Doˆ-iˇ 14:30 - Akha

³⁰ Kʼoeˇ ngeh nah, Iˇjiˇtuˆ tsawˇ haˬ deuˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ka kʼoꞈ nehˬ-awˇ, Iˇjiˇtuˆ tsawˇ haˬ deuˬ iˬ ma laˆ shaˆ lawˇ deh-ahˇ yaw shiˇ-ehˇ ga luꞈ gaˇ, Iˇsaˬleˬlaˆ tsawˇ haˬ deuˬ ya mawˇ-euˬ meh.

Doˆ-iˇ 14:30 Referans Kwoze

Jaceuq 106:10

Aˬ yawꞈ maꞈ-ahˇ bye-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ-euˬ meh.

Jaceuq 106:8

Ehˇ kʼawꞈ aˬ yawꞈ neh saˇ jaˇ dzaˬ taˬ-euˬ loꞈ-ehˇ, aˬ yawꞈ maꞈ-ahˇ ka kʼoꞈ nehˬ-awˇ, aˬ yawꞈ-euˬ huiˬ-eu baoˬ pah mehˬ-euˬ meh.

Yuˇdaˆ 1:5

Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.

Jaceuq 58:10

Haiˬ-eu tsawˇ haˬ deuˬ-ahˇ kʼehˬ nehˬ kʼaˆ nehˬ gaˇ ya mawˇ ngeh, yaw tsaˬ yaw dawˇ tsawˇ haˬ laˬ kʼaˬ cehˇ-awˇ, haiˬ-eu tsawˇ haˬ deuˬ-euˬ shiˬ laꞈ kʼoeˇ, aˬ kuiˇ tsawˬ puꞈ-awˇ cah tehꞈ-a.

Jaceuq 59:10

Ngaˬ-euˬ Miˬyehˇ ngaˬ-ahˇ gaˬ-awˇ ngaˇ jawˇ gaˇ oe tehꞈ-a. Ngaˬ-ahˇ muiˇ-eu deuˬ luˬ-iˇ seˇ-iˇ gaˇ, aˬ yawꞈ ngaˬ-ahˇ bi haw laꞈ tehꞈ-a.

1 Saˬmeuˬlaˆ 14:23

Behˬdaˬbeˬ meuˬ iˇ dzeuˇ ngeh keuˆ ni deuˆ ceh ceh-awˇ, kʼoeˇ ngeh nah Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ka kʼoꞈ nehˬ-euˬ meh.

Doˆ-iˇ 14:13

Moˇseˬ ehˇ kʼoꞈ nehˬ-eu, “Taˬ guˆ. Kʼaˬ duˬ ni jawˇ-awˬ. Sahˬpaˬ Miˬyehˇ aˬ joˆ-ehˇ jahˇ-awˇ naw maꞈ-ahˇ ka kʼoꞈ-eu gaˇ, iˬ nah naw maꞈ ya mawˇ tehꞈ-a. Iˬ nah naw maꞈ ya mawˇ luꞈ-eu Iˇjiˇtuˆ tsawˇ haˬ heu deuˬ-ahˇ, naw maꞈ tiˬ jawˇ-iˬ maˬ paˇ ya mawˇ-aˇ.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Jaceuq 91:8

Haiˬ-eu tsawˇ haˬ deuˬ-ahˇ aˬ joˆ-ehˇ kʼehˬ nehˬ gaˇ nawˇ ya haw mawˇ tehꞈ-a.

2 Laˬsaˬbaˬ 32:22

Kʼoeˇ loꞈ-ehˇ jahˇ-awˇ, Aˬshuˇliˆ sahˬ paˬ Saˬneˬkaˬliˇ-euˬ aˬ laꞈ laꞈ kʼoeˇ hawˇ-eu, muiˇ-eu tsawˇ haˬ nui deuˬ-euˬ aˬ laꞈ laꞈ kʼoeˇ, sahˬ paˬ Heˬsaˬgiˇ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ ka kʼoꞈ nehˬ-awˇ, aˬ yawꞈ-euˬ tsawˇ haˬ deuˬ, dawˬ peh jawˇ-eu tsawˇ jeuˬ deuˬ-ahˇ guˆ kʼaˇ maˬ za ni bi dehꞈ-euˬ meh.

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

1 Saˬmeuˬlaˆ 11:13

Ehˇ kʼawꞈ, Sawˇluˆ ehˇ-eu, “Iˬ nah tsawˇ haˬ tiˬ gʼaˬ-iˬ maˬ ya sehꞈ-a. Aˬ jeˬ miˇ neh ehˇ naˇ, iˬ nah-aˬ, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-euˬ aˇ nah meh.”

Iˇsaˬyaˇ 63:8

Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ tsawˇ jeuˬ ma. ngaˬ-ahˇ jaˬ myawꞈ maˬ myawꞈ-aˇ” lehˇ ehˇ-awˇ, aˬ yawꞈ maꞈ-ahˇ ka kʼoꞈ-euˬ meh.

Iˇsaˬyaˇ 63:11

Kʼoeˇ naˇ, aˇ hu ba-euˬ aˇ nah aˇ yamˬ pyeuꞈ-eu, Sahˬpaˬ Miˬyehˇ zaˬ kʼaˆ Moˇseˬ-euˬ ziˇ-ahˇ noeˬ keuˆ-awˇ, aˬ yawꞈ maꞈ heu loꞈ-ehˇ ehˇ-eu meh. “Aˬ yawꞈ tsawˇ haˬ aˬ yuiꞈ aˬ tsu deuˬ-ahˇ, iˬ ma laˆ shaˆ laꞈ kʼoeˇ ka kʼoꞈ nehˬ-eu, Sahˬpaˬ Miˬyehˇ kʼoeˇ gʼaˬ nymˬ-mˇ aˬ gaˇ jawˇ ta. Aˬ yawꞈ-euˬ muiˬ-eu shawˇ-eu yaw sahˇ-ahˇ, Moˇseˬ kʼoeˇ taˆ bi keuˆ le-euˬ Sahˬpaˬ Miˬyehˇ kʼoeˇ gʼaˬ, aˬ geu paw iˇ-euˬ ta.

Yaˇ kʼaˬ daˇ 10:11

Aˬ yawꞈ maꞈ-ahˇ Sahˬpaˬ Miˬyehˇ ehˇ kʼoꞈ nehˬ-eu, “Dzeuˇ laˇ ngeh, Iˇjiˇtuˆ tsawˇ jeuˬ, Aˬmawˇliˆ tsawˇ jeuˬ, Aˬmoˬ tsawˇ jeuˬ, Piˇliˇtiˆ tsawˇ jeuˬ,

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”