Daˬyeˬlaˇ 3:3 - Akha

³ Kʼoeˇ miˇ neh, sahˬ paˬ-euˬ gaˇ mˇ-eu yaw huiˬ yaw mahˇ deuˬ pyeuꞈ-eu, sahˬ paˬ zaˬ yo deuˬ, sahˬ paˬ sahˬ ma geuꞈ-eu deuˬ, sahˬ paˬ sahˬ ma deuˬ-euˬ laꞈ oˆ teˬ ni uˆ lahˇ luꞈ-eu deuˬ, sahˬ paˬ-euˬ kuiˇ laꞈ geuꞈ-awˇ gaˇ yaw huiˬ mˇ luꞈ-eu deuˬ, pyuˇ jeˬ hmˬ-eu deuˬ, yaˇ kʼaˬ daˇ-eu deuˬ, yaˇ kʼaˬ daˇ-eu paw yaw huiˬ yaw mahˇ geuꞈ-eu deuˬ hawˇ-eu, miˇ kʼahˬ doe ni gaˇ yaw huiˬ kʼaˇ mˇ-eu deuˬ dawˬ tawˆ luꞈ, sahˬ paˬ Neˬbuˬkaˬneˬzaˬ neh ka tuˇ-euˬ shuiˇ mawˇ kawˇ a nehˬ-eu bawˬ-iˬ jahˇ gaˇ uiˬ laˇ jiˇ-awˇ, kʼoeˇ-euˬ mehˬ shi yawꞈ luꞈ-eu meh.

Daˬyeˬlaˇ 3:3 Referans Kwoze

Panmaeq 17:17

Aˬ jeˬ miˇ neh ehˇ naˇ, Miˬyehˇ neh ehˇ taˬ-euˬ dawˬ byah laˇ ngeh keuˆ ni, aˬ yawꞈ maꞈ kuiˇ ciˬ laꞈ ciˬ gm-awˇ, aˬ yawꞈ maꞈ-euˬ baoˬ jeˬ zaˬ yaw haiˬ kʼoeˇ mawˇ-ahˇ a nehˬ-eu laꞈ kʼoeˇ, Miˬyehˇ-euˬ nui noeˬ mˇ-eu nui ma aˬ yawꞈ maꞈ-ahˇ Miˬyehˇ dawˆ ahˇ nehˬ taˬ-euˬ meh.

Panmaeq 17:13

Sahˬ paˬ heu tseˇ gʼaˬ nui noeˬ tiˬ gaˇ taꞈ-awˇ, aˬ yawꞈ maꞈ-euˬ baoˬ hawˇ-eu uˆ lahˇ-eu aˇ yaˬ, jeˬ zaˬ yaw haiˬ kʼoeˇ mawˇ-ahˇ a nehˬ tehꞈ-a.

Lormav 3:11

Noeˬ siˬ noeˬ mawˇ nya-eu tsawˇ haˬ, tiˬ gʼaˬ-iˬ maˬ jawˇ-a. Miˬyehˇ-ahˇ shaˇ poˆ-eu tsawˇ haˬ, tiˬ gʼaˬ-iˬ maˬ jawˇ-a.

Daˬyeˬlaˇ 3:2

Kʼoeˇ naˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ pyeuꞈ-euˬ sahˬ paˬ zaˬ yo deuˬ, sahˬ paˬ sahˬ ma geuꞈ-eu deuˬ, sahˬ paˬ sahˬ ma deuˬ-euˬ laꞈ oˆ teˬ ni uˆ lahˇ luꞈ-eu deuˬ, sahˬpa-euˬ kuiˇ laꞈ geuꞈ-awˇ gaˇ yaw huiˬ mˇ-eu deuˬ, pyuˇ jeˬ hmˬ-eu deuˬ, yaˇ kʼaˬ daˇ-eu deuˬ, yaˇ kʼaˬ daˇ-eu paw yaw huiˬ yaw mahˇ geuꞈ-eu deuˬ hawˇ-eu, miˇ kʼahˬ doe ni gaˇ yaw huiˬ kʼaˇ mˇ-eu deuˬ dawˬ tawˆ luꞈ-ahˇ, shuiˇ mawˇ kawˇ kʼoeˇ hmˬ a nehˬ-eu bawˬ-iˬ jahˇ gaˇ uiˬ laˇ jiˇ-eu gʼaˇ duˬ, sahˬ paˬ dawˬ biꞈ taˬ-euˬ meh.

Daˬyeˬlaˇ 3:4

Kʼoeˇ ngeh, dawˬ tsaꞈ dawˬ dzawˇ mˇ-eu gʼaˬ yaw kʼaˆ-ehˇ guˇ-awˇ, “Miˇ kʼahˬ gʼawˬ mya kʼahˬ hawˇ-eu, tsawˇ jeuˬ gʼawˬ mya jeuˬ laꞈ kʼoeˇ neh uiˬ laˇ bymˇ laˇ taˬ-euˬ tsawˇ haˬ deuˬ-oˇ,

Daˬyeˬlaˇ 3:27

Sahˬ paˬ zaˬ yo dawˬ tawˆ luꞈ, sahˬ paˬ sahˬ ma dawˬ tawˆ luꞈ, sahˬ paˬ sahˬ ma deuˬ laꞈ oˆ teˬ ni gaˇ mˇ-eu deuˬ dawˬ tawˆ luꞈ hawˇ-eu, yaw huiˬ yaw mahˇ kʼaˇ geuꞈ luꞈ-eu deuˬ dawˬ tawˆ luꞈ laˇ-awˇ, aˬ ha smˇ gʼaˬ miˬ dzaˬ maˬ lahˇ ni jawˇ luꞈ gaˇ haw laˇ-euˬ meh. Aˬ ha smˇ gʼaˬ-euˬ uˬ duˬ tsehˇ kahˇ miˬ dzaˬ maˬ myawꞈ-ehˇ, mehˬ tsoeˬ maˬ puiˆ dzaˬ-euˬ uˬ taꞈ, miˬ shmˇ kʼawꞈ maˬ behꞈ laꞈ-a.