Doˆ-iˇ 12:13 - Akha

¹³ Laˇ gʼoˆ-ahˇ lehꞈ taˬ-euˬ shiˬ kʼoeˇ-aˬ, naw maꞈ jawˇ-eu nymˇ deuˬ-ahˇ tseˇ paˆ-awˇ haw siˬ nya-eu gʼaˇ duˬ, bi siˬ bi mawˇ-eu jeˬ pyeuꞈ-eu ma. Iˇjiˇtuˆ tsawˇ haˬ-ahˇ ngaˇ kʼehˬ nehˬ kʼaˆ nehˬ luꞈ ngeh, shiˬ kʼoeˇ-ahˇ ngaˇ ya mawˇ naˇ, naw maꞈ-ahˇ maˬ laˆ tahˬ maˬ laˆ naˇ ni, bi buˬ bi law-iˇ ma.

Doˆ-iˇ 12:13 Referans Kwoze

HeˬByehˇ 11:28

Baˬsaˬkaˬ Bawˬ-iˬ gʼeh-awˇ Iˇsaˬleˬlaˆ tsawˇ haˬ deuˬ-euˬ dehꞈ beh beh le-euˬ aˬ li deuˬ-ahˇ Shiˇ-eu jeˬ-euˬ Mˬ taˆ gʼaˬ kʼehˇ neh maˬ bi sehꞈ-eu gʼaˇ duˬ, aˬ yawꞈ dawˬ biꞈ-awˇ laˇ gʼoˆ-ahˇ shiˬ bi byaˆ shehˬ-euˬ kʼoeˇ-aˬ, jah-eu jeˬ baˬ da neh meh.

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

Aˇ dahˬ 17:11

Ngaˇ hawˇ-eu naw maꞈ-euˬ yaw kaˬ-ahˇ dzaˬ taˬ-euˬ dawˬ ma saˇ jaˇ heu hmˬ gaˇ kawˆ saˇ kiˇ pyeuꞈ-eu gʼaˇ duˬ, naw maꞈ baˆ kʼoˆ mehˬ dzaˬ ya yehˬ meh. Aˬ kaˇ naˇ, kʼaˇ dehꞈ le-eu aˬ li yawˬ gʼaˬ na luꞈ-ahˇ, dehꞈ le gʼaˬ-awˇ yehꞈ nah byah laˇ naˇ, baˆ kʼoˆ mehˬ dzaˬ ya yehˬ nehˬ meh. Nawˬ-euˬ nymˇ laꞈ kʼoeˇ dehꞈ le-euˬ zaˬ kʼaˆ deuˬ hawˇ-eu, nawˬ neh zeuˇ tsehˆ taˬ-euˬ boeˇ miˬ siˬ kʼaˬ zaˬ kʼaˆ deuˬ kʼawꞈ, baˆ kʼoˆ mehˬ dzaˬ ya yehˬ meh.

1 Teˇsaˬloˇni 1:10

Miˬyehˇ neh shiˇ-euˬ gaˇ bi gʼoꞈ dehꞈ laˇ-euˬ gʼaˬ pyeuꞈ-awˇ, aˬ dui kʼoeˇ taˆ keuˆ le-eu lehˇ gʼeh-eu Miˬyehˇ-euˬ nui ma pehˇ-eu jeˬ laꞈ kʼoeˇ aˬ dui-ahˇ ka kʼoꞈ nehˬ laꞈ-euˬ gʼaˬ pyeuꞈ-eu aˬ yawꞈ -euˬ Zaˬmaˇ Yeˬsuˇ mˬ kʼoeˇ taˆ neh zaꞈ ka le gaˇ naw maꞈ aˬ joˆ-ehˇ noeˬ tmˬ luꞈ-eu gaˇ kawˆ, aꞈ yawꞈ maꞈ ja luꞈ-eu meh.

Yawˇshuˆ 2:12

Naw nyaꞈ-ahˇ ngaˇ gʼawˬ shaˬ gaˬ nehˬ-euˬ loꞈ-ehˇ, ngaˬ-eu nymˇ jiˇ-ahˇ naw nyaꞈ gʼawˬ shaˬ gaˬ nehˬ ma lehˇ, aˬ yawꞈ-euˬ mehˬ shi nymˬ-mˇ naw nyaꞈ kamˬ-awˬ. Naw nyaꞈ-ahˇ ngaˇ jah coeˇ ni, saˇ kiˇ tiˬ jeˬ paˬ kʼawꞈ bi jaˆ yaꞈ-awˬ.

Doˆ-iˇ 12:11

Naw maꞈ gaˇ ma doˆ-iˇ-eu gʼaˇ duˬ lehˬ hmˬ taˬ-euˬ tsawˇ haˬ loꞈ-ehˇ, joꞈ paꞈ paꞈ, sehˬ nawˆ nawˆ-awˇ, gawˬ yoeˬ tuˆ tehˬ taˬ-eu laꞈ kʼoeˇ, dzaˇ kʼoeˇ ya dzaˬ meh. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ taˬ huiˬ taˬ mahˇ-eu laꞈ kʼoeˇ jahˇ-eu Baˬsaˬkaˬ Bawˬ-iˬ pyeuꞈ-eu meh.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Doˆ-iˇ 12:7

Jeˬ zaˬ sehꞈ-awˇ dzaˬ-eu lehˇ lehˬ hmˬ taˬ-euˬ nymˇ deuˬ-euˬ nymˇ laˇ gʼoˆ kʼoeˇ dzeˇ heu dzeˇ jaˆ-eu laˇ gʼoˆ bahˬ hawˇ-eu laˇ gʼoˆ-euˬ kʼoeˇ taˆ paw dzaˬ-ahˇ, jeˬ zaˬ-euˬ shiˬ ui cuiˆ aˬ yawꞈ maꞈ ya lehꞈ meh.

Yawˇshuˆ 2:18

Naw maꞈ-euˬ miˇ kʼahˬ-ahˇ nga maꞈ guiˇ deuˆ uˇ laꞈ ngeh, nga nyaꞈ-ahˇ bi zaꞈ ka-iˇ laꞈ-euˬ laˇ gʼoˆ gʼoˆ zaˬ kʼoeˇ gʼoˆ-ahˇ aˇ caˆ caˆ neˇ heu caˆ paꞈ gʼeu taˬ-awˬ. Nawˬ da, nawˬ ma, nawˬ-euˬ aˬ mahˇ aˬ da deuˬ hawˇ-eu, nawˬ da-euˬ miˬ sawˇ zaˬ dawˬ tawˆ luꞈ, nawˬ-euˬ nymˇ laꞈ kʼoeˇ bi jawˇ-awˬ.