Doˆ-iˇ 12:3 - Akha

³ Iˇsaˬleˬlaˆ tsawˇ haˬ dawˬ tawˆ luꞈ-ahˇ heu loꞈ-ehˇ mehˬ nehˬ-awˬ. Ba la heu siˬ tseˇ nah tiˬ nah-ahˇ, tsawˇ haˬ yawˬ gʼaˬ yawˬ na luꞈ, yawˬ ha-euˬ nymˇ jiˇ gʼaˇ duˬ, yawˇ zaˬ tiˬ mawˇ maˬ ngeuˇ naˇ, ciꞈ myehꞈ ciꞈ zaˬ tiˬ mawˇ ya tseˇ doˆ taˬ meh.

Doˆ-iˇ 12:3 Referans Kwoze

1 Gawˇliˬtu 5:7

Naw maꞈ mawˇ lah ni bi shawˇ laˇ-eu gʼaˇ duˬ, iˬ baˇ pyeuꞈ-eu dehˬ tseˬ yaw oeˇ kʼoeˇ laˆ shawˇ dzeh jiˇ-awˬ. Kʼoeˇ ngeh jawˇ, naw maꞈ dehˬ tseˬ tiˬ pawꞈ-iˬ maˬ ahˇ-eu kaˬ muˇ yaw shuiꞈ tiˬ siˬ pyeuꞈ laˇ tehꞈ-a. Naw maꞈ-aˬ, maˇ maˇ ni dehˬ tseˬ maˬ ahˇ-eu kaˬ muˇ-ahˇ duˇ meh lehˇ ngaˇ siˬ nya ma. Aˬ jeˬ miˇ neh ehˇ naˇ, aˬ dui Baˬsaˬkaˬ Bawˬ-iˬ gʼeh yamˬ tsaˬ laˇ taˬ-euˬ meh. Baˬsaˬkaˬ Bawˬ-iˬ gʼeh ngeh ya lawˇ-eu yawˇ zaˬ pyeuꞈ-eu Ka li-ahˇ lawˇ gʼaˬ-euˬ meh.

Yoˇhaˬ 1:29

Yawˬ nah yawˬ, Yeˬsuˇ oe luꞈ gaˇ Yoˇhaˬ mawˇ-awˇ ehˇ-eu, “Miˇ tsaˬ zaˬ-euˬ iˬ baˇ-ahˇ pi dzeh le-euˬ Miˬyehˇ-euˬ yawˇ zaˬ-ahˇ haw sheˇ.

Uˬ duˬ 5:6

Kʼoeˇ naˇ, aˬ yawꞈ-euˬ iˬ baˇ aˇ poeˬ, yawˇ a ma tiˬ mawˇ maˬ ngeuˇ naˇ, ciꞈ myehꞈ ciꞈ ma tiˬ mawˇ, Sahˬpaˬ Miˬyehˇ jawˇ gaˇ tsahˇ laꞈ-awˇ ya lawˇ meh. Piˇ ma gʼaˬ, tsawˇ haˬ kʼoeˇ gʼaˬ gʼaˇ duˬ lawˇ-eu shehˇ-eu jeˬ ya mˇ nehˬ meh.

Uˬ duˬ 1:2

Zahˇ sahˇ kʼoꞈ heu deuˬ-aˬ, Iˇsaˬleˬlaˆ tsawˇ haˬ deuˬ lawˇ ngeh shehˇ ngeh, ya caw teh-eu zahˇ sahˇ kʼoꞈ deuˬ pyeuꞈ-eu meh. Tsawˇ haˬ tiˬ gʼaˬ na jeˬ zaˬ lawˇ ngeh lawˇ-eu mawˇ neˇ maˬ ehˇ, yawˇ maˬ ehˇ, ciꞈ myehꞈ maˬ ehˇ, aˬ yawꞈ neh cu taˬ-euˬ jeˬ zaˬ ya bi pyeuꞈ-eu meh.

Yoˇhaˬ 12:12

Yawˬ nah yawˬ, Baˬsaˬkaˬ Bawˬ-iˬ gʼeh laˇ-euˬ tsawˇ haˬ aˇ maꞈ maꞈ ma kʼoeˇ deuˬ, Yeˬluˇsaˬlehˬ meuˬ-ahˇ Yeˬsuˇ laˇ luꞈ-eu gaˇ kawˆ ya gaˬ-euˬ meh.

