Daˬyeˬlaˇ 9:7 - Akha

⁷ Sahˬpaˬ Miˬyehˇ-oˇ, nawˇ-aˬ, aˬ myah luꞈ yaw tsaˬ yaw dawˇ jeˬ tehꞈ-ehˇ mˇ-eu meh. Ehˇ kʼawꞈ, nga maꞈ-aˬ, yawˬ ha-euˬ myaˆ pyawˬ naˇ mehˇ cawˆ-eu jeˬ tehꞈ-ehˇ mˇ-euˬ ma. Yuˇdaˆ miˇ kʼahˬ-ahˇ jawˇ-eu deuˬ maˬ ehˇ, Yeˬluˇsaˬlehˬ meuˬ-ahˇ jawˇ-eu deuˬ maˬ ehˇ, dawˬ peh gaˇ mahˇ jaˆ-eu miˇ kʼahˬ deuˬ-ahˇ nawˬ neh teh byaˆ-awˇ bi jawˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, nawˬ-ahˇ saˇ jaˇ maˬ ziꞈ-eu miˇ neh, aˬ yawꞈ maꞈ kʼoeˇ taˆ shaꞈ dawˇ-eu jeˬ keuˆ le taˬ-euˬ meh.

Daˬyeˬlaˇ 9:7 Referans Kwoze

Daˬyeˬlaˇ 9:14

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ aˬ myah luꞈ yaw tsaˬ yaw dawˇ dawˇ-ehˇ mˇ-eu gʼaˬ pyeuꞈ-eu loꞈ-ehˇ, nawˬ-euˬ ehˇ dawˬ-ahˇ nga maꞈ maˬ naˇ haˬ-euˬ miˇ neh, nga maꞈ-ahˇ kʼehˬ-eu kʼaˆ-eu gʼaˇ duˬ nawˬ neh lehˬ hmˬ taˬ-euˬ loꞈ-ehˇ, kʼehˬ nehˬ kʼaˆ nehˬ laꞈ-euˬ meh.

Daˬyeˬlaˇ 9:8

Sahˬpaˬ Miˬyehˇ-oˇ, nga maꞈ-euˬ sahˬ paˬ sahˬ ma deuˬ hawˇ-eu, nga maꞈ-euˬ aˬ poeˬ aˬ bawˇ deuˬ, nawˬ-euˬ mehˬ shi iˬ baˇ mˇ-awˇ, shaꞈ dawˇ dui dui paˬ-ehˇ dehꞈ-euˬ meh.

Yeˬlaˬmiˇ 3:25

Shaꞈ dawˇ-eu laꞈ kʼoeˇ yuꞈ ja-awˇ, daˬ ga-eu jeˬ neh bi sheu kaˬ paˬ-ehˇ gʼeh miˇ-a. Nga maꞈ hawˇ-eu nga maꞈ-euˬ aˬ poeˬ aˬ bawˇ deuˬ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ puiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ naˇ haˬ geuꞈ ni dehꞈ-euˬ ma.”

Jaceuq 44:15

Nah ga-ehˇshaꞈdawˇ-eu miˇneh, myaˆpyawˬciꞈzaꞈ-awˇshaˬ-eu ma.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Lormav 6:21

Nymˬ-mˇ naw maꞈ nui daˆ daˆ luꞈ-eu gaˇ kʼoeˇ deuˬ-ahˇ naw maꞈ mˇ-euˬ miˇ neh aˬ jeˬ za ta. Shiˇ-eu jeˬ-ahˇ za-eu tehꞈ meh.

Aˬmoˆ 9:9

“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma.

Yeˬsaˬgeˬlaˇ 36:31

Naw maꞈ neh mˇ-euˬ yaw haiˬ jeˬ hawˇ-eu naw maꞈ-euˬ yaw lehˬ yaw ca-ahˇ naw maꞈ noeˬ mawˇ laˇ-awˇ, naw maꞈ-euˬ iˬ baˇ baˬ da neh, yawˬ haˇ yawˬ ha nui daˆ daˆ tehꞈ-a.

Yeˬsaˬgeˬlaˇ 16:63

Nawˬ neh kʼaˇ mˇ kʼaˇ shaˇ lehˬ-euˬ jeˬ-ahˇ ngaˇ iˬ baˇ pyehˬ nehˬ ma. Ehˇ kʼawꞈ nawˬ-euˬ yaw lehˬ-ahˇ nawˇ noeˬ mawˇ-awˇ, kʼaˬ meh maˬ mˇ nga peuˬ ni shaꞈ dawˇ dui dui tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬlaˬmiˇ 24:9

Guˆ dui dui laˇ paˬ-ehˇ gʼeh-eu shaˬ-eu zahˬ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-iˇ tehꞈ-a. Aˬ yawꞈ maꞈ-ahˇ aˬ cawˬ ja bu ja doeˇ-awˇ, kʼaˇ ehˇ mawꞈ-eu jeˬ ehˇ niˇ gʼa-eu uˬ taꞈ, ngaˬ neh aˬ yawꞈ maꞈ-ahˇ kʼaˇ teh byaˆ-euˬ jawˇ duˬ laꞈ kʼoeˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ-ahˇ dawˬ daˬ daˬ-awˇ yaˬ tehꞈ-a.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Iˇsaˬyaˇ 45:16

Tahˬ pahˬ aˬ ma mawˇ kawˇ tehˆ-eu tsawˇ haˬ deuˬ, ya shaꞈ dawˇ tehꞈ-a. Aˬ yawꞈ maꞈ dawˬ tawˆ luꞈ daˬ ga tehꞈ-a.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Jaceuq 119:137

Sahˬpaˬ Miˬyehˇ-oˇ, nawˇ tsaˬ dui dawˇ dui dui-awˇ, nawˬ-euˬ zahˇ dawˬ kʼoꞈ dawˬ yaw sui yaw dawˇ meh.

