Daˬyeˬlaˇ 11:35 - Akha

³⁵ Zaˬ siˬ tsawˇ gahˇ byah-eu aˬ yuiꞈ aˬ tsu tiˬ paˆ na deuˬ bi sehꞈ tehꞈ-a. Ehˇ kʼawꞈ kʼoeˇ loꞈ-ehˇ bi sehꞈ-euˬ baˬ da neh, tsawˇ haˬ zaˬ deuˬ muiˬ laˇ shawˇ laˇ tehꞈ-a. Miˬyehˇ neh lehˬ hmˬ taˬ-euˬ aˇ saˬ saˬ-eu aˇ yamˬ keuˆ laˇ ngeh keuˆ ni, kʼoeˇ loꞈ-ehˇ pyeuꞈ pyeuꞈ-ehˇ jaˆ tehꞈ-a.

Daˬyeˬlaˇ 11:35 Referans Kwoze

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Dawqdaq 17:3

Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh.

Yaˬkoˆ 1:2

Aˬ yuiꞈ aˬ nyiˇ Ka li zaˬ deuˬ-oˇ, lawˬ haw-eu gʼawˬ mya jeˬ-ahˇ ya tahˬ puˬ ngeh, yaw muiˬ jeˬ keuˆ le-euˬ loꞈ-ehˇ laˬ kʼaˬ cehˇ-awˬ.

Daˬyeˬlaˇ 11:40

“Suˇliˆ sahˬ paˬ-euˬ aˇ yamˬ jiˇ le-eu dawˬ peh peh laˇ ngeh, Iˇjiˇtuˆ sahˬ paˬ aˬ yawꞈ-ahˇ guiˇ deuˆ laˇ tehꞈ-a. Suˇliˆ sahˬ paˬ gʼeh gʼaˬ kʼaˇ jaˆ-eu yuˇ doˆ-awˇ, mahˬ laˆ lawˬ deuˬ, mahˬ deuˬ, saˇ baoˬ deuˬ zmˬ-awˇ guiˇ deuˆ tehꞈ-a. Iˇ jeuˬ jeuˬ-eu loꞈ-ehˇ, miˇ kʼahˬ gʼawˬ mya kʼahˬ-ahˇ aˬ yawꞈ guiˇ deuˆ uˇ gʼeh tehꞈ-a.

Daˬyeˬlaˇ 8:10

Uˬ coeˇ kʼoeˇ kahˬ gʼaˬ kʼaˆ dui dui laˇ-awˇ, mˬ taˆ guiˇ maꞈ-ahˇ maˬ ehˇ, aˬ guiˇ deuˬ-ahˇ maˬ ehˇ, guiˇ deuˆ nya laˇ-euˬ meh. Aˬ guiˇ tiˬ paˆ na deuˬ-ahˇ miˇ ca deuˆ ka-awˇ, nawˬ pahˬ-euˬ meh.

Dawˬmehˬ 8:16

Bawˇ tsahˬ bawˇ dahˇ laꞈ kʼoeˇ, naw maꞈ bi dzaˬ-eu gʼaˇ duˬ, naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ dzaˬ haw-euˬ maˬ naˆ kaˬ muˇ, naw maꞈ-ahˇ aˬ yawꞈ biꞈ-euˬ meh. Aˇ saˬ saˬ laˇ jawˬ-ehˇ, muiˬ-eu jeˬ guiˬ lahˬ naw maꞈ-ahˇ aˬ yawꞈ biꞈ nehˬ mawꞈ-eu miˇ neh, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ, aˬ yawꞈ naw maꞈ-ahˇ lawˬ haw-euˬ meh.

Panmaeq 17:17

Aˬ jeˬ miˇ neh ehˇ naˇ, Miˬyehˇ neh ehˇ taˬ-euˬ dawˬ byah laˇ ngeh keuˆ ni, aˬ yawꞈ maꞈ kuiˇ ciˬ laꞈ ciˬ gm-awˇ, aˬ yawꞈ maꞈ-euˬ baoˬ jeˬ zaˬ yaw haiˬ kʼoeˇ mawˇ-ahˇ a nehˬ-eu laꞈ kʼoeˇ, Miˬyehˇ-euˬ nui noeˬ mˇ-eu nui ma aˬ yawꞈ maꞈ-ahˇ Miˬyehˇ dawˆ ahˇ nehˬ taˬ-euˬ meh.

Panmaeq 14:15

Kʼoeˇ ngeh, uˬ duˬ tahˬ nymˇ nymˇ ma laꞈ kʼoeˇ neh mˬ taˆ gʼaˬ kʼehˇ tiˬ gʼaˬ doˆ le-awˇ, teˇ saˇ yaw kʼaˆ-ehˇ guˇ-awˇ mˬ dmˇ kʼoeˇ taˆ nuiˇ luꞈ-eu kʼoeˇ gʼaˬ-ahˇ ehˇ nehˬ-eu, “Nawˬ-euˬ yehˬ kʼoꞈ neh cehˇ yehˬ-awˬ. Aˬ jeˬ miˇ neh ehˇ naˇ, miˇ tsaˬ kʼoeˇ taˆ cehˇ myah laˇ-awˇ, cehˇ yehˬ yamˬtsaˬ laˇ-euˬ meh.”