Yoˇhaˬ 1:36

Yeˬsuˇ oe luꞈ gaˇ aˬ yawꞈ ya mawˇ ngeh, “Miˬyehˇ-euˬ Yawˇ zaˬ-ahˇ haw sheˇ” lehˇ ehˇ-eu meh.

2 Laˬsaˬbaˬ 35:7

Sahˬ paˬ Yawˇshiˆ-aˬ, Baˬsaˬkaˬ Bawˬ-iˬ laꞈ kʼoeˇ miˇ kʼahˬ zaˬ deuˬ bi geuꞈ-eu gʼaˇ duˬ aˬ yawꞈ neh cu taˬ-euˬ jeˬ zaˬ laꞈ kʼoeˇ, yawˇ deuˬ, yawˇ zaˬ deuˬ hawˇ-eu ciꞈ myehꞈ ciꞈ zaˬ deuˬ dawˬ tawˆ luꞈ smˬ muiˇ mawˇ hawˇ-eu, mawˇ neˇ mawˇ gaw smˬ heˇ mawˇ damˬ nehˬ-euˬ meh.

Bawˇtsahˬ 15:11

“Mawˇ neˇ mawˇ gaw maˬ ehˇ, yawˇ aˬ buˬ maˬ ehˇ, yawˇ maˬ ngeuˇ naˇ ciꞈ myehꞈ maˬ ehˇ, tiˬ mawˇ na lawˇ ngeh, kʼoeˇ loꞈ-ehˇ dzaˬ la gʼo cehˇ lawˇ-eu jeˬ ya lawˇ ahˇ meh.

Doˆ-iˇ 12:6

Ba la heu siˬ tseˇ oeˬ nah uˬ ciꞈ uˬ taw paw, Iˇsaˬleˬlaˆ tsawˇ haˬ dawˬ tawˆ luꞈ jeˬ zaˬ ya sehꞈ meh.

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Doˆ-iˇ 4:30

Moˇseˬ-ahˇ Sahˬpaˬ Miˬyehˇ neh kʼaˇ bi ehˇ-euˬ jeˬ dawˬ tawˆ luꞈ, aˬ yawꞈ maꞈ-ahˇ Aˬ loˬ ehˇ nehˬ-awˇ, zahˬ leˇ paˬ-ehˇ gʼeh-eu jeˬ, aˬ yawꞈ maꞈ-euˬ mehˬ shi Moˇseˬ mˇ mehˬ nehˬ-euˬ meh.

Aˇ dahˬ 22:8

Aˬbyaˬhaˬ gʼeh, “Miˬyehˇ laˆ saˆ taˬ tehꞈ-a” lehˇ ehˇ kʼoꞈ nehˬ-euˬ meh. Kʼoeˇ naˇ, aˬ yawꞈ nyaꞈ mehˬ hu paw paˇ le leꞈ-euˬ meh.

Aˇ dahˬ 4:4

Aˬbeˬlaˆ gʼaˬ kʼawꞈ, aˬ yawꞈ-euˬ yawˇ tiˬ ma neh gʼaw beh beh-euˬ yawˇ zaˬ tiˬ mawˇ sehꞈ-awˇ, muiˬ dui dui-eu shaˬ jiˇ kaˇ doˆ-awˇ, Sahˬpaˬ Miˬyehˇ-ahˇ lawˇ nehˬ-euˬ meh. Aˬbeˬlaˆ neh lawˇ nehˬ-euˬ jeˬ-ahˇ maˬ ehˇ, Aˬbeˬlaˆ-ahˇ maˬ ehˇ, Sahˬpaˬ Miˬyehˇ nui kʼahˇ shiˇ-euˬ meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

1 Saˬmeuˬlaˆ 7:9

Saˬmeuˬlaˆ yawˇ zaˬ tiˬ mawˇ sehꞈ-awˇ, mawˇ lah-ehˇ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ bi caw ba-eu gʼaˇ duˬ Sahˬpaˬ Miˬyehˇ-ahˇ aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-euˬ meh.

