Doˆ-iˇ 13:3 - Akha

³ Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.

Doˆ-iˇ 13:3 Referans Kwoze

Dawˬmehˬ 24:18

Iˇjiˇtuˆ miˇ kʼahˬ laꞈ kʼoeˇ nawˇ aˬ cawˬ zaˬ kʼaˆ ya geuꞈ luꞈ ngeh, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ bi buˬ-iˇ nehˬ laꞈ-eu gaˇ noeˬ keuˆ-awˬ. Kʼoeˇ miˇ neh, ngaˇ nawˬ-ahˇ heu loꞈ-ehˇ dawˬ biꞈ-eu jeˬ pyeuꞈ-eu ma.

Dawˬmehˬ 5:15

Naw maꞈ Iˇjiˇtuˆ miˇ kʼahˬ laꞈ kʼoeˇ aˬ cawˬ zaˬ kʼaˆ geuꞈ-awˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, ngaˬ-euˬ huiˬ-eu baoˬ hawˇ-eu gʼaˬ-ahˇ gʼoe-awˇ, naw maꞈ-ahˇ ka kʼoꞈ le-euˬ gaˇ noeˬ keuˆ-awˬ. Kʼoeˇ miˇ neh, jawˇ nah-ahˇ lah daw-awˬ lehˇ naw maꞈ-ahˇ ngaˇ dawˬ biꞈ-eu ma.

Doˆ-iˇ 20:2

“Ngaˇ-aˬ, nawˇ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh, nawˬ-ahˇ sheuˬ doˆ nehˬ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Dawˬmehˬ 16:12

Zahˇ dawˬ kʼoꞈ dawˬ heu deuˬ-ahˇ nawˇ maˬ ngehˇ ni caw teh-awˬ. Iˇjiˇtuˆ miˇ kʼahˬ laꞈ kʼoeˇ nawˇ aˬ cawˬ zaˬ kʼaˆ ya geuꞈ yaꞈ-euˬ gaˇ kawˆ-ahˇ taˬ ngehˇ.

Dawˬmehˬ 5:6

“Ngaˇ-aˬ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ-euˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Dawˬmehˬ 15:15

Iˇjiˇtuˆ miˇ kʼahˬ laꞈ kʼoeˇ nawˇ aˬ cawˬ-euˬ zaˬ kʼaˆ ya geuꞈ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ pyehˬ nehˬ laꞈ-euˬ gaˇ noeˬ keuˆ-awˬ. Kʼoeˇ baˬ da neh, naw maꞈ-ahˇ ngaˇ heu loꞈ-ehˇ dawˬ biꞈ-eu jeˬ pyeuꞈ-eu ma.

Dawˬmehˬ 6:12

Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ naw maꞈ aˬ cawˬ zaˬ kʼaˆ ya geuꞈ luꞈ ngeh, naw maꞈ-ahˇ ka kʼoꞈ le-euˬ Sahˬpaˬ Miˬyehˇ-ahˇ naw maꞈ taˬ ngehˇ.

Dawˬmehˬ 16:3

Bawˬ-iˬ heu hmˬ dzaˬ ngeh, dehˬ tseˬ dawˆ taˬ-euˬ kaˬ muˇ taˬ dzaˬ. Iˇjiˇtuˆ miˇ kʼahˬ laꞈ kʼoeˇ neh naw maꞈ tehˬ law baw law-ehˇ ya doˆ le ngeh dzaˬ-euˬ loꞈ-ehˇ, shiꞈ nah keuˆ ni dehˬ tseˬ maˬ dawˆ-euˬ kaˬ muˇ nawˇ ya dzaˬ meh. Shaˬ-eu zahˬ-eu jeˬ-ahˇ ya daˬ-euˬ jawˇ duˬ pyeuꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le-euˬ aˇ nah kʼoeˇ nah-ahˇ, maˬ shiˇ tiˬ ziˇ naw maꞈ maˬ ya ngehˇ ni, shaˬ-eu zahˬ-euˬ jeˬ-ahˇ ya daˬ-euˬ kaˬ muˇ lehˇ kuˇ-eu kaˬ muˇ kʼoeˇ dzaˬ-awˬ.

