Daˬyeˬlaˇ 8:8 - Akha

⁸ Ciꞈ myehꞈ kʼoeˇ mawˇ tiˬ jawˇ saˇ-i tiˬ jawˇ nui ma huiˬ dui mahˇ dui dui laˇ-euˬ meh. Ehˇ kʼawꞈ, aˬ yawꞈ kʼaˇ kʼaˆ maˬ kʼaˆ kʼaˆ ngeh, aˬ yawꞈ-euˬ uˬ coeˇ kʼoeˇ kahˬ lehˆ iˇ-awˇ, ngaw law ni mawˇ laˇ-eu uˬ coeˇ oeˬ kahˬ paˇ doˆ laˇ-euˬ meh. Uˬ coeˇ kʼoeˇ oeˬ kahˬ-aˬ, tiˬ kahˬ tiˬ paw pyawˇ-eu meh.

Daˬyeˬlaˇ 8:8 Referans Kwoze

Daˬyeˬlaˇ 7:2

Daˬyeˬlaˇ ehˇ-eu, “Mˬ-ahˇ neh oe-euˬ jaˬ lehˇ, miˇ ma oeˬ coeˇ oeˬ pyawˬ luꞈ baw gʼeh leꞈ-awˇ, iˬ ma laˆ shaˆ-ahˇ ciˬ tahˬ ciˬ tuˆ-euˬ meh.

Panmaeq 7:1

Kʼoeˇ naˇ, miˇ ma oeˬ coeˇ oeˬ pyawˬ-ahˇ mˬ taˆ gʼaˬ kʼehˇ oeˬ gʼaˬ yawꞈ luꞈ gaˇ ngaˇ ya mawˇ-euˬ ma. Miˇ tsaˬ kʼoeˇ taˆ maˬ ehˇ, iˬ ma laˆ shaˆ kʼoeˇ taˆ maˬ ehˇ, aˇ bawˇ-ahˇ maˬ ehˇ, jaˬ lehˇ maˬ bi baw ni, miˇ ma oeˬ coeˇ oeˬ pyawˬ-euˬ jaˬ lehˇ-ahˇ aˬ yawꞈ maꞈ nyehꞈ tehˬ taˬ-euˬ meh.

Daˬyeˬlaˇ 8:22

Uˬ coeˇ yaw beh kahˬ lehˆ dzeh-awˇ paˇ doˆ laˇ-euˬ uˬ coeˇ kʼoeˇ oeˬ kahˬ-aˬ, miˇ kʼahˬ kʼoeˇ kʼahˬ laꞈ kʼoeˇ miˇ kʼahˬ oeˬ kʼahˬ paˆ doˆ-iˇ-awˇ, yaw beh loꞈ-ehˇ gʼaˬ maˬ kʼaˆ ni pyeuꞈ-iˇ gaˇ ehˇ mawꞈ-eu meh.

Daˬyeˬlaˇ 8:5

Gaˇ kawˆ kʼoeˇ ngaˇ shaˇ noeˬ luꞈ ngeh, nahˇ ma ga kʼehˬ paw neh ciꞈ myehꞈ tiˬ mawˇ sehˇ laꞈ gaˇ ngaˇ ya mawˇ-euˬ ma. Ciꞈ myehꞈ kʼoeˇ mawˇ sehˇ-eu kawˇ dui dui-eu miˇ neh, aˬ kuiˇ miˇ tsa maˬ tuˆ-a. Aˬ yawꞈ-euˬ myaˆ nuiˆ nyiˬ nuiˆ yaw kaˬ-ahˇ, uˬ coeˇ tiˬ coeˇ ngaw law ni tsoꞈ-eu meh.

Daˬyeˬlaˇ 5:20

Ehˇ kʼawꞈ, aˬ yawꞈ nui ma huiˬ-eu mahˇ-eu jeˬ ahˇ laˇ-awˇ nui ma gʼahˇ-eu uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-eu miˇ neh, aˬ yawꞈ-euˬ sahˬ paˬ aˇ yaˬ bi yuˇ ka-awˇ, yaw shehꞈ kʼahˬ sehˇ maˬ jaˆ ni pyeuꞈ-iˇ-euˬ meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

Maˬkuˆ 13:27

Aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ kʼoeˇ dzeˇ heu dzeˇ doˆ ni jawˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Daˬyeˬlaˇ 11:4

Ehˇ kʼawꞈ, aˬ yawꞈ baoˬ huiˬ dui dui luꞈ ngeh, aˬ yawꞈ-euˬ miˇ kʼahˬ kʼahˬ maˬ kʼoeˇ kʼahˬ, oeˬ paˆ paˆ-iˇ tehꞈ-a. Aˬ yawꞈ nehˬ-ehˇ aˇ jeuˬ aˇ ca maˬ taꞈ-eu deuˬ aˬ yawꞈ-euˬ jawˇ duˬ-ahˇ sahˬ paˬ geuꞈ tehꞈ-a. Ehˇ kʼawꞈ, aˬ yawꞈ maꞈ aˬ yawꞈ loꞈ-ehˇ baoˬ maˬ huiˬ-a.

Daˬyeˬlaˇ 7:6

Ngaˇ haw haw-ehˇ paˇ jawˇ ngeh, bawˇ tsahˬ jeˬ zaˬ tiˬ mawˇ paˇ doˆ laˇ-euˬ meh. Kʼoeˇ mawˇ-aˬ, kʼaˬ zuiˬ-ahˇ duˇ-eu meh. Ehˇ kʼawꞈ, dahˇ teˇ-ahˇ aˇ jiˇ-euˬ aˬ dahˇ-ahˇ duˇ-eu aˬ dahˇ oeˬ dahˇ tsoꞈ-awˇ, uˬ duˬ oeˬ siˬ tsoꞈ-eu meh. Aˬ yawꞈ-ahˇ haw ngeh, uˆ lahˇ-eu baoˬ biꞈ taˬ-euˬ gaˇ duˇ-eu meh.

