Doˆ-iˇ 12:2 - Akha

² “Ba la heu siˬ-aˬ, tiˬ kʼoꞈ laꞈ kʼoeˇ naw maꞈ gʼaˇ duˬ ba la yaw beh siˬ pyeuꞈ-eu meh.

Doˆ-iˇ 12:2 Referans Kwoze

Doˆ-iˇ 13:4

Ba la yaw beh siˬ pyeuꞈ-eu Aˬ biˇ baˬ ba la, aˇ nah heu nah-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ ya doˆ le-euˬ meh.

Dawˬmehˬ 16:1

“Aˬbiˇbaˬ ba la-ahˇ Baˬsaˬkaˬ Bawˬ-iˬ gʼeh-eu laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-awˬ. Ba la kʼoeˇ siˬ uˬ ciꞈ tiˬ miˇ-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ ka kʼoꞈ doˆ laꞈ-euˬ meh.

Doˆ-iˇ 34:18

“Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ ya gʼeh meh. Aˬbiˇbaˬ ba la laꞈ kʼoeˇ, shiꞈ nah keuˆ ni, dehˬ tseˬ maˬ ahˇ-eu kaˬ muˇ dzaˬ-awˬ lehˇ, naw maꞈ-ahˇ ngaˇ dawˬ biꞈ taˬ-euˬ ma. Aˬ jeˬ miˇ neh ehˇ naˇ, ba la kʼoeˇ siˬ-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ-euˬ meh.

Doˆ-iˇ 23:15

Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ-euˬ Aˬbiˇbaˬ ba la laꞈ kʼoeˇ, ngaˇ naw maꞈ-ahˇ ehˇ nehˬ taˬ-eu loꞈ-ehˇ, Dehˬ tseˬ maˬ ahˇ-eu Kaˬ muˇ Dzaˬ-eu Bawˬ-iˬ gʼeh-awˬ. Bawˬ-iˬ gʼeh luꞈ-eu aˇ yamˬ shiꞈ nah laꞈ kʼoeˇ, dehˬ tseˬ dawˆ-awˇ jahˇ taˬ-euˬ dzaˇ aˬ geu jeˬ maˬ kaˬ, naw maꞈ maˬ ya dzaˬ-a. Lawˇ-eu shehˇ-eu jeˬ maˬ ahˇ ni, naw maꞈ ngaˬ-ahˇ uˬ duˬ maˬ ya tahˬ laˇ-a.

Bawˇtsahˬ 28:16

Ba la yaw beh siˬ tseˇ oeˬ nah-ahˇ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, Baˬsaˬkaˬ Bawˬ-iˬ ya gʼeh meh.

Uˬ duˬ 23:5

Ba la yaw beh siˬ tseˇ oeˬ nah tiˬ nah uˬ ciꞈ paw nahˇ ma ga ahˇ-eu yamˬ-ahˇ, Sahˬpaˬ Miˬyehˇ-ahˇ taˬ huiˬ taˬ mahˇ-eu Baˬsaˬkaˬ Bawˬ-iˬ aˇ dahˬ beh-eu meh.

Iˇsaˬtaˆ 3:7

Sahˬ paˬ Dzeuˬsehˆ uˆ lahˇ-eu tseˇ nyiꞈ kʼoꞈ tiˬ kʼoꞈ ba la yaw beh siˬ pyeuꞈ-eu Niˬsaˬ ba la-ahˇ, Haˬmaˬ aˬ yawꞈ neh noeˬ taˬ-euˬ jeˬ aˇ dahˬ beh-awˇ mˇ-eu gʼaˇ duˬ, Puˬlmˬ lehˇ kuˇ-eu mehˇ beuˬ-eu laꞈ kʼoeˇ, ba la aˇ siˬ hawˇ-eu aˇ nah tseˇ-eu gʼaˇ duˬ dawˬ biꞈ-awˇ bi tseˇ duˬ ngeh, ba la tseˇ nyiꞈ siˬ tiˬ siˬ pyeuꞈ-eu Aˬdaˬlaˇ ba la tseˇ smˬ nah tiˬ nah-ahˇ tsaˬ leˇ-euˬ meh.

Doˆ-iˇ 12:1

Iˇjiˇtuˆ miˇ kʼahˬ laꞈ kʼoeˇ, Moˇseˬ hawˇ-eu Aˬloˬ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 12:3

Iˇsaˬleˬlaˆ tsawˇ haˬ dawˬ tawˆ luꞈ-ahˇ heu loꞈ-ehˇ mehˬ nehˬ-awˬ. Ba la heu siˬ tseˇ nah tiˬ nah-ahˇ, tsawˇ haˬ yawˬ gʼaˬ yawˬ na luꞈ, yawˬ ha-euˬ nymˇ jiˇ gʼaˇ duˬ, yawˇ zaˬ tiˬ mawˇ maˬ ngeuˇ naˇ, ciꞈ myehꞈ ciꞈ zaˬ tiˬ mawˇ ya tseˇ doˆ taˬ meh.

Doˆ-iˇ 12:18

Ba la yaw beh siˬ tseˇ oeˬ nah uˬ ciꞈ uˬ taw paw neh aˇ dahˬ beh-awˇ, nyiˬ tseˇ tiꞈ nah ngeh nah uˬ ciꞈ uˬ taw paw keuˆ ni, dehˬ tseˬ ahˇ-eu kaˬ muˇ maˬ dzaˬ ni naw maꞈ ya jawˇ meh.

Yeˬsaˬgeˬlaˇ 45:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ba la yaw beh siˬ aˇ nah yaw beh nah-ahˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ lawˇ-awˇ, Uˬ duˬ tahˬ nymˇ nymˇ ma ya shawˇ meh.

Doˆ-iˇ 13:3

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.

Doˆ-iˇ 40:17

Iˇjiˇtuˆ miˇ kʼahˬ-ahˇ neh aˬ yawꞈ maꞈ doˆ laˇ-euˬ nyiˬ kʼoꞈ tiˬ kʼoꞈ ba la yaw beh siˬ, yaw beh nah-ahˇ, Sahˬpaˬ Miˬyehˇ jawˇ-eu sehˬ gʼawˆ tsoˆ-euˬ meh.

Yeˬsaˬgeˬlaˇ 45:21

“Ba la yaw beh siˬ tseˇ oeˬ nah-ahˇ, Baˬsaˬkaˬ bawˬ-iˬ aˇ dahˬ ya beh meh. Shiꞈ nah keuˆ ni yawˬ gʼaˬ na luꞈ dehˬ tseˬ maˬ ahˇ-eu kaˬ muˇ ya dzaˬ meh.