Doˆ-iˇ 12:29 - Akha

²⁹ Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.

Doˆ-iˇ 12:29 Referans Kwoze

Jaceuq 78:51

Iˇjiˇtuˆ nymˇ jiˇ yawˬ nymˇ na luꞈ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ aˬ yawꞈ sehꞈ jiˇ nehˬ-euˬ meh.

Doˆ-iˇ 4:23

Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ li-ahˇ pyehˬ nehˬ-awˬ lehˇ, ngaˇ nawˬ-ahˇ ehˇ-euˬ kʼawꞈ, nawˇ maˬ pyehˬ nehˬ-eu miˇ neh, nymˬ-mˇ ngaˇ nawˬ-euˬ aˬ li aˬ yuiꞈ yuiꞈ saˬ gʼaˬ-ahˇ sehꞈ-eu lehˇ gʼeh-eu ma’ lehˇ ehˇ nehˬ-awˬ.”

Jaceuq 135:8

Iˇjiˇtuˆ miˇ kʼahˬ laꞈ kʼoeˇ dehꞈ beh beh le-euˬ zaˬ hawˇ-eu jeˬ zaˬ dawˬ tawˆ luꞈ-ahˇ, aˬ yawꞈ sehꞈ dzeh-euˬ meh.

Jaceuq 105:36

Iˇjiˇtuˆ nymˇ jiˇ yawˬ jiˇ na luꞈ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ, aˬ yawꞈ bi shiˇ jiˇ-euˬ meh.

Jaceuq 136:10

Iˇjiˇtuˆ tsawˇ haˬ dehꞈ beh beh le-euˬ aˬ li aˬ yuiꞈ deuˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Bawˇtsahˬ 8:17

Iˇjiˇtuˆ miˇ kʼahˬ laꞈ kʼoeˇ, dehꞈ beh beh le-euˬ deuˬ dawˬ tawˆ luꞈ-ahˇ ngaˇ sehꞈ dzeh ngeh, Iˇsaˬleˬlaˆ nymˇ jiˇ aˬ yawꞈ jiˇ yawꞈ laꞈ kʼoeˇ dehꞈ beh beh le-euˬ aˬ li aˬ yuiꞈ deuˬ hawˇ-eu dehꞈ beh beh le-euˬ jeˬ zaˬ deuˬ-ahˇ ngaˬ-euˬ gʼaˇ duˬ yuˇ doˆ taˬ-euˬ ma.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

HeˬByehˇ 11:28

Baˬsaˬkaˬ Bawˬ-iˬ gʼeh-awˇ Iˇsaˬleˬlaˆ tsawˇ haˬ deuˬ-euˬ dehꞈ beh beh le-euˬ aˬ li deuˬ-ahˇ Shiˇ-eu jeˬ-euˬ Mˬ taˆ gʼaˬ kʼehˇ neh maˬ bi sehꞈ-eu gʼaˇ duˬ, aˬ yawꞈ dawˬ biꞈ-awˇ laˇ gʼoˆ-ahˇ shiˬ bi byaˆ shehˬ-euˬ kʼoeˇ-aˬ, jah-eu jeˬ baˬ da neh meh.

Bawˇtsahˬ 33:4

Kʼoeˇ ngeh, Iˇjiˇtuˆ tsawˇ haˬ deuˬ-aˬ, Sahˬpaˬ Miˬyehˇ neh sehꞈ-euˬ aˬ yawꞈ maꞈ-euˬ aˬ li aˬ yuiꞈ deuˬ-ahˇ baꞈ pahˬ luꞈ-eu meh. Sahˬpaˬ Miˬyehˇ kʼoeˇ loꞈ-ehˇ jahˇ-awˇ, Iˇjiˇtuˆ miˬyehˇ deuˬ naˆ maˬ tseˇ aˬ yawꞈ baoˬ huiˬ dzehˬ-eu gaˇ kawˆ bi siˬ bi mawˇ-euˬ meh.