Yoˇhaˬ 20:25

Kʼoeˇ miˇ neh, “Nga maꞈ Sahˬpaˬ Yeˬsuˇ-ahˇ ya mawˇ-euˬ ma” lehˇ, zaˬ lahˇ deuˬ aˬ yawꞈ-ahˇ ehˇ nehˬ-euˬ meh. Aˬ yawꞈ maꞈ-ahˇ Toˇmaˆ ehˇ-eu, “Aˬ yawꞈ-euˬ aˬ laꞈ-ahˇ shmˇ sehˬ taꞈ-euˬ maˇ byawꞈ-ahˇ ngaˇ mawˇ duˬ-awˇ, ngaˬ-euˬ laꞈ noeˇ neh maˇ byawꞈ kʼoeˇ-ahˇ toeˬ haw gʼaˬ-awˇ, aˬ yawꞈ-euˬ byaˇ gʼaˇ-ahˇ ngaˬ-euˬ laꞈ zaˬ neh yaw muiˬ paˬ-ehˇ sawˆ duˬ haw gʼaˬ miˇ tsa maˬ ngeuˇ naˇ, ngaˇ maˬ jah.”

Yoˇhaˬ 15:2

Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Maꞈtehˬ 16:17

Yeˬsuˇ ehˇ-eu, “Yawˇnaˆ-euˬ aˬ li Siˇmoˬ-oˇ, nawˇ-aˬ guiˬ lahˬ zawˇ huiˬ-eu tsawˇ haˬ meh. Aˬ jeˬ miˇ neh ehˇ naˇ, gaˇ kawˆ heu tsawˇ haˬ zaˬ neh nawˬ-ahˇ pah mehˬ-euˬ maˬ ngeuˇ-a. Mˬ kʼoeˇ taˆ jawˇ-eu ngaˬ Da neh nawˬ-ahˇ pah mehˬ nehˬ-euˬ meh.

Daˬyeˬlaˇ 12:4

Aˬ yawꞈ ehˇ-eu, “Daˬyeˬlaˇ-oˇ, nymˬ-mˇ poˆ jawˇ-aˬ, sahˬ boꞈ piˬ tehˬ-awˇ, miˇ tsaˬ heu aˇ saˬ saˬ ngeh keuˆ ni jmˬ diˬ-awˇ bi jaˆ-awˬ. Aˇ yamˬ heu tiˬ kʼehˬ laꞈ kʼoeˇ, aˬ joˆ-ehˇ pyeuꞈ laˇ luꞈ-eu gaˇ kawˆ siˬ duˬ mawꞈ-eu tsawˇ haˬ deuˬ, kʼoeˇ paw heu paw coeˬ coeˬ-ehˇ shaˬ tehꞈ-a.”

Daˬyeˬlaˇ 11:33

Zaˬ siˬ tsawˇ gahˇ byah-eu aˬ yuiꞈ aˬ tsu deuˬ-aˬ, aˬ yawꞈ maꞈ-euˬ tsawˇ haˬ gʼawˬ mya ni-ahˇ mehˬ nehˬ tsoˆ nehˬ tehꞈ-a. Ehˇ kʼawꞈ, aˇ yamˬ tiˬ kʼehˬ laꞈ kʼoeˇ aˬ yawꞈ maꞈ tiˬ paˆ na deuˬ guiˇ deuˆ gaˇ bi deuˆ sehꞈ-awˇ, tiˬ paˆ na deuˬ-ahˇ miˬ dzaˬ bi keuˬ sehꞈ tehꞈ-a. Tiˬ paˆ na deuˬ-aˬ, tahˇ joe bi joe-awˇ, bi nyehꞈ tehꞈ-a.

Daˬyeˬlaˇ 11:29

“Aˇ yamˬ tsaˬ laˇ ngeh, Iˇjiˇtuˆ miˇ kʼahˬ-ahˇ aˬ yawꞈ guiˇ tiˬ poˆ paˇ deuˆ-iˇ tehꞈ-a. Ehˇ kʼawꞈ, kʼoeˇ ngeh poˆ guiˇ deuˆ-eu-aˬ, yaw beh poˆ-ahˇ maˬ duˇ ni, yawˬ jeˬ yawˬ-ehˇ pyeuꞈ-iˇ tehꞈ-a.

Daˬyeˬlaˇ 11:27

Kʼoeˇ naˇ, sahˬ paˬ kʼoeˇ nyiˬ gʼaˬ hawˬ jeh tiˬ jeh -ahˇ tehꞈ-ehˇ dzaˬ taꞈ tehꞈ-a. Ehˇ kʼawꞈ, aˬ yawꞈ nyaꞈ nui ma laꞈ gʼoꞈ baw-awˇ, tiˬ gʼaˬ tiˇ gʼaˬ jaˬ myawꞈ myawꞈ tehꞈ-a. Aˇ yamˬ maˬ keuˆ laˇ-euˬ miˇ neh, aˬ yawꞈ nyaꞈ neh noeˬ taˬ-euˬ jeˬ maˬ mˇ pyeuꞈ nya-a.

