Daˬyeˬlaˇ 5:29 - Akha

²⁹ Beˬlaˇshaˬzaˬ neh aˬ yawꞈ-euˬ tsawˇ haˬ deuˬ-ahˇ tiˬ poˆ tehꞈ-ehˇ dawˬ biꞈ-awˇ, Daˬyeˬlaˇ-ahˇ sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ kawˬ lahˇ-ahˇ nyehꞈ dah nehˬ-euˬ meh. Kʼoeˇ naˇ, miˇ kʼahˬ kʼoeˇ taˆ aˬ cawˬ naˆ maˬ tseˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-euˬ meh.

Daˬyeˬlaˇ 5:29 Referans Kwoze

Daˬyeˬlaˇ 5:16

Zaꞈ taˬ-euˬ gaˇ kawˆ deuˬ hawˇ-eu, naꞈ dui dui-eu dawˬ tsuiꞈ deuˬ nawˇ yuˇ doˆ nya meh lehˇ ngaˇ ya gaˬ-euˬ ma. Heu gaˇ boꞈ taˬ-euˬ sahˬ boꞈ heu nawˇ gui-awˇ ngaˬ-ahˇ dawˬ tsuiꞈ yuˇ doˆ nehˬ laꞈ nya naˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ nawˬ-euˬ kawˬ lahˇ-ahˇ sheu dah nehˬ-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ dzehˬ-eu sahˬ paˬ smˇ gʼaˬ tiˬ gʼaˬ bi geuꞈ ma.”

Daˬyeˬlaˇ 5:7

Nyiˇ paˬ shaˆ ma deuˬ hawˇ-eu mah loˬ ja maw deuˬ kuˇ laꞈ-eu gʼaˇ duˬ aˬ yawꞈ dawˬ biꞈ-euˬ meh. Aˬ yawꞈ maꞈ laˇ keuˆ ngeh, heu loꞈ-ehˇ ehˇ nehˬ-euˬ meh. “Heu gaˇ boꞈ taˬ-euˬ gaˇ kawˆ heu gui doˆ nya-awˇ, ngaˬ-ahˇ kʼaˇ dzawˇ poˆ nehˬ laꞈ nya-eu gʼaˬ-ahˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, kawˬ lahˇ-ahˇ taˬ huiˬ taˬ mahˇ-eu shuiˇ shuiˇ caˆ bi dah-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-ma.”

Dawqdaq 1:9

Dawˬ kʼoeˇ deuˬ nawˬ-euˬ uˬ duˬ-ahˇ geuꞈ luꞈ-eu aˇ yehˆ hawˇ-eu, nawˬ-euˬ kawˬ lahˇ-ahˇ dah luꞈ-eu lahˇ dah loꞈ-ehˇ, nawˬ-ahˇ bi haw jaˬ-eu meh.

Daˬyeˬlaˇ 2:48

Kʼoeˇ naˇ, sahˬ paˬ neh Daˬyeˬlaˇ-ahˇ yaw huiˬ yaw mahˇ bi keuˆ leˇ-awˇ, muiˬ dui dui-eu laꞈ sawˬ deuˬ biꞈ-euˬ uˬ taꞈ, Baˬbuˇloˬ meuˬ-euˬ gahˬ kaˬ-ahˇ uˆ lahˇ-eu gʼaˬ bi geuꞈ-awˇ, sahˬ paˬ-ahˇ nui noeˬ nui duˇ biꞈ-eu tsawˇ gahˇ ahˇ-eu tsawˇ haˬ dawˬ tawˆ luꞈ kʼoeˇ taˆ bi uˆ lahˇ-euˬ meh.

Daˬyeˬlaˇ 6:2

Kʼoeˇ uˬ taꞈ, sahˬ paˬ sahˬ ma kʼoeˇ deuˬ sahˬ paˬ-ahˇ maˬ tsaˬ-eu jeˬ maˬ ya mˇ ni aˬ yawꞈ maˬ kʼoeˇ taˆ bi haw bi pyaˆ-eu gʼaˇ duˬ, Daˬyeˬlaˇ ahˇ leˇ-ehˇ tsawˇ haˬ smˇ gʼaˬ paˇ tseˇ doˆ-euˬ meh.

Aˇ dahˬ 41:42

Sahˬ paˬ kʼoeˇ gʼaˬ-aˬ, sahˬ paˬ-euˬ jmˬ diˬ taˬ-euˬ aˬ yawꞈ-euˬ shuiˇ laꞈ behˬ lehˆ doˆ-awˇ, Yoˇsehˆ-ahˇ bi behˬ-euˬ meh. Yoˇsehˆ-ahˇ muiˬ dui dui-eu pehˇ kʼahˬ pehˇ mahˇ bi dm-awˇ, shuiˇ lawˇ dah bi dah-euˬ meh.

Iˇsaˬtaˆ 10:3

Yuˇdaˆ tsawˇ haˬ Mawˬdaˬkehˇ-aˬ, sahˬ paˬ Dzeuˬsehˆ-euˬ laꞈ oˆ teˬ ni gʼeh-eu gʼaˬ pyeuꞈ-eu meh. Yuˇdaˆ tsawˇ haˬ deuˬ aˬ yawꞈ-ahˇ nui kʼahˇ shiˇ-awˇ, taˬ huiˬ taˬ mahˇ-euˬ meh. Aˬ yawꞈ-euˬ tsawˇ jeuˬ gʼaˇ duˬ gaˇ dahˇ tsoeˬ-eu muiˬ-eu gaˇ deuˬ aˬ yawꞈ mˇ-awˇ, aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ kʼoeˇ taˆ, nui saˇ oꞈ-eu jeˬ aˬ yawꞈ mˇ yaꞈ-euˬ meh.