Daˬyeˬlaˇ 4:31

Dawˬ kʼoeˇ dawˬ aˬ yawꞈ maˬ ngehˬ jiˇ miˇ naˆ-ehˇ, mˬ kʼoeˇ taˆ heu loꞈ-ehˇ ehˇ doˆ leꞈ-euˬ meh. “Sahˬ paˬ Neˬbuˬkaˬneˬzaˬ-oˇ, ngaˇ ehˇ gaˇ naˇ haˬ-awˬ. Nawˬ-euˬ dzoeˬ dzaˬ nawˬ nehˬ-ehˇ maˬ paˇ jawˇ meh.

Yeˬsaˬgeˬlaˇ 28:9

Nawˬ-ahˇ sehꞈ-eu deuˬ-euˬ mehˬ shi, miˬ yehˇ ma lehˇ ehˇ te siˬ loˇ. Nawˬ-ahˇ sehꞈ-eu deuˬ-euˬ laꞈ-ahˇ, nawˇ miˬ yehˇ maˬ ngeuˇ-ehˇ, tsawˇ haˬ ngaˇ lehˇ duˬ laˇ tehꞈ-a.

Yeˬsaˬgeˬlaˇ 16:7

Deh ga-ahˇ dehꞈ-eu baw duˆ loꞈ-ehˇ, nawˬ-ahˇ ngaˇ bi mehˇ laˇ-euˬ ma. Nawˇ goˇ laˇ loˆ laˇ-awˇ, miˬ daꞈ daꞈ laˇ-euˬ meh. Nawˬ-euˬ kʼahˬ dzm laˇ-awˇ, uˬ duˬ tsehˇ kʼahˇ mahˇ le-euˬ meh. Ehˇ kʼawꞈ, nawˇ neˇ myawˆ ni jawˇ-a siˬ.

Yeˬlaˬmiˇ 5:27

Aˇ jiˇ kʼmˇ-eu tsawˇ haˬ kʼa loˇ nyehꞈ byah taˬ-euˬ loꞈ-ehˇ, myawꞈ geuꞈ kʼaˆ geuꞈ taˬ-euˬ myawˬ gahˬ, aˬ yawꞈ maꞈ-euˬ nymˇ laꞈ kʼoeˇ byah-eu meh. Kʼoeˇ miˇ neh aˬ yawꞈ maꞈ smˇ muiˬ muiˬ-awˇ baoˬ ahˇ-eu meh.

Iˇsaˬtaˆ 9:4

Mawˬdaˬkehˇ-aˬ, sahˬ paˬ-euˬ nymˇ laꞈ kʼoeˇ baoˬ ahˇ-eu tsawˇ haˬ tiˬ gʼaˬ pyeuꞈ laˇ taˬ-awˇ, tiˬ nah saˇ-iˬ tiˬ nah aˬ yawꞈ-euˬ baoˬ huiˬ laˇ luꞈ-eu gaˇ kawˆ, miˇ kʼahˬ doe ni siˬ byah gaˬ byah taˬ-euˬ meh.

Dawˬmehˬ 31:20

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ uˇ gʼeh ma. Kʼoeˇ gaˇ, aˬ yawꞈ maꞈ kʼaˇ dzaˬ mawꞈ-eu jeˬ tiˬ byah ni jaˆ-awˇ, yaw saˇ saˇ-ehˇ ya dehꞈ ya jawˇ tehꞈ-a. Ehˇ kʼawꞈ, aˬ yawꞈ maꞈ mehˬ shiˬ yawˬ paw yawˬ ciˬ pyawˇ-awˇ, miˬyehˇ nui deuˬ-ahˇ uˬ duˬ tahˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, ngaˬ-euˬ dawˬ ma saˇ jaˇ-ahˇ puiˬ tehꞈ-a.

Yeˬlaˬmiˇ 49:36

Yawˬ paw yawˬ coeˇ na luꞈ neh Eˇlamˬ miˇ kʼahˬ laꞈ kʼoeˇ jaˬ lehˇ bi baw ahˇ leꞈ-awˇ, Eˇlamˬ miˇ kʼahˬ zaˬ deuˬ maˬ cehˆ jawˇ-iˇ-euˬ miˇ kʼahˬ maˬ jaˆ ni bi pyeuꞈ-iˇ ma.

Daˬyeˬlaˇ 8:7

Yawˇ kʼoeˇ mawˇ-ahˇ aˬ yawꞈ coeˬ tahˬ gʼeh gaˇ ngaˇ haw luꞈ-eu ma. Aˬ yawꞈ nui ma pehˇ dui dui-eu miˇ neh, yawˇ kʼoeˇ mawˇ-ahˇ ciˬ tuˆ dzeh gʼeh-awˇ, uˬ coeˇ nyiˬ kahˬ luꞈ tahˬ kʼehꞈ-euˬ meh. Yawˇ kʼoeˇ mawˇ aˬ yawꞈ-ahˇ ciˬ daˬ-eu gʼaˬ maˬ ahˇ-a. Miˇ tsa bi tahˬ dzeh gʼeh-awˇ, nawˬ pahˬ nawˬ lahˇ nehˬ-euˬ meh. Ehˇ kʼawꞈ, yawˇ kʼoeˇ mawˇ-ahˇ tiˬ gʼaˬ-iˬ maˬ ka kʼoꞈ nehˬ nya-a.