Jaceuq 51:14

Miˬyehˇ-oˇ, luˬ-iˇ seˇ-iˇ-eu jeˬ laꞈ kʼoeˇ ngaˬ-ahˇ ka kʼoꞈ nehˬ laꞈ. Nawˬ-euˬ yaw tsaˬ yaw dawˇ jeˬ gaˇ kawˆ ngaˇ laˬ kʼaˬ tiˬ cehˇ ja gaˬ ma.

Jaceuq 51:4

Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

Neˬhaˬmiˇ 9:33

Nawˇ nga maꞈ-ahˇ kʼehˬ-euˬ yaw tsaˬ yaw dawˇ meh. Nga maꞈ iˬ baˇ mˇ-euˬ kʼawꞈ, nawˇ saˇ jaˇ ziꞈ-eu meh.

Eˇzaˬlaˬ 9:13

Nga maꞈ-euˬ iˬ baˇ baˬ da neh nawˇ nga maꞈ-ahˇ kʼehˬ nehˬ kʼaˆ nehˬ laꞈ-eu laꞈ kʼoeˇ nga maꞈ ya daˬ dzeuˇ laꞈ-euˬ jeˬ-ahˇ haw ngeh jawˇ, nga maꞈ-ahˇ geuˇ-eu kʼehˬ-eu kʼaˆ-eu jeˬ naˆ maˬ tseˇ teˬ dui nyiˇ dui dui-eu kʼehˬ-eu kʼaˆ-eu jeˬ nawˇ nga maꞈ kʼoeˇ taˆ bi keuˆ le-awˇ, nga maꞈ-ahˇ heu loꞈ-ehˇ bi dehꞈ bi jawˇ dzeuˇ laꞈ-euˬ meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Eˇzaˬlaˬ 9:15

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ tsaˬ-eu dawˇ-eu Miˬyehˇ pyeuꞈ kʼawꞈ, nga maꞈ-ahˇ nawˇ bi dzeuˇ-iˇ laꞈ-euˬ meh. Nawˬ-eu mehˬ shi nga maꞈ-euˬ iˬ baˇ shaˇ pyehˬ-eu ma. Nga maꞈ-aˬ, nawˬ-eu mehˬ shi laˇ-eu maˬ geuˇ-eu tsawˇ haˬ pyeuꞈ-eu ma.”

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Yeˬlaˬmiˇ 33:16

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ ka kʼoꞈ nehˬ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. Yeˬluˇsaˬlehˬ meuˬ-euˬ tsawˇ myahˇ-ahˇ, ‘Sahˬpaˬ Miˬyehˇ aˬ dui-ahˇ ka kʼoꞈ-eu gʼaˬ meh’ lehˇ ya kuˇ tehꞈ-a.

Yeˬsaˬgeˬlaˇ 6:12

Gaˇ mahˇ kaˬ gaˇ jawˇ-eu deuˬ naˇ gawˇ gawˇ sehꞈ-awˇ, dawˬ peh jawˇ-eu deuˬ guiˇ deuˆ gaˇ bi sehꞈ tehꞈ-a. Dzeuˇ-iˇ-euˬ deuˬ-aˬ, mehꞈ-eu shuꞈ-eu baˬ da neh ya shiˇ tehꞈ-a.

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Yeˬlaˬmiˇ 4:17

Yeˬluˇsaˬlehˬ meuˬ Sahˬpaˬ Miˬyehˇ-ahˇ puiˬ-eu miˇ neh, deh yaˇ-ahˇ tsawˇ haˬ loꞈ-eu loꞈ-ehˇ, muiˇ-eu deuˬ Yeˬluˇsaˬlehˬ meuˬ-ahˇ loꞈ jawˬ tehꞈ-a lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 7:19

Ehˇ kʼawꞈ, ngaˬ-ahˇ bi coeˬ laˇ-eu jeˬ aˬ yawꞈ maꞈ mˇ luꞈ ta loˇ. Maˬ ngeuˇ-a. Yawˬ haˇ yawˬ ha bi coeˬ leˇ-awˇ, yawˬ haˇ yawˬ ha daˬ laˆ ga-eu jeˬ aˬ yawꞈ maꞈ mˇ luꞈ-eu meh.

Yeˬlaˬmiˇ 32:32

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ neh, aˬ yawꞈ maꞈ-euˬ sahˬ paˬ deuˬ, aˬ yuiꞈ aˬ tsu deuˬ, piˇ ma deuˬ hawˇ-eu, miˬ yehˇ gʼaˇ duˬ ngehˬ dah-eu deuˬ nehˬ-ehˇ tiˬ kawˆ loꞈ-ehˇ kʼaˇ mˇ-euˬ yaw haiˬ jeˬ baˬ da neh, meuˬ heu meuˬ-ahˇ ngaˇ laˆ cawˆ-eu ma.

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.