Daˬyeˬlaˇ 11:37 - Akha

³⁷ Aˬ yawꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ hawˇ-eu zaˬ miˬ zaˬ deuˬ gaˬ-eu miˬ yehˇ-ahˇ, aˬ yawꞈ myaˆ maˬ haw cawˬ ni jawˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ dzehˬ ma lehˇ noeˬ-awˇ, miˬ yehˇ-ahˇ miˬ yehˇ lehˇ maˬ sawˇ ni dehꞈ tehꞈ-a.

Daˬyeˬlaˇ 11:37 Referans Kwoze

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

Iˇsaˬyaˇ 14:13

Nawˬ-euˬ nui ma laꞈ kʼoeˇ ehˇ-eu, “Mˬ kʼoeˇ taˆ ngaˇ daˆ leˇ-awˇ, Miˬyehˇ-euˬ aˬ guiˇ deuˬ kʼoeˇ taˆ, ngaˬ-euˬ nuiˇ mahˬ ciˬ taˬ leˇ ma. Laꞈ taˆ pyawˬ-ahˇ jaˆ-eu miˬ yehˇ deuˬ uiˬ leˇ duˬ gawˬ jawˬ-ahˇ, ngaˇ sahˬ paˬ geuꞈ-awˇ nuiˇ leˇ ma.

1 Tiˆmoˇseˬ 4:3

Sheuˬ dahˬ dzaˬ taꞈ-eu maˬ tsaˬ-a lehˇ mehˬ-eu uˬ taꞈ, dzaˬ dzaˬ dawˇ dawˇ tiˬ paˆ na deuˬ-ahˇ maˬ dzaˬ kʼmˬ-a lehˇ aˬ yawꞈ maꞈ mehˬ-eu meh. Ehˇ kʼawꞈ, dzaˬ dzaˬ dawˇ dawˇ kʼoeˇ deuˬ-aˬ, yaw tsaˬ yaw dawˇ jeˬ-ahˇ siˬ nya laˇ-euˬ tsawˇ haˬ deuˬ Miˬyehˇ-euˬ guiˬ lahˬ-ahˇ ja ceuˬ gʼaˬ-awˇ bi dzaˬ-eu gʼaˇ duˬ Miˬyehˇ neh beh taˬ-euˬ meh.

Yeˬsaˬgeˬlaˇ 24:16

“Tsawˇ haˬ zaˬ-oˇ, nawˇ gaˬ dui dui-eu gʼaˬ-ahˇ ngaˇ tiˬ poˆ tehꞈ-ehˇ yuˇ dzeh ma. Nawˇ maˬ ya noeˬ shaˬ, maˬ ya ngoeˇ-ehˇ, myaˆ biˇ kʼawꞈ maˬ ya bi doˆ le-a.

Dawˬ caˇ 7:10

Ngaˇ ngaˬ-euˬ zaˬ kʼaˬ-euˬ pyeuꞈ-awˇ, aˬ yawꞈ kʼawꞈ ngaˬ-ahˇ mawꞈ-eu meh.

Dawˬmehˬ 21:11

nawˬ neh nyehꞈ mi-euˬ tsawˇ haˬ deuˬ laꞈ kʼoeˇ, nawˇ sheuˬ mawꞈ-eu aˇ gʼehˇ muiˬ-eu zaˬ miˬ zaˬ tiˬ gʼaˬ na ahˇ-eu baw tehꞈ-a.

Dawˬmehˬ 5:21

“Aˬ cawˬ-euˬ miˬ zaˬ-ahˇ nawˇ mehˇ juiˇ maˬ ya juiˇ-a. Aˬ cawˬ-euˬ nymˇ-ahˇ maˬ ehˇ, miˇ tsaˬ-ahˇ maˬ ehˇ, zaˬ kʼaˆ deuˬ-ahˇ maˬ ehˇ, mawˇ neˇ deuˬ-ahˇ maˬ ehˇ, mahˬ tahˬ laˆ deuˬ-ahˇ maˬ ehˇ, aˬ cawˬ kʼaˇ jaˆ-eu jeˬ-ahˇ maˬ ehˇ, nawˇ mehˇ juiˇ maˬ ya juiˇ-a.’

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Aˇ dahˬ 3:5

Aˇ bawˇ kʼoeˇ bawˇ-euˬ aˇ siˬ naw nyaꞈ pyaˆ dzaˬ naˇ, naw nyaꞈ kʼawꞈ Miˬyehˇ-ahˇ duˇ laˇ-awˇ, yaw muiˬ yaw doeˇ tseˇ paˆ nya laˇ tehꞈ-a lehˇ Miˬyehˇ siˬ nya-eu miˇ neh, kʼoeˇ loꞈ-ehˇ ehˇ-eu meh.”

Daˬyeˬlaˇ 8:11

Mˬ taˆ guiˇ maꞈ kʼoeˇ taˆ uˆ lahˇ-eu gʼaˬ-ahˇ kʼawꞈ aˬ yawꞈ yehˬ bawˬ sehˇ lu-ehˇ ehˇ niˇ gʼa-awˇ, aˬ yawꞈ nah yawꞈ aˬ yawꞈ-ahˇ lawˇ nehˬ-eu jeˬ maˬ bi lawˇ ni laˆ tsoeˬ-eu uˬ taꞈ, Uˬ duˬ tahˬ nymˇ nymˇ ma-ahˇ laˆ jawꞈ-euˬ meh.

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Daˬyeˬlaˇ 11:38

Ehˇ kʼawꞈ, ziꞈ dah ni gʼeh-eu taˆ deuˬ-ahˇ haw piˇ-eu miˬ yehˇ-ahˇ aˬ yawꞈ yaw zeu baw tehꞈ-a. Aˬ yawꞈ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ-ahˇ, shuiˇ, pyuˇ, aˇ poeˬ kʼaˆ-eu kʼaˬ lo sehˇ hawˇ-eu, muiˬ dui dui-eu aˇ poeˬ kʼaˆ-eu laꞈ sawˬ deuˬ aˬ yawꞈ damˬ nehˬ tehꞈ-a.

Iˇsaˬyaˇ 14:14

Mˬ dmˇ uˬ du ngaˇ daˆ keuˆ leˇ-awˇ, Huiˬ dui mahˇ dui dui-eu gʼaˬ-ahˇ dehꞈ duˇ ma.”

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.