Daˬyeˬlaˇ 6:25 - Akha

²⁵ Kʼoeˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ-ahˇ, sahˬ paˬ Daˬliˇ heu loꞈ-ehˇ sahˬ boꞈ boꞈ nehˬ-euˬ meh. “Naw maꞈ dawˬ tawˆ luꞈ nui saˇ oꞈ-awˇ jawˇ saˇ doˆ luꞈ-uˇ.

Daˬyeˬlaˇ 6:25 Referans Kwoze

Daˬyeˬlaˇ 4:1

Miˇ tsaˬ kʼoeˇ taˆ kʼaˇ jawˇ-eu miˇ kʼahˬ dawˬ tawˆ luꞈ hawˇ-eu tsawˇ jeuˬ dawˬ tawˆ luꞈ-ahˇ, sahˬ paˬ Neˬbuˬkaˬneˬzaˬ heu loꞈ-ehˇ dawˬ tsaꞈ tsaꞈ ahˇ gʼeh-euˬ meh. “Naw maꞈ dawˬ tawˆ luꞈ nui saˇ oꞈ luꞈ-uˇ.

1 Beˬtuˆluˆ 1:2

Yeˬsuˇ Ka li-euˬ dawˬ-ahˇ naˇ haˬ geuꞈ-awˇ aˬ yawꞈ-euˬ shiˬ neh bi mˇ shawˇ-eu gʼaˇ duˬ, Aˬda Miˬyehˇ neh lehˬ hmˬ taˬ-euˬ jaˆ-eu loꞈ-ehˇ naw maꞈ-ahˇ tseˇ doˆ-awˇ, Yaw sahˇ Miˬyehˇ-ahˇ gʼoe-eu laꞈ kʼoeˇ muiˬ-eu shawˇ-eu tsawˇ haˬ bi pyeuꞈ laˇ-euˬ meh.

Iˇsaˬtaˆ 8:9

Ba la smˇ siˬ tiˬ siˬ pyeuꞈ-eu Siˬbaˬ ba la nyiˬ tseˇ smˬ nah-ahˇ heu loꞈ-ehˇ jahˇ-euˬ meh. Sahˬ paˬ-euˬ sahˬ boꞈ boꞈ-eu tsawˇ haˬ deuˬ-ahˇ Mawˬdaˬkehˇ kuˇ uiˬ-awˇ, Gaˬlaˬnaˆ miˇ kʼahˬ-ahˇ neh Suˬdaˬ miˇ kʼahˬ-ahˇ keuˆ ni jaˆ-eu miˇ kʼahˬ tiˬ yaˇ nyiˬ tseˇ shiꞈ kʼahˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ deuˬ hawˇ-eu, miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ hawˇ-eu yaw huiˬ yaw mahˇ dawˬ tawˆ luꞈ jawˇ gaˇ, aˬ yawꞈ neh kʼaˇ ehˇ-euˬ dawˬ deuˬ bi boꞈ ahˇ gʼeh-euˬ meh. Miˇ kʼahˬ aˬ yawꞈ kʼahˬ yawꞈ laꞈ kʼoeˇ kʼaˇ zmˬ luꞈ-eu dawˬ-ahˇ neh bi boꞈ-awˇ, Yuˇdaˆ tsawˇ haˬ deuˬ-ahˇ Yuˇdaˆ sahˬ boꞈ boꞈ ahˇ nehˬ-euˬ meh.

Iˇsaˬtaˆ 3:12

Kʼoeˇ naˇ, ba la yaw beh siˬ tseˇ smˬ nah-ahˇ, sahˬ paˬ-euˬ sahˬ boꞈ boꞈ-eu tsawˇ haˬ deuˬ-ahˇ Haˬmaˬ kuˇ uiˬ-awˇ, aˬ yawꞈ neh kʼaˇ ehˇ-euˬ loꞈ-ehˇ bi boꞈ-awˇ, miˇ kʼahˬ kʼoeˇ kʼahˬ laꞈ kʼoeˇ kʼaˇ ngehˬ luꞈ-eu tsawˇ jeuˬ aˬ yawꞈ jeuˬ yawꞈ-euˬ dawˬ-ahˇ neh paˇ bi boꞈ doˆ jiˇ-awˇ, miˇ kʼahˬ-ahˇ uˆ lahˇ-eu deuˬ hawˇ-eu yaw huiˬ yaw mahˇ dawˬ tawˆ luꞈ-ahˇ bi biꞈ ha doe-iˇ-euˬ meh. Sahˬ boꞈ kʼoeˇ-ahˇ sahˬ paˬ Dzeuˬsehˆ-euˬ tsawˇ myahˇ zmˬ-awˇ boꞈ-eu laꞈ kʼoeˇ, sahˬ paˬ-euˬ laꞈ behˬ neh jmˬ diˬ taˬ-euˬ meh.