Dawˬmehˬ 8:14

naw maꞈ nui ma huiˬ laˇ-awˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ya ngehˇ ni yaw kʼaˆ kʼaˆ-ehˇ yahˇ-awˬ.

Doˆ-iˇ 13:14

Mehˬ hu paw dehꞈ daˆ leꞈ ngeh, ‘Bawˬ-iˬ heu hmˬ-euˬ dawˬ tsuiꞈ aˬ jeˬ-a’ lehˇ, naw maꞈ-euˬ aˬ li deuˬ naw maꞈ-ahˇ naˇ haˬ laˇ naˇ, heu loꞈ-ehˇ ehˇ kʼoꞈ nehˬ-awˬ. ‘Iˇjiˇtuˆ miˇ kʼahˬ laꞈ kʼoeˇ, nga maꞈ aˬ cawˬ zaˬ kʼaˆ geuꞈ luꞈ ngeh, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, nga maꞈ-ahˇ sheuˬ doˆ nehˬ laꞈ-euˬ meh.,

Yawˇshuˆ 24:17

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-ahˇ, Iˇjiˇtuˆ miˇ kʼahˬ laꞈ kʼoeˇ aˬ cawˬ zaˬ kʼaˆ geuꞈ luꞈ gaˇ neh sheuˬ doˆ nehˬ laꞈ-awˇ, aˬ yawꞈ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ nga maꞈ ya mawˇ-euˬ ma. Nga maꞈ laˇ tsehˆ laꞈ-euˬ miˇ kʼahˬ yawˬ kʼahˬ na luꞈ laꞈ kʼoeˇ, nga maꞈ-ahˇ aˬ yawꞈ haw piˇ nehˬ laꞈ-euˬ meh.

Dawˬmehˬ 13:10

Aˬ jeˬ miˇ neh ehˇ naˇ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˇ mahˇ kaˬ-iˇ ni, naw maꞈ-ahˇ sheuˬ gʼawˬ-eu lehˇ aˬ yawꞈ leh jeh-eu meh.

Dawˬmehˬ 24:22

Iˇjiˇtuˆ miˇ kʼahˬ laꞈ kʼoeˇ, nawˇ aˬ cawˬ zaˬ kʼaˆ ya geuꞈ yaꞈ-euˬ gaˇ tiˬ jawˇ-iˬ taˬ ngehˇ. Kʼoeˇ miˇ neh, ngaˇ nawˬ-ahˇ heu loꞈ-ehˇ dawˬ biꞈ-eu jeˬ pyeuꞈ-eu ma.

Doˆ-iˇ 12:42

Kʼoeˇ ngeh miˇ-aˬ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-eu gʼaˇ duˬ, Sahˬpaˬ Miˬyehˇ aˬ yawꞈ maꞈ-ahˇ loꞈ luꞈ-eu uˬ ciꞈ tiˬ miˇ pyeuꞈ-eu meh. Uˬ ciꞈ kʼoeˇ miˇ-aˬ, Iˇsaˬleˬlaˆ tsawˇ haˬ deuˬ tiˬ ziˇ saˇ-iˬ tiˬ ziˇ, Sahˬpaˬ Miˬyehˇ-ahˇ ya loꞈ-eu gʼaˇ duˬ, aˬ yawꞈ-ahˇ damˬ nehˬ taˬ-euˬ uˬ ciꞈ tiˬ miˇ kʼawꞈ pyeuꞈ-eu meh.