Yawˇshuˆ 7:14

Kʼoeˇ miˇ neh, ni shawˬ uˬ shawˬ paw, tsawˇ jeuˬ tiˬ jeuˬ saˇ-iˬ tiˬ jeuˬ ngaˬ-euˬ mehˬ shi ya laˇ meh lehˇ aˬ yawꞈ maꞈ-ahˇ ehˇ nehˬ-awˬ. Ngaˬ neh laꞈ noeˇ toeˬ-euˬ tsawˇ jeuˬ-euˬ aˇ jeuˬ aˬ yawꞈ jeuˬ yawꞈ, mehˬ hu paw ya doˆ laˇ meh. Kʼoeˇ naˇ, ngaˬ neh laꞈ noeˇ toeˬ-euˬ aˇ jeuˬ-euˬ nymˇ jiˇ aˬ yawꞈ jiˇ yawꞈ mehˬ hu paw ya doˆ laˇ meh. Kʼoeˇ jiˇ naˇ, ngaˬ neh laꞈ noeˇ toeˬ-euˬ nymˇ jiˇ-euˬ tsawˇ haˬ aˬ yawꞈ gʼaˬ yawꞈ, mehˬ hu paw ya doˆ laˇ meh.

Doˆ-iˇ 20:19

Kʼoeˇ ngeh, Moˇseˬ-ahˇ aˬ yawꞈ maꞈ ehˇ nehˬ-eu, “Nawˬ-euˬ gʼawˇ mawˇ nga maꞈ-ahˇ dawˬ ngehˬ cawˬ naˇ, nga maꞈ naˇ haˬ ma. Ehˇ kʼawꞈ, Miˬyehˇ nga maꞈ-ahˇ dawˬ ngehˬ cawˬ laˇ naˇ, nga maꞈ shiˇ laˇ gaˇ guˆ-eu miˇ neh, maˬ naˇ haˬ peuˬ nya.”

Doˆ-iˇ 14:15

Moˇseˬ-ahˇ Sahˬpaˬ Miˬyehˇ ehˇ-eu, “Aˬ jeˬ miˇ neh caw ba nehꞈ laꞈ-awˬ lehˇ naw maꞈ guˇ te. Mehˬ hu paw iˇ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Yoˇhaˬ 12:1

Baˬsaˬkaˬ Bawˬ-iˬ gʼeh-eu mehˬ hu koꞈ nah huˬ-ehˇ, aˬ yawꞈ neh bi gʼoꞈ dehꞈ laˇ-euˬ Laˬzaˬluˇ kʼoeˇ gʼaˬ jawˇ-eu Beˬtaˬniˇ meuˬ-ahˇ Yeˬsuˇ iˇ-euˬ meh.

Doˆ-iˇ 12:2

“Ba la heu siˬ-aˬ, tiˬ kʼoꞈ laꞈ kʼoeˇ naw maꞈ gʼaˇ duˬ ba la yaw beh siˬ pyeuꞈ-eu meh.

Doˆ-iˇ 12:4

Yawˬ ha-euˬ nymˇ kʼahˬ zaˬ maˬ myaˬ-eu miˇ neh, jeˬ zaˬ tiˬ mawˇ mawˇ lah-ehˇ maˬ dzaˬ jiˇ coeˇ naˇ, yawˬ ha-ahˇ nymˇ kaˬ taꞈ-eu nymˇ jiˇ nehˬ-ehˇ taꞈ-awˇ, nyiˬ pehˬ zaˬ luꞈ dzaˬ loꞈ paˬ-ehˇ gʼeh-eu jeˬ zaˬ tiˬ mawˇ ya lehˬ hmˬ meh.

Doˆ-iˇ 12:21

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ dawˬ tawˆ luꞈ-ahˇ Moˇseˬ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Yawˬ ha-euˬ nymˇ jiˇ Baˬ saˬ ka bawˬ-iˬ jahˇ nya ni, naw maꞈ dawˬ tawˆ luꞈ, ciꞈ myehꞈ ciꞈ zaˬ maˬ ngeuˇ naˇ, yawˇ zaˬ tiˬ mawˇ tseˇ doˆ taˬ-awˬ.

Yeˬsaˬgeˬlaˇ 40:1

Yeˬluˇsaˬlehˬ meuˬ bi deuˆ gʼaˬ-euˬ tseˇ oeˬ kʼoꞈ kʼawˆ laˇ-awˇ, nga maꞈ-ahˇ aˬ cawˬ miˇ kʼahˬ-ahˇ bi nyehꞈ gʼeh-awˇ jawˇ luꞈ-eu nyiˬ tseˇ ngaˬ kʼoꞈ tiˬ kʼoꞈ, kʼoꞈ shuiꞈ tseˇ nah-ahˇ, Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ keuˆ le-awˇ ngaˬ-ahˇ ciˬ gʼeh-euˬ meh.