Dawˬ tsoˆ 9:11 - Akha

¹¹ Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Dawˬ tsoˆ 9:11 Referans Kwoze

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Dawˬ tsoˆ 3:17

Kʼaˇ pyeuꞈ laˇ-eu yawˬ jeˬ na luꞈ, aˬ yawꞈ neh toꞈ taˬ-euˬ yamˬ law-ahˇ pyeuꞈ laˇ-eu miˇ neh, tsawˇ muiˬ tsawˇ doeˇ maˬ tseˇ paˆ ni, tiˬ kawˆ loꞈ-ehˇ Miˬyehˇ yaˇ kʼaˬ daˇ-eu nga lehˇ, ngaˇ yawˬ haˇ yawˬ ha ehˇ-euˬ ma.

Dawˬ tsoˆ 3:14

Miˬyehˇ neh kʼaˇ mˇ kʼaˇ shaˇ-euˬ jeˬ mˬ maˬ maˬ byaˆ zaˇ ziˇ gmˬ meh lehˇ ngaˇ siˬ nya ma. Aˬ yawꞈ neh mˇ taˬ-euˬ jeˬ-ahˇ, tiˬ jeˬ-iˬ maˬ dawˆ lahˬ nya-eu uˬ taꞈ, tiˬ jeˬ-iˬ maˬ yuˇ teˬ nya-a. Tsawˇ haˬ zaˬ aˬ yawꞈ-ahˇ guˆ ni, Miˬyehˇ neh kʼoeˇ loꞈ-ehˇ jahˇ-euˬ meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

2 Laˬsaˬbaˬ 20:15

Yaˬhaˬzeˬlaˇ ehˇ-eu, “Sahˬ paˬ Yeˬhawˇshaˬpaˇ hawˇ-eu, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ deuˬ-oˇ, myaˬ dui dui-eu guiˇ maꞈ heu maꞈ-ahˇ naw maꞈ guˆ-awˇ gʼaˬ taˬ baˬ. Guiˇ deuˆ-eu heu Miˬyehˇ-euˬ aˬ laꞈ laꞈ kʼoeˇ jaˆ-eu meh.

Dawˬmehˬ 8:18

Smˇ muiˬ bi muiˬ laˇ-euˬ baoˬ biꞈ nehˬ-euˬ gʼaˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ meh lehˇ tiˬ jawˇ-iˬ maˬ ngehˇ ni noeˬ keuˆ-awˬ. Naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ, iˬ nah keuˆ ni aˬ yawꞈ ziꞈ luꞈ-eu miˇ neh, kʼoeˇ loꞈ-ehˇ mˇ-eu meh.

Dawˬ tsoˆ 4:4

Tsawˇ haˬ zaˬ dehꞈ dzaˬ laˇ ni gaˇ mˇ-eu leh jeh-eu-aˬ, yawˬ ha dawˬ peh dehꞈ-eu deuˬ-ahˇ myaˆ naˆ-eu miˇ neh meh lehˇ ngaˇ haw siˬ-euˬ ma. Ehˇ kʼawꞈ, kʼoeˇ loꞈ-ehˇ mˇ-eu tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Yeˬlaˬmiˇ 46:6

Yaw kawˇ deuˬ maˬ cehˆ dzeuˇ nya-ehˇ, yehˇ deuˬ maˬ buˬ-iˇ-a. Kʼoeˇ taˆ paw Uˇpaˬlaˇ lawˇ baˬ lawˇ dzeˇ, sahˬ tiꞈ tiꞈ-awˇ coˬ-iˇ-eu meh.

Dawˬ tsoˆ 7:13

Miˬyehˇ neh mˇ-euˬ shaˇ noeˬ sheˇ. Aˬ yawꞈ neh beh ngoꞈ taˬ-euˬ jeˬ, ngawˬ dawˇ nya-eu aˬ suˇ jawˇ ta.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Dawˬ tsoˆ 2:12

Uˬ duˬ duˬ laˇ ngeh-aˬ, sahˬ paˬ aˬ geu gʼaˬ ma kaˬ, huˬ ziˇ-euˬ sahˬpaˬ deuˬ neh mˇ dzeuˇ yaꞈ-euˬ jeˬ mˇ nya-eu tehꞈ meh. Kʼoeˇ miˇ neh, zaˬ siˬ tsawˇ gahˇ ahˇ-eu jeˬ hawˇ-eu aˬ dzawˬ aˇ gah gah-eu jeˬ-euˬ gaˇ kawˆ-ahˇ ngaˇ shaˇ sawˇ duˬ haw-euˬ ma.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

2 Saˬmeuˬlaˆ 17:14

Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Aˬhiˇtawˇpeˬlaˆ-euˬ nui noeˬ naˆ maˬ tseˇ, Huˇshaiˇ-euˬ nui noeˬ muiˬ dzehˬ meh lehˇ ehˇ-eu meh. Aˬhiˇtawˇpeˬlaˆ neh biꞈ-euˬ muiˬ-eu nui noeˬ nui duˇ-ahˇ aˬ yawꞈ maꞈ maˬ caw teh-ehˇ, Aˬbaˇsaˬloˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu gʼaˇ duˬ, Sahˬpaˬ Miˬyehˇ neh kʼoeˇ loꞈ-ehˇ jahˇ nehˬ-euˬ meh.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