Dawˬmehˬ 13:5

Ehˇ kʼawꞈ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ nehˬ laꞈ-euˬ Sahˬpaˬ Miˬyehˇ-ahˇ puiˬ kaˇ-euˇ lehˇ, naw maꞈ-ahˇ kʼaˇ ehˇ-eu yuꞈ maˆ dawˬ tsuiꞈ yuˇ doˆ-eu tsawˇ haˬ -ahˇ maˬ ehˇ, Miˬyehˇ gʼaˇ duˬ ngehˬ dah-eu tsawˇ haˬ-ahˇ maˬ ehˇ, sehꞈ-awˬ. Kʼoeˇ loꞈ-ehˇ gʼeh-eu tsawˇ haˬ-aˬ, maˬ muiˬ maˬ jaˬ-eu tsawˇ haˬ pyeuꞈ-awˇ, Sahˬpaˬ Miˬyehˇ neh naw maꞈ-ahˇ bi cah-euˬ gaˇ ma-ahˇ maˬ cah ni, naw maꞈ-ahˇ sheuˬ doˆ gʼeh-eu lehˇ leh jeh-eu meh. Maˬ muiˬ maˬ jaˬ-eu jeˬ laꞈ kʼoeˇ naw maꞈ ya buˬ-iˇ ni, kʼoeˇ loꞈ-ehˇ gʼeh-eu tsawˇ haˬ-ahˇ sehꞈ dzeh-awˬ.

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

Doˆ-iˇ 23:15

Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ-euˬ Aˬbiˇbaˬ ba la laꞈ kʼoeˇ, ngaˇ naw maꞈ-ahˇ ehˇ nehˬ taˬ-eu loꞈ-ehˇ, Dehˬ tseˬ maˬ ahˇ-eu Kaˬ muˇ Dzaˬ-eu Bawˬ-iˬ gʼeh-awˬ. Bawˬ-iˬ gʼeh luꞈ-eu aˇ yamˬ shiꞈ nah laꞈ kʼoeˇ, dehˬ tseˬ dawˆ-awˇ jahˇ taˬ-euˬ dzaˇ aˬ geu jeˬ maˬ kaˬ, naw maꞈ maˬ ya dzaˬ-a. Lawˇ-eu shehˇ-eu jeˬ maˬ ahˇ ni, naw maꞈ ngaˬ-ahˇ uˬ duˬ maˬ ya tahˬ laˇ-a.

Doˆ-iˇ 20:8

“Jawˇ nah ngeh nah-aˬ, muiˬ-eu shawˇ-eu aˇ nah pyeuꞈ-eu nawˇ noeˬ keuˆ-awˇ, ya lah ya daw meh.

Doˆ-iˇ 12:19

Shiꞈ nah keuˆ ni, naw maꞈ-euˬ nymˇ laꞈ kʼoeˇ dehˬ tseˬ maˬ ya bi jaˆ-a. Aˬ jeˬ miˇ neh ehˇ naˇ, miˇ kʼahˬ heu kʼahˬ laꞈ kʼoeˇ dehꞈ le-euˬ maˬ kaˬ, aˬ cawˬ miˇ kʼahˬ-ahˇ neh oe-euˬ maˬ kaˬ, tsawˇ haˬ tiˬ gʼaˬ na dehˬ tseˬ ahˇ-eu dzaˇ dzaˬ naˇ, tsawˇ haˬ kʼoeˇ gʼaˬ-ahˇ ngaˬ-euˬ tsawˇ haˬ lehˇ ngaˇ maˬ paˇ sawˇ ma.

Doˆ-iˇ 12:8

Kʼoeˇ ngeh miˇ, shaˬ jiˇ kʼoeˇ deuˬ tehˬ ba-awˇ, dehˬ tseˬ maˬ ahˇ-eu kaˬ muˇ hawˇ-eu yaw kʼaˬ kʼaˬ-eu gʼawˬ paꞈ gʼawˬ nyoeˇ nehˬ-ehˇ ya dzaˬ meh.

Doˆ-iˇ 6:1

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ kʼoeˇ gʼaˬ-ahˇ ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ nawˇ ya mawˇ tehꞈ-a. Ngaˬ-euˬ tsawˇ haˬ-ahˇ maˬ pyehˬ nehˬ-ehˇ maˬ jawˇ tehˬ coeˇ ngeh keuˆ ni aˬ yawꞈ-ahˇ ngaˇ jahˇ nehˬ ma. Aˬ diˇ aˬ maˇ, aˬ yawꞈ maꞈ-ahˇ miˇ kʼahˬ heu kʼahˬ laꞈ kʼoeˇ neh ya teh doˆ gaˇ keuˆ ni, aˬ yawꞈ-ahˇ ngaˇ jahˇ nehˬ ma.”

