Daˬyeˬlaˇ 5:28 - Akha

²⁸ PEˬLEˬ lehˇ ehˇ-eu-aˬ, biˇ paˆ gaˇ ehˇ-eu meh. Dawˬ tsuiꞈ-aˬ, nawˬ-euˬ miˇ kʼahˬ deuˆ paˆ biˇ paˆ-awˇ, Meˬdiˇ tsawˇ jeuˬ hawˇ-eu Paˇshaˇ tsawˇ jeuˬ-ahˇ biꞈ nehˬ gaˇ ehˇ mawꞈ-eu meh.”

Daˬyeˬlaˇ 5:28 Referans Kwoze

Daˬyeˬlaˇ 6:28

Daˬliˇ uˆ lahˇ-eu aˇ yamˬ hawˇ-eu, Paˇshaˇ tsawˇ jeuˬ Guˇluˆ uˆ lahˇ-eu aˇ yamˬ laꞈ kʼoeˇ, Daˬyeˬlaˇ dehꞈ dzaˬ dui dui-euˬ meh.

Iˇsaˬyaˇ 13:17

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ miˇ kʼahˬ-ahˇ guiˇ bi deuˆ-eu lehˇ, pyuˇ-ahˇ mehˇ juiˇ maˬ juiˇ-eu tsawˇ jeuˬ, shuiˇ-ahˇ nui kʼahˇ maˬ jaˆ-eu Meˬdeˬ tsawˇ haˬ deuˬ-ahˇ ngaˇ laˆ noeˬ luꞈ-eu ma.

Daˬyeˬlaˇ 5:31

Kʼoeˇ naˇ, aˇ kʼoꞈ koꞈ tseˇ nyiˬ kʼoꞈ byah-eu Daˬliˇ lehˇ kuˇ-eu Meˬdiˇ tsawˇ haˬ tiˬ gʼaˬ, miˇ kʼahˬ kʼoeˇ kʼahˬ-ahˇ sahˬ paˬ geuꞈ-awˇ uˆ lahˇ-euˬ meh.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Daˬyeˬlaˇ 9:1

Meˬdiˇ tsawˇ jeuˬ Dzeuˬsehˆ-euˬ aˬ li Daˬliˇ-aˬ, Baˬbuˇloˬ miˇ kʼahˬ-ahˇ uˆ lahˇ-euˬ meh.

Daˬyeˬlaˇ 8:20

“Nawˬ neh ya mawˇ-euˬ uˬ coeˇ nyiˬ kahˬ tsoꞈ-eu yawˇ kʼoeˇ mawˇ-aˬ, Meˬdiˇ miˇ kʼahˬ hawˇ-eu Paˇshaˇ miˇ kʼahˬ-ahˇ ehˇ mawꞈ-eu meh.

Gʼaˬkʼehˇ 2:9

Aˬ dui maꞈ-aˬ, Baˬtiˇ miˇkʼahˬ, Meˬdiˇ miˇkʼahˬ, Eˇlamˬ miˇ kʼahˬ, Maˬsoˬpoˬtaˬmiˇ miˇ kʼahˬ, Yuˇdaˆ miˇ kʼahˬ, Gaˬbaˬdawˇciˆ miˇ kʼahˬ, Boˬtuˆ miˆ kʼahˬ, Aˬshaˆ miˇ kʼahˬ,

Daˬyeˬlaˇ 6:8

Meˬdiˇ tsawˇ haˬ hawˇ-eu Paˇshaˇ tsawˇ haˬ-euˬ zahˇ sahˇ kʼoꞈ maˬ poˆ maˬ paˇ laˇ nya-eu loꞈ-ehˇ, zahˇ sahˇ kʼoꞈ heu hmˬ kʼawꞈ maˬ poˆ maˬ paˇ laˇ nya ni sahˬ boꞈ boꞈ doˆ-awˇ, sahˬ paˬ nawˇ laꞈ ma dehꞈ nehˬ laꞈ-awˬ.”

