Daˬyeˬlaˇ 2:34 - Akha

³⁴ Nawˇ kʼoeˇ gaˇ haw haw-ehˇ jawˇ ngeh, tsawˇ haˬ tiˬ gʼaˬ-iˬ maˬ toeˬ ciˆ-euˬ gaˇ, lo guˇ-ahˇ neh kʼaˬ lo lo ma tiˬ siˬ poˆ ka leꞈ-awˇ, shmˇ hawˇ-eu miˇ tsaˬ neh jahˇ taˬ-euˬ aˬ kuiˇ-ahˇ poˆ daˆ-awˇ lehˬ paˆ-euˬ meh.

Daˬyeˬlaˇ 2:34 Referans Kwoze

Daˬyeˬlaˇ 8:25

Aˬ yawꞈ tsawˇ gahˇ gahˇ-awˇ jaˬ myawꞈ mehˇ shuiˇ zmˬ-eu laꞈ kʼoeˇ, gʼawˬ mya jeˬ mˇ doˆ laꞈ tehꞈ-a. Aˬ yawˆ yawꞈ huiˬ dui mahˇ dui dui miˇ-a lehˇ noeˬ-awˇ, tsawˇ haˬ gʼawˬ mya ni-ahˇ maˬ noeˬ maˬ duˇ-ehˇ jawˇ gaˇ tiˬ jeˬ-iˬ maˬ ehˇ ni sehꞈ tehꞈ-a. Sahˬ paˬ dawˬ tawˆ kʼoeˇ taˆ huiˬ-eu Sahˬpaˬ-ahˇ kʼawꞈ, aˬ yawꞈ yehˬ bawˬ sehˇ lu-ehˇ ehˇ-eu meh. Laˆ luˬ laˆ seˇ nehˬ gaˇ aˬ yawꞈ ya daˬ tehꞈ-a. Ehˇ kʼawꞈ, tsawˇ haˬ zaˬ-euˬ baoˬ neh laˆ luˬ laˆ seˇ nehˬ-eu jeˬ maˬ ngeuˇ-a.

Zaˬkaˬliˇ 12:3

Ehˇ kʼawꞈ, aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ kah dui dui-eu kʼaˬ lo lo ma tiˬ siˬ loꞈ-ehˇ bi pyeuꞈ laˇ-awˇ, baꞈ diˇ-eu lehˇ kʼaˇ leh jeh-eu tsawˇ jeuˬ aˬ geu jeuˬ maˬ kaˬ, laˆ tahˬ laˆ naˇ tehꞈ-a. Miˇ kʼahˬ tsawˇ jeuˬ dawˬ tawˆ luꞈ gm leˇ-awˇ, Yeˬluˇsaˬlehˬ meuˬ-ahˇ guiˇ deuˆ tehꞈ-a.

Iˇsaˬyaˇ 60:12

Ehˇ kʼawꞈ, nawˬ-ahˇ maˬ mˇ cu-eu tsawˇ jeuˬ piˬ-iˇ byoˆ-iˇ tehꞈ-a.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

Zaˬkaˬliˇ 4:6

Kʼoeˇ naˇ, aˬ yawꞈ ehˇ-eu, “Heu-aˬ, Zeˬluˇbaˬbeˬlaˇ-ahˇ Sahˬpaˬ Miˬyehˇ neh ehˇ nehˬ-eu dawˬ pyeuꞈ-awˇ, ‘Baoˬ hawˇ-eu gʼaˬ neh gʼaˬ leˇ nya-eu maˬ ngeuˇ-a. Ngaˬ-euˬ yaw sahˇ baˬ da neh tehꞈ-ehˇ gʼaˬ leˇ nya-eu meh’ lehˇ ehˇ-eu meh.

Daˬyeˬlaˇ 7:27

Miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-euˬ baoˬ hawˇ-eu yaw shehꞈ kʼahˬ sehˇ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ-ahˇ biꞈ nehˬ tehꞈ-a. Aˬ yawꞈ maꞈ uˆ lahˇ-eu baoˬ aˇ saˬ saˬ-eu maˬ baw-ehˇ, miˇ tsaˬ kʼoeˇ taˆ kʼaˇ jawˇ-eu sahˬ paˬ sahˬ ma dawˬ tawˆ luꞈ, aˬ yawꞈ maꞈ-euˬ ehˇ dawˬ naˇ haˬ-awˇ, aˬ yawꞈ maꞈ neh kʼaˇ kʼehˇ-euˬ jeˬ ya mˇ tehꞈ-a.”