Doˆ-iˇ 3:20

Ehˇ kʼawꞈ, baoˬ zmˬ-awˇ, guˆ laˇ paˬ-ehˇ gʼeh-eu jeˬ mˇ-eu laꞈ kʼoeˇ, Iˇjiˇtuˆ miˇ kʼahˬ-ahˇ ngaˇ kʼehˬ nehˬ ma. Kʼoeˇ ngeh, aˬ yawꞈ naw maꞈ-ahˇ pyehˬ nehˬ laꞈ tehꞈ-a.

Doˆ-iˇ 12:15

Sahˬpaˬ Miˬyehˇ ehˇ-eu, “Shiꞈ nah keuˆ ni dehˬ tseˬ ahˇ-eu kaˬ muˇ naw maꞈ maˬ dzaˬ ni, dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh. Yaw beh nah laꞈ kʼoeˇ, naw maꞈ-euˬ nymˇ-ahˇ jaˆ-eu dehˬ tseˬ naw maꞈ ya biˬ dzeh jiˇ meh. Aˬ jeˬ miˇ neh ehˇ naˇ, kʼoeˇ shiꞈ nah laꞈ kʼoeˇ, tsawˇ haˬ tiˬ gʼaˬ na, dehˬ tseˬ ahˇ-eu kaˬ muˇ dzaˬ naˇ, tsawˇ haˬ kʼoeˇ gʼaˬ-ahˇ ngaˬ-euˬ tsawˇ haˬ lehˇ maˬ paˇ sawˇ nya meh.

Jaceuq 105:5

Aˬ yawꞈ-euˬ zaˬ kʼaˆ Aˬbyaˬhaˬ-euˬ zaˬ deuˬ uˆ deuˬ-oˇ, aˬ yawꞈ neh tseˇ doˆ-euˬ Yaˬkoˆ-euˬ zaˬ deuˬ uˆ deuˬ-oˇ, Miˬyehˇ neh mˇ-euˬ kʼaˆ jeˬ-ehˇ gʼeh-eu gaˇ deuˬ hawˇ-eu, aˬ yawꞈ neh yaˇ kʼaˬ daˇ-euˬ gaˇ kawˆ deuˬ-ahˇ, maˬ ngehˇ ni noeˬ keuˆ-awˬ.

Eˇpeˇsu 1:19

Jah-eu tsawˇ haˬ pyeuꞈ-eu aˬ dui-euˬ laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ aˇ naˆ ni huiˬ-eu gaˇ kawˆ naw maꞈ siˬ nya laˇ ni shaˇ-eu ma. A dui laꞈ kʼoeˇ gaˇ mˇ luꞈ-eu baoˬ kʼoeˇ-aˬ, gʼaˬ kʼaˆ dui dui-eu baoˬ pyeuꞈ-eu meh.

1 Gawˇliˬtu 11:24

Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, “Heu-aˬ, naw maꞈ-euˬ gʼaˇ duˬ pyeuꞈ-eu ngaˬ-euˬ gʼawˇ mawˇ ma. Ngaˬ-ahˇ noeˬ keuˆ-eu laꞈ kʼoeˇ heu loꞈ-ehˇ mˇ-awˬ” lehˇ ehˇ-euˬ meh.

1 Gawˇliˬtu 5:8

Aˬ dui Baˬsaˬkaˬ Bawˬ-iˬ gʼeh kaˇ-euˇ. Iˬ baˇ hawˇ-eu maˬ muiˬ maˬ jaˬ-eu jeˬ pyeuꞈ-eu dehˬ tseˬ ahˇ-eu kaˬ muˇ-ahˇ maˬ gʼoe-ehˇ, yaw muiˬ yaw shawˇ hawˇ-eu yaw tsaˬ yaw dawˇ kaˬ muˇ pyeuꞈ-eu dehˬ tseˬ maˬ ahˇ-eu kaˬ muˇ-ahˇ gʼoe-awˇ bawˬ-iˬ gʼeh kaˇ-euˇ.