Eˇzaˬlaˬ 4:17

Sahˬ paˬ Daˬliˇ gʼaˬ heu loꞈ-ehˇ paˇ boꞈ kʼoꞈ nehˬ-euˬ meh. “Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Leˬhamˬ, jaˇ laˇ yuˇ-eu paw aˬ yuiꞈ geuꞈ-eu Shmˇshehˆ hawˇ-eu, Saˬmaˬliˆ meuˬ hawˇ-eu Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ jawˇ-eu naw nyaꞈ-euˬ cawˬ deuˬ-ahˇ ngaˇ sahˬ boꞈ boꞈ ahˇ laꞈ-eu ma. Naw maꞈ dawˬ tawˆ luꞈ yaw muiˬ jawˇ saˇ doˆ luꞈ-uˇ.

Yuˇdaˆ 1:2

Miˬyehˇ-euˬ gʼawˬ shaˬ gaˬ-eu jeˬ, nui saˇ oꞈ-eu jeˬ hawˇ-eu gʼoeˇ-eu gaˬ-eu jeˬ, naw maꞈ kʼoeˇ taˆ tiˬ byah tiˬ loꞈ jaˆ luꞈ-uˇ.

2 Beˬtuˆluˆ 1:2

Miˬyehˇ hawˇ-eu aˬ dui-euˬ Sahˬpaˬ Yeˬsuˇ-ahˇ naw maꞈ siˬ nya-eu jeˬ baˬ da neh, guiˬ lahˬ yaw dzahˇ hawˇ-eu nui saˇ oꞈ-eu jeˬ-ahˇ tiˬ byah tiˬ loꞈ za luꞈ-uˇ.

Daˬyeˬlaˇ 3:4

Kʼoeˇ ngeh, dawˬ tsaꞈ dawˬ dzawˇ mˇ-eu gʼaˬ yaw kʼaˆ-ehˇ guˇ-awˇ, “Miˇ kʼahˬ gʼawˬ mya kʼahˬ hawˇ-eu, tsawˇ jeuˬ gʼawˬ mya jeuˬ laꞈ kʼoeˇ neh uiˬ laˇ bymˇ laˇ taˬ-euˬ tsawˇ haˬ deuˬ-oˇ,

Dawˬmehˬ 19:19

mˇ bahˬ-euˬ meh lehˇ aˬ yawꞈ neh lehꞈ-euˬ gʼaˬ ya daˬ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ aˬ yawꞈ ya daˬ meh. Kʼoeˇ loꞈ-ehˇ gʼeh-eu jeˬ naw maꞈ laꞈ kʼoeˇ maˬ ya pyeuꞈ doˆ laˇ ni, kʼoeˇ loꞈ-ehˇ mˇ-awˬ.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Jaceuq 7:15

Ehˇkʼawꞈ yawˬha kʼmˇ-euˬlahˇju, yawˬhaˇyawˬha teuˆpaꞈ-eu meh.

Jaceuq 9:16

SahˬpaˬMiˬyehˇ yaˇkʼaˬdaˇ-awˇ, yawˬhaˇyawˬha pah mehˬ-euˬmeh. yaw haiˬdeuˬlahˇju kʼmˇtaˬ-awˇ, yawˬhaˇyawˬha teuˆpaꞈ-eu meh.

Dawqdaq 11:8

Yaw tsaˬ yaw dawˇ deuˬ guˆ-eu gaˆ-eu jeˬ-ahˇ ya dzeuˇ-iˇ kʼawꞈ, haiˬ-eu tsawˇ haˬ deuˬ maˬ dzeuˇ-iˇ nya-a.