Daˬyeˬlaˇ 3:12 - Akha

¹² Nawˬ neh Baˬbuˇloˬ meuˬ-euˬ gahˬ kaˬ-ahˇ bi haw bi pyaˆ-eu Yuˇdaˆ tsawˇ haˬ deuˬ pyeuꞈ-eu, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha maꞈ, nawˬ neh dawˬ biꞈ-euˬ gaˇ maˬ naˇ haˬ-a. Nawˬ-euˬ miˬ yehˇ-ahˇ aˬ yawꞈ maꞈ uˬ duˬ maˬ tahˬ-eu uˬ taꞈ, nawˬ neh ka tuˇ-euˬ mawˇ kawˇ mehˬ shi maˬ awˆ byaˆ-a.”

Daˬyeˬlaˇ 3:12 Referans Kwoze

Daˬyeˬlaˇ 6:13

Aˬ yawꞈ maꞈ sahˬ paˬ-ahˇ ehˇ-eu, “Yuˇdaˆ miˇ kʼahˬ-ahˇ neh nyehꞈ laꞈ-euˬ Daˬyeˬlaˇ kʼoeˇ gʼaˬ-aˬ, sahˬ paˬ nawˬ-ahˇ yaw zeu maˬ baw-eu uˬ taꞈ, nawˬ neh taˬ taˬ-euˬ zahˇ sahˇ kʼoꞈ-ahˇ maˬ caw teh ni, tiˬ nah smˬ poˆ guiˬ lahˬ shaˇ-eu ma byehˇ-a.”

Daˬyeˬlaˇ 2:49

Daˬyeˬlaˇ-euˬ shaˇ dawˬ-ahˇ sahˬ paˬ naˇ haˬ-awˇ, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ, Baˬbuˇloˬ meuˬ-euˬ gahˬ kaˬ-ahˇ haw-eu pyaˆ-eu deuˬ bi geuꞈ-euˬ meh. Daˬyeˬlaˇ-aˬ, sahˬ paˬ-euˬ saˇ naˇ-ahˇ gaˇ mˇ-euˬ meh.

Gʼaˬkʼehˇ 17:7

Yaˬsoˬ neh aˬ yawꞈ maꞈ-ahˇ aˬ yawꞈ-euˬ nymˇ-ahˇ cu taˬ-euˬ meh. Yeˬsuˇ lehˇ myahˇ-eu sahˬ paˬ tiˬ gʼaˬ jawˇ meh lehˇ aˬ yawꞈ maꞈ ehˇ ehˇ-ehˇ, sahˬ paˬ Gehˇsaˬ neh biꞈ taˬ-euˬ zaˇ sahˇ kʼoꞈ deuˬ-ahˇ laˆ cawˆ luꞈ meh.”

Dawqdaq 27:4

Nui ma pehˇ-eu jeˬ-aˬ, gʼawˬ shaˬ gaˬ-eu maˬ siˬ nya-ehˇ, yaw cawˆ jeˬ tehꞈ-ehˇ mˇ doˆ laꞈ-eu meh. Ehˇ kʼawꞈ, myaˆ naˆ-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

Dawˬ tsoˆ 4:4

Tsawˇ haˬ zaˬ dehꞈ dzaˬ laˇ ni gaˇ mˇ-eu leh jeh-eu-aˬ, yawˬ ha dawˬ peh dehꞈ-eu deuˬ-ahˇ myaˆ naˆ-eu miˇ neh meh lehˇ ngaˇ haw siˬ-euˬ ma. Ehˇ kʼawꞈ, kʼoeˇ loꞈ-ehˇ mˇ-eu tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Iˇsaˬtaˆ 3:8

