Daˬyeˬlaˇ 2:18 - Akha

¹⁸ “Aˬ yawꞈ maꞈ-ahˇ, Baˬbuˇloˬ meuˬ-ahˇ jawˇ-eu sahˬ paˬ-ahˇ nui noeˬ nui duˇ biꞈ-eu deuˬ nehˬ-ehˇ tiˬ kawˆ loꞈ-ehˇ maˬ ya bi sehꞈ-eu gʼaˇ duˬ, gaˇ kawˆ kʼoeˇ-euˬ dawˬ tsuiꞈ ehˇ nehˬ laꞈ ni, mˬ taˆ Miˬyehˇ-ahˇ guiˬ lahˬ shaˇ-awˬ” lehˇ, aˬ ha smˇ gʼaˬ-ahˇ Daˬyeˬlaˇ ehˇ nehˬ-euˬ meh.

Daˬyeˬlaˇ 2:18 Referans Kwoze

Yeˬlaˬmiˇ 33:3

“Ngaˬ-ahˇ kuˇ naˇ, ngaˇ oˬ toˬ nehˬ ma. Nawˇ tiˬ pawꞈ-iˬ maˬ siˬ nya-eu zahˬ dui dui leˇ paˬ-ehˇ gʼeh-eu gaˇ kawˆ deuˬ, nawˬ-ahˇ ngaˇ ehˇ nehˬ ma.

Maꞈtehˬ 18:19

“Kʼoeˇ uˬ taꞈ, naw maꞈ-ahˇ ngaˇ heu loꞈ-ehˇ paˇ ehˇ-eu ma. Naw maꞈ laꞈ kʼoeˇ tsawˇ haˬ nyiˬ gʼaˬ nui ma gm-awˇ, miˇ tsaˬ kʼoeˇ taˆ guiˬ lahˬ shaˇ naˇ, naw maꞈ neh kʼaˇ shaˇ-euˬ jeˬ, mˬ kʼoeˇ taˆ jawˇ-eu ngaˬ Da jahˇ nehˬ laꞈ tehꞈ-a.

Maꞈtehˬ 18:12

“Yawˇ tiˬ yaˇ mawˇ jawˇ-eu tsawˇ haˬ tiˬ gʼaˬ, yawˇ tiˬ mawˇ byoˆ naˇ, aˬ joˆ-ehˇ jahˇ nmˇ lehˇ naw maꞈ noeˬ-eu nya. Gʼoeˬ tseˇ gʼoeˬ mawˇ-ahˇ gawˬ jawˬ-ahˇ bi gaˆ tawˬ yaꞈ-awˇ, byoˆ-iˇ-euˬ yawˇ kʼoeˇ mawˇ-ahˇ poˆ-iˇ tehꞈ-a.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

1 Saˬmeuˬlaˆ 17:37

Aˇ laˬ jaˬ shiˇ hawˇ-eu kʼaˬ hmˇ deuˬ-euˬ aˬ laꞈ laꞈ kʼoeˇ, Sahˬpaˬ Miˬyehˇ ngaˬ-ahˇ ka kʼoꞈ-euˬ meh. Kʼoeˇ gaˇ duˇ ni, Piˇliˇtiˆ tsawˇ haˬ kʼoeˇ gʼaˬ-euˬ aˬ laꞈ laꞈ kʼoeˇ kʼawꞈ, aˬ yawꞈ ngaˬ-ahˇ ka kʼoꞈ nehˬ laꞈ tehꞈ-a.” Sawˇluˆ gʼeh, “Toˆ-ehˇ ngeuˇ naˇ, iˇ-awˬ. Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ” lehˇ ehˇ nehˬ-euˬ meh.

Aˇ dahˬ 18:28

Meuˬ kʼoeˇ meuˬ laꞈ kʼoeˇ iˬ baˇ maˬ mˇ-eu tsawˇ haˬ ngaˬ tseˇ gʼaˬ maˬ byah ni, oeˬ tseˇ ngaˬ gʼaˬ tehꞈ-ehˇ jawˇ lawˬ naˇ, ngaˬ gʼaˬ teˬ-iˇ-euˬ baˬ da neh, meuˬ kʼoeˇ meuˬ meuˬ lah ni-ahˇ nawˇ laˆ cawˆ nehˬ ma loˇ” lehˇ naˇ haˬ ngeh, “Iˬ baˇ maˬ mˇ-eu tsawˇ haˬ oeˬ tseˇ ngaˬ gʼaˬ ya mawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ, Sahˬpaˬ Miˬyehˇ ehˇ-eu meh.