Daˬyeˬlaˇ 9:27

Uˆ lahˇ-eu tsawˇ haˬ kʼoeˇ gʼaˬ, shiꞈ kʼoꞈ keuˆ ni tsawˇ haˬ gʼawˬ mya gʼaˬ nehˬ-ehˇ dawˬ ma saˇ jaˇ dzaˬ taꞈ-awˇ, aˇ yamˬ tiˬ paˆ paˆ-iˇ ngeh, lawˇ-eu shehˇ-eu jeˬ maˬ bi mˇ ni laˆ tsoeˬ tehꞈ-a. Uˬ duˬ tahˬ nymˇ nymˇ ma-euˬ kʼaˬ boeˬ-ahˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ bi jaˆ-awˇ, kʼoeˇ loꞈ-ehˇ bi jaˆ-euˬ gʼaˬ-ahˇ yaˇ kʼaˬ daˇ-eu gʼaˇ duˬ, Miˬyehˇ neh lehˬ hmˬ taˬ-eu aˇ yamˬ maˬ keuˆ laˇ kʼoeˇ keuˆ ni, kʼoeˇ gaˇ jaˆ tehꞈ-a.”

Daˬyeˬlaˇ 8:19

Aˬ yawꞈ ehˇ-eu, “Miˬyehˇ nui ma pehˇ-eu jeˬ aˬ joˆ-ehˇ gʼeh laˇ nga lehˇ nawˬ-ahˇ ngaˇ mehˬ nehˬ nyaˇ. Nawˬ neh ya siˬ ya mawˇ-euˬ heu-aˬ, aˇ saˬ saˬ-eu aˇ nah aˇ yamˬ-ahˇ taꞈ leˇ-eu meh.

Daˬyeˬlaˇ 8:17

Gaˬbeˬlaˇ oe-awˇ ngaˬ-euˬ dawˬ peh yawꞈ le ngeh, ngaˇ guˆ dui dui-iˇ-awˇ, miˇ tsa coˬ dzeh-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, nawˬ neh yaw sahˇ laꞈ kʼoeˇ ya siˬ ya mawˇ-euˬ dawˬ tsuiꞈ siˬ nya-awˬ. Kʼoeˇ-aˬ, miˇ tsaˬ heu aˇ saˬ saˬ-eu gaˇ kawˆ-ahˇ taꞈ leˇ-eu meh.”

2 Laˬsaˬbaˬ 32:31

Baˬbuˇloˬ sahˬ paˬ neh tsawˇ haˬ pyehˬ gʼeh leꞈ-awˇ, Yuˇdaˆ miˇ kʼahˬ laꞈ kʼoeˇ tiˬ jawˇ-iˬ maˬ pyeuꞈ laˇ haw-euˬ zahˬ leˇ paˬ-ehˇ gʼeh-eu jeˬ pyeuꞈ laˇ taˬ-euˬ gaˇ bi pyehˆ tseˇ haw le ngeh kʼawꞈ, aˬ yawꞈ-euˬ nui noeˬ bi mˇ-awˇ, aˬ yawꞈ-euˬ nui ma-ahˇ Miˬyehˇ lawˬ haw-euˬ meh.

Gʼaˬkʼehˇ 13:13

Pawˇluˆ hawˇ-eu aˬ yawꞈ-euˬ cawˬ deuˬ lawˬ dziˬ-awˇ, Baˬpuˇ meuˬ-ahˇ neh Baˬpuˇliˇ miˇ kʼahˬ Beˬlaˬgeˬ meuˬ-ahˇ iˇ-euˬ meh. Kʼoeˇ gaˇ, Maˬkuˆ lehˇ kʼawꞈ kuˇ-eu Yoˇhaˬ kʼoeˇ gʼaˬ aˬ yawꞈ nyaꞈ-ahˇ gʼawˬ-iˇ-awˇ, Yeˬluˇsaˬlehˬ meuˬ-ahˇ gʼoꞈ leˇ-euˬ meh.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Daˬyeˬlaˇ 12:3

Zaˬ siˬ tsawˇ gahˇ byah-euˬ aˬ yuiꞈ aˬ tsu deuˬ mˬ loꞈ-ehˇ yaw shehꞈ bya-awˇ, tsawˇ haˬ gʼawˬ mya ni-ahˇ yaw tsaˬ yaw dawˇ jeˬ mˇ ni mehˬ nehˬ-euˬ deuˬ-aˬ, mˬ maˬ maˬ byaˆ zaˇ ziˇ aˬ guiˇ loꞈ-ehˇ yaw shehꞈ bya tehꞈ-a.”