ, ngaˇ jawˇ meh lehˇ aˬ yawꞈ maꞈ tiˬ pawꞈ-iˬ maˬ noeˬ-a.
Kʼoeˇ loꞈ-ehˇ ehˇ nehˬ gʼaˬ-euˬ kʼawꞈ, Lawˇtaˬ nyi naˬ nyi naˬ-ehˇ jawˇ-eu meh. Ehˇ kʼawꞈ, Sahˬpaˬ Miˬyehˇ aˬ yawꞈ-ahˇ gʼawˬ shaˬ gaˬ-eu miˇ neh, aˬ yawꞈ-ahˇ maˬ ehˇ, aˬ yawꞈ-euˬ miˬ zaˬ hawˇ-eu aˬ yawꞈ-euˬ aˬ buˇ nyiˬ buˇ-ahˇ maˬ ehˇ, mˬ taˆ gʼaˬ kʼehˇ deuˬ neh aˬ laꞈ-ahˇ bi nyehꞈ tehˬ-awˇ, meuˬ-euˬ laꞈ nyiˇ paw bi tsahˇ doˆ gʼeh-euˬ meh.
Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.
Noeˬ shaˬ noeˬ zahˬ-awˇ guˆ-eu jeˬ, tsawˇ haˬ kʼoeˇ deuˬ kʼoeˇ taˆ keuˆ le-euˬ meh. Sahˬpaˬ Miˬyehˇ-oˇ, nawˬ-euˬ baoˬ-ahˇ aˬ yawꞈ maꞈ ya mawˇ-awˇ, aˬ cawˬ zaˬ kʼaˆ geuˬ-eu laꞈ kʼoeˇ nawˬ neh bi buˬ-iˇ-euˬ nawˬ-euˬ tsawˇ haˬ deuˬ maˬ iˇ dzeuˇ kʼoeˇ keuˆ ni, guˆ-eu laꞈ kʼoeˇ, tiˬ gaˇ-iˬ uˬ duˬ tahˬ shaˇ kʼaˇ maˬ za ni aˬ yawꞈ maꞈ jawˇ luꞈ-eu meh.
Nawˬ-euˬ tsawˇ jeuˬ-ahˇ nawˇ noeˬ keuˆ nehˬ laꞈ-awˬ. Nawˬ-euˬ tsawˇ jeuˬ bi geuꞈ-eu lehˇ aˬ cawˬ zaˬ kʼaˆ geuꞈ luꞈ gaˇ sheuˬ doˆ laꞈ-euˬ, aˇ hu ba neh nawˬ neh tseˇ doˆ-euˬ tsawˇ jeuˬ-ahˇ noeˬ keuˆ nehˬ laꞈ-awˬ. Aˇ hu ba nawˬ neh jawˇ-euˬ jawˇ duˬ pyeuꞈ-eu, Ziˇoˬ gawˬ jawˬ-ahˇ noeˬ keuˆ nehˬ laꞈ-awˬ.