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

1 Beˬtuˆluˆ 2:7

Kʼaˬ lo heu-aˬ, jah-eu tsawˇ haˬ deuˬ pyeuꞈ-eu naw maꞈ gʼaˇ duˬ poeˬ dui lawˬ dui dui-eu meh. Ehˇ kʼawꞈ, maˬ jah-eu tsawˇ haˬ deuˬ gʼaˇ duˬ-aˬ, heu loꞈ-ehˇ ehˇ taˬ-euˬ meh. “Nymˇ tsoˆ-eu deuˬ maˬ geuꞈ nahˇ-ehˇ, byehˇ dzeh taˬ-euˬ kʼaˬ lo kʼoeˇ siˬ, dawˬ tawˆ luꞈ naˆ maˬ tseˇ poeˬ-eu, laˬ coeˇ lo ziꞈ pyeuꞈ laˇ-euˬ meh.”

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Jaceuq 118:22

Nymˇ tsoˆ-eu deuˬ neh tseˇ dzeh-euˬ kʼaˬ lo tsaˬ byaˆ, laꞈ coeˇ-ahˇ gawˬ gaˇ zmˬ-eu, aˇ poeˬ kʼaˆ dzehˬ-eu kʼaˬ lo pyeuꞈ laˇ-euˬ meh.

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

Gʼaˬkʼehˇ 4:11

Jaˇliꞈ laꞈ kʼoeˇ, ‘Naw maꞈ nymˇ tsoˆ gaˇ maˬ geuꞈ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.’ lehˇ ehˇ taˬ-euˬ kʼoeˇ-aˬ, Yeˬsuˇ-ahˇ ehˇ mawꞈ-eu meh.

Yoˇhaˬ 1:13

Aˬ yawꞈ maꞈ Miˬyehˇ-euˬ zaˬ pyeuꞈ laˇ-eu kʼoeˇ-aˬ, miˇ tsaˬ zaˬ deuˬ aˬ da o neh dehꞈ le-awˇ aˬ da-euˬ zaˬ deuˬ pyeuꞈ gaˇ maˬ duˇ-a. Miˬyehˇ neh aˬ yawꞈ maꞈ-ahˇ aˬ yawꞈ-euˬ zaˬ bi pyeuꞈ laˇ-euˬ tiˬ jeˬ meh.

Iˇsaˬyaˇ 8:9

Miˇ kʼahˬ tsawˇ jeuˬ deuˬ-oˇ, guˆ-eu laꞈ kʼoeˇ tiˬ gaˇ uiˬ leˇ-awˬ. Gaˇ mahˇ kaˬ-eu miˇ kʼahˬ deuˬ-oˇ, naˬ bawˇ ciˬ kʼmˇ-awˬ. Guiˇ deuˆ-eu gʼaˇ duˬ lehˬ hmˬ-awˬ. Ehˇ kʼawꞈ maˬ guˆ-ehˇ taˬ gʼeh. Guiˇ deuˆ-eu gʼaˇ duˬ lehˬ hmˬ-awˬ. Ehˇ kʼawꞈ maˬ guˆ-ehˇ taˬ gʼeh.

Daˬyeˬlaˇ 2:33

Aˬ kuiˇ kuiˇ du-ahˇ shmˇ neh jahˇ taˬ-awˇ, aˬ kuiˇ pehˬ zaˬ-ahˇ shmˇ tiˬ paˆ miˇ tsaˬ tiˬ paˆ lehˇ jahˇ taˬ-euˬ meh.

Yeˬsaˬgeˬlaˇ 32:28

“Iˇjiˇtuˆ-aˬ, guiˇ deuˆ gaˇ bi sehꞈ-euˬ baˆ kʼoˆ mehˬ dzaˬ maˬ yehˬ-euˬ tsawˇ haˬ kʼoeˇ deuˬ nehˬ-ehˇ, kʼoeˇ loꞈ-ehˇ yaw shiˇ-ehˇ ya ga tehꞈ-a.

Yeˬsaˬgeˬlaˇ 47:5

Laꞈ oˆ paw nyiˬ yaˇ ngaˬ tseˇ lmˇ paˇ dza ka gʼeh ngeh, iˇ cuꞈ naꞈ dui dui-eu miˇ neh, iˇ diˬ maˬ diˬ naˇ maˬ tsehˆ nya ni jaˆ-eu meh.