Daˬyeˬlaˇ 1:8 - Akha

⁸ Sahˬ paˬ-euˬ hawˇ nymˇ-ahˇ jaˆ-eu dzaˇ hawˇ-eu aˬ gaꞈ dzaˇ uiˇ deuˬ-ahˇ dzaˬ-eu dawˇ-eu laꞈ kʼoeˇ, aˬ yawꞈ-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ jahˇ lehˇ, Daˬyeˬlaˇ noeˬ tsehˆ-euˬ meh. Kʼoeˇ miˇ neh, aˬ yawꞈ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, sahˬ paˬ hawˇ nymˇ-ahˇ dzaˬ-eu dzaˇ deuˬ maˬ dzaˬ ni ya jawˇ-eu gʼaˇ duˬ, Aˬshaˇpeˬnaˆ-ahˇ aˬ yawꞈ shaˇ-euˬ meh.

Daˬyeˬlaˇ 1:8 Referans Kwoze

Jaceuq 141:4

Maˬ muiˬ-eu jeˬ mˇ mawꞈ-eu nui ma taˬ bi ahˇ laꞈ. Haiˬ-eu tsawˇ haˬ deuˬ nehˬ-ehˇ yaw haiˬ jeˬ maˬ ya mˇ ni haw piˇ nehˬ laꞈ. Tsawˇ haˬ kʼoeˇ deuˬ nehˬ-ehˇ maˬ ya dzaˬ maˬ ya dawˇ taꞈ ni dah teˬ nehˬ laꞈ.

1 Gawˇliˬtu 7:37

Ehˇ kʼawꞈ, kʼaˬ dzeˇ zaˬ gʼaˬ aˬ cawˬ neh maˬ kaˬ naˬ nehˬ-euˬ gaˇ, nui ma ziꞈ dah ni noeˬ tsehˆ-eu uˬ taꞈ, yawˬ ha-euˬ nui loˆ-ahˇ yawˬ ha gʼaˬ leˇ-eu laꞈ kʼoeˇ, zaˬ miˬ zaˬ kʼoeˇ gʼaˬ-ahˇ maˬ sheuˬ ma lehˇ ngeuˇ naˇ, aˬ yawꞈ jahˇ-eu kʼoeˇ tsaˬ meh.

Jaceuq 119:115

Yaw haiˬ jeˬ mˇ-eu tsawˇ haˬ deuˬ-oˇ, ngaˬ-euˬ dawˬ peh taˬ jawˇ. Ngaˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ ma.

Jaceuq 119:106

Nawˇ mehˬ-eu tsoˆ-eu yaw tsaˬ yaw dawˇ jeˬ-ahˇ naˇ haˬ geuꞈ-eu gʼaˇ duˬ, ngaˇ saˇ jaˇ ziꞈ dah ni dzaˬ-eu ma.

Daˬyeˬlaˇ 1:5

Sahˬ paˬ-euˬ hawˇ nymˇ laꞈ kʼoeˇ jawˇ-eu tsawˇ haˬ deuˬ dzaˬ-eu dzaˇ hawˇ-eu aˬ gaꞈ dzaˇ uiˇ deuˬ, aˬ yawꞈ nah yawꞈ aˬ yawꞈ maꞈ-ahˇ ya bi dzaˬ ya bi dawˇ meh lehˇ, sahˬ paˬ neh dawˬ biꞈ-euˬ meh. Smˇ kʼoꞈ smˬ myaˇ kʼoeˇ loꞈ-ehˇ dzaw gʼaˬ sawˇ gʼaˬ ngeh jawˇ, sahˬ paˬ-euˬ mehˬ shi aˬ yawꞈ maꞈ ya le-eu meh.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

2 Gawˇliˬtu 9:7

Kʼoeˇ miˇ neh, aˬ yawꞈ gʼaˬ yawꞈ yawˬ ha neh kʼaˇ noeˬ tsehˆ taˬ-euˬ loꞈ-ehˇ damˬ-awˬ. Nui ma maˬ keuˆ ni damˬ-eu maˬ ehˇ, aˬ cawˬ ehˇ-eu miˇ neh damˬ-eu maˬ ehˇ, taˬ bi pyeuꞈ. Aˬ jeˬ miˇ neh ehˇ naˇ, laˬ kʼaˬ tiˬ cehˇ damˬ-eu tsawˇ haˬ-ahˇ Miˬyehˇ gaˬ-eu meh.

Dawˬmehˬ 32:38

‘Muiˬ-eu lawˇ dzaˇ tsiˇ byuˬ lawˇ-awˇ, aˬ gaꞈ dzaˇ uiˇ lawˇ nehˬ-euˬ-aˬ, nymˬ-mˇ cehˆ coeˬ bi coeˬ leꞈ-awˇ, naw maꞈ-ahˇ bi ka kʼoꞈ-awˬ tawˇ.

Jaceuq 106:28

Miˬyehˇ-euˬ tsawˇ haˬ deuˬ Peˬoˇ meuˬ-ahˇ, Baˬlaˇ miˬ yehˇ-ahˇ uˬ duˬ tahˬ-awˇ, yaw dehꞈ maˬ dehꞈ-eu miˬ yehˇ-ahˇ lawˇ-euˬ dzaˇ, aˬ yawꞈ maꞈ dzaˬ-euˬ meh.

1 Sahˬpaˬ 5:5

‘Nawˬ-euˬ jawˇ duˬ-ahˇ ngaˇ sahˬ paˬ bi geuꞈ-eu lehˇ gʼeh-eu nawˬ li-aˬ, ngaˬ-euˬ gʼaˇ duˬ Uˬ duˬ tahˬ nymˇ nymˇ ma tsoˆ tehꞈ-a’ lehˇ, ngaˬ da Daˬbiˇ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Kʼoeˇ miˇ neh, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma tsoˆ ma lehˇ ngaˇ noeˬ tsehˆ taˬ-euˬ ma.

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Dawqdaq 23:3

Aˬ yawꞈ neh shaˇ dahˇ taˬ-euˬ dzaˇ muiˬ deuˬ-ahˇ nui kʼahˇ taˬ jaˆ. Aˬ yawꞈ nawˬ-ahˇ tsawˇ gahˇ gahˇ-eu maˬ siˬ. -7-

Daˬyeˬlaˇ 5:4

Aˬ yawꞈ maꞈ aˬ gaꞈ dzaˇ uiˇ dawˇ dawˇ-ehˇ, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh.