Doˆ-iˇ 10:5 - Akha

⁵ Nyehˇ bahˇ kʼoeˇ deuˬ myaˬ dui dui-eu miˇ neh, miˇ tsaˬ-ahˇ tiˬ gʼoeˬ dawꞈ gʼoeˬ jiˇ tehꞈ-a. Uˬ yehˇ aˇ siˬ ga le ngeh maˬ cawˆ-iˇ ni kʼaˇ dzeˇ yaꞈ-euˬ jeˬ dawˬ tawˆ luꞈ-ahˇ aˬ yawꞈ maꞈ dzaˬ jiˇ-awˇ, maˬ cawˆ-iˇ ni kʼaˇ dzeˇ yaꞈ-euˬ aˇ bawˇ yawˬ bawˇ na luꞈ-ahˇ kʼawꞈ, dzaˬ byoˆ jiˇ tehꞈ-a.

Doˆ-iˇ 10:5 Referans Kwoze

Yawˇlaˆ 1:4

Myaˬ dui dui-eu nyehˇ bahˇ baˬ maꞈ, tiˬ maꞈ mehˬ nah tiˬ maꞈ oe-awˇ, tiˬ maꞈ neh maˬ dzaˬ jiˇ-euˬ jeˬ, tiˬ maꞈ paˇ teuꞈ byoˆ leꞈ-eu meh.

Doˆ-iˇ 9:32

Ehˇ kʼawꞈ, cehˇ myah yamˬ maˬ keuˆ laˇ-euˬ miˇ neh, cehˇ cehˇ yaˇ tiˬ kawˬ-iˬ maˬ cawˆ-a.

Yawˇlaˆ 2:25

Nyehˇ bahˇ baˬ maꞈ doˆ le ngeh kʼoꞈ, kʼaˇ dzaˬ cawˆ-euˬ jeˬ dawˬ tawˆ luꞈ, naw maꞈ-ahˇ ngaˇ tsoeˬ kʼoꞈ nehˬ ma. Nyehˇ bahˇ guiˇ maꞈ naw maꞈ jawˇ gaˇ pyehˬ leꞈ-euˬ yaw sahˇ gʼaˬ ngaˇ ma.

Doˆ-iˇ 10:4

Ngaˬ-euˬ tsawˇ haˬ-ahˇ nawˇ maˬ pyehˬ nehˬ ni jawˇ naˇ, nawˬ-euˬ miˇ kʼahˬ laꞈ kʼoeˇ, ni shawˬ nah ngaˇ nyehˇ bahˇ bi doˆ laˇ ma.

Doˆ-iˇ 10:12

Kʼoeˇ naˇ, “Iˇjiˇtuˆ miˇ kʼahˬ laꞈ kʼoeˇ nyehˇ bahˇ doˆ le ni, Iˇjiˇtuˆ miˇ kʼahˬ kʼoeˇ taˆ nawˬ-euˬ aˬ laꞈ cawˬ ja-awˬ. Nyehˇ bahˇ deuˬ oe-awˇ, uˬ yehˇ aˇ siˬ neh maˬ laˆ cawˆ jiˇ ni dzeˇ-eu sahˬ lahˬ aˇ bawˇ baw duˆ dawˬ tawˆ luꞈ-ahˇ dzaˬ byoˆ jiˇ tehꞈ-a.” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh.

Doˆ-iˇ 10:15

Miˇ tsaˬ naˆ puiˆ ni pyeuꞈ-iˇ ngeh keuˆ ni, aˬ yawꞈ maꞈ miˇ tsaˬ-ahˇ jawˇ gʼoeˬ taˬ-euˬ meh. Aˇ bawˇ-ahˇ kʼaˇ siˬ-eu aˇ siˬ deuˬ ahˇ leˇ-ehˇ, uˬ yehˇ aˇ siˬ ga le ngeh maˬ cawˆ-iˇ ni kʼaˇ dzeˇ yaꞈ-euˬ yawˬ jeˬ na luꞈ-ahˇ aˬ yawꞈ maꞈ dzaˬ jiˇ-euˬ meh. Iˇjiˇtuˆ miˇ kʼahˬ doe ni kʼaˇ bawˇ-eu sahˬ lahˬ aˇ bawˇ baw duˆ dawˬ tawˆ luꞈ kʼoeˇ taˆ, aˇ paꞈ paꞈ nyoeˇ tiˬ paꞈ-iˬ maˬ tsoꞈ ni pyeuꞈ-iˇ-euˬ meh.

Yawˇlaˆ 2:3

Miˬ dzaˬ puiˆ dzaˬ jiˇ-euˬ loꞈ-ehˇ, aˇ bawˇ kʼaˇ ngeuˇ-eu dzaˬ jiˇ-awˇ, aˬ yawꞈ maꞈ iˇ luꞈ-eu mehˬ hu, Eˬdeˬ yaˇ kmˇ loꞈ-ehˇ muiˬ kʼawꞈ, aˬ yawꞈ maꞈ iˇ dzeuˇ-euˬ naˇ kʼah, kʼaˇ shuiꞈ deh yaˇ pyeuꞈ jiˇ-eu meh. Tiˬ jeˬ-iˬ maˬ dzeuˇ-iˇ nya-a.