Doˆ-iˇ 13:15

Iˇjiˇtuˆ sahˬ paˬ nui ma gʼahˇ-awˇ, nga maꞈ-ahˇ maˬ pyehˬ nehˬ laꞈ ni jawˇ ngeh, Iˇjiˇtuˆ miˇ kʼahˬ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ, Sahˬpaˬ Miˬyehˇ sehꞈ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ-ahˇ kʼawꞈ, aˬ yawꞈ sehꞈ-euˬ meh. Kʼoeˇ miˇ neh, dehꞈ beh beh le-euˬ jeˬ zaˬ aˬ buˬ deuˬ Sahˬpaˬ Miˬyehˇ-ahˇ aˬ dui ya lawˇ nehˬ-awˇ, dehꞈ beh beh le-euˬ aˬ li aˬ yuiꞈ deuˬ-ahˇ aˬ dui ya zeuˇ kʼoꞈ geuꞈ-eu meh.

HeˬByehˇ 12:23

Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

Zaˬkaˬliˇ 9:11

Sahˬpaˬ Miˬyehˇ ehˇ-eu, “Ngaˬ neh naw maꞈ-ahˇ dzaˬ taˬ-euˬ, dawˬ ma saˇ jaˇ shiˬ baˬ da neh, duˬ kʼahˬ naꞈ gaˇ bi paꞈ taˬ-euˬ, naw maꞈ tsawˇ haˬ ngaˇ puiˇ pyehˬ ma.

Yeˬlaˬmiˇ 38:13

Kʼoeˇ naˇ, aˬ yawꞈ maꞈ ngaˬ-ahˇ lah duˬ laꞈ kʼoeˇ neh gʼeu doˆ nehˬ laꞈ-euˬ meh. Lah duˬ laꞈ kʼoeˇ neh doˆ laˇ gʼaˬ ngeh jawˇ, sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ ka lahˇ-awˇ bi jawˇ laꞈ-euˬ meh.

Yeˬlaˬmiˇ 38:6

Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.

Iˇsaˬyaˇ 51:14

Paꞈ kuˆ-ahˇ uˇ-eu deuˬ yaw kawˇ-ehˇ bi pyehˬ doˆ tehꞈ-a. aˬ yawꞈ maꞈ maˬ dzaˬ maˬ dawˇ jiˇ coeˇ ni dehꞈ-awˇ, ziˇ baw ziˇ za tehꞈ-a.

Iˇsaˬyaˇ 24:22

Guiˇ deuˆ gaˇ nyehꞈ mi-euˬ tsawˇ haˬ deuˬ, duˬ kʼahˬ tiˬ teuˇ bi nyehꞈ ahˇ-euˬ loꞈ-ehˇ, aˬ yawꞈ maꞈ-ahˇ Miˬyehˇ nyehꞈ ahˇ tehꞈ-a. Aˬ yawꞈ maꞈ-ahˇ kʼehˬ-eu aˇ nah maˬ keuˆ siˬ kʼoeˇ, bi nyehꞈ lahˇ taˬ tehꞈ-a.

Yawˇbaˆ 34:20

Tsawˇ haˬ zaˬ uˬ ciꞈ paw ja pyuˬ ni shiˇ nya-eu meh. Miˬyehˇ neh tsawˇ haˬ zaˬ-ahˇ diˬ naˇ, aˬ yawꞈ maꞈ ya shiˇ-eu meh. Baoˬ huiˬ-eu tsawˇ haˬ-ahˇ kʼawꞈ, aˬ yawꞈ gʼaˬ tiˬ pawꞈ-iˬ maˬ shaˇ ni laˆ sehꞈ nya-eu meh.

