Daˬyeˬlaˇ 9:12 - Akha

¹² Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh.

Daˬyeˬlaˇ 9:12 Referans Kwoze

Yeˬsaˬgeˬlaˇ 5:9

Ngaˇ bye dui dui-eu jeˬ mˇ-euˬ baˬ da neh, dzeuˇ laˇ ngeh tiˬ jawˇ-iˬ maˬ keuˆ le haw-ehˇ, aˬ kaˇ tiˬ jawˇ-iˬ maˬ paˇ keuˆ le-eu kʼehˬ-eu kʼaˆ-eu jeˬ, Yeˬluˇsaˬlehˬ meuˬ kʼoeˇ taˆ ngaˇ bi keuˆ le ma.

Ngoeˇ dawˬ 1:12

“Kʼaˇ iˇ kʼaˇ laˇ tsehˆ-eu deuˬ-oˇ, naw maꞈ ngaˬ-ahˇ maˬ taꞈ te loˇ. Sahˬpaˬ Miˬyehˇ nui ma pehˇ-awˇ, ngaˬ-euˬ kʼoeˇ taˆ bi keuˆ le-euˬ, ngaˇ mˇ luꞈ-eu shaˬ zahˬ naˆ ni, shaˬ haw mˇ haw-euˬ jawˇ meh loˇ. Naw maꞈ haw le-awˇ shaˇ noeˬ sheˇ.

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Ngoeˇ dawˬ 2:17

Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Yawˇbaˆ 12:17

Uˆ lahˇ-eu deuˬ-euˬ zaˬ siˬ tsawˇ gahˇ aˬ yawꞈ yuˇ dzeh-awˇ, aˬ yuiꞈ aˬ tsu deuˬ tsawˇ uˬ loꞈ-ehˇ pyeuꞈ-iˇ ni aˬ yawꞈ jahˇ-eu meh.

Lormav 15:8

Miˬyehˇ saˇ jaˇ ziꞈ-eu gaˇ kawˆ bi siˬ bi mawˇ-eu gʼaˇ duˬ hawˇ-eu, aˬ yawꞈ neh aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ bi byah laˇ-eu lehˇ, Yuˇdaˆ tsawˇ haˬ deuˬ gʼaˇ duˬ Ka li mˇ le-euˬ meh.

Luˇkaꞈ 21:22

Aˬ jeˬ miˇ neh ehˇ naˇ, kʼoeˇ-aˬ, Jaˇliꞈ laꞈ kʼoeˇ kʼaˇ ehˇ taˬ-euˬ jeˬ bi byah laˇ-eu gʼaˇ duˬ, kʼehˬ-eu kʼaˆ-eu aˇ nah deuˬ pyeuꞈ-eu meh.

Maˬkuˆ 13:19

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, Miˬyehˇ mˬ beh miˇ beh beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Maꞈtehˬ 24:21

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, miˇ tsaˬ tahˬ kʼawˇ heu aˇ dahˬ beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Maꞈtehˬ 5:18

Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

Zaˬkaˬliˇ 1:8

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ mahˬ yaw neˇ dziˬ luꞈ gaˇ ngaˇ mawˇ-euˬ ma. Deh kʼawꞈ-ahˇ jaˆ-eu muˇtuˇlaˆ aˇ bawˇ bawˇ yaˇ-ahˇ aˬ yawꞈ naˬ le-awˇ, aˬ yawꞈ-euˬ mehˬ nah paw, mahˬ mahˬ neˇ, mahˬ mahˬ puiˇ hawˇ-eu, mahˬ mahˬ pyuˇ dziˬ luꞈ-eu deuˬ ahˇ-eu meh.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Yeˬsaˬgeˬlaˇ 13:6

Aˬ yawꞈ maꞈ neh yaw sahˇ laꞈ kʼoeˇ ya siˬ ya mawˇ-euˬ jeˬ maˬ tsaˬ-ehˇ, aˬ yawꞈ maꞈ neh ngehˬ dah-euˬ jeˬ jaˬ myawꞈ myawꞈ-eu tehꞈ meh. Ngaˬ neh kʼehˇ gʼeh leꞈ-euˬ maˬ ngeuˇ gaˇ, ngaˬ-euˬ gʼaˇ duˬ ngehˬ dah-eu ma lehˇ aˬ yawꞈ maꞈ ehˇ-eu meh. Ehˇ kʼawꞈ, aˬ yawꞈ maꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ noeˬ tmˬ-eu meh.