Kʼoeˇ naˇ, sahˬ paˬ-ahˇ Haˬmaˬ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ kʼahˬ ma laꞈ kʼoeˇ jaˆ-eu miˇ kʼahˬ yawˬ kʼahˬ na luꞈ jawˇ doe jiˇ taˬ-euˬ tsawˇ jeuˬ tiˬ jeuˬ jawˇ meh. Aˬ yawꞈ maꞈ-aˬ, aˬ cawˬ tsawˇ jeuˬ-ahˇ maˬ duˇ-eu zahˇ sahˇ kʼoꞈ tawˬ luꞈ-eu meh. Kʼoeˇ uˬ taꞈ, nawˬ-euˬ miˇ kʼahˬ zahˇ sahˇ kʼoꞈ deuˬ-ahˇ kʼawꞈ aˬ yawꞈ maꞈ maˬ naˇ haˬ geuꞈ-eu miˇ neh, aˬ yawꞈ maꞈ-ahˇ tiˬ jeˬ-iˬ maˬ jahˇ nehˬ ni kʼoeˇ loꞈ-ehˇ bi jawˇ-eu-aˬ, nawˬ-euˬ gʼaˇ duˬ tiˬ pawꞈ-iˬ maˬ muiˬ-a.

Daˬyeˬlaˇ 1:7

Sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ huiˬ dzehˬ-eu yaw huiˬ yaw mahˇ kʼoeˇ gʼaˬ neh, aˬ yawꞈ maꞈ-euˬ tsawˇ myahˇ Beˬteˬshaˬzaˬ, Shaˬdaˬlaˆ, Meˬshaˆ, Aˬbeˬdaˬneˬgoˬ lehˇ myahˇ paˇ nehˬ-euˬ meh.

Daˬyeˬlaˇ 2:48

Kʼoeˇ naˇ, sahˬ paˬ neh Daˬyeˬlaˇ-ahˇ yaw huiˬ yaw mahˇ bi keuˆ leˇ-awˇ, muiˬ dui dui-eu laꞈ sawˬ deuˬ biꞈ-euˬ uˬ taꞈ, Baˬbuˇloˬ meuˬ-euˬ gahˬ kaˬ-ahˇ uˆ lahˇ-eu gʼaˬ bi geuꞈ-awˇ, sahˬ paˬ-ahˇ nui noeˬ nui duˇ biꞈ-eu tsawˇ gahˇ ahˇ-eu tsawˇ haˬ dawˬ tawˆ luꞈ kʼoeˇ taˆ bi uˆ lahˇ-euˬ meh.

Daˬyeˬlaˇ 3:11

Awˆ byaˆ-awˇ uˬ duˬ maˬ kʼaˇ tahˬ-eu tsawˇ haˬ-ahˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma lehˇ nawˇ dawˬ biꞈ-euˬ meh.

Daˬyeˬlaˇ 3:16

Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ heu loꞈ-ehˇ ehˇ-eu meh. “Sahˬ paˬ-oˇ, gaˇ kawˆ heu-ahˇ taꞈ leˇ-awˇ, nawˬ-ahˇ nga maꞈ dawˬ poˆ maˬ paˇ poˆ ma.

Daˬyeˬlaˇ 3:29

“Nymˬ-mˇ ngaˇ heu loꞈ-ehˇ dawˬ biꞈ-eu ma. Miˇ kʼahˬ aˬ geu kʼahˬ-ahˇ jawˇ-eu tsawˇ jeuˬ aˬ geu jeuˬ maˬ kaˬ, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ yaw zeu maˬ baw-eu dawˬ ngehˬ naˇ, gʼawˇ mawˇ deuˆ tm deuˆ tmˇ-awˇ, nymˇ deh pyaˆ nehˬ gaˇ bi daˬ ma. Aˬ jeˬ miˇ neh ehˇ naˇ, heu loꞈ-ehˇ ka kʼoꞈ nehˬ nya-eu miˬ yehˇ nui gʼaˬ maˬ jawˇ-a.”

Daˬyeˬlaˇ 3:30

Kʼoeˇ naˇ, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ, Baˬbuˇloˬ meuˬ-euˬ gahˬ kaˬ laꞈ kʼoeˇ, huiˬ dzehˬ goˇ dzehˬ-eu gaˇ paˇ bi mˇ-euˬ meh.

Daˬyeˬlaˇ 6:14

Dawˬ kʼoeˇ dawˬ-ahˇ sahˬ paˬ ya gaˬ ngeh, nui ma shaˬ zahˬ naꞈ-awˇ, Daˬyeˬlaˇ-ahˇ ka kʼoꞈ-eu gʼaˇ duˬ, nahˇ ma ga ahˇ ngeh keuˆ ni shaˇ noeˬ dui dui-euˬ meh.