Luˇkaꞈ 22:19

Kʼoeˇ loꞈ-ehˇ ehˇ gʼaˬ ngeh, aˬ yawꞈ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-awˇ ngawˬ pyehˬ-euˬ meh. Kʼoeˇ naˇ, aˬ yawꞈ maꞈ-ahˇ biˇ nehˬ-awˇ ehˇ-eu, “Heu-aˬ, naw maꞈ gʼaˇ duˬ lawˇ nehˬ-euˬ ngaˬ-euˬ gʼawˇ mawˇ ma. Ngaˬ-ahˇ noeˬ keuˆ-eu laꞈ kʼoeˇ heu loꞈ-ehˇ mˇ-awˬ.”

Neˬhaˬmiˇ 9:10

Iˇjiˇtuˆ sahˬ paˬ hawˇ-eu aˬ yawꞈ-euˬ gʼaˬ zaˬ yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ zaˬ deuˬ-ahˇ maˬ ehˇ, kʼaˆ jeˬ-ehˇ gʼeh-eu jeˬ nawˇ mˇ mehˬ nehˬ-euˬ meh. Nawˬ-euˬ tsawˇ jeuˬ-ahˇ aˬ yawꞈ maꞈ kʼehˬ-euˬ nawˇ siˬ nya-awˇ, aˬ yawꞈ maꞈ-ahˇ kʼoeˇ loꞈ-ehˇ kʼehˬ kʼoꞈ nehˬ-euˬ meh. Nawˬ neh mˇ-euˬ gaˇ kʼoeˇ deuˬ baˬ da neh, iˬ nah keuˆ ni nawˇ tsawˇ myahˇ huiˬ-eu meh.

1 Laˬsaˬbaˬ 16:12

Miˬyehˇ-euˬ zaˬ kʼaˆ geuꞈ yaꞈ-euˬ, aˬ da Yaˬkoˆ-euˬ zaˬ deuˬ-oˇ, Miˬyehˇ tseˇ doˆ-euˬ gʼaˬ pyeuꞈ-eu, Iˇsaˬleˬlaˆ-euˬ zaˬ deuˬ-oˇ, Miˬyehˇ mˇ-euˬ kʼaˆ-eu gaˇ deuˬ, Miˬyehˇ yaˇ kʼaˬ daˇ dzeuˇ-euˬ deuˬ, maˬ ngehˇ ni noeˬ taˬ juiˇ taˬ yawˬ.

Maꞈtehˬ 10:12

Nymˇ tiˬ nymˇ-ahˇ naw maꞈ uˇ leˇ ngeh, ‘Nui saˇ oꞈ luꞈ-uˇ’ lehˇ dawˬ cawˬ puˬ nehˬ-awˬ.

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Doˆ-iˇ 7:4

Kʼoeˇ naˇ, kʼaˆ dui dui-eu kʼehˬ-eu kʼaˆ-eu jeˬ Iˇjiˇtuˆ miˇ kʼahˬ kʼoeˇ taˆ ngaˇ bi keuˆ le-awˇ, ngaˬ-euˬ tsawˇ jeuˬ tsawˇ ca deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh, ngaˇ sheuˬ doˆ gʼeh ma.

Doˆ-iˇ 12:17

Bawˬ-iˬ heu hmˬ maˬ byehˇ ni aˬ myah luꞈ jahˇ-awˬ. Aˬ jeˬ miˇ neh ehˇ naˇ, aˇ nah kʼoeˇ nah-ahˇ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ ngaˇ sheuˬ doˆ nehˬ-euˬ ma. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, tiˬ ziˇ saˇ-iˬ tiˬ ziˇ, aˇ nah kʼoeˇ nah-ahˇ naw maꞈ lah daw-eu laꞈ kʼoeˇ, bawˬ-iˬ ya jahˇ daˆ leꞈ tehꞈ-a.