Bawˇtsahˬ 3:13

Aˬ jeˬ miˇ neh ehˇ naˇ, dehꞈ beh beh le-euˬ dawˬ tawˆ luꞈ ngaˬ-euˬ pyeuꞈ-eu ma. Iˇjiˇtuˆ tsawˇ haˬ deuˬ laꞈ kʼoeˇ, dehꞈ beh beh le-euˬ deuˬ-ahˇ ngaˇ sehꞈ dzeh ngeh, Iˇsaˬleˬlaˆ nymˇ jiˇ aˬ yawꞈ jiˇ yawꞈ laꞈ kʼoeˇ, dehꞈ beh beh le-euˬ aˬ li deuˬ hawˇ-eu dehꞈ beh beh le-euˬ jeˬ zaˬ yawˬ mawˇ na luꞈ-ahˇ, ngaˬ-euˬ gʼaˇ duˬ ngaˇ tseˇ paˆ doˆ taˬ-euˬ ma. Nymˬ-mˇ, Iˇsaˬleˬlaˆ-euˬ dehꞈ beh beh le-euˬ aˬ li deuˬ-ahˇ ngaˇ geuꞈ-eu dah zaˇ, Leˬbiˇ tsawˇ haˬ deuˬ ngaˇ geuꞈ ma. Aˬ yawꞈ maꞈ-aˬ, ngaˬ-euˬ pyeuꞈ-eu ma. Ngaˇ-aˬ, Sahˬpaˬ Miˬyehˇ ma.”

Doˆ-iˇ 9:6

Yawˬ nah yawˬ keuˆ laˇ ngeh, aˬ yawꞈ neh ehˇ taˬ-euˬ loꞈ-ehˇ Sahˬpaˬ Miˬyehˇ mˇ-awˇ, Iˇjiˇtuˆ tsawˇ haˬ-euˬ jeˬ zaˬ deuˬ shiˇ jiˇ-awˇ, Iˇsaˬleˬlaˆ tsawˇ haˬ-euˬ jeˬ zaˬ deuˬ tiˬ mawˇ-iˬ maˬ shiˇ ni dzeuˇ-iˇ-euˬ meh.

Doˆ-iˇ 12:28

Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Jaceuq 78:50

Aˬ yawꞈ nui ma pehˇ-eu maˬ shuꞈ-iˇ ni, aˬ yawꞈ maꞈ-ahˇ maˬ bi dzeuˇ-iˇ-ehˇ, nyawˬ leˇ nya-eu naˇ gawˇ gawˇ ma neh bi kʼehˬ sehꞈ-euˬ meh.

Haˬbaˬkuˆ 3:5

Aˬ yawꞈ oe-eu kuiˇ toꞈ mehˬ hu, naˇ gawˇ gawˇ ma yaw jaw oe-awˇ, Aˬ yawꞈ iˇ-eu kuiˇ toꞈ mehˬ nah, shaˆ shiˇ naˇ gawˇ caw teh-eu meh.

Aˇ dahˬ 15:14

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-euˬ tsawˇ jeuˬ kʼoeˇ jeuˬ-ahˇ ngaˇ kʼehˬ nehˬ kʼaˆ nehˬ-awˇ, miˇ kʼahˬ kʼoeˇ kʼahˬ-ahˇ neh aˬ yawꞈ maꞈ gʼoꞈ doˆ laˇ ngeh, pyuˇ shuiˇ myawˬ gahˬ gʼawˬ mya ni ya yuˇ kʼoꞈ laꞈ tehꞈ-a.

Doˆ-iˇ 11:1

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ sahˬ paˬ hawˇ-eu aˬ yawꞈ-euˬ tsawˇ haˬ deuˬ kʼoeˇ taˆ bi keuˆ le-eu lehˇ ngaˇ lehˬ hmˬ taˬ-euˬ kʼehˬ-eu kʼaˆ-eu jeˬ tiˬ jeˬ dzeˇ-eu tehꞈ meh. Kʼoeˇ jeˬ jiˇ naˇ, naw maꞈ-ahˇ aˬ yawꞈ pyehˬ nehˬ laꞈ tehꞈ-a. Aˬ diˇ aˬ maˇ, aˬ yawꞈ-aˬ, naw maꞈ dawˬ tawˆ luꞈ-ahˇ, miˇ kʼahˬ heu kʼahˬ laꞈ kʼoeˇ neh teh doˆ tehꞈ-a.

Iˇsaˬyaˇ 41:11

“Naw maꞈ-ahˇ nui ma pehˇ-eu tsawˇ haˬ deuˬ, daˬ ga-awˇ shaꞈ dawˇ-iˇ tehꞈ-a. Naw maꞈ-ahˇ guiˇ deuˆ-eu tsawˇ haˬ, ya shiˇ gaˇ keuˆ tehꞈ-a.