Ngoeˇ dawˬ 4:6

Myaˆ nuiˆ kʼoˆ tehˆ tiˬ tehˆ laꞈ kʼoeˇ, Sawˇdoˬ meuˬ-ahˇ laˆ cawˆ nehˬ ngeh, caw ba miˇ le-eu maˬ dah-a. Ehˇ kʼawꞈ ngaˬ-euˬ tsawˇ haˬ deuˬ-aˬ, kʼoeˇ naˆ maˬ tseˇ ya daˬ-euˬ meh.

Dawqdaq 8:16

Miˇ tsaˬ kʼoeˇ taˆ kʼaˇ jawˇ-eu sahˬ paˬ sahˬ ma dawˬ tawˆ luꞈ, miˇ kʼahˬ-ahˇ uˆ lahˇ nya ni ngaˇ ngehˬ gʼeh-eu ma.

Jaceuq 148:11

Sahˬpaˬ Miˬyehˇ-euˬ miˇ kʼahˬ zaˬ dawˬ tawˆ luꞈ aˬ yawꞈ-ahˇ ja ceuˬ-awˬ. Sahˬ paˬ sahˬ ma dawˬ tawˆ luꞈ ja ceuˬ-awˬ.

Jaceuq 2:10

Sahˬpaˬdeuˬ ehˇdawˬnaˇhaˬ-awˇ, sahˬma deuˬ naˬbawˇgaˬleˇsheˇ.

1 Sahˬpaˬ 3:9

Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Yeˬlaˬmiˇ 32:23

Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.

Yeˬlaˬmiˇ 39:16

“ ‘Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh’ lehˇ, Suˬdaˬ tsawˇ haˬ Eˇbehˆmeˬlehˆ-ahˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. ‘Ngaˬ neh ehˇ taˬ-euˬ jaˆ-eu loꞈ-ehˇ, meuˬ heu meuˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu lehˇ gʼeh-eu ma. Baw le za le-eu jeˬ bi keuˆ le-eu lehˇ gʼeh-eu maˬ ngeuˇ. Kʼoeˇ loꞈ-ehˇ bi keuˆ le ngeh, nawˇ kʼoeˇ gaˇ jawˇ-awˇ ya mawˇ tehꞈ-a.

Yeˬlaˬmiˇ 44:23

Heu poˆ jawˇ naw maꞈ kʼoeˇ taˆ bi keuˆ le-euˬ luˬ-iˇ seˇ-iˇ-eu jeˬ-aˬ, miˬ yehˇ nui deuˬ-ahˇ naw maꞈ lawˇ-eu shehˇ-eu jeˬ mˇ-awˇ, Sahˬpaˬ Miˬyehˇ neh biꞈ taˬ-euˬ dawˬ-ahˇ maˬ naˇ haˬ ni, aˬ yawꞈ-ahˇ mˇ lehˬ-euˬ miˇ neh meh.”

Daˬyeˬlaˇ 12:1

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.

Zaˬkaˬliˇ 7:12

Aˬ yawꞈ maꞈ-euˬ nui ma kʼaˬ lo loꞈ-ehˇ gʼahˇ-awˇ, aˇ hu ba dehꞈ dzeuˇ yaꞈ-euˬ Miˬyehˇ gʼaˇ duˬ ngehˬ dah-euˬ deuˬ-ahˇ gʼoe-awˇ ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ dawˬ deuˬ-ahˇ aˬ yawꞈ maꞈ maˬ naˇ haˬ geuꞈ-euˬ miˇ neh, ngaˇ nui ma pehˇ-euˬ ma.

2 Sahˬpaˬ 22:16

Sahˬpaˬ Miˬyehˇ heu loꞈ-ehˬ ehˇ-eu meh. ‘Sahˬ paˬ neh gui haw-euˬ sahˬ boꞈ paˇ dmˬ kʼoeˇ dmˬ laꞈ kʼoeˇ boꞈ taˬ-euˬ loꞈ-ehˇ, Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ kʼaˆ nehˬ-eu lehˇ gʼeh-eu ma.

Iˇsaˬyaˇ 43:28

Ngaˬ-euˬ muiˬ-eu shawˇ-eu jawˇ duˬ kʼoeˇ tsahˇ, naw maꞈ-euˬ sahˬ paˬ sahˬ ma neh laˆ jawꞈ-euˬ meh. Kʼoeˇ baˬ da neh Iˇsaˬleˬlaˆ-ahˇ ngaˇ, luˬ-iˇ seˇ-iˇ-eu jeˬ bi keuˆ le-awˇ, aˬ cawˬ yehˬ bawˬ sehˇ lu-ehˇ gʼeh-eu jeˬ, ngaˬ-euˬ tsawˇ jeuˬ kʼoeˇ taˆ ngaˇ bi keuˆ le-euˬ ma.”