Doˆ-iˇ 13:9

Bawˬ-iˬ heu hmˬ-aˬ, naw maꞈ-euˬ laꞈ du-ahˇ maˬ ehˇ, naˇ kʼawˇ-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni noeˬ mawˇ-eu jeˬ pyeuꞈ tehꞈ-a. Bawˬ-iˬ heu hmˬ-aˬ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ maˬ tsehˆ leˇ ni gui poˆ-awˇ dzaw geuꞈ-eu gʼaˇ duˬ, naw maꞈ maˬ ya ngehˇ ni, bi noeˬ mawˇ-eu jeˬ pyeuꞈ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Dawˬmehˬ 7:8

Sahˬpaˬ Miˬyehˇ naw maꞈ-ahˇ gaˬ-awˇ, naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ ziꞈ luꞈ-eu meh. Teu baˬ da neh, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, naw maꞈ-ahˇ aˬ yawꞈ ka kʼoꞈ-awˇ, Iˇjiˇtuˆ sahˬ paˬ-euˬ zaˬ kʼaˆ ya geuꞈ-eu laꞈ kʼoeˇ naw maꞈ-ahˇ bi buˬ-iˇ laꞈ-euˬ meh.

Jaceuq 114:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ-ahˇ neh doˆ laˇ ngeh, Yaˬkoˆ-euˬ zaˬ deuˬ uˆ deuˬ aˬ cawˬ miˇ kʼahˬ-ahˇ neh doˆ laˇ ngeh,

Jaceuq 136:11

Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ aˬ yawꞈ sheuˬ doˆ laꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Doˆ-iˇ 12:2

“Ba la heu siˬ-aˬ, tiˬ kʼoꞈ laꞈ kʼoeˇ naw maꞈ gʼaˇ duˬ ba la yaw beh siˬ pyeuꞈ-eu meh.

Doˆ-iˇ 12:41

Oeˬ yaˇ smˬ tseˇ kʼoꞈ byah laˇ ngeh nah, Sahˬpaˬ Miˬyehˇ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ neh doˆ-iˇ-euˬ meh.

Doˆ-iˇ 34:18

“Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ ya gʼeh meh. Aˬbiˇbaˬ ba la laꞈ kʼoeˇ, shiꞈ nah keuˆ ni, dehˬ tseˬ maˬ ahˇ-eu kaˬ muˇ dzaˬ-awˬ lehˇ, naw maꞈ-ahˇ ngaˇ dawˬ biꞈ taˬ-euˬ ma. Aˬ jeˬ miˇ neh ehˇ naˇ, ba la kʼoeˇ siˬ-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ-euˬ meh.

Dawˬmehˬ 6:21

‘Aˇ hu, aˬ dui maꞈ Iˇjiˇtuˆ sahˬ paˬ-euˬ zaˬ kʼaˆ geuꞈ-euˬ ma. Kʼoeˇ ngeh, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, aˬ dui-ahˇ ka kʼoꞈ le-euˬ meh.

Dawˬmehˬ 9:12

“Kʼoeˇ naˇ, Sahˬpaˬ Miˬyehˇ ngaˬ-ahˇ ehˇ-eu, ‘Gawˬ jawˬ dawˬ dahˬ-ahˇ yaw kawˇ-ehˇ zaꞈ ka-iˇ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ neh nawˬ neh sheuˬ doˆ laꞈ-euˬ nawˬ-euˬ tsawˇ haˬ deuˬ maˬ muiˬ maˬ shawˇ-ehˇ pyeuꞈ-iˇ-awˇ, maˬ muiˬ maˬ jaˬ-euˬ jeˬ mˇ luꞈ meh.

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

Dawˬmehˬ 13:11

Pyeuꞈ laˇ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ dawˬ tawˆ luꞈ ya gaˬ-awˇ guˆ-eu laꞈ kʼoeˇ, kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ-ahˇ, tsawˇ haˬ tiˬ gʼaˬ-iˬ maˬ paˇ mˇ peuˬ ni pyeuꞈ-iˇ tehꞈ-a.