1 Saˬmeuˬlaˆ 17:50

Kʼoeˇ loꞈ-ehˇ, mi cehˇ maˬ zmˬ ni, caˬ oeˬ hawˇ-eu kʼaˬ lo lo zaˬ neh tehꞈ-ehˇ, Gawˇliˇyaˆ-ahˇ Daˬbiˇ sehꞈ-euˬ meh.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

1 Saˬmeuˬlaˆ 6:9

Laˆ lawˬ kʼoeˇ laˇ aˬ geu paw iˇ nga lehˇ haw taˬ-awˬ. Behˬsheˬmehˇ meuˬ paw iˇ naˇ, aˬ dui kʼoeˇ taˆ sahˬ zahˬ naˇ gawˇ bi keuˆ le-euˬ gʼaˬ-aˬ, Iˇsaˬleˬlaˆ tsawˇ jeuˬ-euˬ Miˬyehˇ meh. Ehˇ kʼawꞈ, yawˬ paw yawˬ iˇ naˇ, aˬ dui ya daˬ luꞈ-eu naˇ gawˇ heu aˬ yawꞈ neh bi keuˆ le-euˬ maˬ ngeuˇ-ehˇ, aˬ yawˇ yawꞈ seu doˆ laˇ-euˬ naˇ gawˇ meh.”

Jaceuq 76:5

Kʼaˬ dui dui-eu aˬ yawꞈ maꞈ-euˬ yehˇ deuˬ, myawˬ dawˬ tawˆ luꞈ smˬ-iˇ jiˇ-awˇ, tiˬ jawˇ-iˬ maˬ paˇ dehꞈ laˇ nya ni yuꞈ kʼaˆ byoˆ jiˇ-euˬ meh. Aˬ yawꞈ maꞈ-euˬ gʼaˬ hawˇ-eu guiˇ deuˆ-eu tsawˇ gahˇ tiˬ jeˬ-iˬ gaˇ dahˇ maˬ tsoeˬ-a.

Dawqdaq 1:5

Dawˬ daˬ heu deuˬ-aˬ, nui gahˇ ahˇ-eu deuˬ-ahˇ bi gahˇ dzehˬ laˇ-awˇ, zaˬ siˬ tsawˇ gahˇ byah-eu tsawˇ haˬ deuˬ-ahˇ bi byah dzehˬ laˇ-eu miˇ neh,

Dawˬ tsoˆ 9:2

Dawˬ tawˆ luꞈ aˬ yawꞈ tiˬ gaˇ shiˇ leˇ-eu tehꞈ meh. Tsawˇ muiˬ tsawˇ doeˇ maˬ ehˇ, yaw sui yaw dawˇ hawˇ-eu yaw haiˬ maˬ ehˇ, yaw muiˬ yaw shawˇ hawˇ-eu maˬ muiˬ maˬ shawˇ-eu tsawˇ haˬ maˬ ehˇ, Miˬyehˇ-ahˇ lawˇ-eu shehˇ-eu tsawˇ haˬ hawˇ-eu maˬ lawˇ maˬ shehˇ-eu tsawˇ haˬ maˬ ehˇ, dawˬ tawˆ luꞈ aˇ saˬ saˬ leˇ duˬ tiˬ tsahˇ tehꞈ meh. Tsawˇ muiˬ kʼawꞈ iˬ baˇ zaˬ taꞈ-ehˇ maˬ dzehˬ-a. Miˬyehˇ-ahˇ saˇ jaˇ dzaˬ-eu tsawˇ haˬ hawˇ-eu saˇ jaˇ maˬ dzaˬ-eu tsawˇ haˬ beu gaˇ duˬ maˬ jaˆ-a.

Zaˬkaˬliˇ 4:6

Kʼoeˇ naˇ, aˬ yawꞈ ehˇ-eu, “Heu-aˬ, Zeˬluˇbaˬbeˬlaˇ-ahˇ Sahˬpaˬ Miˬyehˇ neh ehˇ nehˬ-eu dawˬ pyeuꞈ-awˇ, ‘Baoˬ hawˇ-eu gʼaˬ neh gʼaˬ leˇ nya-eu maˬ ngeuˇ-a. Ngaˬ-euˬ yaw sahˇ baˬ da neh tehꞈ-ehˇ gʼaˬ leˇ nya-eu meh’ lehˇ ehˇ-eu meh.

Dawˬ tsoˆ 9:3

Tsawˇ muiˬ tsawˇ doeˇ maˬ baw ni, tsawˇ haˬ dawˬ tawˆ luꞈ aˬ yawꞈ tiˬ tsahˇ-ahˇ tehꞈ-ehˇ uˬ duˬ ya duˬ leˇ-eu meh. Nahˇ ma heu siˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ, kʼoeˇ naˆ ni doeˇ-eu meh. Tsawˇ haˬ zaˬ yaw dehꞈ kʼaˇ dehꞈ kʼoeˇ keuˆ ni, nui ma laꞈ kʼoeˇ yaw haiˬ jeˬ hawˇ-eu aˬ dzawˬ aˇ gah gah-eu jeˬ tehꞈ-ehˇ byah luꞈ-awˇ, ja pyuˬ ni ya shiˇ jiˇ-eu meh.

Yeˬlaˬmiˇ 48:14

“Mawˇbaˆ tsawˇ haˬ deuˬ-oˇ, naw maꞈ guiˇ deuˆ-eu kʼaˬ dui kʼaˆ dui dui ma lehˇ, aˬ jeˬ miˇ neh ehˇ te.