2 Laˬsaˬbaˬ 36:23

“Heu-aˬ, Paˇshaˇ sahˬpa Guˇluˆ-euˬ dawˬ pyeuꞈ-eu meh. Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, miˇ tsaˬ heu dawˬ tawˆ luꞈ kʼoeˇ taˆ ngaˬ-ahˇ bi uˆ lahˇ laꞈ-awˇ, Yuˇdaˆ miˇ kʼahˬ Yeˬluˇsaˬlehˬ meuˬ-ahˇ aˬ yawꞈ gʼaˇ duˬ Uˬ duˬ tahˬ nymˇ tiˬ nymˇ tsoˆ-awˬ lehˇ aˬ yawꞈ ngaˬ-ahˇ kʼehˇ-eu meh. Nymˬ-mˇ, Miˬyehˇ-euˬ tsawˇ haˬ kʼaˇ ngeuˇ-eu naw maꞈ dawˬ tawˆ luꞈ kʼoeˇ gaˇ le-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ luꞈ-uˇ.”

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Yeˬlaˬmiˇ 25:13

Yeˬlaˬmiˇ-ahˇ gʼoe-awˇ ngaˬ neh ehˇ taˬ-euˬ jeˬ pyeuꞈ-eu, sahˬ boꞈ heu dmˬ laꞈ kʼoeˇ kʼaˇ boꞈ ahˇ taˬ-euˬ shaˬ-eu zahˬ-euˬ guˆ-eu gaˆ-eu jeˬ dawˬ tawˆ luꞈ, Baˬbuˇloˬ miˇ kʼahˬ kʼoeˇ taˆ ngaˇ bi keuˆ le-eu laꞈ kʼoeˇ, kʼehˬ nehˬ kʼaˆ nehˬ ma.

Yeˬlaˬmiˇ 51:28

Baˬbuˇloˬ miˇ kʼahˬ-ahˇ guiˇ deuˆ-eu gʼaˇ duˬ, miˇ kʼahˬ tsawˇ jeuˬ deuˬ bi lehˬ hmˬ jiˇ-awˬ. Meˬdiˇ sahˬ paˬ deuˬ hawˇ-eu aˬ yuiꞈ aˬ tsu geuꞈ-eu yaw huiˬ yaw mahˇ deuˬ dawˬ tawˆ luꞈ-ahˇ maˬ ehˇ, aˬ yawꞈ maꞈ uˆ lahˇ-eu uˬ moˆ kʼaˇ jawˇ luꞈ-eu miˇ kʼahˬ deuˬ-euˬ guiˇ maꞈ deuˬ-ahˇ maˬ ehˇ, bi kuˇ laˬ-iˇ-awˬ.

Daˬyeˬlaˇ 2:32

Mawˇ kawˇ kʼoeˇ-euˬ uˬ duˬ-ahˇ muiˬ dui dui-eu shuiˇ neh jahˇ taˬ-awˇ, kʼahˬ hawˇ-eu aˬ laꞈ-ahˇ pyuˇ neh jahˇ taˬ-euˬ meh. Joꞈ hawˇ-eu shaˬ pyaˬ-ahˇ guiˬ shuiˇ neh jahˇ taˬ-euˬ meh.

Daˬyeˬlaˇ 2:39

Nawˇ jiˇ naˇ, nawˬ-euˬ miˇ kʼahˬ taꞈ-ehˇ nyiˇ teˬ-eu miˇ kʼahˬ tiˬ kʼahˬ paˇ doˆ laˇ tehꞈ-a. Kʼoeˇ jiˇ naˇ, miˇ kʼahˬ smˇ kʼahˬ tiˬ kʼahˬ pyeuꞈ-eu guiˬ shuiˇ miˇ kʼahˬ paˇ doˆ laˇ-awˇ, miˇ tsaˬ dawˬ tawˆ luꞈ-ahˇ uˆ lahˇ tehꞈ-a.