Dawˬmehˬ 16:1

“Aˬbiˇbaˬ ba la-ahˇ Baˬsaˬkaˬ Bawˬ-iˬ gʼeh-eu laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-awˬ. Ba la kʼoeˇ siˬ uˬ ciꞈ tiˬ miˇ-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ ka kʼoꞈ doˆ laꞈ-euˬ meh.

Dawˬmehˬ 26:8

Aˬ yawꞈ-euˬ huiˬ dui dui-eu baoˬ hawˇ-eu gʼaˬ-ahˇ gʼoe-awˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ ka kʼoꞈ doˆ nehˬ laꞈ-euˬ meh. Kʼaˆ jeˬ-ehˇ gʼeh-eu jeˬ hawˇ-eu zahˬ leˇ paˬ-ehˇ gʼeh-eu jeˬ aˬ yawꞈ mˇ-awˇ, guˆ dui dui laˇ paˬ-ehˇ gʼeh-eu jeˬ bi pyeuꞈ doˆ laˇ-euˬ meh.

Yaˇ kʼaˬ daˇ 2:12

Aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ Miˬyehˇ pyeuꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-awˇ, aˬ yawꞈ maꞈ-euˬ jawˬ jawˬ-ehˇ jawˇ-eu tsawˇ jeuˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ-euˬ meh. Miˬyehˇ kʼoeˇ deuˬ-euˬ mehˬ shi awˆ byaˆ-eu laꞈ kʼoeˇ, Sahˬpaˬ Miˬyehˇ nui ma pehˇ ni aˬ yawꞈ maꞈ mˇ-euˬ meh.

Yaˇ kʼaˬ daˇ 6:8

aˬ yawꞈ gʼaˇ duˬ ngehˬ dah-eu tiˬ gʼaˬ Sahˬpaˬ Miˬyehˇ pyehˬ gʼeh-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ, heu loꞈ-ehˇ bi tsaꞈ gaˬ-iˇ-euˬ meh. “Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ luꞈ-eu laꞈ kʼoeˇ, naw maꞈ-ahˇ ngaˇ sheuˬ doˆ laꞈ-euˬ ma.

Neˬhaˬmiˇ 1:10

“Sahˬpaˬ Miˬyehˇ-oˇ, tsawˇ haˬ heu deuˬ-aˬ nawˬ-euˬ zaˬ kʼaˆ pyeuꞈ-awˇ, nawˬ-euˬ tsawˇ jeuˬ pyeuꞈ-eu meh. Nawˬ-euˬ huiˬ-eu baoˬ hawˇ-eu gʼaˬ-ahˇ gʼoe-awˇ, aˬ yawꞈ maꞈ-ahˇ nawˇ ka kʼoꞈ doˆ nehˬ-euˬ meh.

Jaceuq 89:14

Yaw tsaˬ yaw dawˇ jeˬ kʼoeˇ taˆ, nawˬ-euˬ miˇ kʼahˬ nawˇ bi ziꞈ-euˬ meh. Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ ya mawˇ-eu meh.

Jaceuq 136:12

Aˬ yawꞈ-euˬ gʼaˬ kʼaˆ-eu aˬ laꞈ hawˇ-eu baoˬ huiˬ-eu laꞈ du neh sheuˬ doˆ nehˬ laꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Yeˬlaˬmiˇ 34:13

Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ lehˇ, Iˇsaˬleˬlaˆ-euˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ laꞈ kʼoeˇ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ doˆ nehˬ-awˇ bi buˬ-iˇ ngeh, aˬ yawꞈ maꞈ nehˬ-ehˇ ngaˇ saˇ jaˇ dzaˬ-awˇ heu loꞈ-ehˇ ehˇ nehˬ taˬ-euˬ jaˆ-eu ma.

Daˬyeˬlaˇ 9:15

“Nawˬ-euˬ baoˬ-ahˇ gʼoe-awˇ nawˬ-euˬ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ nehˬ-awˇ, kʼoeˇ baˬ da neh iˬ nah keuˆ ni tsawˇ myahˇ doˆ luꞈ-eu nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-euˬ ma.