2 Beˬtuˆluˆ 2:9

Kʼoeˇ miˇ neh, Yaˇ kʼaˬ daˇ-eu Aˇ nah gʼaˇ duˬ, Miˬyehˇ-ahˇ yaw zeu baw-eu tsawˇ haˬ deuˬ-ahˇ aˬ joˆ-ehˇ bi buˬ-iˇ-eu gaˇ kawˆ hawˇ-eu, haiˬ-eu tsawˇ haˬ deuˬ-ahˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ, Miˬyehˇ siˬ nya meh.

Lormav 15:30

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li hawˇ-eu Yaw sahˇ Miˬyehˇ neh biꞈ leꞈ-euˬ gʼoeˇ-eu gaˬ-eu jeˬ baˬ da neh ngaˇ naw maꞈ-ahˇ heu loꞈ-ehˇ shaˇ-eu ma. Ngaˬ-euˬ gʼaˇ duˬ ngaˬ nehˬ-ehˇ Miˬyehˇ-ahˇ guiˬ lahˬ caw shaˇ nehˬ laꞈ-awˬ.

Gʼaˬkʼehˇ 12:4

Beˬtuˆluˆ-ahˇ nyehꞈ gʼaˬ ngeh, paꞈ kuˆ-ahˇ dawˆ-awˇ, tiˬ muˇ-euˬ oeˬ gʼaˬ byah-eu yehˇ oeˬ muˇ neh bi loꞈ-euˬ meh. Baˬsaˬkaˬ Bawˬ-iˬ gʼeh gʼaˬ naˇ, miˇ kʼahˬ zaˬ-euˬ mehˬ shi tsahˇ doˆ-awˇ yaˇ kʼaˬ daˇ-eu gʼaˇ duˬ, Heˬloˆ lehˬ hmˬ taˬ-euˬ meh.

Daˬyeˬlaˇ 3:17

Doꞈ luꞈ-eu miˬ dzaˬ tsawˬ bu hawˇ-eu nawˬ-euˬ baoˬ laꞈ kʼoeˇ, nga maꞈ uˬ duˬ tahˬ-eu Miˬyehˇ ngaˬ ha smˇ gʼaˬ-ahˇ ka kʼoꞈ nehˬ laꞈ nya naˇ ka kʼoꞈ nehˬ laꞈ luꞈ-uˇ.

Yeˬsaˬgeˬlaˇ 36:37

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ ngaˬ-ahˇ laꞈ jeuˬ paˇ bi shaˇ-awˇ, yawˇ yawˇ maꞈ myaˬ laˇ behˇ laˇ-eu loꞈ-ehˇ, aˬ yawꞈ maꞈ tsawˇ haˬ bi jeuˬ bi o le ma.

Daˬyeˬlaˇ 2:23

Ngaˬ poeˬ ngaˬ bawˇ-euˬ Miˬyehˇ-oˇ, nawˬ-ahˇ ja ceuˬ-awˇ taˬ huiˬ ma. Tsawˇ gahˇ hawˇ-eu gʼaˬ biꞈ laꞈ-awˇ, shaˇ dawˬ naˇ haˬ laꞈ-euˬ uˬ taꞈ, sahˬ paˬ-ahˇ ya tmˇ leˇ-eu dawˬ, nga maꞈ-ahˇ nawˇ mehˬ laꞈ-euˬ meh.”

Daˬyeˬlaˇ 4:26

Sahˬ nyiꞈ hawˇ-eu duˬ ciˇ deuˬ-ahˇ miˇ tsa bi pahˬ yaꞈ-awˬ lehˇ, mˬ taˆ gʼaˬ kʼehˇ deuˬ dawˬ biꞈ-euˬ dawˬ tsuiꞈ-aˬ, miˇ tsaˬ dawˬ tawˆ kʼoeˇ taˆ Miˬyehˇ uˆ lahˇ luꞈ-eu gaˇ kawˆ nawˇ siˬ duˬ ngeh, nawˇ sahˬ paˬ paˇ ya geuꞈ kʼoꞈ tehꞈ-a lehˇ ehˇ mawꞈ-eu meh.

Yawˇnaˆ 1:9

Yawˇnaˆ ehˇ-eu, “Ngaˇ-aˬ, Heˬbyehˇ tsawˇ jeuˬ ma. Miˇ tsaˬ tahˬ kʼawˇ hawˇ-eu iˬ ma laˆ shaˆ-ahˇ beh-euˬ mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ ma.”

Jaceuq 136:26

Mˬ taˆ Miˬyehˇ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.